الزواج عبر العصور

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • الزواج عبر العصور

    مصر الفرعونية
    بابا انا عايز اتجوز اختى حت حور
    خلاص يا ابنى خليها تنقل حاجتها فى قوضتك.. وابقى هاتلها حجرين صوان هدية..
    مبروك يا تاح

    مصر البطلمية

    تتجوزينى يا افروديت
    اتجوزك يا بانسيلوس
    يللا بينا نبنى كوخ ع البحر ونعيش هناك يللا


    مصر بعد الفتح الاسلامي


    ولدى خالد يا شيخ احمد بيريد يتجوز ابنتك البكر الكريمة.. وبيبنى خيمة.. ويقدم مهر بعير
    والله خالد ولدك زين الرجال .. وايش اتمنى غير رجل صالح يكون زوج لبنتى ..
    قيموا الافراح

    مصر 1919


    انت ح تتجوز بنت الحاج عبد الجليل .. انا كلمته خلاص ووافق .. وضب قوضتك وهات خلخال .. فرحك يوم الخميس اللى جاى
    طب مش اشوفها الاول يابا
    انت اتجننت يا ولد تشوفها ده ايه .. انت ح تتجوز والا تخبص حاضر يابا
    مصر
    1960
    بقى يا ستى بنتك آمال جالها عريس
    ياألف نهار ابيض يا ألف نهار مبروك
    جدع طيب وابن حلال موظف فى الحقانية .. وماهيته مش بطالة .. اهو يبنوا حياتهم سوا بعد الجواز.. والا ايه رأيك يا أم العروسة؟
    الرأى رأيك يا أبو العروسة .. والله العيال ح يعجزونا يا ابو محمد
    فشر .. تدبل الوردة وريحتها فيها يا نرجوستى


    مصر فى عصر الانفتاح

    اخرسى يا بنت... انا اللى يتجوز بنتى لازم يكون عنده شقة تمليك وعربية وسوبر ماركو
    بس يا ماما
    ما فيش بس.. انا وابوكى قبل ما يموت فى الحرب كانت بتعدى علينا ايام ما
    بنلاقيش ناكل.. انا يا بنتى مش عايزاكى تتعذبى زى ما احنا اتعذبنا.. انتى
    ح تتجوزى فتحى ابن خالتك

    بس انا مش بحبه يا ماما
    الحب ما بيأكلش تونة فى الزمن ده يا فالحة
    امرك يا ماما


    مصر 1990


    البنت: بابا ريكو حييجى يقابلك بكره وهو راجع من مع ديدى .. متتكلمش معاه فى اى ماديات من فضلك انا بشترى راجل واحنا معانا كتير وبعدين الكلام
    فى المهر والعفش والقايمه والفرح ده موضه قديمه وحاجات بلدى قوى
    انا اتفقت معاه على كل حاجه والفرح فى كافيه ماريانو فى المعادى على الضيق .. وانا جيت اعزمك انت ومامى
    الاب: مبروك يا حبيبتى


    مصر 2008


    بابى دودى اللى اتعرفت عليه من الشات مشغل الويب كام و عايز يكلمك علشان
    يقراء معاك الفتحه اصله ملتزم اوى و مصمم يدخل البيت من ماسنجره اقصدى من
    بابه
    الاب: على خيرة الله يا بنتى ده شكله فعلا ملتزم روحى شغلى الكاميرا و
    الميك واناهلبس انا و مامتك ونجى نقرا الفتحه مش انتوا اتفقتوا على كل شى
    يلا ربنا يتمملكم بخير
    يا روحى

    مصر 2010

    بابى .... انا فى مارينا دلوقتى ، قابلت ميدوابن انتى مادى اكيد فاكره واتفقنا على كل حاجة انا بس بقولك ان فرحى الليلة على البحر فى لابلاج بوابة 5

    ومفيش فستان ولا حاجة محبتش اكلفه كله بالمايوهات .. ولو مش قادر تيجى الصوروالفيديو على ال فيس بوك


    الاب مبروك يا حياتى .. بس انتى عارفة ان مامى معندهاش مايوه بس السكرتيرة عندها هاجيبها واجى وماما تبقى تتفرج من على الفيس بوك






    sigpic





  • #2
    هههههههههه مصر 2010 شكرا على الموضوع
    sigpic

    استغفر الله الدى لا اله الا هو الحي القيوم واتوب اليه
    لا اله الا انت سبحانك اني كنت من الظالمين

    تعليق

    المتواجدون الآن 1. الأعضاء 0 والزوار 1.

    أكبر تواجد بالمنتدى كان 2,525, 26-09-2016 الساعة 21:58.

    شاركي الموضوع

    تقليص

    يعمل...
    X