إعـــــــلان

تقليص
لا يوجد إعلان حتى الآن.

وحش بشري

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • وحش بشري

    بسم الله الرحمن الرحيم
    ماعرفتشي كيف نبدا هاد الواقعة او الكارثة بتعبير اخر,هادي بنت عمتي تبلغ من العمر 18 سنة شافها مع امها وجا لدارهم وخطابها ، هو يبلغ مناالعمر 63 سنة.غرهم بقيمتو انه محامي وانه ايعيش بنتهم احسن عيشة وكيف تيقولو دارو مساكن نيتهم ووافقو عليه مع العلم انه ماشي من مدينتهاـ هي من قرية بسيطة من نواحي صفروـالمهم دازت ايام وعايتلهوم في تلفون قالهم غدا انا جاي اندير العقد وناخد مراتي معاي، وهدا ما كان،جا وفضرف يومين دارت حفيلة بسيطة و ملي بغاالعدول يكتب قالهم الاوراق لقاو داكشي ناقص مبغاوش يكتبولو وهو ينطق قالهم صافي حتي نمشيو لمدينتي ونكاتبو وهادا ماكان ، داز شهر والى شهر شهر الغفران سيدنارمضان وجا العيد وقالها انديك لوالديك نغفروليهم العيد ونخليك شي يومين حتي يرجع، دزت يومين ، دازت اسبوع والو ما عيتش فتلفون وهما يعيتلو فتلفون وكانت الصدمة او الكارثة،قلهم بنتكم عندكمووراه ما كاين لا عقد لا والو هادوك غير صحابو لمثلو ادوار العدول و الشهودفي مدينتو وان كل شي مزوور حتى من سميتو.
    هادي قصة هاد البنت لي تغاصبت في حياتها
    اخواتي الا عندكم حلول ما تبخلوش عليا بها ، والي بغات تفاصيل اكثر للاستفسار انا رهن الاشارة

  • #2
    وانا كنقرا هاد القصة توقعت انه ف الاخير اكون متزوج ولا غادي اطلق لاكن ماتوقعتش هاد النهاية ابدا مصيييييييبة ومشكلة كبيييييرة وسمحي ليا الاخت هاد المشكل سبابه الاساسيين هما نفسهم اصحابها اي عائلة البنت لانهم هما لي عطاوها لواحد اكبر من حتى ابوها وعااد انه ماسالوش عليه ولا اصلا الاهل دايلو حاضرين ؟؟؟؟؟؟؟؟؟؟لالالا اختي سمحي ليا ماشي معقول اي واحد اطلب البنت نعطيوها ليه غير هاكاك وزايدون العدول راه اب العروسة لي المفروض اجيبهم هادشي لي كنعرف ..اوا الله اشوف من حالها اما الحل ماكنضنش انه ساهل ؟؟؟؟ربي افرج همها .

    تعليق


    • #3
      السلام عليكم ورحمة الله وبركاته ما عرفتش اختي اشنوا نقوليك لاني تصدمت من القصة الي قريتها كيفاش احنا في 2009 وباقي ناس كيفكروا بهاد الطريقه اشنوا ذنبها مسكينه هاد البنت تغصبات في شبابها وحياتها وهي في سن صغير كيفاش هاد الاب والأم يصيفطوا بنتهم مع شخص ما كيعرفوهش بلا عقد اول مره كنسمع هذه سداجه علاش ما يوقفش على حق بنته ويمشي هو يجيب العدول ويتافق على كول شي اول غلط انه اكبر منها بسنين وثاني شيء مصيفطها معاه بلا عقد وحتى ما يعرف عليه اي شيء سمحي لي القانون لا يحمي المغفلين غير ظلموا هاديك البنت مسكينه وخرجوا عليها يارب يكون معاها ويصبرها على ما داروا فيها اقرب الناس ليها ياربي يفرج همها لا حولة ولا قوة الا بالله وهو الله ينتاقم منه ربي ما كينساش عباده وسعدات الي نعس وهو مظلوم وهي مسكينه هادشي الي وقع ليها فات الظلم وربي غادي ياخد ليها حقها بإذن الله

