ما خاب من استشار ...اختكم تطمع في مشورتكم

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ما خاب من استشار ...اختكم تطمع في مشورتكم

    السلام عليكم اخواتي الانيقات.....
    طرقت بابكم اليوم مع اني اعرف ان ردودكن ستكون في مد و جزر بين مؤيد و معارض...لكن ربنا ساتغلب ان شاء الله بارائكم على مشكلتي..
    انا متزوجة مند 6 سنوات و نصف من شخص صور لي جميع انواع العداب من اهانة و اهمال و هجر و ضرب ...كنت في هده الفترة اتحمل امه التي كانت شعالة الحطب الدي اشوى عليه تحملتها و احترمتها لسنها و لانه وحيدها و ليس لديها غيره لكن باختصار دوزاتها عليا كنت بلا فخر خادمتهم و جفاف باش كيجفو قدارتهم واستسمح اخواتي على هدا التعبير لكن ضاقت بي الدنيا انجبت منه بنتين هما كل حياتي صبرت لاجلهما...و لا اود ان ادكر بالتفاصيل الافعال الشنيعة التي اداتني بها حماتي دع الخلق للخالق انا لا اريد تدكرها فبالاحرى نتدكر افعالها .....
    المهم اني ببشاعة الافعال و الضغط النفسي و اهمال الزوج الدي يكبرني ب 15 عاما اصبت بمرض السرطان في ريعان شبابي تكرفست و ممكن تتصورو حجم المعاناة ديال المرض بناتي ما زلن صغارا في الروضة و رغم دلك مبقيتش فيها ...في خضم تلك المعاناة قررت الاخد بزمام الامور رفضت ان تعيش معي حماتي لانه ميسور الحال عرفني صافي مغنرجعش في قراري قام برهن منزل لها رائع و انا لي اختاريتو ليها احسن من داري ديال الكراء و اختاريت الفرش من احسن ما يكون غير باش ترتاح و تهنينا قلت ليه ممكن تبات معاها طيلة الاسبوع و بناتك السبت و الاحد بات معنا لكن استغل الامر يوميا كيبات عندها كنشوفوه ربع ساعة في النهار ....ماشي مشكل انا قابلة غير ميحررش عليا العيشة انا باغة غير صحتي و مقابلة بناتو احسن ما يكون لكن مؤخرا اصبح يبخل علينا بالمصروف حتى بناتو قال لي راه ناس مدخلين ولادهم غير مدارس ديال العمومية علاش كتعلقي فين تفلقي ....
    ندخا الان للاستشارة لاني قد ما عاودت مغنساليش ....انا عييت بغيت نطلب الطلاق و لكن انا غير كارية و عقد الكراء بسميتو و انا منقدرش نخرج من الدار غير الغلاء في الكراء ..ثاني حاجة عائلتي بعيدة عليا عندي غير الله عاد مشكل مرضي مازال كنتعالج و عندي مصاريف كثيرة ....ثالث حاجة خفت المحكمة تضيع حق بناتي في النفقة و بغيتهم يبقاو في مدارسهم و منخرجش عليهم....
    اخواتي اريد حلا انا راني نصبر على كلشي قابلة نكون مطلقة مع وقف التنفيد مسامحة في جميع حقوقي الشرعية و لكن انا بغيتو يبقى يصرف على بناتو ايلا مصرفش عليهم و خرجهم من مدرستهم غادي في داك الوقت نطلب الطلاق بدون تردد...
    اخواتي اني مشتتة الفكر املي في الله كبير ان يفرج كربي .....لي معندهاش شي حل لمشكلتي و لو غير دعاء في ظهر الغيب....

  • #2
    السلام عليكم ورحمة الله وبركاته
    مجرد انني كنت اتجول المنتدى مرت الفارة على اسمك فرجعت سريعا لاعرف ماقد كتبتي كنت اظنه مجرد مشاركة لكن صعقت لما رايت انه موضوعك اختي انا اعرف ازمتك الصحية منذ ايامك مع الاخت لمياء وكنت لمست انك كسبت ثقة في نفسك وبدات الاهتمام بنفسك وصحتك وبناتك فماهذا الياس الذي المسه في كلامك اختي عودي الى الله تراجعي عن كلمة طلاق فللابناء حقوق علينا ومن بينها العيش ضمن اسرة ومهما يكن والدهم فهم يحتاجون اليه وانت ان بقيتي بهذه النفسية ربما اوضاعك الصحية تتدهور لا قدر الله وانا اعوذ بالله من قولها دائما احب ان اعرف اخبارك وادعو معك لانني المس فيك روح النضال ومساعداتك الكثيرة لمن يعانون السرطان فتجلدي وليكن معينك الله حبيبتي
    sigpic

