إعـــــــلان

تقليص
لا يوجد إعلان حتى الآن.

عندي حكم بنفقة بنتي ومازال متنفد مدة 8سنوات فين هو القانون؟؟أم ريان فيديني الحبيبة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • عندي حكم بنفقة بنتي ومازال متنفد مدة 8سنوات فين هو القانون؟؟أم ريان فيديني الحبيبة

    السلام عليكم ورحمة الله تعالى وبركاته
    الحبيبات وخصوصا أختي أم ريان أنا كنعرف واحد السيدة من العائلة مطلقة وحاكمة ليها المحكمة بنفقة لبنتها وعندها محامي غير سميت المحامي وصافي وماراه معمل معاها والوا غير تسناي راه الأجراءات غادية ومعندي مندير ليك...
    المهم هو طليقها وأب بنتها لي هي دابا عندها 12 عام ومعمروا مسول فيها موظف في شركة معروفة (أتصالات المغرب) لحد الأن مستاطعاتش باش تخليه يخلص واجبات النفقة
    أولا بلغات ليه الحكم لي صدر هادي 8سنوات غير بالريق الناشف في شهر 04-2009 وامتنع باش ينفد وأخد العون هداك الأمتناع ووضعوا في الكوميسارية باش يقوموا بالأجراءات ديالهم ولحد الساعة مزال مكين والوا والمحامي مبقا بغي يدير معاها والوا فقصها غير كتتصل بيه كيقول ليها راه الأجراءات كتأخد وقت ؟؟ وهي محتاجة الفلوس باش تربي بنتها وتقريها والمسكينة كتقريها في مدرسة خصوصية ب 600درهم للشهر حقاش خايفة ليخطفها ليها من المدرسة العمومية
    لأنه شخص معندوش ظمير ويقدر يعمل أي حاجة باش ميعطيها والو حنت شحال هدا ملي كانت البنت صغيرة كان كيهددها بأنه يأخدها ليها ..وهي دابا معرفا متعمل وبغات شي استشارة أو شي جمعية تقدر توقف معاها باش تأخد حقها ويولي هو يعطيها نفقة بنتها كل شهر بالقانون من غير متبقا كل مرة رافعة عليه دعوة لأنه هو عندو نفود ويقدر يرشي أي واحد بأي مبلغ المهم هي متأخد حقها وخلاص غير عناد وصافي وهو دابا راه مزوج وعندو 4 الأولاد.... شوفو هاد الظلم لي جاري في بلادنا والقانون مكيقدرش هاد شي راه حرام في الأسلام
    الله يأخد فيه الحق هو لي يقدر عليه
    في الحقيقة طولت عليكم الحبيبات راها صحبتي وعزيزة علي وكنتمى نلقى عندكم شي جواب أو حل أولي كتعرف عنوان شي جمعية يمكن تساعد ها الله يجازيكم بألف خير ودعيو معاها شي دعيوة في الغيب الله يغلبها عليه


  • #2
    اختي العزيزة
    اذا حصلتي على محضر الامتناع فانه يمكنك باعتبار ان مطلقك يعمل في شركة الاتصلات المغرب فانه يمكنك التقدم بطلب للسيد رئيس المحكمة الابتدائية بمكان سكناك قصد القيام بالحجز لدى الغير على راتب مطلقك حيث يتعين عليك ان تقدمي ما يفيد اشتغاله لدى اتصلات المغرب وان امكنك ان تدلي بورقة اداء bulletin de paie و سيتم على اساس ذلك اقتطاع جزء من راتبه لفائدتك حتى تستخلصي ما تدينين به منه
    sigpic

    تعليق


    • #3
      الله يكون معاها اختي وصافي زعما اللي معندوش المعارف ولا لفلوس يكب على كرشو لماء راه عداد منها الله يكون معاها وصافي ذكرتيني بواحد السيدة كانت جارتنا مطلقة بطفل معاق مسكين وتتخسر عليه زبالة ديال الفلوس فالشهر غير ديال الدواء والترويض وزيد وزيد وراجلها قاضي ومصورات منو والو ونهار حكمات لمحكمة ليها عرفتشي شحال 3600 دريال فالشهر وتستلمها فطنجة وهيا ساكنة فالرباط يعني باش تاخدها تخسر كتر منها غير فترونسبور حريرة صافي الله ياخد فيه لحق وبقات مسكينة هاكاك حتى توفا داك الطفل الله يرحمو
      الحاصول خليها عالله وصافي
      يااااااااااربي تشفيني وتشفي جميع مرضى امة محمد وترزق الذرية الصالحة لكل محرومة والزوج الصالح لكل اخت عازبة

      تعليق


      • #4
        أختي لازم المحامي يعمل ليها شكاية من أجل إهمال الأسرة طبقا للفصل 480 من القانون الجنائي إلى وكيل الملك باش يأمر الضابطة القضائية باش يشدوه
        أختي إلا كانت تتعرف شي حد من البوليس تشوف معاه باش يمشيوا لمقر العمل ديالو ويقبطوه هذا هو الحل
        ربي يكون معاها

        تعليق


        • #5
          إلا كانت من الدار البيضاء نعطيك هاتف أحد الجمعيات ؟؟

          تعليق


          • #6
            شكرا ليكم الحبيبات على هادالأهتمام منكم
            أختي سبحان الله وبحمده واش الطلب تقدموا في المدينة لي كتسكن فيها هي أو لي كيسكن فيها هو حنت كل واحد في مدينة هي من مدينة الدار البيضاء وهو من مدينة الجديدة ؟؟ وشكرا جزيلا لك الغزالة على المعلومات الله يجازيك بخير وينولك مبغيتي
            أختي نهال راه الحبيبة كتحاول تشوف شي واحد يوقف معاها ولكن راه هو كيعرف الناس بزاف وخصوصا الملف مقدم في الجديدة والمدينة صغيرة وهو الرشوة هي حبيبتو ....الله يكون معاها وخلاص ...ولك جزيل الشكر الا عطيتيها رقم الجمعية لي في الدارالبيضاء وحتالعنوان الا كان ممكن الحبيبة الله يجازيك بخير
            جزاكم الله خيرا

            تعليق


            • #7
              العنوان أختي معنديش بالضبط لكن الجمعية جات في كراج علال الجمعية كاينة في إقامة مقابلة مع محل النجم الأزرق وسميتها جمعية العنف ضد النساء وحداهم حتى صبيطار الحومى المهم راه معروفين تما
              رقم الهاتف هو: 0522816147

              تعليق


              • #8
                شكرا لك أختي نهال بارك الله فيك على العنوان والهاتف
                على الله تكون شي نتيجة
                جزاك الله كل خير الحبيبة
                تحياتي

                تعليق


                • #9
                  اختى الله يكون فى عونها مادمت فى المغرب فلا تستغرب

                  تعليق

                  المتواجدون الآن 1. الأعضاء 0 والزوار 1.

                  أكبر تواجد بالمنتدى كان 2,525, 26-09-2016 الساعة 21:58.

                  يعمل...
                  X