إعـــــــلان

تقليص
لا يوجد إعلان حتى الآن.

الوثائق والمراحل لي كتمرمنها الزوجة لي باغة تلتحق براجلها بايطاليا

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • الوثائق والمراحل لي كتمرمنها الزوجة لي باغة تلتحق براجلها بايطاليا

    البنات ليكيسولو على الوراق هادوالمراحل
    نبداو
    اولا شهادة الزوجة الوحيدة

    الاوراق اللزمة هي
    *فوطوكبي ديال عقد الزواج
    *فوطوكبي ديال البطاقة الوطنية ديالك
    *فوطكوبي ديال البطاقة الوطنية ديال الزوج ديالك
    *2 صور شمسية ديالك
    *2 صور شمسية ديال الزوج ديالك
    *عقد الازدياد ديالك
    *عقد الازدياد ديال الزوج ديالك

    تتجمعي هادشي وتمشي للمقاطعة اللي فالحي ديالك و تطلبي منو انكي باغة تصوبي شهاة الزوجة الوحيدة و هو يقوليك واش جبتي اللوازم اللي قالهم ليك من قبل تما غييبدا يسوبليك هو واحد الورقة يعمرها و تسنيفيها نتينا و من بعد يعطيهالك و تديها للمقدم و تسوبي التزام و توقعي عليه و من بعد المقدم غيدير زعمة بحث على المعلومات واش صحاح و يجاوب على الاسئلة اللي مكتوبي تما و يسني هو و تسني حتا نتيا معاه من بعد غتكاليزي الالتزام اللي اللي سوبتي و ترجعي عند السيد اللي مكلف بانجاز الشهادة و يتمم ليك الاجراات و توقعي عليها ومن بعد تديها لضابط الحالة المدنية و يسنيليك
    و اخيرا غتشديها فيديك
    شتو على حريرة
    و نسيتكم فالمقاطعة سولي الى خفتي متعرفيش اشمن عمالة تديها ليهم على العمالة المطلوبة بالضبط انا سولت ضابط الحالة المدنية و هو اللي رشدني
    قبل ماتدي شهادة الزوجة الوحيدة باش تتكاليزا فالعمالة غديري هاد شي اولا

    تانيا فوطوكبي ديال الحالة المدنية

    ديال الصفحة الاولى و التانية و الصفحة اللي مكتوب فيها المعلومات الخاصة بيك نتيا كزوجة
    و نسيتكم ماديروش فوطوكبي للصفحة بوحدها يعني للصفحة الاولى و اللي قبالتها و ايضا هاكاك بالنسبة لباقي الصفحات اللي بقاو

    من بعد تديهم للبلدية يصادقوليك عليها و لابد طبعا ماتكون الاصلية كاينة باش يتاكدو من المعلومات و تديها هي و شهادة الزوجة الوحيدة للعمالة المطلوبة او اللي تتحكم على المنطقة اللي نتوما فيها
    و تما دخلي لمكتب الحالة المدنية و تدخلي لقسم المصادقات على العقود و زيد و زيد ......
    من بعد تخليها ليهم يصادقوليك عليها و اخيرا انتهى المشوار الاول فيهم


    تالثا عقد الزواج

    هداك حريرتو حريرة ا لبنات انا غير واحد السيد من العائلة خدام فالمحكمة هو اللي سوبولي فيه بالزاف ديال طلع و هبط و الله خاسكم على الاقل شي تلاثة ايام

    المهم اللوازم
    *2فوطوكبي لعقد الزواج
    *2 فوطوكبي للبطاقة الوطنية ديالك
    *1 فوطكبي للبطاقة الوطنية للزوج ديالك غير للاحتياط حيت كل محكمة و الاجرات اللي تتطلب
    *20 تنبر ديال

    من بعد تتمشي للمحكمة الابتدائية و تدخلي عند الكاتبة ديال رئيس المحكمة و المختصة في المصادقة على العقود و الاحكام
    و تقوليلها راكي باغية تصادقي على العقد باش تدفعيه للقنصلية الايطالية و هي تتطلب منك الاوازم و تسني على شي ورقة و تدخلها هي لعند الرئيس يسنيها و تولي تعطيهاليك فواحد envlope اصفر و تقوليك هي فين غتمشي بالضبط رسلاتني انا لقسم قضاء الاسرة و تما تبعي الارشادات حتا توصلي للقسم اللي طلبات منك هي و تعطيها الرسالة اللي رسلاتها معاك من بعد تتمشي واحد المكان داير بحال الارشيف و تيعمر ليك واحد الورقة و تسنيفيها نتيا و من بعد تولي عند السيد او السيدة اللي رسلاتك لهاد الارشيف و تعطيها فوطكوبي ديال البطاقة الوطنية ديالك و الرسالة اللي رجعتي ليها من دالك المكان اللي عامل بحاال الارشيف و هي تعمر ليك و احد الورقة تانية و ايضا تسنيك على شي ورقة و تدخلها للقاضي لقسم الاسرة ومن بعد تخدي الرسالة مرة اخرى و ترجعيها للكاتبة الاولى و هي تكمل الاجراءات و تدخلها تاني للرئيس يسنيلك فيها و تولي هي تعمر اللي بقا و تعطيها التنبر تلصقوليك . و اخيرا انتهى المشوار
    صراحة ا لبنات انا لقيت اللي عاوني يعني راه الى دخلتو تما راكم تلفو و الله يعني الى عندكم شي معرفة فالمحكمة كان ا فضل ستاعنو بيها تعاونكم لان المحكمة كبيرة و اللي دخل ليها مايعرف منين يبداها و خصوصا ان الاجراءا تتتم من مكتب لمكتب اخر

