شنو رايكم ادا رحت لمصر وتزوجت هناك حتى نقتصر الوقت وفي نفس الوقت مش عاوزة اخسر اهلي

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • شنو رايكم ادا رحت لمصر وتزوجت هناك حتى نقتصر الوقت وفي نفس الوقت مش عاوزة اخسر اهلي

    السلام عليكم ورحمة الله وبركاته
    تعرفت على مصري مقيم بالامارات وطلب مني الزواج ولكن لما سال عن اجراءات الزواج وجدها صعبة جدا فطلب مني ان نلتقي في مصر ونتزوج هناك وهو مسافر يوم الاربعاء ارجوكم فيدوني انا حايرة
    امي واخي غير موافقين
    وهو ماعندو الامكانيات باش يجي للمغرب وقالي اذا ماوافقو اهلك حشوف كيف نجي للمغرب لكن الوقت حيطول اش ندير فيدوني الله يخليكم

  • #2
    اختي بغيتي راي هو يجي عندك حتى المغرب
    تزوجي بعزك
    الى بغاك يجي حتى لداركم و يخطبك و يتعرف باهلك و هما يتعرفو به
    هكا غيقدرك اكثر و يحترمك و يعرف بانك ماشي ساهلة و ماشي ديال راسك
    سمعي كلام امك و اخوك راه مابغاو لك غير الخير
    و حتى الاجراءات الى صعيبة حيت فيه صالح لك و ضمان اكتر لمصالحك
    و الى كان نوي المعقول يصبر
    الله يسر لك بلي فيه الخير
    [frame="2 98"]
    اللهم اغفر لوالدتي وارحمها واعف عنها
    واكرم نزلها ووسَع مُدخلهاا واغسلها بالماء والثلجِ والبْردِ
    ونَقّهِا من الذنوب كما ينقى الثوب الابيض من الدنس،
    وارحمنا إذا صرنا إلى ما صارت إليه وجازها بالحسنات إحسانا
    وبالسيئات عفوا وغفرانا وافتح أبواب السماء لروحها برحمتك
    يا أرحم الراحمين.
    [/frame]


    تعليق


    • #3
      كتبي بالمغربية او العربية اختي من فضلك
      هكذا قد تباعين في سوق الدعارة حداري ثم حداري لان المغربيات يتم بيعهن لعصابات التجارة في الرقيق الابيض سمعي لامك واخوك
      نصائج :
      اختي المشرفة العضوة تنتظر تشجيعك فلا تحرميها اياه شجعيها بثتبيت موضوعها او بتقييمه او تقييمها
      اختي العضوة المشرفة تبدل جهدا كبيرا في تنظيم قسمها وهي ملتزمة بقانون المنتدى مثلك فحاولي تفهم ماتقوم به
      اختي العضوة القديمة
      العضوة الجديدة تنتظر منك تشجيعا وترحيبا فلاتبخلي عليها اجعليها تشعر وكانها قديمة مثلك
      مشرفة عضوة قديمة عضوة جديدة انتن جميعا فخر لاناقة فانتن اناقة واناقة انتن
      مهم جدا : المرجو من الاخوات عدم تقديم طلبات اشراف تفاديا للمشاكل


      تعليق


      • #4
        اختي ياريت دخلي بشكل اعمق في تفاصيل
        باش نفهمو
        و را عدد كبيير من لبنات دازو من هد تجربة، الا كنتي واضحة غادي يفيدوك، الا بقى كلامك واسع هاكا غادا يكون الموضوع كلو عير هدرا خاوية
        يعني قلينا اشنو مشكل بالضبط ، علاش و كيفاش، باش حتا نتي تحراي صدق وتعرفي راسك آش كاديري

        تعليق


        • #5
          السلام عليكم اختي ،شوفي احبيبة سمعي لكلام ماماك وخوك ،وياك ديري هداك الزواج اللي بغاك يجي عندك حتى المغرب ويخطبك من والديك .الا ماكانوش عندوا الامكانيات فبلاش منوا ،غدى تغربي على ولديك وتزيديها بالفقر مالكي على حالتك .
          sigpic

          رب إني مغلوب فانتصر، و اجبر قلبي المنكسر، و اجمع شملي المنتشر، إنك أنت الرحمن المقتدر، اكفني يا كافي فأنا عبدك المفتقر

