حوار صريح مع لص مغربي ظريفـ

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • حوار صريح مع لص مغربي ظريفـ

    حوار صريح مع لص مغربي ظريفـ

    …………………………………………………*

    علاش كتسرق ؟!

    ** واش بغيتيني ندير ؟!

    * تقلب ليك على شي خدمة .

    ** المغرب جوج خدايم اللي فيه ، يا اما تشفارت واما تسعايت ، وانا دابا

    راني خدام فتشفارت !

    * أشنو كتسرق ؟

    ** اللي جابها سيدي ربي نسرقها !

    * بحال آش ؟

    ** ما قل وزنه وغلا ثمنه !

    * ما فهمتش .

    ** بحال البورطابلات والبزاطم والسلاسل ديال الذهب …وزيد وزيد…

    * ما كتخافش من البوليس ؟

    ** البوليس هوما اللي كايخافو مني !

    * فراسك خوتك فالحرفة طيروا البورطابل ديال والي أمن كازا مسيو عبروق ؟

    ** فراسي …هادي وقعات شحال هادي .

    * أشنو كايعني ليك هادشي ؟

    ** هذا يدل على أن البوليس ديال المغرب ما فيدوش !

    * عمرك دخلتي الحبس ؟

    ** كنت فيه شي جوج مرات .

    * وكيف هي الحياة داخل السجن ؟

    ** بحال جهنم تماما ! ولكن كيفما كان الحال الحبس حسن من برا .

    * تسجلتي فاللوائح الانتخابية ؟

    ** عاود أش كلتي !

    * كلت ليك واش غاتصوت فالانتخابات الماجية ؟

    ** واش انتا ضريك الله ولا مالك ؟ أنا بعدا ساليت مع راسي ، بقا لي غير نشارك فالانتخابات !

    * اذن انتا ماشي ديمقراطي .

    ** هادوك كروش الحرام اللي كايترشو الانتخابات اللي ماشي ديمقراطيين ! ونزيدك راه بحالي بحالهم ، غير هوما كيسرقوا بالعلالي ، وانا كانديرها حسي مسي !

    * ويلا طبز ليك شي واحد شي مية درهم ، زعما ماغاتصوتش ليه؟

    ** والله أسيدي لا صوت لباباه ! واخا كتشوفني شفار ، الكرامة ديالي راها فوق كل اعتبار !

    * وايلي حتى لهاد الدرجة ؟!

    ** أنا نهار نصوت لشي واحد عرف الشمس غادي طلع من الغرب !

    * الى تلاقيتي مع الملك ، أش غاطلب منو ؟

    ** ماغانطلب ليه والو !

    * زعما ؟!

    ** والله العظيم !

    * يقدر يعطيك شي كريمة .

    ** ما بغيتهاش ! أنا قلت ليك الكرامة ديالي فوق كل اعتبار !

    * كتفرج فالأخبار ديال القناة الأولى ودوزيم ؟

    ** حتى يقولوا ليك راني حماقيت ديك الساعة يمكن ليك طرح علي هاد السؤال ! أنا عمري ما كنتفرج لا فقناة دار البريهي ولا فقناة عين السبع ، حتى الى جاب الله دخلت لشي قهوة ولقيتهم شادين اتم ولا دوزيم أول حاجة كانطلبها هي يزابيو لشي قناة أخرى ، والى ما بغاوش كانخرج فحالي !

    * ما هي أكبر أمنية تتمنى أن تتحقق لك ؟

    ** أريد أن أكون برلمانيا أو وزيرا كي أصير لصا كبيرا
    اللهم ارحم والدي و أسكنه فسيح الجنان
    اللهم اغفر ذنبه كله دقه و جله، أوله و آخره
    اللهم اجمعني به راض غير غضبان
    مع جدي عليه الصلاة و السلام النبي العدنان
    في أعلى الجنان.............................

  • #2
    هههههههههه

    تعليق


    • #3
      مشكوراااااااااااااااااااااااااااااااااااااا احبيب

      تعليق


      • #4
        والله ايلى عندو الحق فكاع للي قال ههه خصوصا ملي قال هادوك كروش الحرام اللي كايترشو الانتخابات اللي ماشي ديمقراطيين ! ونزيدك راه بحالي بحالهم ، غير هوما كيسرقوا بالعلالي ، وانا كانديرها حسي مسي !
        sigpic


        قآلوا تحب شخص؟؟
        قلت:اثنين..
        قآلو:يآقوة قلبكَـ تلعب عالحبلين..خآف ربكـ,,
        قلت:وصآني ربـــي فيــهمْ "بـــر الوآلــــديـــن
        "

        كن محمديّ في حبّك لهآ،،(♥)!!
        تكنْ عآئشة في حبّهآ لكَ،،

        تعليق

        المتواجدون الآن 1. الأعضاء 0 والزوار 1.

        أكبر تواجد بالمنتدى كان 2,525, 26-09-2016 الساعة 21:58.

        شاركي الموضوع

        تقليص

        يعمل...
        X