    نسيتكم راني عيطت لمكتب المصادقات و التاشيرات في الدار البيضاء
    و سولتهم على الاوراق اللازمة اللي خسني نكاليزيهم فوزارة الخارجية قالولي

    *عقد الزواج هو اللي نكاليزيه و من بعد نترجمو
    * شهادة الزوجة الوحيدة حتا هي نفس الشيء
    * اما الفوطكوبي ديال الحالة المدنية غير الترجمة ديالو بلا ماتكاليزيه
    و اكدولي هاد الشي هما

    وايضا سولتهم على الوتائق اللزمة اللي خسني نجيب باش نطلب الفيزا قالتليا

    *الفوطوكبي للحالة المدنية
    * شهادة الزوجة الوحيدة
    * السيجورنو ديال الزوج ديالي
    *nulla osta
    *عقد الزواج
    *الفلوس راه قالوليكم الاخوات سابقا شحال
    *جواز السفر شيء طبيعي تديه معاك

    واي حاجة تعرفيها ضرورية انهم يشوفها
    بحال البطاقة الوطنية و الحالة المدنية الاصلية باش الا كانت اي حاجة تلقاي راسك فيديك كلشي يعني بمعني اخر تدي الاوراق كلها اللي معاك من a حتال z باش ميردوك على اي حاجة و اللي حلو عليها فمهم يلقاوها كاينة فهمتوني ا لبنات

    و هانتوما ساليتو الاجرات العادية و دابا منين تجي nulla osta عاد نكمليكم دعيو معايا باش تخرجليا
    ياك شتو ماخلفتش الوعد ديالي ليكم و اي خطة تانية نكتبها ليكم

    ايوا الى مادعاتش معايا شي وحدة نوريها الشغال بالحق من قلبها العمييييييييق
    الله يسر الامور للجميع البنات
    هانتوما هنا كاينين المدن اللي متواجدا فيها المكاتب الملحقة لوزارة الخارجية فقط غير فهاد المدن اللي كاينين و اللي ماساكنش فوحدة فيهم يمشي للمدينة الاقرب يه بيه هاد المدن


    rabat
    Rue Tétouan, N° 8, Hassan, Rabat, Tel : 03 766102


    tanger
    N° 44, avenue Tarik Ibnou Ziad, (Immeuble WAFABANK) Idrissia, 1er étage, Tel : 09 956587


    nador
    105. Avenue Hassan II, 1er étage (en face Hôtel Menzeh),
    Tel : 06 334322

    agadir
    Avenue Hassan II, Immeuble WAFABANK, Inbiaat, 1er étage
    Tel: 08 823819

    benni mellal
    33 Boulevard Mohammed V, 1er étage, Tel: 03 424619






    السلام عليكم
    ها انا كيف ماواعدت لحبيبات ديالي
    المهم نبداو من



    légalisation المصادقة


    العنوان .


    شارع تطوان رقم 8
    حسان الرباط
    راها ماشي فوزارة الخارجية كيما تيقولو راه هاديك غير ملحقة ليها
    باش متتصدموش بحال انا فاش شفتها قلت اويلي واش الوزارة تتكون هاكة
    tel.037 76 61 02


    الوثائق


    *شهادة الزوجة الوحيدة
    * فطوكبي ديال الحالة المدنية (ماشي بالضروري قالولي بلحق انا كاليزيتها )
    *عقد الزواج