      تعليق


      • #4
        لا يمكنني الا قول لاحولة ولا قوة الا بالله العلي العظيم ناس مكتخافش من الله ولكن ربي غدي يخلصو في دنيا قبل الاخرة
        علموا اطفالكم حفض القران سور مكررة للحفض

        تعليق


        • #5
          :([salam 3alikom o kheti li rada neqolik rah rabi kayen o llah yedir liha li fiha el kher o 3ad el insan yefakar fi welado qebal la yaremihom haka rah jemal ma kataqalech 3alih le7edeba deyalo kif ma kan el hal o chokeran

          nawaali

          تعليق


          • #6
            لاحولة ولا قوة الا بالله العلي العظيم

            تعليق


            • #7
              اختي معرفت شنو نقول لك هاد المشكل صعيب خصوصا ان الحجج مكايناش باش يتحاكمو اصحاب الفعلة والعبرة اللي تاخذ من هاد القصة ان الواحد ميزربش في مسائل بحال هاكدة. والله تعالى هو اللي غياخذ بحقها و يحاسبهم على الفعلة وديالهم ومعليها هي والعائلة ديالها غي بالصبر و مصاب لو كان تفكر مزيان فشي حاجة تثبث الوجود دياله باش تستطع على الاقل تاخذ بحقها.اللي وقع وقع و الله تعالى يدير لها شي طريق تفاجي همها وهم والديها.ربي معاها

              تعليق


              • #8
                السلام عليكم ورحمة الله وبركاته
                البنات راهم امانة لا تزوج البنت الا ليستاهل ويحافظ عليها من المفروض كان اهلها يسالو على هذا الخاطب ولايتم الزواج بهذه السرعة في ظرف يومين؟؟؟؟؟؟؟؟؟ على كل حال راه يخاف على روحو اعراض الناس مهيش رخيسة وكيما يقول المثل كما تدين تدان والجزاء من نفس العمل راهو يخاف على عرضو هو ثاني كيما خدع هو راه يجي الوقت ويذوق من الكاس الي شربو لهذى المسكينة ربي يعوض عليها بلي يستاهلها ويسعدها قولوا امين



                [flash=http://dc05.arabsh.com/i/02589/xxh6jz8x95k0.swf]WIDTH=531 HEIGHT=232[/flash]

                تعليق


                • #9
                  لاحول ولا قوة الا بالله العلي العظيم
                  ابتسم .. فالله ربك ولن يخذلك أبدًا

                  تعليق


                  • #10
                    سبحانك اللهم وبحمدك ، أشهد أن لا إله إلا أنت أستغفرك وأتوب إليك
                    sigpic


                    تعليق


                    • #11
                      تعصبت الصراحة من قريت القصة

                      وااااااااااش باقي كاين لي يتزوج بلاعقد؟؟؟؟؟؟؟؟؟؟؟؟؟؟؟؟؟؟؟؟؟؟

                      لمهم طرا ليطرا ودابا الفاس وقع فراس

                      كنتمنى من الله يلطف بهاد المسكينة

                      اما الحل هو انها طلب الله وتصليييي اكيد غايعاونها





                      تعليق


                      • #12
                        نسيت مانقوليك ضروووري تستاعن بشي محامية





                        تعليق


                        • #13
                          السلام عليكم ورحمة الله تعالى وبركاته
                          ذكرتني هاد الواقعة بحكاية دكتورة اسمها قمر تزوجات وأقامت مع واحد عنده السلطة السيدة هذي دكتورة قارية وواعية واقدر هاد الوحش يضحك عليها بعد ما استغلها سنين انكر أنه تزوجها بعد ما قطع العقد الي هي حاسباه عقد زواج وهو ربما استغل ناس عقدوا له دون مايتسجل ويتبع الطرق القانونية
                          لذا ماتصدمتش أن هاد الحقير ضحك على بنت واغتصبها في أيام عمرها وشرفها باسم زواج وهو يزني بها الله يلعنه إلى يوم الدين ويخرج فيه برهان الظلم لي ظلم البنت