    تعليق


    • #3
      الله يشافيك اولا وربي يخليك لبنيتاتك وان شاء الله تشوفيهم كيف بغيتي. الفقصة هي الي تدير السرطان وتدير امراض اخرى حاولي تريحي نفسيتك باش تتغلبي على المرض لان الفقصة تدير صراع داخلي فالجسم والخلايا تتمرض.اهم شيء هو صحتك وتبقاي لبناتك باش تهتمي بهم. النصيحة الي غادي نقولك هي ماعمرك تنازلي على حقوقك غلطتي فالاول فاش قلتي لراجلك سير ماتباتش .هذا غادي يفهمه انك ضعيفة الشخصية وكل مرة غادي يطلب منك تنازلات اخرى والدليل انه بدا تيلمح على مدارس لبنات.
      حاولي اختي تصبري بشرط تشبتي بحقوقك وحقوق بناتك.وعلى العموم الله يستر في حالة الطلاق الى عندك اثبات على الدخل ديال راجلك راه يخلص لهم النفقة والمدارس بزز منه .والقاضي عمره متيطلب ان الدراري تخرجيهم من مدارس خصوصية وتديريهم فمدارس حكومية.هو تيقرر انطلاقا من دخل الزوج وممتلكاته وتياخد بعين الاعتبار ان الزوج دائما تيدير براسه ماعنده فلوس.
      الله يشافيك ويدير لك تاويل ديال الخير عليك اختي بالصلاة والدعاء وربي يستجب لك ان شاء الله.

      تعليق


      • #4
        شكرا اختي انسام انت تعرفين قصتي و معاناتي مع المرض ما اقوله ليس ياس بل فشل ليس فشلي في الحياة الزوجية انا بلا فخر زوجة مثالية بكل المقاييس اعنته على بر امه رغم شرها و شره....الفشل احسه بانغلاق جميع الابواب انا تزوجته لال حياة سعيدة و اسرة اسلامية تحتلرم الدين و الاخلاق لكن هو تزوج موظفة و في نفس الوقت شابة و في نفس الوقت جميلة و في نفس الوقت خادمة و ممرضة لامه عندما شاءت الاقدار و قلبت الموازين كيفما كنقولو تصيد...ايوا كشر عن انيابه يقول لي انا دوزت الزين في البلاد الاوروبية غير كملت ديني و قلت نستر ولية راكم كثار.....
        شكرا اختي نور السعادة الطلاق هو المرحلة الاخيرة التي ساخده جديا ادا تملص من مسؤولياته ....اختي انا لم اتنازل في المبيت فعندما كانت تسكن معي كانت تطالبه بالمبيت معها في الغرفة و تقول له هي دارت بناتها علاش تبات حداها و بقوة ما داز عليا معاهم تركت الجمل بما حمل غير يبات عندها مهم عندي حقوق ولادي و قرايتهم ...بالنسبة لما يتبت الدخل عندي لي شدو القاضي من عنقو يمكن نعيش احسن بغيت انا الشمل يبقى مجموع على ود البنات خصوصا ايلا كان الطلاق غنضطر ننتقل عند عائلتي لاني وحيدة امي عندها سيحرم من بناته و هادشي مبغيتوش لبناتي لاني دقت مرارة اولاد الطلاق مع ولدتي و هو ايضا داقها مع امه....عرفتي ملي تزوجت بيه معمري حسيت انه راجلي .....الله يدير تاويل ديال الخير
        المرض اخواتي راني عانيت و لكن لي ضرني انه لم يرحمني و لو غير على وجه بنياتي...

        تعليق


        • #5
          اختي انتي بعدتيه على البنات شوية اي قرار خديتيه متشوفيش فيه غير مصلحتك بوحدك شوفي حتى مصلحة البنات. انتي خلي البنات دايما اتصلو بيه هاتفيا باش دايما يبقاو في بلالو وميحسش انهم بعاد عليه
          واختي الى كنتي مظلومة معليك غير بالدعاء الله يهديهم ويسخرهم ليك فدعاء المظلوم مستجاب
          اهم شيء ديها في صحتك مزيان باش تكبري بناتك الله يعاونك وييسر امورك
          ربي إني لما أنزلت إلي من خير فقير