    المهم مشيت لهاد العنوان مع الساعة 4 ديال الصبح و هما تيحلو حتال 9 و لكن انا بكرت افضل واخة تكرفست المهم كنت انا هي الاولى و الحمد لله و غير حلو دخلت انا هي الاولى
    و ماتتصنتوشي لهادوك اللي تيكونو برا تيقيدو الاسم راه تيبيعو البلاصة متديوهاش فيهم شدو المكان ديالكم واخة يقوليكم راه كاينة و حدة قبل منك قوليلو يعطيك اسم ديالها و يعطيك البطاقة الوطنية منين تجي. انا هاكا درت ليه ديك المرة قاليا راه كاينة وحدة قبل منك علما انا الاولى اللي جيت و شحال و انا تما و راني واحد la liste
    قاليا كتبي فيها الاسم ديالك و كتبتو و لكن لقيت اسم مكتوب فالاول و عقلت على الاسم و منين جات ديك 8 جات واحد خيتي تتكسول مع راساتها و قاليا هاهي السيدة اللي قلت ليك عليها قلت ليه بالصح يالله جيبليا البطاقة الوطنية باش نتاكد من الاسم ديالها .و فالتالي حصل معايا و بدا تايساوم فيا .بلحق متخفوش عليا و الله ماخليتها تفوتني حيت انا من ال4 و انا تما و هي شبعات نعاس و فطرات و عاد جات ماشي .
    بحالي شتيو انا تنقوليكم كلشي باش تكونو على بال
    المهم دخلت و حطيت الاوراق اللي خاسني نكاليزيهم و عطيتهم البطاقة الوطنية و قالوليا رجعي من بعد يعني مع 10 رجعت و لقيتهم و اجدين
    بالنسبة للثمن 20 درهم للورقة



    traduction الترجمة


    العنوان .
    مصطفى ازماني .طريق ادريس الاكبر
    شارع سلا. حسان الرباط
    Tel .037 20 54 44


    الوثائق


    *نفس الوثائق السابقة
    ماتنساوش الحالة المدنية الاصلية باش ميغلطوش ليكم فشي حاجة


    ويلا ديرو قضية مزيانة ليكم فاكسيو ليهم الوثائق و خليوهم يترجموها على خاطرهم هدا الراي ديالي
    و حتا تمشيو و تديو لفلوس و خدوهم


    من الافضل تكونو دايرين فطوكبي لدوك الاوراق كلهم باش ديك المدة اللي تتسناوها ستغلوها على مايكاليزيوهم و ديوهم للمترجم باش يبدا هو و عاد توليو لعند مكتب المصادقة باش تربحو الوقت و سافي يعني ماشي بالضروري يكونو مصادق عليهم كيما قالت halooma انا هادشي اللي درت و قاليا المترجم منين تصادقي على الاوراق ديالك جيبيهم باش نلصقهم مع الترجمة ديالهم
    انا خسرت شي000 17ريال على الترجمة حيت ترجمت فنفس النهار مابغاوش فالاول يعني زدت الفلوس باش بغاو ان تنقوليكم باش تعرفو شنو تديرو و تخدو احتياطاتكم الكاملة


    المهم رجعت خديت الاوراق ديالي من مكتب المصادقة و ديتهم للمترجم و قاليا مع 4 ديال العشية رجعي و رجعت قبل من 4 و لقيتهم واجدين من الاحسن ترجعو قبل الوقت اللي قالوليك باش الى كانت خاساهم شي حاجة تزيدوهاليهم راه تتكون خاساهم غير السبة باش ميخدموش ديك الاوراق فنفس اليوم
    يعني انا منين رجعت قالولي متلا خاسك تزيدي لفلوس على هادي متلا و ايضا ديري فطوكبي لهادي يعني باغين يصدروك حتال الغد نتيا تكوني واجدة لكل الاحتمالات


    اللي نوصيكم البنات فليو الاوراق ديالكم قبل متمشيو لديك مسخوطة الواليدين ديال الدار البيضاء يعني المترجم قراو من موراه و ركزو على الاسم ديالك و ديال الزوج ديالك و رقم البطاقة الوطنية ديالك و ديال راجلك و مكان و تاريخ الازدياد ديالك و ديال الزوج ديالك ايضا هادو تيكونو باينين بخط مضغوط يعني دغيا يبانوليكم انا ماتانقولش ليكم قراو de a jusque z غير باش ميرجعوكمش فهمتوني راه انا اللي مجربة
    سافي هادي هي النهاية ديال الرباط


    **************************
    ننتقل الان لمدينة الدار البيضاء و لا الجحيم هههههههههه
    الان المكان اللي تمشيو ليه هو المركز الايطالي للارشادات و المصاقة على الوثائق و طلب التاشيرات
    centre italien d'assistance opérationnelle pour les visas et les légalisation
    المسمى ب CIAO (تشاو)
    راه معروف فالحي الحسني
    و ماشي للقنصلية كيما تيقولو بعض البنات هدا جديد باش يتفاداو كثرة الازدحام فالقنصلية يعني القنصلية متخصصة الان فاعطاء الفيزا و قبول او رفض الملف
    يعني هدا مركز ملحق بحال وزارة الخاجية كيما دكرت سابقا



