إعـــــــلان

تقليص
لا يوجد إعلان حتى الآن.

الزواج عن طريق التوكيل وبدون محامي لمصر العربية

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • الزواج عن طريق التوكيل وبدون محامي لمصر العربية

    الحمد لله وحده

    توكيل خاص بالزواج



    وكلت انا الانسة ............، مسلمة الديانة، مغربية الجنسية، انسة لم يسبق لي الزواج، احمل جواز سفر مغربي رقم……………………..، صادر بتاريخ………………، وسينتهي بتاريخ…………..، وأقيم بالعنوان التالي……………، بدولة المغرب، مهنتي ……………، وتاريخ ميلادي هو ......... وابنة السيدة ...........
    وكلت السيد ............(الشخص الذي سيوكل لينوب عنكي)، مصري مسلم ويعمل ..................... ويقيم في
    (عنوانه)، ويحمل رقم قومي هو..............(أي رقم بطاقته الوطنية)، في زواجي من السيد ..........، مصري الجنسية، مسلم الديانة، ويحمل رقم قومي........................... والمقيم ....................، مهنته ..........، ابن السيدة .............
    وكذلك وكلته في استلام وتسليم كافة الاوراق الخاصة بهذا الشأن الى الجهات الحكومية الرسمية بالنيابة عني وكذلك في تسجيله
    في مصلحة الشهر العقارى بوزارة العدل في جمهورية مصر العربية بمهر مقدمه .... جنيه والمؤخر ..... .... جنيه مصري.
    حرر ببني ملال في: ../../....
    امضــــاء:
    الانسة .......

    * رفقته:
    - عقد زواج اصلي
    *************************************************

    هذا هو التوكيل وماشي مهم الصيغة اهم حاجة المعلومات والى انسة شيري ليها (الاشارة لفصة واش مطلقة او ارملة او انسة).

    يتبع

  • #2
    الوثائق الي جمعت مع التوكيل
    2 من عقد ازدياد (مصادق عليها من المحكمة)
    - سجل عدلي من المحكمة -باش تاخديه دفعي عقد ازدياد ونسخة من البطاقة الوطنية وتنبر ديال 20 درهم للمحكمة سولي على مكتب السجل العدلي ودفعي هاد لوراق وتشدي السجل- (مصادق عليه من المقاطعة والعمالة والخارجية والسفارة المصرية)
    -التوكيل (مصادق عليه من المقاطعة والعمالة والخارجية السفارة المصرية)
    - شهادة العزوبة(تاخديها من المقاطعة الي انتي تابعة ليها وتصادقي عليها فالعمالة والخارجية والسفارة المصرية)الشهادة على حسب صفة واش انسة ولا مطلقة ولا ..... الباقي فراسكم ههههههههه
    -8 صور شمسية ليك بخلفية بيضاء. غادي تحتاجيهم فمصر باش يلصقوهم فالسجلات والعقد.
    -و3 صفحات الاولى من جواز السفر(مصادق عليهم من المقاطعة والعمالة والخارجية فقط+ نسخة من البطاقة الوطنية يتصادق عليه من المقاطعة فقط).
    - شهادة الخلو من المرض(يتصادق عليها من مندوبية الصحة والسفارة) انا معملتهاش حيث كان عندي ناس فوزارة العدل وقفوا معايا قالو لي بلاش وليني ناس العادية ضروري المهم عملوها احتياط وصافي.
    فاش كملتهم سافرت للسفارة المصرية وكيف ما كتبت صادقت على 3 ديال الوثائق الي هما شهادة العزوبة والسجل العدلي والتوكيل. وثمن التمبر هو 270 درهم للوثيقة.انتي خودي جاع الوثائق معاك على الوقت وزمان
    مهما محددين الاثنين والثلاثاء والاربعاء للمصادقة
    مشيت مع 9 الصباح رجعت مع 3 شديتهم من نفس اليوم وعملي نسخ لجواز السفر الصفحات الاولى حيث فاش ترجعي مع 3 غادي دخلي ويشد البطاقة الوطنية ديالك ويقولك سير صوري جواز السفر فانتي وجديهم معاك.
    صافي فاش خديتهم وكملت من السفارة.رسلتهم فالبريد السريع وخلصت عليهم والزوج تكفل بيهم هو والاخ ديالو حيث هو الموكل علي، انا معملت لا محامي ولا والو.
    فاش وصلوا التوكيل وجاع لوراق للخارجية المصرية في القاهرة وعمل توثيق للتوكيل وشرى
    طابع بخمسين جنيه وطابع بخمسه جنيه من بعدها يمشي هو والشخص الي وكلتيه والزوج لوزارة العدل مكتب زواج الاجانب ويعملوا لعقد .
    بعد استلام عقد الزواج يتم توثيقة من الشهر العقارى والتصديق عليه من مكتب تصديق بوزارة الخارجية المصرية ومن السفارة المغربية بمصر
    وليني حاجة الزوج ديالي مدوزجش العقد من السفارة المغربية بمصر حيث صعيبة، فاش رسل لي العقد انا خديتوا للسفارة المصرية بالمغرب ومن بعدها الخارجية، وكتبت طلب التذييل وعملت منو 3 نسخ ،وصورت العقد وخليت الصورة عندي احتياط فقط وفالمحكمة خلصت صندوق الاعوان ب 660 ريال عطتني توصيل بالمبلغ ومشيت لصندوق قضاء الاسرة دفعت العقد وطلب التذييل وخلصت 100 درهم، وتسلمت التوصيل بالاداء، انا حيث معنديش الوقت متسنيتش حتى توصلني استدعاء بتاريخ الجلسة مشيت عند القاضي المكلف بالاحوال الشخصية المكلف بالتذييل ودخلت عندوا وقلت ليه بغيت تقريب جلسة وشاف لوراق وقرى العقد تاكد من الاختام وقال لي مزيان هو هداك وكتب لي فتوصيل الي خلصت فيه 100 درهم الجلسة ورقم الملف.
    دبى راني دوزت الجلسة الاولى وحضرت ليها وحيث وقع لي غلط فطلب التذييل طلب جلسة اخرى وقال لي نجيب مقال اصلاحي رام الى تذييل عقد زواج اجنبي بالصيغة التنفيذية، راني كتبتوا وخلصت عليه فصندوق الاسرة 50 درهم، ودبى نهار 25/10/2010 عندي الجلسة الثانية اوى دعيو معايا.
    وان شاء الله غادي نوافيكم بالجديد.





