إعـــــــلان

تقليص
لا يوجد إعلان حتى الآن.

نكت مضحكة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • نكت مضحكة

    - واحد المعلم عزيزعليه يسلخ الدراري. شد واحد الولد وسولو: باش تغديتي اليوم؟
    جاوبو: بالمرقة. هز المعلم العصا وبدا يضرب فيه: ها البطاطا، ها خيزو، ها اللفت، ها اللحم، ها البصلة... حتى شبعو عصا
    داز على التلاميد كلهم حتى وصل عند واحد العايق سولو: باش تغديتي؟
    هو يقول ليه: بمسكة
    وقف المعلم شوية يفكر، وهز العصا حتى السما هو يعطيه: ها الكاغيط الفوقاني، ها الكاغيط التحتاني، ها نضغ نضغ نضغ نضغ

    - هادا واحد مشى للسوق وشرا دلاحة
    منين حلها خرج ليه عفريت وقال ليه: طلب وتمنى
    قال ليه الراجل: بغيت دار
    قال ليه العفريت: ما لقيتها حتى أنا اللي ساكن ف دلاحة

    - واحد المسموم عندو طاكسي. طلق مرتو، و مللي مشى يوصّلها لدار بّاها خدم ليها الكونتور

    - واحد الطلاب طلع للطوبيس و ما دور معاه حتى واحد. ناض واحد السيد عطاه شي بركة، قال ليه الطلاب: الله يجعلك من الذين آمنوا
    مللي شاف لقى ربعة د ريال، و زاد له ف الدعوة: الله يجعلك من الذين آمنوا ثم كفروا

    - هادا واحد ناضت ليه السوسة ف واحد الضرسة، و هو يمشي عند الطبيب ديال السنان قال ليه :حيد هاد السنان كاملين، خليها بوحدها كي الكلبة

    - واحد الكلب دايع ف الزنقة داز حدا الكوميسارية و هو يبان ليه واحد شيان بوليس (كلب بوليسي) و هو يقول ف راسو: تفو! كون غير كملت قرايتي

    -هادا واحد قال لمرته: انتي حمامة
    قالت له: لا، أنا غزالة
    قال لها: واخا. المهم حيوانة

    - هادا واحد مشى للبحر و دا معاه حرشة. جا واحد آخر جاب معاه بيتزا. منين ناض اللول يعوم، التاني تشهى هاديك الحرشة، ناض خداها و حط ليه البيتزا. منين رجع اللول شاف ف هادوك اللي جالسين حدا بلاصته و قال ليهم: شكون تقيى ليا على الحرشة؟

    - هادو تلاتة زقرامين قرروا يتبرعوا بشوية من فلوسهم حيت كترات عليهم الهدرة
    قال ليهم اللول: غادي نرسم واحد الدائرة و نلوح الفلوس من الفوق. الفلوس اللي طاحوا ف الداخل ديال الدائرة ديالي. و الفلوس اللي يطيحوا ف برا الدائرة غادي نتصدق بيهم
    قال ليهم التاني: أنا غادي نرسم واحد الخط و نلوح الفلوس من الفوق. الفلوس اللي طاحوا على ليمن ديال الخط ديالي، و اللي طاحوا على ليسر ديال الخط نتصدق بيهم
    ناض التالت قال ليهم: أنا غادي نلوح الفلوس من الفوق. اللي طاحوا ديالي و اللي بقى ف السما نتصدق بيه

    - هادا واحد مشى للسوق بغى يبيع قنية، وهو يجي عندو واحد خينا مبوق وقال: بشحال القرد؟
    قال ليه مول القنية: أسبحان الله، راه قنية هادي
    قال ليه المبوق: ما هدرتش معاك، هدرت مع القنية

    - هادا واحد حارق لسبانيا. ملي كان كيعوم لقى راسو ف وسط واحد السباق ف العومان، ناض سبقهم وربح. ملي مشى يشد الجائزة لقاها رحلة لمراك

    - هادا واحد التزم وولى كيحشم وبغى يتجوج
    قالت ليه أمه: كيفاش بغيتي مرتك تكون أولدي؟
    قال ليها: بغيتها والعياذ بالله والعياذ بالله والعياذ بالله تكون بحال نانسي عجرم

    - معكاز شرى ليه باه محل ديال دجاج باش يجمع راسو. جات عندو واحدة قالت ليه أرا ليا شي دجاجة فيها جوج كيلو. الدري مكسل، شاف ف الدجاج وقال: ياله لي فيها جوج كيلو تنوض

    - هادا واحد عروبي مشى للسبيطار و قال ليه الطبيب: خاصك تدير سكانير
    قال له العروبي: و فين كاين هاد السكانير
    قال ليه الطبيب: الفوق، و شير ليه على السانسور
    العروبي دخل السانسور و بانوا ليه الضوايات و المرايات و هو يسحاب ليه واش تما فاش غادي يدير السكانير، ناض حيد حوايجه كاملين. منين وقف السانسور تحل الباب و كان فرملية واقفة تما و هي تغوت
    قال ليها العروبي: لااااا! ما تقوليش ليا فيا السرطان

