إعـــــــلان

تقليص
لا يوجد إعلان حتى الآن.

ارجوكم مساعدة عاجلة بخصوص زواج من مصري

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ارجوكم مساعدة عاجلة بخصوص زواج من مصري

    .البنات الله يخليكم اللي عندها شي معلومة تقول هالييا بخصوص الزواج بمصري واش الاوراق هي نفسها اللي وضعاها الاخت لمياء وسؤال تاني غفاكم هو مزوج واش ضروري يجيب مواقفة شهادة تتبت موافقة الزوجة .

  • #2
    السلام عليكم و رحمة الله و بركاته

    اختي الاوراق لي كتبت الاخت لمياء تتخص الزواج باجنبي سواء عربي او غربي وكيف ما كنت الجنسية دياله

    يعني نفسها يجيبها خطيبك المصري

    وبالنسبة لكونه متزوج ضرووووووري يجيب معاه موافقة الزوجة وخاص تكون مصادقة ماشي غير مكتوبة وصافي

    ويلا ما تمكنش يجيب الموافقة ما غاديش يعطوه شهادة الكفاءة في السفارة المصرية

    وهاد شهادة الكفاءة راه هيا كل شي الا ما كانتش ما كاين وااالو

    الله يسر الامور









    تعليق


    • #3
      شكرا لك اختي على ردك السريع

      تعليق


      • #4
        اختي ارجوانة ارجوك بغيت مساعدتك انت وبنات المنتدى اللي عندها شي فكرة على كيفاش نتزوجو لانو زوجته هي موافقة شفويا بس كتابيا رافضة باش تعطيه الموافقة بادن الزواج كتابيا اشنو الحل في نظركم .

        تعليق


        • #5
          الحل أختي فهاد الحالة هي ترسليلو توكيل خاص بالزواج يتزجك تما ويرسليك العقد ديري لو تذييل في المحكمة يخرج ليك عقد مغربي بالتوفيق







          نأكد أنه لم يعد هناك مجال للغموض أو الخداع، فإما أن يكون المواطن مغربي أو غير مغربي، وقد إنتهى وقت إزدواجية المواقف والتملص من الواجب، ودقت ساعة الوضوح وتحمل الأمانة، فأما أن يكون الشخص وطنياً أو خائن

          تعليق


          • #6
            اشكرك اختيsararose2010 على نصيحتك الله يجزيك بخير

            تعليق


            • #7
              العفو أختي هذا واجب الله يوفقك للخير ويسهل زواجك إن شاء الله وجميع بنات المسلمين







              نأكد أنه لم يعد هناك مجال للغموض أو الخداع، فإما أن يكون المواطن مغربي أو غير مغربي، وقد إنتهى وقت إزدواجية المواقف والتملص من الواجب، ودقت ساعة الوضوح وتحمل الأمانة، فأما أن يكون الشخص وطنياً أو خائن

              تعليق


              • #8
                كيف قالت سارا تعملي ليه توكيل او تمشي نتي عنده مع شي حد من داركم وتتزوجوا فمصر مثلا

                غي هي نصيحة خليه الاول يجي لدراكم تعرفي عليه اكثر ومزيان وحتى داركم يشوفوه ووالله راه كتعطي للبنت قيمة كبيرة منين يجي الراجل حتى لدارهم ويطلبها من عائلتها
                الزين لاتقلقيش مني انا غي درتك بحال اختي وصافي والله ييسر لك ماصعاب

                تعليق


                • #9
                  شكرك اختي zemouredaا وبالعكس هدي راها نصيحة اخوية وهدا هو مضنوني فيكم وراني حتى انا هداك الشيء اللي كنفكر فيه انا كنت باغا شي حل زعما احسن من هادا الا كان لانو كتعرفي راه صعيب علىينا قنعو اهلنا بهاد الفكرة وشكرا الحبيبة.

