زواج من فلسطيني و لكن ...........

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • زواج من فلسطيني و لكن ...........

    السلام عليكم و رحمة الله و بركاته

    اولا انا بغيت نشكركم كلكم بصراحه
    المنتدى رائع و عجبنى بزاف
    خصوصا قسم الاستشارات القانونيه
    لقيت فيه بزاف ديال المعلومات المهمه

    ولكن انا عندى مشكله معقده شويه و مختلفه على هاد الشي اللي قريت هنا
    ياريت ياريت تلقاو معايا حل ليها

    المهم
    انا مرتبطه بواحد السيد هادى تقريبا 3 سنين هو فلسطيني عايش بمدينة رام الله و هو دابه باغي يجي باش نتزوجو و لكن المشكله انه مزوج بغيت نعرف واش ضروري من موافقة مراتو و لا لا
    وايلا كانت الموافقه ضروريه واش ماكاينه حتى شي طريقه باش نتزوجو من غيرها
    يعنى ايلا كان معانا شي محامى و تدخل واش ممكن نتزوجو بلا موافقه

    انا مشيت لبارح للسفاره ديال فلسطين حيت انا ساكنه حداها و سولت واحد الموظف تما على الوراق و لكن نسيت ماسولتو على الموافقه

    وعندى مشكله خرا هى ان الموظف قال ليا خاص خطيبي يجيب معاه واحد الورقه سميتها لم الشمل و لكن هو مايمكنش ليه يجيبها حيت البطاقه الوطنيه ديالو مافيهاش بانه من رام الله
    فيها ان اصلو من غزة و بالتالى ماعندوش الحق يجيب معاه شي حد لرام الله
    انا ماعرفتش كيفاش نفهمكم و الله
    بصراحه انا عييت و اله ماكانعس هاد الايام
    شحال هادى و احنا كانتسناو الله يسهل علينا و نتزوجو و دابه لقينا بزاف ديال العقبات

    حاجه خرا بغيت نعرفها
    واش ايلا سيفطت ليه توكيل ممكن يكتب هو العقد تما و يسيفطو ليا و لا لا

    ولكن انا ماعنديش بابا حيت توفى الله يرحمو
    واش هادا مشكل و لا ماشي مهم خصوصا اننى ماشي قاصر

    يارييييييت تلقاو معايا شي حل ا خواتاتى رانى عييت بالتخمام و الله

    اختكم نوال

  • #2
    بسم الله الرحمن الرحيم

    السلام عليك ورحمة الله وبركاته

    أهلا وسهلا بك أختي الفاضلة في منتدانا الغالي
    والحمد لله أن المنتدى راقك وأتمنى أن تصبحي في القريب العاجل أختا لنا في الله
    أختي ،أنا لست قانونية ولن أفيدك في جانب سؤالك ،لكني رأيت أن مشكلتك هي مشكلة اجتماعية قبل ما تكون قانونية
    و أتمنى أن تقبلي كلام أخت محبة
    لن أطيل عليك بالكلام الذي قد لا يروقك ،فلا أريد أن أزعجك من المنتدى وأنت في مشاركتك الاولى

    لهذا أدعوك لهذا القسم إن أحسست بالرغبة في الاستماع إلي وإلى أراء حبيباتنا في القسم الاجتماعي
    http://www.anaqamaghribia.com/vb/for...aysprune=&f=37
    واكتبي موضوع جديد لنتناقش فيه عن مشكلتك








    تعليق


    • #3
      السلام عليكم ورحمة الله وبركاته
      سمحيلي اختي الا دخلت القصة ديالك فيها مجموعة النقط اللي تخليني نقول ان هدا الزواج ماشي منصالحك
      رجل غير مستقر والكل يعرف الاوضاع في فلسطين يعني ماشي ساهل يجيب الاوراق المطلوبة للزواج في المغرب
      رجل متروج لازم تفكري بها مزيان
      بغيتي تتزوجي بتوكيل علاش مايجيش لعندك ويتزوج بيك على حساب قانون المغربي انا عارفة انهم تيحمقو بالاوراق ولكن الى باغيك هيصبر
      والمهم هو ديري صلاة الاستخارة مرات متعددة وحتى هو ديرها باش تعرفي وش فيه خير
      ربي يسهل عليك ويعطيك ماتمنيتي
      وتقبلي مروري

      تعليق


      • #4
        [align=center][tabletext="width:100%;background-color:silver;border:10px double chocolate;"][cell="filter:;"][align=center]
        السلام عليك اختي كان الله في عونك امر واحد انصحك به صلاة الاستخارة فالله عز و جل هو الاحق باللجوء اليه في وقت الشدة
        [/align]
        [/cell][/tabletext][/align]

        اللهم احفظ لي ابنائي وربهم لي من عندك واصلحهم واصلح بهم يارب العالمين وذا الجلال والاكرام


        للتأكد من صحة الحديث المرجو الضغط على هذا الرابط
        http://www.dorar.net/enc/hadith

        تعليق


        • #5
          شكرا لاخوات اللي جاوبونى
          بغيت نقول ليكم اننى صليت صلاة الاستخاره و الحمدلله مرتاحه للموضوع

          وبغيت نقول للاخت اللي قالت انه ماشي مستقر
          بالعكس هو مستقر و عايش عادى يعنى بحالو بحال كاع الناس
          ماشي هو اول و لااخر واحد غادى يتزوج على مراتو

          انا كنطلب من المشرفه على القسم و من الاخوات اللي عندهم تجربة الزواج المختلط ينصحونى شنو ممكن نعمل من الناحيه القانونيه
          يعنى بالنسبه للموافقه ديال مراتو

          وباش ينصحونى بالنسبه للتوكيل

          شكرااا

          تعليق

          المتواجدون الآن 1. الأعضاء 0 والزوار 1.

          أكبر تواجد بالمنتدى كان 2,525, 26-09-2016 الساعة 21:58.

          شاركي الموضوع

          تقليص

          يعمل...
          X