    - واحد الاستاد قال لواحد التلميد: أعرب لنا جملة "ضرب الولد الصرصور"
    جاوبه الولد: ضرب فعل إجرام، الطفل ابن حرام، أما الصرصور فهو فاعص مفعوص وعلامة فعصه الضربه القاضيه على رأسه

    - هادا واحد مبوق قال لصاحبه: حلمت بينا البارح، بلي أنا وياك فنانين
    نتا فنان تشكيلي... و أنا فنان نشكيلك


    - هادا مغربي و فرنسي و شينوي مشاو للجبل. كل واحد بغا يقول شي حاجة باش يشوف الصدا ديالها. المغربي قال سلام، و سمع الصدى : سلاااام سلاااام سلاااام
    الفرنساوي قال ميرسي، و رجع ليه الصدى: ميرسييييي ميرسيييي ميرسيييي
    الشينوي قال شينغ شونغ يانغ و هو يقول ليه الجبل: آآآآآش آآآآآآآش آآآآآآآش


    - واحد البنت قالت لباها راه واحد ولد الناس بغى يخطبني وما فيه حتى عيب. قال ليها باها واخا، قولي ليه يجي نشوفو
    جا الخطيب وجلس مع بات البنت وهو كيمضغ المسكة وهو يقول ليه الراجل: مرحبا بيك أولدي. ولكن واش ما جاتش ف شكل تمضغ المسكة ونتا جاي تخطب؟
    قال ليه الشاب: ولكن أ عمي، المسكة ضرورية من بعد ما يكمي الواحد كارو
    قال ليه الراجل: هي كتكمي؟
    قال ليه الشاب: شوية وصافي، مع شي كويس ديال الشراب
    قال ليه الراجل: وزايدها كتسكر؟
    قال ليه الشاب: مرة مرة، ملي كنقمر
    قال ليه الراجل: وفين كتلعب القمار؟
    قال ليه الشاب: ف واحد الكاباري
    قال ليه الراجل: ومن إمتى ونتا كتمشي للكاباريهات؟
    قال ليه الشاب: من نهار خرجت من الحبس
    قال ليه الراجل: وعلاش دخلتي الحبس؟
    قال ليه الشاب: حيت ضربت واحد الراجل بالموس وقتلتو
    قال ليه الراجل: وعلاش قتلتيه؟
    قال ليه الشاب: حيت ما بغاش يجوجني بنتو
    قال ليه الراجل: على بركة الله، نجيبو العدول دابا







    للعبد رب هو ملاقيه وبيت هو ساكنه
    فينبغي له أن يسترضي ربه قبل لقائه
    ويعمر بيته قبل انتقاله اليه














  • #2
    شكرا لك والله حتى ضحكتينى

    تعليق


    • #3
      و الله ضحكتيني انا و ولادي مشكوووووووووووووووورة

      تعليق


      • #4
        لا شكر على واجب حبيباتي
        للعبد رب هو ملاقيه وبيت هو ساكنه
        فينبغي له أن يسترضي ربه قبل لقائه
        ويعمر بيته قبل انتقاله اليه













        تعليق


        • #5
          ضحكتيني الله يفرحك

          تعليق


          • #6

            - هادا واحد عروبي مشى للسبيطار و قال ليه الطبيب: خاصك تدير سكانير
            قال له العروبي: و فين كاين هاد السكانير
            قال ليه الطبيب: الفوق، و شير ليه على السانسور
            العروبي دخل السانسور و بانوا ليه الضوايات و المرايات و هو يسحاب ليه واش تما فاش غادي يدير السكانير، ناض حيد حوايجه كاملين. منين وقف السانسور تحل الباب و كان فرملية واقفة تما و هي تغوت
            قال ليها العروبي: لااااا! ما تقوليش ليا فيا السرطان waaaaaaaaaaa3ra bzzzzzzzaf

            تعليق


            • #7
              شكرا حتى أنا عجباتني أختيamnachou
              الله يفرحنا كاملين أختيmissnahid88
              للعبد رب هو ملاقيه وبيت هو ساكنه
              فينبغي له أن يسترضي ربه قبل لقائه
              ويعمر بيته قبل انتقاله اليه













              تعليق


              • #8
                إوا معجبوكومش هاد النكتات
                للعبد رب هو ملاقيه وبيت هو ساكنه
                فينبغي له أن يسترضي ربه قبل لقائه
                ويعمر بيته قبل انتقاله اليه













                تعليق


                • #9
                  جد مضحك


                  تعليق


                  • #10
                    بارك الله فيك اختي
                    ادخلي وخدي هديتك
                    http://www.quranflash.com/quranflash.html

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X