          تعليق


          • #6
            سمعي كلم ممك واخوك خليه يجي المغرب ويخطبك الله يجيب لي فيه خير

            تعليق


            • #7
              كنشكركم بزاف
              هو خدام في فندق بالامارات وقالي مكنربحش مزيان وطالبين كونط في البنك ومعندوش المبلغ المطلوب هذا هو المشكل وقبل من هادا قالي نبعث ليك عقد عمل في الامارات
              وانا غدي ناخد بنصيحتكم

              تعليق


              • #8
                السلام عليكم
                اختي نقول وافقنا ومشيت تزوجت في مصر
                ومن بعد اختي
                كلامي غد يجيك قاصح بالحق من خوفي عليك واخ ما كنعرفكش
                اختي ماكتفكريش
                بعد زواج فين غد تمشي
                غد تمشي عند عائلتوتم واش عائلتو موافقة تجي تسكن معهم?
                او غد ترجع لمغرب وتسنايه فمن الاحسن تسنايه بلا زواج حتى يج بلا تشحطيط لمصر ولا تركيا
                اختي قبل ماتسول تمشي المصر
                سول فين غد تمشي بعد زواج واش غد يقدر يجبيك للامارات خصوصا انو قال ان خدام في اوتيل مكيربحش مزيان شحال غد يكون كيشبر 2000درهم او 3000درهم وبهدا المرتب ماعمرو يقدر طلعك للامارات الا بد 4او5سنوات
                اختي
                اول شيء قبل ماتعصي والديك وعائلتك سول واش كاين شي مزية ولا ولا
                واسفة اختي الا كان كلامي جارح
                بالحق من خوف عليك
                اختي قبل ماتخطي اي خطوة فكر الف مرة وماترخصيش براسك وديري شان لراسك ونهار لوجد راسو مرحبا بيه ويدخل الدار من بابها

                تعليق


                • #9
                  انا مع الاخوات
                  فكرى مزيان راه لى خدامين فى الاوتيل قى الامرات كياخدو تقريا الفين درهم حتى اكثر شوية
                  ولكن على حساب شنو كيدير فى الفندق
                  ونصيحتى ليك الحاجه لى الام مكتبغيهاش ومكترتاحش لها غير نسيها وماتفكري فيها الا ادا رضاة على هاد الزواج
                  وامك وخوك ماشى رافضين غير هكاك بدون سبب
                  قولى ليه دام انت باغينى جهز امورك واجى للمغرب تخطبنى اما باش تمشى لعنده فانا كنشوفو اهانه للبنت
                  بقائ اختى بعزك ولكاين النصيب بينكم راه تتيسر ويجيك حتى لعندك
                  وبحال لى قالت الاخت لى قبل منى ظرورى تسولى على كيف ناوى يعيشك وعرفيه كثر قبل اي خطوة هادى راها عشرة ماشى العب
                  والله يسهل امورك وامور المسلمين ويعطيك لى فيه الخير *

                  تعليق


                  • #10
                    السلام عليكم

                    حتى انا من راي الاخوات اختي خليه يجي لهنا حسن داكشي اللي غادا تسنايه ونتوما مزوجين تسنايه ونتوما ما مزوجينش
                    كنت قريت فواحد المنتدى واحد السيدة طرا ليها هاكا مشات باغا تزرب كلشي مشات تزوجات بامراتي فمصر وفالاخير قاليها داك العقد بليه واشربي ميتو ما تمنيتها ليك اختي و الله يبعد عليك اولاد الحرام
                    اللهم تصبري بعزك ولا تصبري ونتي بلا عز ما عارفا راسك واش نيت بالصح مزوجة ولا شنو داك العجب
                    سمحي ليا و الله ما بغيت نخوفك ولا ناتر عليك ولا نقول ليك راه داك الراجل ما مزيانش بالعكس غير خايفة عليك راه حنا خواتات في الاسلام وما نبغيو حتى وحدة تجرح ولا يتفلاو عليها

                    الله يسر امرك اختي وفرجها عليه من واسع يلقى الامكانيات باش يجي يديك

                    وما تنسااااااااااااااااااااااااايش صلاة الاستخارة هي الاولى

                    الله معاك

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X