إعـــــــلان

تقليص
لا يوجد إعلان حتى الآن.

من فضلكم مناش كيتكون ملف الفيزا من السفارة المغربية في مصر

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • من فضلكم مناش كيتكون ملف الفيزا من السفارة المغربية في مصر

    السلام عليكم

    اللي بغا الفيزا باش يدخل المغرب و هو مصري شنو الوريقات اللي خاص يوجد عفااااكم

    خصوصا اللي رجالاتهم مصريين يساعدوني

    ربي يخليكم
    [



  • #2
    عليكم السلام و رحمة الله و بركاته

    اختي الاوراق هي نفسها على جميع الاجانب اللي تينتاميو
    للبلدان التي يخضع مواطنوها لإجراءات التأشيرة و مصر من ضمنهم

    وهي كالثالي :

    1- مطبوع طلب الدخول إلى المغرب في ثلاث نظائر
    2- ثلاث صور للتعريف بالألوان (4x3 سنتم) حديثة تظهر بوضوح ملامح الوجه.
    3- نسخة من جواز السفر (الصفحات المتعلقة بالهوية والصلاحية).
    4- بطاقة التعريف أو بطاقة الإقامة.
    5- جواز السفر. ( ياخذه معاه من يمشي يدفع )

    6- تذكرة السفر ذهابا وإيابا. ( يكون قطع التذكرة دياله وهادي اهم حاجة تيغفلو عليها كثير ديال الناس تيخاف الفيزة ما تخرجش له توتضيع فلوسه تيقول حتى يعطوني الفيزة عاد نقطع والعكس خاص ياكد لهم انه ناوي السفر وانه مستعد له وعنده الامكانيات والا امكن يتكلم مع الشركة السياحية انه في حالة ما خرجاتش له الفيزة يرجعو له الفلوس وهكذا يضمن الاثنين )

    7- حجز الفندق أو وثيقة تثبت الاستضافة و الإيواء. ( هنا دور الاستضافة بحيث تتقوم مقام الحجز بالفندق )

    8- وثيقة تثبت وسائل العيش. ( يعني شهادة العمل او شهادة الراتب او نسخة من السجل تجاري الا عنده شي شركة او مقاولة او مشروع تجاري )

    9- أداء الرسوم القنصلية. ( خاصه يمشي للسفارة بنفسه ما يرسلش لهم عن طريق البريد كيما تيديرو كثير من الناس وهذا خطا لان السفارة تتبغي تضمن الرسوم ديالها عاد تنظر فالملف ويلا ما اداش الرسوم ممكن الملف يتركن على جنب وهذا سبب من اسباب تعطال الفيزة او ممكن رفضها )

    بالنسبة للبلدان التي لا توجد بها تمثيلية مغربية، يمكن توجيه الطلبات إلى البعثة الدبلوماسية المعتمدة بهذا البلد والتي تمثل مصالح المغرب أو إلى القناصل الفخريين، وفي حالة عدم وجودها يمكن توجيه الطلب مباشرة إلى وزارة الشؤون الخارجية والتعاون (مديرية الشؤون القنصلية والاجتماعية بالرباط) من أجل منح تأشيرة بالحدود، بالعنوان الإليكتروني الآتي ([email protected])


    هاد الشي لي نقدر نفيدك بيه واي استفسار تفضلي وان شاء الله الا عندي فكرة نجاوبك











    تعليق


    • #3
      بارك الله فيك اختي

      من فضلك هذا المطبوع منين نحصلو عليه ؟
      1- مطبوع طلب الدخول إلى المغرب في ثلاث نظائر

      راني دخلت لموقع وزارة الخارجية المغربية كاتبين تحميل استمارة التأشيرة + طلب الحصول على تاشيرة

      واش الاستمارة هي هاد المطبوع ؟؟؟

      [


      تعليق


      • #4
        الله يوفقك الزين ويسهل عليك ما صعاب <<<عنداك ماتعرضي علينا فالعرس هههههههههههههه

        تعليق


        • #5
          السلام عليكم و رحمة الله

          المطبوع موجود فهاذ الرابط

          http://www.maec.gov.ma/fr/consulaires/VISA.PDF

          ولكن المطابع الي تيوفرهم الموقع راهم مكتوبين بالفرنسية ممكن خطيبك ما يفهمش وما يعرفش يعبأ الخانات الا كان ما تيعرفش الفرنسية

          من الاحسن يجمع الاوراق دياله كلها ويخلي المطبوع اخر حاجة

          ختى يمشي للسفارة ويقولهم بغيت مطبوع طلب التاشيرة وتماك ممكن يعطوه له بالعربية ويعمره ديك الساعات و يدفعه مع الضوصي دياله

          والاستمارة راه هو الاسم الصحيح ديال المطبوع هوما نفس الشيء


          بالتوفيق









          تعليق


          • #6
            المشاركة الأصلية بواسطة zemoureda مشاهدة المشاركة
            الله يوفقك الزين ويسهل عليك ما صعاب <<<عنداك ماتعرضي علينا فالعرس هههههههههههههه
            و غير دعي معايا تصدق هاد الاجراءات تيبان لي بحال شي حلم

            الله ييسر الامور
            [


            تعليق


            • #7
              المشاركة الأصلية بواسطة ارجوانة مشاهدة المشاركة
              السلام عليكم و رحمة الله

