حكم

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • حكم


    اللي عيب ينوض يطيب

    حتى كلا و تكى عاد قال الخبز بلا مالح

    اللي ما لقا الخير في ركانو يكون في لسانو

    اللي ما عرف ما يقول ما كاين لاش يخلي فمو محلول

    كلام الناس كلو وسواس كيقلب الذهب نحاس

    اللي بغا يتعلم ما يهضر ما يتكلم و يحدر راسو للمعلم

    هضر بالشطارة و كلامك عبرو قبل ما يولي ليك خسارة

    الجيد كيشكر مباتو

    الى تقادات الأسعار في المليح ختار

    وعدك وعد يا اللي ما عندك سعد

    ما هي لا بقدود و لا بخدود ماهي غيربضربة من ضربات السعود

    اللي كيلصق في الضرسة ما يشبع

    إيام الضر معدودة و رحمة ربي موجودة

    غلطة على غلطة كتورث ورطة

    الله يرحم اللي مات و خلا الطبلة عامرة بالفتات

    دير ايديك في فم السبع و لا تديرها في فم الجيعان إلى شبع

    نحلبو في المحارة و نمخضو في جلد الفارة و يغنيني على الجارة

    لو كان يدير لي من الدهب وليمة تبقى نظرته في عيني القديمة
    المزلوط يعاون راسو بنعاسو ويقول مال ليام تعاسو
    لمرا اللي تطوف ما تغزل الصوف

    ما واتا رارة غير الضفيرة و الكرارة

    المربية ديما مشغولة و خا تعاونها الغولة

    بنت الجواد إلى ما دبحت تريح ليك

    إلى عطيتيها بيديك إوا تبعها برجليك

    الصحبة المغشوشة حكها يبان عيبها

    قالو للجيعان هاك سفنجة قال ليهم لا عوجة

    الدوام يثقب الزليج و الرخام

    أتاي العشية أحسن من بقرة مشوية

    اللي كيعيش أناني كيبقى في الأخير وحداني

    حاسبني حساب عدوك و كلسني في بلاصة خوك

    بحال حبل التصبين يتكسى بالنهار و يتعرى بالليل





  • #2
    حكم جميلة
    بارك الله فيك


    «أتاني جبريل فقال يا محمّد: عِشْ مَا شِئْتَ فَإِنَّكَ مَيِّتٌ، وَأَحْبِبْ مَا شِئْتَ فَإِنَّكَ مُفَارِقُهُ، وَاعْمَلْ مَا شِئْتَ فَإِنَّكَ مَجْزِيٌّ بِهِ»، ثمّ قال: «يا محمد شَرَفُ المُؤْمِنِ قِيَامُهُ بِاللَّيْلِ، وَعِزُّهُ اسْتِغْنَاؤُهُ عَنِ النَّاسِ».


    تعليق

    المتواجدون الآن 1. الأعضاء 0 والزوار 1.

    أكبر تواجد بالمنتدى كان 2,525, 26-09-2016 الساعة 21:58.

    شاركي الموضوع

    تقليص

    يعمل...
    X