إعـــــــلان

تقليص
لا يوجد إعلان حتى الآن.

تحقيق الكوميساريا ...........بالنسبة للزواج المختلط.

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • تحقيق الكوميساريا ...........بالنسبة للزواج المختلط.

    [COLOR="rgb(139, 0, 0)"]السلام عليكم و حمة الله و بركاته.
    الله يجازيكم بخير .....الاخوات اللي مزوجين باجنبي مسلم و لااللي عندهم معلومات.....تفيدوني فداك التحقيق ديال الكوميساريا اللي كيديروه فاجراءات الزواج المختلط...........يعني الاسئلة اللي طرحو عليكم بالتفصيل....
    وجزاكم الله الف خير....[/COLOR]

  • #2
    تبارك الله 18 المشاهدة ولا رد واحد.........زعما تا شي وحدة مامزوجة باجنبي....
    بارك الله فيكم.....
    انتظر ردودكم بفارغ الصبر .........

    تعليق


    • #3
      الله يكمل عليك بالخير الحبيبة
      18 مشاهدة تقدر تكون كلها من الزوار يعني ماشي من العضوات واكيد غادي يجاوبوك الى كانوا عارفين

      المهم انا دوزت التحقيق او enquète غي انا حالة خاصة
      راجلي ما جابش معاه بزاف ديال الوقت فالكونجي وزيدي عليها كان ايام عيد الكبير وتقريبا كلشي كونجي
      الحمد لله ربي يسر وجمعنا الوراق كاملين ومشينا للرباط زوج مرات على ود القنصلية
      نهار وصلنا للتحقيق<<< تما غنا الفيتح وقال هاو مالولو هههههههههه
      راجل اختي الله يجازيه بالخير تدخل فالامر وكلم صحابو كاملين اللي يعرفوهم خدامين فالبوليس ويالحبيبة القاضي عطاني الورقة اللي ندي الكوميسارية نهار الثلاثاء فالعشية ومشينا نيشان للكوميسارية ودخلنا لواحد المكتب هداك اللي مكلف بالتحقيق دوا معاه شي حد فالتلفون قالينا ماتخافو من والو وحتى لغدا ورجعوا مع ال8 د الصباح
      راجل اختي تكلم معاه بيناتهم خدا الرقم ديال التلفون
      فالليل تلاقيناه حدا دارنا وتخيلي دانا لدارو وعمل لينا التحقيق وكان ساهل كيسولك على قرايتك .السطاجات.شحال من خوتك. فاش خدامين واش مزوجين.
      واهم شي كيفاش تعرفتي بالخطيب ديالك وشحال نتوم معارفين وزيد وزيد
      وهو كذلك نفس الشي وكلشي بالتفصيل الممل جلسنا شي ساعه ومن بعدو عطيناه اللي قسم الله
      الخميس فالصباح مشا راجل ختي خدا هداك السيد اللي كيدفع الدوسي للقاضي بالطوموبيل هو وملفاته هههههههههه باش مانتعطلوش دفع للقاضي
      مع ديك 3 اخيرا سيد القاضي عطانا الموافقة النهائية ومشينا للعدول
      ايوا مع العصر صافي اختك تزوجت

      ملاحظة
      الفلوس و الهدايا اختي ضرورية تدوريها فكل الخطوات الى كنتي مزروبة ووالله بسيف عليك خصك تدفعي والا تما بقيتي تخيلي هاديك الموظفة اللي فقضاء الاسرة دورنا معاها حطات الدوسي ديالنا هو الاول فوق الدواسا كاملين وهي اللي ولات تجري عليه ههههههههه
      ولكن فوق كل هذا ديري فبالك انه كل شي باذن الله وتوكلي على سيدي ربي فكل خطوة ودعي وان شاء الله ربي يسرلك ماصعاب وماتخافي من والو الزين

      الى احتاجيتي شي حاجة انا معاك

      تعليق


      • #4
        جزاك الله خيرا اختي الحبيبة zemoureda على وقتك و على ردك القيم........

        تبارك الله شوفي غير نتي راجلك عندو المعارف في البولييس او طولو معاكم....يعلم الله انا هههههه مع اختك منتقبة غير الله يحفظ او خلاص....
        او زايدينها بالتدويرة ....كيجبرو الواحد يدير شي حاجة ما حاملها.....
        شكرا بزاااااااااااف اختي ما قصرتيش معايا........
        ويارب يسر لي اموري..امييييين...

        تعليق


        • #5
          السلام عليكم

          الله يسر لك الامور اختي

          وكيما قالت لك الاخت زمردة ما تخافي والو غير توكلي على الله

          هيا حاجة وحدة خاصك تكوني عارفة على الراجل كل شي حيت مرات كيسولو شي مسائل خاصك بيه وخاصك تجاوبي

          مثلا اسماء خوته وشحال عنده واسم الاب دياله خوته مزوجين ولا لا وشي حوايج بحال هاكا باش يتاكدو انك تتعرفيه مزيان

          الله يسهل كل ما صعاب على كل مسلمة









          تعليق


          • #6
            المشاركة الأصلية بواسطة amatolah9 مشاهدة المشاركة
            جزاك الله خيرا اختي الحبيبة zemoureda على وقتك و على ردك القيم........

            تبارك الله شوفي غير نتي راجلك عندو المعارف في البولييس او طولو معاكم....يعلم الله انا هههههه مع اختك منتقبة غير الله يحفظ او خلاص....
            او زايدينها بالتدويرة ....كيجبرو الواحد يدير شي حاجة ما حاملها.....
            شكرا بزاااااااااااف اختي ما قصرتيش معايا........
            ويارب يسر لي اموري..امييييين...
            اختي حنا هنا لبعضياتنا
            بما انك منتقبة فحاولي انك دبري على شي معارف من البوليس من دابا باش يسهلوا عليك الامر وسولي على السيد اللي كيدير التحقيق فالمدينة ديالك
            قولي نتي الخطيب منين اي بلد او جنسية واش من مدينة نتي ساكنة

            تعليق


            • #7
              المشاركة الأصلية بواسطة ارجوانة مشاهدة المشاركة
              السلام عليكم

              الله يسر لك الامور اختي

              وكيما قالت لك الاخت زمردة ما تخافي والو غير توكلي على الله

              هيا حاجة وحدة خاصك تكوني عارفة على الراجل كل شي حيت مرات كيسولو شي مسائل خاصك بيه وخاصك تجاوبي

              مثلا اسماء خوته وشحال عنده واسم الاب دياله خوته مزوجين ولا لا وشي حوايج بحال هاكا باش يتاكدو انك تتعرفيه مزيان

              الله يسهل كل ما صعاب على كل مسلمة
              شكرا بزااااااااااااف على الرد ديالك ...والله يعطيك ما تمنيتي..امين ...

              تعليق


              • #8
                اختي الحبيبة zemoureda انا الخطيب ديالي عندو جنسية موناكية وانا كانسكن في تمارة......

                تعليق

                المتواجدون الآن 1. الأعضاء 0 والزوار 1.

                أكبر تواجد بالمنتدى كان 2,525, 26-09-2016 الساعة 21:58.

                يعمل...
                X