إعـــــــلان

تقليص
لا يوجد إعلان حتى الآن.

بليييييييييييز عاونوني الله يسهل عليكم ماصعابت

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • بليييييييييييز عاونوني الله يسهل عليكم ماصعابت

    السلام عليكم ورحمة الله تعالى وبركاته
    كنتمنى تكونو بخير
    انا مزوجه اجنبي والعقد الزواج درتو في المغرب ودبا راه بغيت نطلق في محكمة بالمغرب
    ومعرفتش شنو ندير
    وشحال ديال الوقت تياخد هاد الاجراءات
    واش خاص نكون انا بالمغرب ولا ممكن نوكل اي حد
    وبالنسبة الرجل انا معرفتوش فين كاين اي بلاد لان اخبارو انقطعت عني
    الله يجزيكم بخير بغيتكم تساعدوني
    وشكرا




  • #2
    ختي نت وين مقيمة وراجلك اش من جنسية تيحمل ؟؟؟؟

    واش عندك منه اولاد ؟؟؟

    تعليق


    • #3
      ممكن اختي تطلقي فالمغرب طلاق غيابي
      انا خالتي كانت مزوجه سوري تزوجات بالمغرب مشا لسوريا ما رجعش منين طلبت منو الطلاق فالتليفون ما بغاش يطلقها مشات المحكمه ورفعت قضية الطلاق الغيابي وهالطلاق يكون لما يغيب الزوج عن زوجته مدة كايحددها القانون وماعرفاتش الزوجه فين ارضو وفين ساكن فكاتقرر المحكمه اعطائها الطلاق غير سيري المحكمه وغايعطيوك التفاصيل

      تعليق


      • #4
        شكرا على الرد والله يجازيكم بخير
        انا المشكل ماعيشاش في المغرب ولكن بغيت الطلاق من المغرب
        الزوج جنسيته هولندية وعندي منه ولد
        وهو كتب لي ورقة وامضاوها اتنين شهود معاه ولكن الروقة من اهلي راحو داوها للعدول قلهم هاد الشي ممعترفش بيه حيت مافيها لا كاشي لا والو
        ودبا انا ماعرفتش كيفاش نوصل ليه وشحال تياخد هاد الشي ديال الوقت
        ممكن الى عندها شي خلفية توضح لي
        الله يجازيكم بخيير



        تعليق


        • #5
          السلام عليكم و رحمة الله وبركاته

          اختي يمكن لك تطالبي بالطلاق فالمغرب بشكل عادي وتعطي الاسباب علاش طلبتي الطلاق فالمقال ديالك

          وماشي بالضرورة انتي تحضري بالمغرب ممكن داركم يشوفو لك محامي وترسلي له توكيل يترافع عليك

          والا حكم القاضي بالطلاق راه تتبلغ السفارة الهولندية هيا تتكلف بتنفيذ الحكم على الزوج

          اما الورقة لي كتب الراجل وسناو فيها صحابه راها ورقة عرفية ما عندها تا قوة قانونية

          لانه كان لازم تمضى فالمقاطعة وتوثق ويتصادق عليها ودابا ما غادي تفيدك بوالو

          طلاقك غادي تحصلي عليه و تسناي التنفيذ ويلا كنتي مقيمة فهولندا غادي تبقى عندك الاقامة و ولدك الجنسية

          الله يسهل ويسر الامور









          تعليق


          • #6
            شكرا على التفاعل والله يجزيكم بخير
            اختي انا مشكلة ماسكناش في هولندا عايشة في بريطانيا
            وبغيت نعرف شحال ديال الوقت تيخص باش نحصل على ورقة الطلاق في المغرب
            لانه لازمتني باش نجدد اقامتي في بريطانيا



            تعليق


            • #7
              ختي موضوعك شائك اختي

              اشمن طلاق غادة تحصلي عليه في المغرب وهو مكاينة حتى ورقة قانونية وماعندك عقد باش طالبي بالطلاق

              راه الورقة غير مكتوبة وموقعين فيها جوج شهود يعني زواج عرفي حتى الزواج العرفي مدرتيش بالمحكمة درتيه غير بورقة وسناوها جوج شهود

              اختي بالمغرب اصلا حتى لو كانت الورقة زواج عرفي وصادرة عن المحكمة مش معترف بيها بالمغرب لانه بالمغرب عندهم زواج واحد وهو زواج شرعي فما بالكي بورقة مكتوبة بس ومافيها حتى طابع لا جهة

              يعني اصلا المغرب مش معترف بهاد الزواج اختي يعني ما في لا طلاق ولا غيره

              راجعي اختي المحكمة البريطانية وشوفيهم اشنو يقولو لك لانه المغرب ماعنده باش يفيذك بمثل هالورقة

              وسولي بمصر وسوريا بحكم انهم تيتزوجو عرفي واخة هوما تيتزوجو عرفي بالمحكمة ماشي غير ورقة وصافي

              الله يسهل ليك ياربي ويحل مشكلتك اصلا علاش مكنتيش تزوجي بيه ببلاده او ببريطانيا والزواج سهل علاش عقدتيها بزاف عليك اقل شيء ظمني حقوقك بالبلد لنتي فيه

              الله يوفقك اختي

              تعليق


              • #8
                اختي ميمي انتي وقيلا فهمتي الموضوع خطا شوية
                اختي انا متزوجه بالمغرب بعقد زواج مغربي شرعي وبالمحكمه وطلعنا وهبطنا عليه شي ست شهور باش درناه يعني صحيح ميه بالمية عقد الزواج نقدر نجيبو من عند العدول انا قصدي الاجراءات ديال المحكمه شحال تطلب من الوقت
                لاني محتاجة ورقة الطلاق ببريطانيا باش نجدد الاقامة ديالي
                اختي ببريطانيا الطلاق تيتعطل وخصه يكون هو مجود وهو الان طلع من بريطانيا ومشا هولندا ومعنديش عنوانه يعني هاد الشي ياخد اعوام الا درته في بريطانيا
                انا لتاجأت للمغرب لانه فيه درت العقد وقلت يمكن اسرع
                وشكرا على التفاعل واتمنى تكوني فهمتي
                والحمد زواجي ماشي عرفي الطلاق الى هو كتب غير ورقة في مسجد وامضاء فيه جوج شهود واكتب فيها انه مطلقني وانه ماتيتحملش مسؤوليتي ولكن مافيها لا كاشي لا والو



                تعليق


                • #9
                  rabi issahalek inchallah

                  تعليق


                  • #10
                    الله يفرج عليك اختي


                    اللهم اغفر واقضى حاجة من طلب منك يا كريم فما لنا الا أنت

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X