إعـــــــلان

تقليص
لا يوجد إعلان حتى الآن.

نكت مغربية‏

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • نكت مغربية‏

    هادي واحد المرا طيبات لراجلها النهار اللول ملوخية
    النهار التاني طيبات ليه خبيزة
    النهار التالت طيبات ليه السبانخ
    النهار الرابع سولات راجلها: أشنو نطيب ليك اليوم؟
    قال ليها: أبلا ما تعدبي راسك، غادي نمشي نسرح بوحدي
    واحد عصبي قال لمرتو: غادي نعاود ليك واحد الحاجة غريبة بزاف وقعات ليا اليوم
    هاد الحاجة غريبة لدرجة أنك ما غاديش تيقيني وغادي تقولي عليا كداب
    ولكن أنا راه ماشي كداب، ونتي اللي كدابة، وطاسيلتك كلها اللي كدابة يا قليلة الترابي
    وسيري راكي طالق كاع
    واحد الراجل قال لمرتو: وجدي راسك اليوم غادي نتعشاو برا
    ملي رجع للدار ف العشية، لقاها حطات الميدة ف الزنقة
    هدا واحد الدري قال لصاحبو: علمني كيفاش نتصاحب
    قال ليه صاحبو: ساهلة. هز حجرة صغيرة وضربها بيها. وإيلا دارت عندك قول ليها ما نتصاحبوش أ الزين
    الغد ليه هز الدري حجرة قدها قد آش وضرب بيها بنت وهي تفلق وتسخف. تجمعوا عليها عباد الله، و هو يجي خينا يجري: أحيدوا راه أنا اللي صيدتها
    هادا واحد مسموم مشى لواحد الجنازة و بدا يبكي يبكي يبكي. سولوه الناس: واش كتعرف هادا اللي مات؟
    قال ليهم: لا، و لكن سمعت بأن البكا كيعدب الميت
    واحد المسموم صور بّاه و هوما كيدفنوه، و كل نهار كيخدم الكاسيطة لأمه
    هادا واحد معروفة عليه مكلخ شد الدكتوراة. مشى عند مرته قال ليها: أنا ما عرفتش علاش كلشي كيقول عليا مكلخ، إيوا هاني شديت الدكتوراة.
    قالت ليه مرتة: دق على الخشب.
    الراجل دق على الطبلة. و هي تقول مرته: شكون؟
    قال ليها: جلسي نتيا، أنا نمشي نطل شكون
    هادا واحد الطير خرج ف الجاج ديال واحد الطوموبيل. مول الطوموبيل داه للدار ودارو ف قفص. ملي فاق الطير لقى راسو محبوس ف القفص وهو يقول: أواه! زعما يكون الراجل مات؟
    مكلخ خطف مكلخة ودارها ف الطوموبيل. البنت بدات كتغوت
    قال ليها المكلخ: غادي تسكتي أولا غادي تنزلي
    قالت ليه: لا صافي هاني سكت
    هادو جوج غاديين ف الغابة وهو يخرج ليهم سبع. ناض اللول ضرب السبع بحجرة كبيرة وهرب كيجري. شوية وهو يتلفت وراه وبان ليه صاحبو كاع ما كيجريش. قال ليه: وا مالك أصاحبي ماكتجريش؟
    جاوبو صاحبو: وعلاش نجري؟ مالي أنا اللي ضربتو؟
    هادا واحد مكلخ ما كيجيهش النعاس. قال ليه واحد صاحبو: أنا عندي ليك واحد الطريقة واعرة غادي تعاونك تنعس، بقى تحسب حتال 500 وغادي يجيك النعاس. خينا مشى ف الليل و بدا كيحسب، غير وصل ل 199 و هو يجيه النعاس، وهو نيت ينوض وغسل وجهو و رجع للناموسية يكمل الحساب.
    هادا واحد غادي يشري 10 دراهم ديال الحشيش، بانت ليه سطافيت و هو يلوح 10 دراهم
    هادا واحد مكلخ مشى عند مول التلفزيونات و قال ليه: عندك تلفزيونات بالألوان؟
    قال ليه لاخور: كاينين
    و هو يقول ليه المكلخ: واخا عطيني واحد خضر
    هادوا جوج مكلخين ف الحبس، تفقوا يهرسوا الباب و يضربوا العساس و يهربوا. مللي هرسوا الباب، ما بانش ليهم العساس و هوما نيت يجلسوا يتسناو فيه
    هادا واحد مكلخ، تجمعوا عليه سبعة ديال الشياطين، واحد كيوسوس ليه و ستة كيفهموه
    هادا واهد الراجل كريم بزاف، تجوج بواحد لمرا كريمة بزاف بزاف بزاف، كتار منو. و مللي ولدوا و هوما يصدقوه
    هادا واحد المعكاز، سولوه: مللي كتفيق، أشنو كتدير؟، قال ليهم :كانتكّى
    هادا واحد مول الطاكسي مبوق مزيان غادي ف المدينة و هي تشير عليه واحد المرا. وقف و طل عليها من الشرجم و قال ليها: فين غادية أ لالة؟
    قالت ليه: السوق أ سيدي
    هو يقول ليها: يالله سيري و متعطليش
    هادو جوج مبوقين. ناض واحد سول صاحبه: شفتي هاديك النملة اللي كاينة فوق الجبل؟
    جاوبه: إينا وحدة فيهم؟ اللي سادة عينيها أولا اللي حاللهوم؟
    أختي..فضلا..لا أمرا..أسألك دعوة صـــــــــادقة من قلبك..وجزيتِ عني خيرا
    رب لا تذرني فردا وانت خير الوارثين



  • #2
    تبارك الله عليك
    هههههههههه والله موتني ضحك اضحك الله سنك
    [bor=#ffcc00]أسألك يا رب بأسمائك الحسنى وصفاتك العلى أن تجعل أبي وأمي وأمي، من حزبك المفلحين، وأن تجعلهما من ورثة جنة النعيم وأن تجعلهما في قبرهما آمنيين مطمئنين.آمين[/bor]



    ليس من الصعب أن تضحي من أجل صديق .. ولكن من الصعب أن تجد الصديق الذي يستحق التضحية ! !


    تعليق


    • #3
      hhhhhhhhh nari ssaliti m3aya wllah---w chokran bzaaf 3la nokat ra2i3a
      [img2]http://lolyan.jeeran.com/%D8%A7%D8%B1%D8%B6%20%D8%A7%D9%84%D9%85%D8%BA%D8%B1%D8%A8.gif[/img2]

      تعليق


      • #4
        فالحقيقة قتلوني بالضحك بزاف كنت معرفاهومش
        اذا ما خلوت الدهر يوما فلا تقل .....خلوت ولكن قل علي رقيب
        ولا تحسبن الله يغفل ما مضى .......ولا ان ما يخفى عليه يغيب

        تعليق


        • #5
          ههههههه تبارك الله عليك لاتحرمينا من جديدك

          تعليق


          • #6
            hhhhhhhhhhhhhhhhhhhhhhhhhhhhhhhhhhhhh lmot dyal dehk chokran okhti surtout dyal lmbwa9

            تعليق


            • #7
              ههههههههههه
              تبارك الله عليك قتلوي بالضحك

              تعليق


              • #8
                ههههههههههه
                تبارك الله عليك قتلوني بالضحك

                تعليق


                • #9
                  شكرا اختي والله العضبم ضحكتيني اضحك الله سنك

                  تعليق


                  • #10
                    هههههههههه والله موتني ضحك اضحك الله سنك

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X