إعـــــــلان

تقليص
لا يوجد إعلان حتى الآن.

اجى تضحكى و نساى الهم

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • اجى تضحكى و نساى الهم

    [frame="7 80"]
    هدا واحد القواس مشا يتفرج فواحد لمباراة..المهم بدا لماتش ب 40دقيقة وماكاينش اللي يسجل الهدف...غير مشا يشرب هوا يتمركا لبيت منين رجع تيجري ماشافوش...و فاش دارو الاعادة دربات الكرة البوطو...
    ...................
    هدا واحد ناشط مشى عند البقال ...أو قال ليه عندك قنبولة 180 ريال بغيت نضحك مع مالين الدار...جاوبو مول الحانوت...زيد درهم أو شري بوطة صغيرة هجرو ليهم....
    .............................
    هدا واحد المكلخ بغا اطلع للقمر ...مني كان غادي خسر بيه الصاروخ أو طاح فصحراء سيناء...سحابو واش وصل للقمر....واحد الشوية جا عندو واحد المصري أو قال ليه (حتموت من الشمس )..جاوبو صاحبنا متشرفين..(ونا حشحوش من الأرض)
    ...........................
    واحد حشايشي شاف باه فالزنقة.. باه جا عندو قال ليه مالك مشفتنيش.. قال ليه شفتك غير معرفت فين
    .........................
    واحد كياكل بلا مايقول بسم الله... واحد نهار كال كسكس بالحرور... وهوا يهز مونادا باردا .. وقال للشيطان ودابا شوف باش تبرد ... بسم الله..
    .............................
    ............................
    هذا واحد اول مرة كيشري لبورتابل هو يسمع برسائل

    (messages)
    هو يعطي بورطابل ديالو لصاحبو قاليه كتبلي رسالة قالو مالك متكتبو انت قاليه خطك حسن من خطي
    ...........................
    هادي امريكا بغات تصنع صاروخ المهم كلشي شارك معها... ها اللي جاب البياس و ها اللي ساعد باليد العاملة ..و اللي عاون بالفلوس... و حتى سالاو و هما يشوفوا واحد المغربي جايب ورقة كبيرة مكتوب فيها( صنع في المغرب )
    ..............................
    .......................
    هادي واحد الدجاجة دصر عليها واحد الثعلب مشات عند راجلها الفروج قالت ليه ان الثعلب دصر عليها ما عجبوش الحال قالها هاني غادي نوريه الشغال . منين كان راجع شافتو مريش قالتيه مالك الراجل فين الريش ديالك قالها انا جبدت عليه الجاكيتة و هو يهرب
    .....................
    ..........................
    معكاز شرا ليه باه محل ديال دجاج باش يجمع راسو جات عندو واحدة قالت ليه ارا ليا شي دجاجة فيها 2 كيلو... الدري مكسل.. شاف فدجاج وقاليهم يالاه للي فيها 2 كيلو تنوض...
    ..........................
    +هدا واحد خينا مربي بزاااااااف كايدق باب التلاجة قبل ما يحلها.
    +هدا واحد سراق الزيت (صرصور) طاح ف مولينيكس ملي خرج قال الله ينعل اللي باقي يمشي ل لافوار
    ........................
    هذا واحد شرا R4 و بغا يجربها فالطريق قال نمشي بها للرباط المهم خرج صاحبنا للطريق يلا بغا إخرج من الدار البيضاء وهو اشعل الراديو وهو يسمع هنا الرباط وهو يقول بشااااااااخ على الحديد
    ............................
    هدا واحد المعلم قال للتلاميذ ديالو كتبوا لي انشاء على مقابلة فكرة القدم واحد الكسول كتب ليه"نظرا للأمطار الغزيرة تأجلت المباراة
    .............................
    وحد المعلم سال واحد التلميذ
    قالو أعطيني شيء يتمدد بالحرارة ويتقلص بالبرودة
    التلميذ قالو: العطلة يا أستاذ. في الشتاء 15 يوم وفي الصيف 3 أشهر
    ...............................
    واحد دخل للقهوة وقال للنادل: عندك قهوة باردة؟ يقولو: لا , زاد جاه غدا وقالو كيما المرة اللولة ورد عليه : لا, وعاد كل يوم يقولو: عندك قهوة باردة؟ واحد النهار قال النادل: والله تا نوجّدلو قهوة باردة قبل ما يجي, ومن بعد ساعة جا الزبون وقال: عندك قهوة باردة؟ قالو: نعم, قال: سخّنها وجيبها لي
    ...............................
    قاليك هدا واحد لمكلخ ماعمروا مشى لشي مقهى وجلس فيها واحد النهار قال مع راسو والله حتى نمشي لهاد القهوة اللي مصدعينا بيها ونجلس فيها المهم خونا مشى وريح جالعندوا النادل قالوا شنوا حب الخاطر اسيدي قالوا بغيت قهوة مشى النادل جاب ليه كاس ديال القهوة لمكلخ هو يهبط عليه دقة وحدة(بدون نفس) وهو يقول للنادل ممممممم صافي هي هاديك غي جيب لبريق
    .........................
    1-هدا واحد راجل شاف كلشي تيتزقرم هو يقول فراسو حتا أنا نبدا نتزقرم , هو يشري 5 لتر من زيت البلدية و بغا يساليها ف 5 سنين
    بقا هكاك دازت 5 سنوات و هو يساليها مشا فرحان لقهوة تيقول لهم "ساليت 5 لتر ديال زيت ف 5 سنين"
    هو ينقز واحد قاليه "وايلي أصاحبي وخا تكون تتسيق بيـــــــــه ....
    .............................
    هدو جوج كتغانوا على واحد القطة واش دكر ولا انثى
    واحد جا دايز قلهوم طلقوها يلا هربت راها قطة ويلا هرب راه قط
    ..........................
    مرة واحد محشش دخل البيت ،لقى امه تحترق،فقال لها:منورة اليوم!!
    .........................
    هدا وحد مغريبي غال لواحد شينوي ضربني و نضربك ,غال ليه واخا -
    جا شينوي ضربو ولمغريبي سخف يومين .فاش فاق غال لوه شنا درابتيني غال ليه
    frape coup
    جات نوبت مغريبي ضاربو و هوا يبقا فكوما عام .غال ليه شينوي شنو ضرابتيني غال ليه
    k.m.j
    غال ليه كيفاش هادشي جاوبو: كلامونيت ملوي في جورنال
    .............................
    هدا واحد زقرام بزاااااف فاق في صباح بكري ومشا يحل الحانوت ملي حلو لقاه مسروق وهو يسدو ورجع نعس وغطى راسو بالمانطا أو قال الله إخرج هاد الحلمة على خير
    ..............................
    واحد السبيطار ديال الحماق خرجوهم لشانطي باش يشوفوا شكون اللي دار العقل قالوا ليهم للي تلقا لشي طونوبيل نعطيوه طريف ديال ماروخا كلشي كيتلقا لطونوبيلات و كيتشتت واحد بقا كيروغ على الطونوبيلات قالوا هدا مول العقل سولوه علاش كيروغ عليهم قاليهم كنتسنا شي رموك باش ندي باكيا
    .........................
    غال ليك هدا واحد ربح مليار في لوتو قال اجي نشارجي
    ها كولها في تيليفون عايت ل 555 جاوباتو خايتي : رصيدكم صالح الى يوم القيامة......
    ......................
    قال ليك هادا واحد الاستاد رسم للتلاميد ضفدعة وقال ليهوم اش هادي
    وهو ينوض واحد الكسول للسبورة وهو يقول ليه هادي جرانة قال ليه هادي راه ضفدعة و هو يرجع داك الكسول لبلاصتو وقال لصاحبو العجب كاتبان من البعد بحال شي جرانة
    .........................
    هذا واحد شرا موطور 103 أو شفروه ليه .مشا عاوتاني شرا 103 آخر أوشفروه ليه ..من بعد مشا ديكلارا عند البوليس أو قاليهم شفرو لي 206