    تعليق


    • #3
      شكرا الزين تبارك الله عليك الله يكمل عليك بالخير ويرزقك الذريه الصالحة
      الموضوع الجاي ان شاء الله تحكي لينا على الفيزا والاستقدام والعرس ههههههههههههه ان شاء الله نفرحوا بيك الله يكمل بخير
      الله يجازيك بخير ويجعله في ميزان حسناتك
      اللهم قنا عذابك يوم تبعث عبادك وصلي وسلم على حبيبنا محمد عليه ألف صلاة وسلام

      تعليق


      • #4
        السلام عليكم وشكرا على الموضوع


        كنظن بلي ماشي ضروري باش الواحد يصادق على كافة الوثائق

        في السفارة فقط التوكيل هو من يجب المصادقة عليه في

        السفارة


        تعليق


        • #5
          الله يكمل عليك بالخير ويبارك فزواجك ويرزقك ربي الذرية الصالحة
          لكن اختي عندي بعض الاستفسارات بخصوص شهادة عدم الممانعة الي كاتخديها من السفارة المغربية بمصر دي اهم وثيقة باش الزواج يكون معترف بيه فمصر وشهادة الطبية كتخاد ملي تبغي تاخدي فيزا الالتحاق كيعملو ليك فحص طبي والثمن ديالو 20 الف ريال ..والوثائق الي كتصادقي عليها فالسفارة المصرية التوكيل فقط
          وشكرا الحبيبة على المعومات الي اكيد غادي يستافدو منها البنات


          تعليق


          • #6
            السلام عليكم اختي بوسي الله يكمل عليك بخير و يسهل امورك انا لاحظت هاد الموضوع للزواج بمصر عن طريق التوكيل بدون محامي فقط اللي راجلها مصري و ساكن بمصر هنا البنت تصيفت وراقها لوكيلها و راجلها يعري على ركابيه يصاوب شغله هههه حيت بلاده هاديك ولكن اللي مغربية و راجلها من بلد ثاني ظروري ليها دير توكيل لمحامي بمصر باش تيسر ليها الامور والا متقدرش تمشي لمصر لا هي ولا خطيبها لانهم ماشي مصريين يعني الموضوع هدا يخص المغربيات اللي غادي يتزوجوا مصريين
            الله يسهل الامور للجميع و فرج علينا هاد الهم صراحة الامر بالمغرب صعيب انا دخلت عند القاضي و سولته شخصيا قال لي لالا صعيب تزوجي اجنبي هنا احسن شوفي ولد بلادك ههههههههههههه



            ربي اغفر وارحم وانت خير الراحمين

            تعليق


            • #7
              السلام عليكم ش خباركم, ياربي تكونو بالف خير
              بارك الله فيك اختي ناني حنا عند الله, وبالتوفيق للجميع

              تعليق


              • #8
                اش خبارك اختي الفاسية فين هاد الغيبة
                فاش اختي مشيت للسفارة الموظف الي فالباب ديال السفارة، تيبدى يقولك وريني السجل وبحال هكى حتى يتكملي الاوثائق الي خاصينيك فحالة قال ورقة وهي ممعاكش تيقولك سير حتى تجيبيهم كاملين، فاش دخلت للسفارة الموظف الي تيتسلم الوثائق عطيتوا جاع الوثائق الي معايا وخدى الي اشرت ليهم فالموضوع ورجع لي الي مغديش يتصادق عليهم.
                يعني مكتش عندي اختيار
                اهم حاجة يا ختي كان همي غير ميخصني حتى وثيقة والحمد لله
                بارك الله اوفيك الزين وخلينا نشفوك

                تعليق


                • #9
                  تبارك الله عليك اختي نزهى صحيح ان التوكيل هدى خاص فقط للي زوجها مصري وغادي يترسل ليه الوثائق وهو يتكلف تماك مع الموكل.
                  ما ولد بلادي اختي فين هو الله يهديهم علينا, جاع الي تيجي باغي حتى يحوص ويخرج, ويتعايش معاك, يدير ليك كونترول قبل الزواج,هههههههههههههههههه واحنا اختي ماشي ديال هكاك, انا مكنسلم على راجل باقي غير نخرج معاه, راجلي دبى وشداني الخلعة ديال الدنيا والاخرة غير الله يستر هههههههههههههههههههههههههههه

                  تعليق


                  • #10
                    غير اختواتاتي الزوينين ندوز نهار الاثنين عند القاضي ونتاكد من طلب التذييل ونزلوا هنا, دعيو معايا يا خواتاتي راني وصلت لاخر طاقتي.

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X