استشارة من فظلكم

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • استشارة من فظلكم

    السلام عليكم و رحمة الله


    من فظلكم ساعدوني

    الوالد ديالي ترك ليا سيارة و في اسم الوالدة يعني هو لي خلصها بلحق دارها فس اسم الوالدة ديالي, فواحد اختي جات وهزاتها ليا من جنب عملي بدون ادني و هربات بيها دبا غابرة خمسة أيام على البيت و الوالد و الوالدة مقلقين على السيارة في نظركم شنو يمكن نديرو ليها من الناحية القانونية باش ترجع السيارة و هل عندنا الحق ندعيوها ؟ وشكرا حيت فعلا خرجات لينا العقل بفعايلها لي ماكاتساليش و انا خايفة على الوالد و الوالدة يسكت ليهم القلب بكترة ما معصباهم
    و شكرا جزيلا

  • #2
    من الناحية القانونية ماعنديش الصراحة خبرة ولكن سولي ارجوانة راها دارسة القانون تقدر تفيدك

    بالنسبة للامر كو ماكانتش اختك كون قلتلك سيري ديري محضر فالشرطة بسرقة السيارة ديالكم وهما غادي يتولاو القضية

    وبما انها اختك قلبي على الاماكن اللي ممكن تكون فيها واتصلي باللي كتعرفوه تقدر تمشي عندوا والله يدير للي فيه الخير ويهدي اختك عليكم امين

    تعليق


    • #3
      السلام عليكم و الرحمة

      اختي سوسن من الناحية القانونية الوالدة ديالك هي لي عندها الحق فدعوى استرجاع حق الملكية بما ان عقد الملكية في اسمها

      والمسالة عندكم معقدة لان كيما تيقولو جات حمومة فالقدرة يعني اختك ما شي شي حد اخر لي تقدري توصلي معاه المحاكم

      اتصلوا بيها وتكلموا معاها بالتي هي احسن وان ما استاجبتش هددوها بالتبليغ عند الشرطة و ان الشرطة هي لي غادي تفاهم معاها الا ما رجعاتهاش بالتي هي احسن

      لعل و عسى الله تعالى يهديها وترجع لصوابها

      عندي تساؤل : انتي السيارة كانت في حوزتك يعني المفاتيح ديالها معاك كيفاش خداتها من قدام الخدمة ديالك والمفتاح منين جابته ؟









      تعليق


      • #4
        شكرا حبيبة على الجواب ديالك بغيت نظيف انه ما كتبت حتى فعلا عصباتنا ولي هضر معاها على شي حاجة من حقو تتجبد عليه الموس خاصها تاخدها و صافي بالنسبة الوالد ديالي اعطاني الضوء الأخضر باش نتصرف على الله تربا حيت هادشي لي تدير راه تيقصر لواحد في العمر والله حتى عندنا مجرم في الدار و زيدك هي والوالدة ديالي خرجوه من الغرفة ديالو و دخلوه لواحد الغرفة مضيقة بزاف مع العلم ان بابا انسان مسالم و متيجبد حد ولي بغيناها تيديرها لينا

        تعليق


        • #5
          ربي يفرج همكم و يهدي ما خلق .. ويارب ترجع لصوابها و تعرف بحق الوالدين و حق الاهل

          ربي يدير لكم تاويل دالخير









          تعليق


          • #6
            بالنسبة للمفاتيح عندها الدوبل حيت كانت حتى هي تاتصوقها مرة مرة بلحق مابقاوش تيبغيوها تسوقها و حتى الطموبيل ما كناش تنبيتوها في الكراج خبيناها عليها ساعة دارت لي في عقلها و اخداتها من جنب عملي بلا ما عقت و بغيت نعرف واش حتى انا عندي الحق نبلغ بيها ولا غير الوالدة شكرا شكرا شكرا و حتى الا بلغنى عليها واش غادي تاخد شي عقاب أو غادي يقولو لينا ماكاينة سرقة بين الأقرباء

            شكرا

            تعليق


            • #7
              الله يهديها راه إلا مامستقلاش ماديا تغبر تا تعيا وترجع وكنظن كاين شي حد في العائلة يأثر فيها وتسمع ليه ...وخصوصا الوالدة ....واصاحبتي علاش الواليد عطاك انتي السيارة وماعطاهاش لأختك ....هنا بدا الخلل ...قسمو ليام بيناتكم ..وراه الوجه المشروك عمرو مايتغسل كيف كيقول المثل ...الله يسهل ونسمعو خير

              تعليق


              • #8
                شكرا yamna 40 على المشاركة ديالك و الاهتمام بموضوعي

                تعليق


                • #9
                  اختي سوسن

                  الوالدة ديالك هيا لي عندها الحق تبلغ بالسرقة حيت هي المالكة

                  الا مشيتي انتي غادي يسولوك واش ديالتك السيارة من تقولي لا غادي يقولو تجي مولاتها هيا لي تبلغ

                  غايقولو ممكن مولاتها ما عندها مشكل الا خداتها البنت وانتي جاية تبلغي

                  لهذا انتي ما تبلغيش فقط ممكن تدخلي في الموضوع من ناحية وحدة وهي بعد ما تقدم الوالدة التبليغ

                  انتي تمشي معاها باش تسجلي الاقوال ديالك على اساس انها خداتها لك من امام الخدمة

                  و بالنسبة للعقاب القانون ما فيهش هذا خوك ولا هذا باك

                  هوما تيعتارفو بالملكية لمن ومادام صاحب الملكية قدم تبليغ ضد قريبه على سرقة

                  تيطبق القانون عليه بحاله بحال اي شخص والا غادي تولي السيبة بين الاقرباء شي يسرق لشي بحجة انه قريبه

                  حيت الانسان لا كان خايب ما تيبقاش يعزل بين هادا قريب وهذا غريب

                  ولكن الاهم في هاد الشي كله هو انه خاصكم تثبتوا بانها سرقاتها

                  حيت ممكن هي تنكر وتقول انا خديتها وناوية نرجعها ماشي سرقتها

                  الله يصاوب









                  تعليق


                  • #10
                    شكرا اختي ارجوانة على الجواب ديالك و الاهتمام بموضوعي و ملي هضرت ليك على واش ماكتكونش السرقة بين الأقارب حيت واحد صاحبتي كانو غاديين اسافرو لأمريكا هي و راجلها و ملي خرجات ليها الفيزا وجمعو الحوايج باش يسافرو راجلها سرق ليها الباسبور و وتائق الهجرة و هرب لمريكا و ملي دعاتو, جاء من امريكا لكن أنكر و البوليس قالوليها ماكاينا سرقة بين الأزواج و مشات على عينيها ضبابة ,دكشي باش قلت راه امكن البوليس تيسمحو تكون السرقة بين الأقارب
                    شكرا شكرا شكرا
                    تقبلي سلامي حبيبة

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X