                  تعليق


                  • #10
                    هاي هاي شكون هاد المصرية لي تقول لراجلها بخاطرها انا موافقة تتزوج عليا والي تيوافق شفويا اش مانعو يديرها كتابيا لا دخلي فشي موال يشيب لك الراس راك غدي تتغربي وهي عندها اهلها وحبابها لا تظني غيخليوك فحالك متتسرعيش حني فغيرك ربي يحن عليك را المصريين صعاب بزاف وتيرجعو لمرواتهم فالاخر -خلاوها يعمر فادوا ويرجع لولادو -وسمحي ليا بزاف نصيحة لك كاخت انا صحباتي مصريات رجلاتهم تيديرو لعجب واول متيفيقو بيهم تيرجعوا ليهم تيبكيو وتيرميو كلشي

                    تعليق


                    • #11
                      الله يسهلك اختي ما صعاب و عليك بصلاة الاستخارة و متزربيش على راسك لا تندمي راه ادا كان مزوج و ما دار خير حتى في هديك خصوصا ادا كان عندو معاها الاولاد راه ما تفكيش واخة تكوني عارفه مزيان و مرتاحلوا راه تيبقاو شي حوايج سر حتى تصدمي بيهم لها دا ديري في راسك جميع الاحتمالات راه رجال ما فيهم تقة فكري فراسك و مصلحتك و ما تشوفيش لي دابة شوفي من بعد راه الحياة صعيبة خصوصا في الغربة و عندك درة راه ماشي سهل سمحيلي ادا تقلت عليك بالهدرة ولكن حلي عوينتك و شوفي مزيان فكري بعقلك و خلي القلب و العطفة انا نصحتك فحال اختي و رابي عالم و الله يديرلك تاويل و يجيب لي فيها الخير

                      تعليق


                      • #12
                        شوف الحبيبة ... الله يوفقك و ييسر لك

                        لكن بغيتي الصراحة ما عندك ما تديري به الى مزوج

                        و بالاخص الى ما قادرش يجيب الموافقة ديال زوجته الاولى

                        شوف احبيبة نجيك للصراحة

                        في مصر ما غاديش يعيشك احسن من المغرب فكيف لو عنده زوجة اولى و غادي تكوني انتي التانية

                        حاجة تانية ... واخا تكوني غاديا تصيفطي له التوكيل ضروري ما يجي عندك للمغرب المرة الاولى ... مثلا قولي له التوكيل باش نتزوجه تماك خاصك تاخده انت من هنايا ... ما يمكنش نصيفطه لك ... قولي له اي حاجة ادارية المهم لازم يجيي احبيبة و يشوفوه دارهم

                        لازم تعرفي موقف ديال الاهل دياله من هاد الزواج و بالاخص امه ... و الا راه الله يحفظ يوقعوا من بعد المشاكل

                        شي اخر راه واخا تتزوجي في مصر و تصاوبي وريقاتك تماك ... راه في المغرب ما تقدري توثقي زواجك و يعترف به القانون المغربي الا ادا جبتي كل الاوراق المطلوبة ... يعني احبيبة هيا هيا ... اللهم من الاول تقادي امورك مزيان و توكوني مهنية قانونيا

                        و انتبهي انتبهي انتبهي من الزواج العرفي ... راه منتشر اختي تماك و في المغرب راه غييير معترف به نهائي .... يعني الورقة ديال العقد ما كتسوا والو


                        و الخلاصة احبيبة و الله الى الزواج بالقانون المغربي كيدير العز للبنت ... و الله ييسر لك امورك

                        و الى احترتي عليك بصلاة الاستخارة و ربي يفرجها ان شاء الله ....

                        تعليق


                        • #13
                          اشكرك اختي سيدرة انت وجميع الاخوات اللي نصحوني وماتخلاوش عليا وهداك شي هو للي كاين حتى فاش خبرت الدار ماقبلوش ليا ودرت صلاة الاستخارة صافي ونا نتراجع .صحيح الواحدة منا كتبغي تستر راسها ولكن الف تخميمة وتخميمة ولا ضربة بالمقص .شكرا بزاف البنات وتمناو لي ربي يسهال عليا .

                          تعليق


                          • #14
                            اختي ام ادم ربي يسهل لك و ينور طريقك

                            ويرزقك الزوج الصالح عاجل غير اجل يارب العالمين









                            تعليق


                            • #15
                              يارب امين اختي ارجوانة .شكرا لكم كلكم بزاااااااااااااااااااااااااااف

                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X