    العنوان


    رقم 27 .شارع ازمور. الحي الحسني عين الشق.الدار البيضاء
    غير دخلو للحي الحسني راه سولو اي واحد ينعتوليكم و نسيتك سيرو بكريييييييييييي راه الدار البيضاء قارة اخرى و كبيرة خاسكم ساعة و نتوما تتقلبو و الله


    tel. 022 77 46 46


    الوثائق


    * الباسبور وفطوكبي ديالو
    * فطوكبي ديال البطاقة الوطنية *
    *الحالة المدنية الاصلية
    * تصويرة باش ديرها ف demande de visa
    * nulla osta و فطوكبي ديالها
    * فطوكبي ديال الحالة المدنية egalisée و الترجمة ديالها
    * فطوكبي ديال الترجمة ديال الحالة المدنية و فطوكبي ديال فطوكبي ديال الحالة المدنية اللي كاليزيتيها
    * شهادة الزوجة الوحيدة و فطوكبي ديالها من بعد legalisation ديالها
    * الترجمة ديال الزوجة الوحيدة و الفطوكبي ديالها
    * عقد الزواج egalisée و فطوكبي ديالو
    * الترجمة ديال عقد الزواج و الفطوكبي ديالها

    الفوطوكبي ديال السيجورنو ديال الزوج ديالك
    سافي هادشي اللي خاسكم
    المهم منين تتوصلو لتما تتلقاو الشباب اللي تيعمرو demande عطيوهم ديك 40 درهم و هما يعمرو هاليك راهم عارفين كلشي وعنداكو تمشيو بلا موعد مسبق راكم مادخلوش و عقلو على الرقم اللي يعطيوه ليكم منين تاخدو موعد حيت هو اللي تدخلي بيه
    و سافي تتشدي بلاستك فالباب حتا يحلوها و من بعد تيقلبك و احد السيدة باش متكونيش داخلى ديري الارهاب زعما ههههههههه
    المهم تتدخلي تشدي الماكن ديالك فالصف الداخلي و تيجي واحد السيد تيخد البسبور و الرقم اللي يكون مكتوبليك فوريقة اللي عطاوهليك هما فالتلفون
    و من بعد تيعيط بالاسماء و تدخلو واحد بواحد و من بعد تيعطيوك رقم اخر هما في الداخل و هداك هو رقم الدفيع منين يبان في الشاشاة الرقم اللي عندك فالوريقة الصغيرة اللي تيعطيوك هما لداخل تتنوضي و تختاري la poste اللي خاوي و مكتوب فيه الرقم المطلوب و تتدفعي و الفلوس راه 32000 ريال
    و سافييييييييييييي و هما تيعطيوك الموعد القادم
    [frame="4 80"]ربي يسر أمري وفيض رزقي وأفرج همي وأذهب حزني وغمي
    وبارك لي في دنياي وآخرتي وارزقني خير الدنيا والآخرة يا حي يا قيوم[/frame]

  • #2
    [align=center][tabletext="width:70%;"][cell="filter:;"][align=center]
    شكرا اختي الكريمة على الطرح المفيد لكن
    ستفيديني كثيرا اذا ادرجتي الوثائق والمراحل التي
    تمرمنها الزوجة التي تريد ان تلتحق بزوجها
    ببلجيكا
    اذا توفرت وشكرا.
    [/align]
    [/cell][/tabletext][/align]
    [justify]

    نعيب زماننا والعيب فينا وما لزماننا عيب سوانا
    [/justify]

    تعليق


    • #3
      شكرا على المعلومات أنا باقا واحلة هنا بغيت غير نسولك اشنو نجمع باش نصايب الحالة المدنية، واش غادي تخصني شي ورقة من عند الزوج ديالي القاطن بإطاليا ؟








      تعليق


      • #4
        kanchoukrouk akheti alh yesahal lik wtakhedi alfiza wyejma3 chamlak me3a rajelak.ila kan momkin akheti tejawbi aoukhet moamina jidan hit 3andi nafss souaal behalha 3ela wataii9 deyal beljigue
        قال صلى الله عليه وسلم ( ما من عبد مسلم يدعو لأخيه بظهر الغيب إلا قال الملك الموكل ؛ و لك بالمثل)رواه مسلم

        تعليق


        • #5
          حتى واحد ما بقى جاوبني ؟
          أمدام فايز ؟








          تعليق


          • #6
            merci 7biba lah ya3tik matmanay wlah yjma3 chamlak m3a ton mari fadtina bzaf

            تعليق


            • #7
              merci kheti tbarklah 3lik fadtini bazaf

              تعليق


              • #8
                جزاك الله خيرا اختي
                اللهم صل على محمد وعلى آله وصحبه أجمعين

                تعليق

                المتواجدون الآن 1. الأعضاء 0 والزوار 1.

                أكبر تواجد بالمنتدى كان 2,525, 26-09-2016 الساعة 21:58.

                يعمل...
                X