              المطبوع موجود فهاذ الرابط

              http://www.maec.gov.ma/fr/consulaires/VISA.PDF

              ولكن المطابع الي تيوفرهم الموقع راهم مكتوبين بالفرنسية ممكن خطيبك ما يفهمش وما يعرفش يعبأ الخانات الا كان ما تيعرفش الفرنسية

              من الاحسن يجمع الاوراق دياله كلها ويخلي المطبوع اخر حاجة

              ختى يمشي للسفارة ويقولهم بغيت مطبوع طلب التاشيرة وتماك ممكن يعطوه له بالعربية ويعمره ديك الساعات و يدفعه مع الضوصي دياله

              والاستمارة راه هو الاسم الصحيح ديال المطبوع هوما نفس الشيء


              بالتوفيق
              اه هذي هي الاستمارة اللي لقيت فعلا

              و شنو يكتب بالسلامة في الطلب؟؟؟

              اللي شاغلني ان كلشي مرتبط ببعضو خاص ياخذ كونجي من الخدمة و يحجز في هاد الفترة الطائرة عاد يدفع للفيزا

              واا على تشعكيكة

              الله يصوب ما صعاب
              [


              تعليق


              • #8
                المشاركة الأصلية بواسطة whiteheart مشاهدة المشاركة
                اه هذي هي الاستمارة اللي لقيت فعلا

                و شنو يكتب بالسلامة في الطلب؟؟؟

                اللي شاغلني ان كلشي مرتبط ببعضو خاص ياخذ كونجي من الخدمة و يحجز في هاد الفترة الطائرة عاد يدفع للفيزا

                واا على تشعكيكة

                الله يصوب ما صعاب
                السلام عليكم و الرحمة

                اختي راه الطلب هو نفسه الاستمارة يعني غير يملأ الخانات بالمعلومات المطلوبة ويوضعها مع الاوراق الاخرى اللي كتبت لك الفوق

                ونصيحة مني قولي له ياجل الاجازة دياله لحتى تخرج له الفيزة

                حيت الفيزة تيعطيو فيها مهلة ثلاث اشهر يسافر فيها باي وقت اما الاجازة ممكن تنتهي باقي ما خرجات له الفيزة

                فحتى يضمن التاشيرة عاد يقدم طلب الاجازة والتاشيرة راه تتبقى صالحة مدة ثلاث اشهر فحالة ما سافرش فخلالها ما يمكنلوش عاد يسافر يرجع يعاودها من جديد









                تعليق


                • #9
                  المشاركة الأصلية بواسطة ارجوانة مشاهدة المشاركة
                  السلام عليكم و الرحمة

                  اختي راه الطلب هو نفسه الاستمارة يعني غير يملأ الخانات بالمعلومات المطلوبة ويوضعها مع الاوراق الاخرى اللي كتبت لك الفوق

                  ونصيحة مني قولي له ياجل الاجازة دياله لحتى تخرج له الفيزة

                  حيت الفيزة تيعطيو فيها مهلة ثلاث اشهر يسافر فيها باي وقت اما الاجازة ممكن تنتهي باقي ما خرجات له الفيزة

                  فحتى يضمن التاشيرة عاد يقدم طلب الاجازة والتاشيرة راه تتبقى صالحة مدة ثلاث اشهر فحالة ما سافرش فخلالها ما يمكنلوش عاد يسافر يرجع يعاودها من جديد
                  بارك الله فيك اختي
                  تيبان لي بالنسبة لمصر ماطلبينش حساب بنكي يعني ماشي شرط يكون عندو رصيد كبير

                  و حاجة اخرة كيفاش يتم حجز فندق من هناك؟؟

                  الله يجازيك بخير دعي معايا بزاااااااااااااف
                  [


                  تعليق


                  • #10
                    الله يبارك فيك احبيبة هانية

                    اختي يبحث فالانترنت كاينين مواقع خاصة بالحجز بالفنادق

                    وتيكونو عاملين ارقام تلفونات و طريقة الدفع










                    تعليق


                    • #11
                      يا ربي ييسر الامور و دعيو معايا بزااااااااااف و اللي عندها باش تخفف علي راني خااااااااااااااايفة

                      خطيبي مشى السفارة و اخذ الوثائق اللي خاص يوجد راه طوووووووووووون منهم كشف الحساب لثلاث اشهر و هو متدين ماكيتعاملش مع الابناك معرفتش شنو الحل

                      عاد طلب للجيش حيت كان دوز التجنيد و كان رتبة ضابط خاصو اذن الموافقة

                      بالاضافة للوريقات اللي من الخدمة

                      شفتو الحظ وااااااااااااااااااااااااااااااااااااااااااع
                      [


                      تعليق


                      • #12
                        الله يسهل عليك اختي ويوفقك و يسر امورك وان شاء الله ما يكون غير الخير









                        تعليق


                        • #13
                          المشاركة الأصلية بواسطة ارجوانة مشاهدة المشاركة
                          الله يسهل عليك اختي ويوفقك و يسر امورك وان شاء الله ما يكون غير الخير
                          ربي يخليك اختي ارجوانة

                          راني خايفة من بعد الطلوع و الهبوط لتكوين ملف طلب الفيزا يتم رفضها هو دابا و تعصب من الاجراءات المتشددة فسبلاك الى ترفض
                          [


                          تعليق


                          • #14
                            غير دعي الله فكل صلاة و عملي استخارة وتوكلي على المولى تعالى راه كل شي يمشي مزيان باذن الله









                            تعليق


                            • #15
                              الله يسهل الامووووووووور


                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X