          تعليق


          • #6
            السلام عليكم ورحمة الله وبركاته
            اليوم مشاركتك غير ديال البارح اليوم شوية تاع نها الي تنعرف اذن كيف قلتيها مرة في مواضيع لمياء انا اولا اذن ابقي متشبتة بهذا المبدا انت اولا لان الاخرين لا يمكن ان يكونوا بدون عماد وانت عماد الاسرة الابن يمكن ان يبقى بدون اب ويعيش في راحة ولكن بدون ام اشك خصوصا اذا كان الاب غير حنون ولا يمكن ان يعوض فراغ الام اذن صحتك صحتك صحتك اناقتك جمالك ونبغي لما يجي او تلمحك عجوزتك تشوف غير الي كانت متوقعاه امراة يشع منها النور باذن الله لا تبالي بالمرض نشيطة مبتسمة على طول وتعيش كل ثانية من اجل نفسها اولا بناتها والاخرون ينتظرون ههههههههه ليس هناك في الدنيا ما يمكن ان ننزل بسببه دمعة عين الا خشية الله والندم على مافرطنا من جنب الله
            احبك في الله
            sigpic

            تعليق


            • #7
              حبيبتي نهى نتي عزيزة عليا بزاف و دابا زادت معزتك عندي ، للأسف أختي ماعندي حتى فكرة على الموضوع و لكن دخلت غير نقول ليك الله يفتح عليك جميع الأبواب و ييسر ليك و يصلح ليك بنياتك ، و يغلبك على من عاداك أختي يا رب ، الإنسان سبحان الله يخليك غيرمع مرضك مايزيدكش حتى هو ، ملي كنت صحيحة ديك ساعة بغاوك و ملي ربي ابتلاك صافي رماوك ولكن أختي حقك عند الله تعالى ماغاديش يضيع ، و الله يدير ليك تاويل ديال الخير يا ربي .
              اللهم إجعل والدي ممن تقول له النار اعبر فان نورك أطفأ ناري














              تعليق


              • #8
                سلام أختي نها شوفي على صدفة كنت بين سول فيك كيف العادة وثارإنتباهي هذا العنوان ولقيتك أنت!
                أش غدي أنقول ليك ألحبيبة المرض جا من عند الله هو سبحانه قادر إصرفو كل مؤمن مصاب تاوحد ماتغرو صحتو فهذه الدنيا صبري أصحبتي وما تفقصيش لي بغاهاآلله تكون .غلطة واحدة لي دارتي هي أنك عوض ما تبعدي العجوزة بعدت أنت حتى ولى السيد تابناتو أنساهم لأنك مهانياه هازا كلشي شكون بحالو أنامبغيتش أنزيد فألمك ولكن الراجل هكذا داير ملي إشوف المرة ماكتطلب والو تيزيد فيه .....
                لي أنقول ليك هوتهلاي فراسك وبنياتك ومرة مرة تصلي به وأعطي البنية الكبيرة تهدر معاه وحثى مع جداتها باش إبقاو ديما فبالو .
                شوفي الطلاق ماشي عيب ولا حرام إلى كتبوا عليك الله ماشي أنت الأولى ولا الأخيرة فكري فراسك وصحتك هما الأولين أما البنات الله لي قاد بهم.
                قولي لي واش جاب ليك السيد الدواء ولا مزال.
                الله إغلب عليهم.

                تعليق


                • #9
                  عزيزتي اولا اتمنى من الله ونحن مقبلين على استقبال سنة جدسدة ان يدهب عليك المرض ويرزقك الصحة وطول العمر من اجل الاستمتاع في النظر الى بناتك وتشوفيهم عرايسات انشاء العلي القدير هوني عن نفسك انت انسانة على قدر من الوعي للحياة ومؤمنة بالقدر وهدا ما اعجبني في شخصيتك كل همك ان تعيش مرتاحة البال وخوفك على بناتك اكبر همك هادي هي الكبدة ديال الام الحنونة الله يخليك ليهم
                  متفقصيش راسك انت في حاجة لمصاريف كتيرة الدواء والبنات المدارس المهم زوجك تيصرف حاليا عليك وعلى دارهم انت متفكريش في الطلاق من اجل بناتك خليهم ايشين ملمومين لنفرض طلبتي الطلاق وطلقك بناتك غادي يتعدبو شكون يقريهم اللهم خليهم قراب من باهم وانت حاولي تكسبيه ببناتك كل نهار يعيطو ليه بغيناك تبات معانا وهو راه يحن يحن الله يهديه الحبيبة اهم شيئ اهتمي بنفسك من اجل عائلتك ومتقنطيش من رحمة الخالق راه غير امتحان دنيوي




                  تعليق


                  • #10
                    اختي الله معك

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X