إعـــــــلان

تقليص
لا يوجد إعلان حتى الآن.

جيران القرابة ياحسرة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • جيران القرابة ياحسرة

    السلام عليكم انيقاتي العزيزات ليوم عندي موضوع جديد وكنتمنى تجاوبو معاه ويعجبكم كيف ما كيقولو حتى حد مالقاها كيف بغاها وكل وحدة عندها شي مشكل منغصها في حياتها الى مكانش كبير يكون صغير وبغيت نفضفضو لبعضيتنا ونصحو بعضنا باش نخففو على عضواتنا ونستافدو من اقتراحاتهم نبدا بمشكلتي
    مشكلتي مع لوسي مشاركين السكن حنا لفوق وهو لتحت والسطح مشروك والملكية المشتركة عندها قانون ولكن معاه والو بقاو الدروج ممصلوحينش معمر الضريبة متخلصات ممكاتبينش قاسمين غير بالفم مللي نقولو لهم نفكو هده المشاكل متسمع غير ماعنديش مع العلم ان وظيفته بحال زوجي ماشي ماشي مخصوص وهده الشراكة تسببت في مشاكل وعداوة وخا هما غير جوج خوت وليت تعقدت من هاد السكنة قولو لي الله يعفو عليك منها مبغيتش نطول عليكم اما قصتنا فهي طويلة جدا

  • #2
    اختي عواشرك مبروكة
    والله يفرج عليك لان الشراكة صراحة خايبة وبزاف واللي قالوها زمان صح
    الوجه المشروك عمرو ماكيتغسل
    عليك بالصبر والحيلة حتى تسلي الشوكة بلا دم
    لان مشكل بحال هدا غيوقعكم في عداوة ماليهاش حد وممكن تقاطعو ومايبقى حد يسول في حد

    تعليق


    • #3
      عواشركوم مبروكة

      حاسة بيك ياختي وبالمعانات ديالك، ومصاب لو كان عندي شي حل، ولكن الغالب الله لأن الحل دهاد الوضع صعيب شوية ومهيجيشي غير بالنصيحة إنما هيكون بالصبر والحيلة كيما قالتلك الأخت حبيبة زوجي لأنك نتينا اللي تقدر تجبر الباب اللي تدخلوم منو، وأهم حاجة هي أن الزوج ديالك يكون مقتانع بأن هاد الوضع ماشي صحيح، لأنه لوكان ماباغيشي يفرق على خاه ولا ماباغشي يلقا معاه شي حل راك هتبقى تدور بوحدك بحال الحمار فالساقية، وسمحلي على هاد المصطلح حيت أنا عندي تقريبا نفس المشكل ع اختلاف بعض التفاصيل، وكنحس براسي فعلا بحال الحمار فالساقية، حيت عيت مانهدر ولا حياة لمن تنادي.
      الله يشوف من حالك وحالي، كنتمنى نسمع عليك خبار الخير إن شاء الله.

      تعليق


      • #4
        شكرا عزيزاتي على مروركن الطيب اللدي واساني والله يتقل بيه ميزان حسناتكن وبغيت نقول لاخت احلام رومنسية بان زوجي حتى هو ممقتانعش بهدا السكن ولكن ممكاتبينش ومبغاوش باش نبيعو انشاء الله

        تعليق


        • #5
          كيفاش مامكاتبينشي؟ علاش الدار فالإسم دمن؟
          ياختي الله يشوف من حالك، را الحاجة المشروكة متروكة، غير صبر ودعي لله عز وجل باش يعملكم تاويل دالخير.

