إعـــــــلان

تقليص
لا يوجد إعلان حتى الآن.

نكت مغربية جميلة كتقتل بالضحك

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • نكت مغربية جميلة كتقتل بالضحك

    كاليك هدا واحد الرجل
    قال لولدوا سير جيب 20 فرنك ديال الزبدة
    مشا الولد عند مول الحانوت كالوا كاليك بابا عطيه 20 فرنك تاع الزبدة
    مول الحانوت قال للولد : سير عيط لباباك يجي يلحس الموس


    واحد الشفار دخل لواحد الدار... هي تشدو مولات الدار غلييييييظة و هي تجلس عليه و هي تعيط على ولدها: مصطفى !!!!!! عيط دابا لبوليس... و هو يقول ليه داك الشفار: سربي دغية أخاي مصطفى .


    هاد واحد المرا كتشك فزوجها
    واحد اليوم لقات عليه شعرة زعرة قالت ليه شكون هاد الزعرة اللي كنت معاها
    واحد النهار لقات شعرة حرشة قالت ليه شكون هاد السودة اللي كنت معاها وواحد النهار ما لقات حتى شعرة قالت ليه شكون هاد القرعة اللي كنت معاها


    واحدالبنت سولات الاستادة ديال العلوم الطبيعية.. واش للي عندها 20 عام يمكن تولد.. قالت ليها. ايه.. قالت ليه وللي عندها 15 عام.. قالت ليهاصعيييب... نقز واحد الدري من وراها قال ليها.. ياك قلت لك متخافيش

  • #2
    تبارك الله عليك

    وهده وحدات من عندي

    قال لك واحدة وصلت للقسم معطلة.
    .قالها الاستاذ" أش هاد التعطال؟..جاوباته: كان تابعني واحد
    كيبسال عليا
    قال لها الأستاذ: إيوا راه خاص توصلي بكري ماشي تعطلي
    جاوباته: لااا..راه كان كيتمشى بشويا

    واحد مشا عند شوافة قا ل ليها بغيت تشوفي ليا واش نقدر نعيش 40 عام.
    قالت ليه واش كتكمي..
    قال :لا..
    واش كتشرب
    لا.
    واش كتبع دريات.
    لا.
    قالت وعلاش بغي تعيش 40 عام


    فار غادي .. سمع عرس... دخل ليه لقا عرس ديال المشاش...
    بات لعروسة شدو وقال لجوق: غنيو ليه يازربان على عمرو


    واحد الراجل سميتو مبارك، شرى حولي ودخل بيه الدرب
    شافتو جارتو من الشرجم، وقالت ليه: مبارك الحولي
    قال ليها: خدوج النعجة

    هادا واحد عندو تلاتة د الشعرات ف راسو. مشى عند الحلاق وقال ليه: دير ليا فرقة من الجنب
    الحلاق جا يدير ليه الفرقة من الجنب تقطعات ليه واحد الشعرة
    قال ليه الراجل: واخا دي ليا الفرقة ف النص
    الحلاق جا يدير ليه الفرقة ف النص تقطعات ليه شعرة أخرى
    قال ليه الراجل: عرفتي أشنو تدير؟ دير ليا تشويكة

    واحد البنت قالت لباها راه واحد ولد الناس بغى يخطبني وما فيه حتى عيب. قال ليها باها واخا، قولي ليه يجي نشوفو
    جا الخطيب وجلس مع بات البنت وهو كيمضغ المسكة وهو يقول ليه الراجل: مرحبا بيك أولدي. ولكن واش ما جاتش ف شكل تمضغ المسكة ونتا جاي تخطب؟
    قال ليه الشاب: ولكن أ عمي، المسكة ضرورية من بعد ما يكمي الواحد كارو
    قال ليه الراجل: هي كتكمي؟
    قال ليه الشاب: شوية وصافي، مع شي كويس ديال الشراب
    قال ليه الراجل: وزايدها كتسكر؟
    قال ليه الشاب: مرة مرة، ملي كنقمر
    قال ليه الراجل: وفين كتلعب القمار؟
    قال ليه الشاب: ف واحد الكاباري
    قال ليه الراجل: ومن إمتى ونتا كتمشي للكاباريهات؟
    قال ليه الشاب: من نهار خرجت من الحبس
    قال ليه الراجل: وعلاش دخلتي الحبس؟
    قال ليه الشاب: حيت ضربت واحد الراجل بالموس وقتلتو
    قال ليه الراجل: وعلاش قتلتيه؟
    قال ليه الشاب: حيت ما بغاش يجوجني بنتو
    قال ليه الراجل: على بركة الله، نجيبو العدول دابا

    تعليق

    المتواجدون الآن 1. الأعضاء 0 والزوار 1.

    أكبر تواجد بالمنتدى كان 2,525, 26-09-2016 الساعة 21:58.

    يعمل...
    X