إعـــــــلان

تقليص
لا يوجد إعلان حتى الآن.

آش ضهر ليك تعاودي لي اونعاود ليك؟

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • آش ضهر ليك تعاودي لي اونعاود ليك؟

    ها واحد السلام عليكم..دخلتي مرحبا بيك..
    كل واحدة منا وقع ليها فحياتها شي موقف محرج او كيضحّك فنفس الوقت...آش ضهر ليك تعاودي لي اونعاود ليك؟ نضحكك او تضحكيني؟ شنو نبدا أنا الأولى؟
    وخا..بسم الله.
    داك نهار فقت فصباح بحال أيّها الناس، لبست حوايجي او خرجت على بركة الله نطرّد رزقي...وانا كنتمشى فالشارع تكنسمع واحد جوج شبّان موراي كيهضرو او كيضحكو قلت مع راسي مال هادو على هاد ضحك على بوصبّيح...عتّا جا عندي واحد منهوم كاللي راه واحد لمقبط دنشير لاصق فضهر ديال لافيست..قلتلو:إينا ضهر؟ قاللي: ضهرك أللا...آش غنقولليكم؟ مركت او تحشّمت حتى حشمو سناني ففمي اولمصيبة مقدّيتش نجبدو(معرفتش أش وصّل المقبط لوسط الظهر) المهم طلبت داك خينا للي شبع فيّ ضحك هو للي حيدو لي
    عارفاكم غاتلوموني ...ولكن آش غندير أخواتاتي؟ واش نصبّن
    لحويجات او نسيفطهوم إينشفو فسطاح بلا مقيبطات؟! شكون هاد سروال اولا لقميجة اولا حتى تقيشرة لي تقبل ليك؟ دابا هما ولّلاو كيتشرطو حتى فلمقابط مابقاوش قابلين بدوك الي مرسومة فيهوم الزّرزومية كاليك ضيموضي ..بغاو مقابط فلغوز اولبيسطاج
    . واحد لقميجة قاليك مابقاتش قابلة بلمصلوح قاليك كيحرقها ..بغاتني نصلحها بالسّيشوار!! شتّو زياغة؟!!
    المهم الغلط ماشي ديالي ، الغلط ديال ديك لمسيميمة دلمراية للي عندي...من فعايلها فينما وقفت قدّامها كتورّيني غير جيهة دلكرش...عمرها بينات لي ضهر قول هي ناوية لي على خزيت...إيوا ديرو تيقة فلمرايات!!!! كتبيّن ليّ غير لكرش حيت عارفاني معقدة من واحد مولاتي لكرش عندي بحال لبوديزة، باغية تفقصني...بلحق حتى أنا ماخليتش ليها.
    إيوا آش ضهر ليكم فهادشي لي وقع لي؟ إيوا عاودو لي حتى نتوما على شي موقف وقع ليكم خلاكم تموتو بالضحك من بعد راه بحال هاد المواقف مزيانين كنستفدو او كنتعلمو من الأخطاء ديالنا...بحالي أنا دابا عمّر إيعاود إيديرها بيّ شي مقبط اولا شي مراية. ولّيت فينما لبست حوايجي اوقبل منخرج من الدّار كنسوّل راجلي أولا بنتي هو الّلول واش لاصق فيّ شي مقبط فضهر أوللا، او إلا ماكان تّاحد فدّار كنسوّل الجارة...إيوا شنو لاش إيليقو الجيران؟ اومنين كنكون داخلة لخدمة مع تمنية كندوز نسوّلها مع سبعة او نص ، سّاعتي شفتها قلبات عليّ الفيستة هاد ليّام اوداك نهار كاع دارت فيّ قالتلي:أللا عطيني بتّيساع نتي او مقابطك...شفتو جّيران ديال تواخر الزمان مايعاونوك حتّى فلمقابط!
    إيوا هادا ماكان...عاوديلي حتى نتي أش وقع ليك اومتحشميش...طحتي فشي حفرة قدّام شي قهوة عامرة بلبشر اولا طاح ليك لفم لصطناعي فلقصعة ديال كسكسو قدّام ضياف اولا شنو؟ عاودي راني موجدة راسي نضحك
    sigpic


    انا مصمم على بلوغ الهدف فإما أنجح ...وإما.. أنجح

المتواجدون الآن 1. الأعضاء 0 والزوار 1.

أكبر تواجد بالمنتدى كان 2,525, 26-09-2016 الساعة 21:58.

يعمل...
X