          تعليق


          • #6
            الله يكون في عونك أختي ويصبرك
            لكن يا أختي المشكل مخصوش يبقى معلق بهذا الشكل الموت والحياة بيد الله يعني ضروري تحطو النقاط على الحروف باش ميزيدش يكبر المشكل مع ولادكم وتكبر العائلة وديك الساعة فكها يا من وحلتيها.
            كيف مكاتبينش ، يتفاهموا غير هما الخوت مع بعضهم وكل واحد يأخذ حقه وخصوصاً كيفما قلتي هما غير جوج خوت يعني الخاوا حدها الدنيا.
            نصحي راجلك باش يتخذ قرار حاسم وينهي المشكل محده مازال ما تفرع.
            ا:s11353:

            تعليق


            • #7
              شكرا لكن حبيباتي على مشاركتكن لي في مشكلتي ممكاتبينش حيت ا لدار ديال الوالد ديالهم الله ارحمو وكانت مبنية غير لتحتانية وبنينا احنا لفوق بالنفس خسرنا فيها بزاف وحتا هما صلحو شوية قلنا ليهوم غير ردوها كاملة ولا نردوها احنا مابغاوش درنا معاهوم جميع الحلول اختي ام عامر داكشي اللي قلتي اللي قال ليه زوجي قالو الموت والحياة هادي خاصنا احنا نفكو هده المشاكل منخليوهومش لولادنا قالو ومالها حتى يكبرو ويفكهوم

              تعليق


              • #8
                اللهم اني اسالك باسمك الاعضم اللدي ادا دعيت به اجبت وادا سئلت به اعطيت ان تفرج هم اختي ام سعد في القريب العاجل وغير اجل ورزقها من حيت لا تحتسب

                نلتقي لنرتقي
                اروع قصة حب

                تعليق


                • #9
                  السلام عليكم ورحمة الله تعالى وبركاته.
                  أختي الحبيبة مان عندي تقريبا نفس المشكل غيراحنا حليناه قبل السكن . مان زوجي بغا يشري أنبنيوها ناض خوه مع العلم أنه عندو الدار أساكن غير أختي النية أقلة النية ما كيتلاقاوش .لصق خوه قال لوا نتشركوا المهم أختي أنا ما وافقتش لكن تشرك معاه أهاديك كانت سبب العداوة بين الخوت والصداع من بعد ما بدات الدار كتطلع وتبان .ولا كيقول لنا نرد عليكم. أما باغيش يعطي الثمن اللي تستحق الدار أو نعطيكم طبقة في السكن القديم .ويسكن هو في الدار الجديدة مللي قلنا نبيعوها ما بغاش. جاو الناس واعطاوا ثمن زوين لكن هو رفض. حتى ناض الصداع بالمعقول أراجلي مرض أجينا لأسفي أما عندناش فين نسكنوا . بقاو مهازين حتىتدخلوا العائلة قال لهم يعطيوني الكاراجات اللي هم السفلي كله ويزيدوني الفلوس .ولكن الدار خاصها الفينيسيون كلها . اعطيناه الفلوس والكاراجات باعهم أشرى أرض أخرى بناها ويكن في داروا الجديدة أباع القديمة حينث هو من النوع اللي شاف شي واحد دار شي حاجة بالأخص خوه خاصوا ولا بد يديرها .والحمد لله دابا أحنا ساكنين وتصالح مع خوه والأمور بقات غير تعاويد.
                  اللي بغيت نقول لك أختي إلى كانوا الوالدين أو العاسلة يتدخلوا بينهم ختى يوصلوا لحل يرضي الطرفين . أصللي أطلبي الله يصاوب.

                  تعليق


                  • #10
                    لك جزيل الشكر اختي ام الحبيبين على الرد الطيب

                    تعليق


                    • #11
                      ما عليك غي بالصبر ,أ الا دخلتي غادا تسماي ممزياناش مع عائلة راجلك وخا يكون معاك لحق.خلي راجلك يتبت وجودو أيحل مشكيلو راسو مع خوتو
                      [/SIGPIC][/SIGPIC]

                      تعليق

                      المتواجدون الآن 1. الأعضاء 0 والزوار 1.

                      أكبر تواجد بالمنتدى كان 2,525, 26-09-2016 الساعة 21:58.

                      يعمل...
                      X