    منقول ليعم الضحك فى منتدانا المتالق
    [/frame]
    .

  • #2
    hhhhhhhhhhhhhhhhhhh
    اللهم اجمع شملي بي زوجي عاجلا غير آجل يارب يا مجيب المضطرين

    :::::::::::::::::::::::::::::::::::::::::::::

    أبي :كان وجُوده♥ !
    شَيَء عَميقَ جداً
    شَيَء كَ خيوَط فَرحْ تَتسللَ إلي ˛
    شَيَء يَجعلُنِيَ أتنفسُ بِرآحة كَبيرَه
    شَيَء ھٓآدئ ، حَنونَ جَداً .. !

    شيَء أحبهُ
    وَ گفىَ ♥ !

    تعليق


    • #3
      شكرا لك

      تعليق


      • #4





        تعليق


        • #5
          شكرا لك
          hhhhhhhhhhhhhhhhhhh

          تعليق


          • #6
            هههههههههههههههههههههههههههههههههههههههههههههههههههههههههه

            تعليق


            • #7
              hhhhhhhhhhhhhhhhhhhhhhhhhh
              sigpic





              يا بديع السماوات و الارض انت الحي القيوم يا من يحفظ الحاجات بكنفه الذي لا يرام أسألك يا الله ان تحفظ ابنائي وزوجي وان تشفيني وتشفي زوجي وتهدي ابنائي الى سواء السبيل وكذا ابناء المسلمين.

              تعليق


              • #8
                hhhhhhhhhhhhhhhhhhhhhhhhhhhhhhhhhhhh
                تجمع انيقات مسابقة احسن تنسيق لملف شخصي
                http://www.anaqamaghribia.com/vb/sho...=1#post3757478

                تعليق


                • #9
                  ولاهيلا نكت غزالين ههههههههههههههه
                  sigpic





                  يا بديع السماوات و الارض انت الحي القيوم يا من يحفظ الحاجات بكنفه الذي لا يرام أسألك يا الله ان تحفظ ابنائي وزوجي وان تشفيني وتشفي زوجي وتهدي ابنائي الى سواء السبيل وكذا ابناء المسلمين.

                  تعليق


                  • #10
                    شكرا لك
                    hhhhhhhhhhhhhhhhhhh







                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X