                          أختي اسمح لي انقولك الفقر ماش عيب وماش سبب باش هاد عمتك وزوجها يفرطوا في كبدتهم بهاد السهولة ويسلموها بيدهم لراجل قد جدها مضوبلها فالعمر أكثر من مرة
                          احشووومة عليهم وبزااااف بزااااف زعما راه احنا في 2010

                          المهم دابا لي اعطا الله اعطاه وفاااات الفوت دابا لي كنتمنى هو هاد البنت تقدر تتداوا من هاد جراح المصيبة وتلقى لي يصبرها ويرشدها ويوقف معاها حتى تسترد حقها
                          أنا ماش محامية باش نعطيك الحل ولكن الي نقدر انقول هو أن هاد البنت عاشرت هاد الوحش معاشرة الأزواج ولمدة ليست بسيطة وأكيد إذا كلفات شي محامي ولا محامية غتلقى خيط إن شاء الله تلويه على عنق الخانز الي ضحك عليها
                          كنظن أنها تتقدم للمحكمة ترفع دعوى بالكارثة لي وقعات وتوصف هاد الوحش وفين كانت ساكنة معاه وأكيد غتعقل على المدينة والحي والبيت تلحق حتى لهناك وتدبر الشهود الي يشهدوا أنهم شافوها هناك وعرفوها كونها زوجة لداك ابنادم وأكيد الناس لي هناك غيكون فيهم الي يعرفه ولو غير الي مثلا كان كاري عنده هذا في حالة الدار ماشي داره وتعمل شهادة طبية من دابا عند شي دكتورة الي تقدر تحدد المدة ولو بالتقدير متى افتضت بكارتها وأكيد كاين الناس لي حضرو الحفلة غيشهدوا أنه كانت حفلة إشهار زواج
                          المهم إذا تجرأت وفتشات على حقها غتوصله بإذن الله
                          وهذي جريمة وماكاينش شي جريمة كاملة أكيد هاد القضية غتكون فيها نقاط لصالح الضحية ربي يقدرها وتسترد حقها ويعوضها خير يارب

















                          ياما كان فيها ممالك .. إلاوجهه كله هالك

                          من ترابها ولترابها .. من وكان في الدنيا مالك
                          مين وكان في الدنيا ملكه .. إلا جاله يوم وهلكه
                          مهما نوره طال ظهوره .. جاي ليل ع الدنيا حالك

                          جاي ليل ع الدنيا ضلمة .. ياما ناس في الدنيا ظالمة
                          في المظالم كل ظالم .. جايله ليل أسود وحالك
                          ياما كان فيها وياما .. من هنا ليوم القيامة
                          الممالك والمهالك .. مالي يا دنيا ومالك











                          شكرا غاليتي أمنار


                          حملة الدعاء لاخواننا السوريون يوم الجمعة هلمي اختي


                          ،أستحلفكن بالله..الدعاء ثم الدعاء ثم الدعاء لاخواننا في سوريا.







                          تعليق


                          • #14
                            كنتمنى من الله يلطف بهاد المسكينة ربي يقدرها وتسترد حقها ويعوضها خير
                            sigpic

                            تعليق


                            • #15
                              لاحول ولا قوة الا بالله العظيم . هده غلطة الوالدين لانهم تصرفوا وكانهم يتخلصون من البنت،الله يعوض عليها المسكينة ،اما هداك الوحش فالله كفيل به
                              sigpic[URL=http://www.anaqamaghribia.com/pic/]



                              [URL=http://www.anaqamaghribia.com/pic/][IM 29lkk9ozj28781aeo4 snv87fdnzitkhadi362

                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X