إعـــــــلان

تقليص
لا يوجد إعلان حتى الآن.

نكت ..شوفيها ...و قولي رايك؟؟؟

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • نكت ..شوفيها ...و قولي رايك؟؟؟

    السلام عليكم ورحمة الله وبركاته



    قاليك هادا واحد السيد راسو كبير بزاااف ودائما كادوز حداه واحد البنت وكاتقوليه ناري كون كنتي
    ملك دائما وهو مسكين مافاهم والو واحد النهار دازت حداه وقالتها ليه وهو يشدها وقال ليها اجي كون كنت ملك اشنو قالت ليه كون راه الدرهم قد الصينية


    واحد السبيطار ديال الهبال خرجوهم لشانطي باش يشوفوا شكون اللي دار العقل قالوا ليهم للي تلقا لشي طونوبيل نعطيوه طريف ديال ماروخا كلشي كيتلقا لطونوبيلات و كيتشتت واحد بقا كيروغ على الطونوبيلات قالوا هدا مول العقل سولوه علاش كيروغ عليهم قاليهم كنتسنا شي رموك باش ندي باكيا


    هدا مواطن بغا يصوب جواز سفر، دار فيه المقدم وقال ليه : تسنى مشفتيش الزحام،( مع العلم أنه لايوجد أحد)، المواطن هز كرسي وضربو بيه، المقدم قال : آي شكون ضرب، جاوبو المواطن: آخاي مع الزحام معرفتش شكون اللي ضرب.

    قال ليك هادا واحد راجل مشا عند لحجام و ملي سالا قال ليه واش نديرليك gel ولا c'est pas la paine و هو يقول ليه دير c'est pas la paine و ماتكترش .

    هادو 2 ديال الأموات فاقو او بداو كيتعارفو, واحد هو يقول الآخر انت كيفاش متي ؟ قالو غير بالبرودة ,قالو وأنت قالو غير الضحك قالو لآخر كيفاش غير بالضحك قالو أسيدي كنت خدام ماعليا مابيا هو يجيني تليفون من مجهول قال لي فالمنزل ديالك كاينة خيانة زوجية هي هديك وانا نمشي كنجري, دخلت للدار قلبت فالصالون تحت السدادر,الكوزينة, فالماريو ورا التلفازة مالقيت والو هي هديك وانا نبقا نضحك نضحك نضحك وانا نموت. قالو وأنت كيفاش متي بالبرودة ؟ قالو هاديك الساعة قلب التلاجة آصاحبي

    واحد خينا ربح مليار فالتيرسي جا عند مراتوا قاليها وجدي راسك راه ربحت مليار قالت ليه وفين غادي نسافروا ان شاء الله قاليها وجدي راسك سيري عند باك

    هادو 3 بغاو اعدموهم الاول قالو ليه بالخنق اولا المنشار قال ليهوم المنشار ديال الضو مني بغاو اعدموه ما بغاش اخدم ليهم قالو ليه صافي سير لداركم راه ما مكتابش ليك تموت او الثاني حتى هو داكشي الي جرى ليه او خونا الثالث سمع الناس كيقولو ليه ختار المنشار قال ليهوم واش نتوما حماقيتو راه ما خدامش

    قاليك هادا واحد الراجل مداعي معا مراتوا فالمحكمة ايوا مع المدونة الجديدة حكموا عليه يعطيها النص ديال المنضة فاش كان خارج من المحكمة كان فرحان ايوا جاو عندو الناس كيسولوه قالولوا مالك فرحان مع العلم ان مراتك دات ليك النص من المنضة ديالك قال ليهم وراه كانت كتدي ليا المنضة كلها


    هدا واحد عنده كروسة جارها حمار و عنده كلب.. ونتوما عارفين المغاربة كيف كايتعاملوا مع الحمير ...طايح عليه بالعصا هادي تنفع هادي ضر حتى الحمار طلع ليه الدم وقاليه :واباراكا علي من العصا راك طيبتي ليا لحمي...صحيبنا ما تيقش راسوا الحمار هدر وهو يهرب هو والكلب ..بقاو هربااااااااااااااااااااااااااانييييييين حتى تقادا له السوفل وقف حدا واحد الشجرة وهو يقول له الكلب .. خلعنا ولد الحرام


    هدا واحد شلح فاق في صباح بكري ومشا يحل الحانوت ملي حلو لقاه مسروق وهو يسدو ورجع نعس وغطى راسو بالمانطا أو قال الله إخرج هاد الحلمة على خير


    قال ليك هادا واحد الاستاد رسم للتلاميد ضفدعة وقال ليهوم اش هادي وهو ينوض واحد الكسول للسبورة وهو يقول ليه هادي جرانة قال ليه الحمار هادي راه ضفدعة و هو يرجع داك الكسول لبلاصتو وقال لصاحبو العجب كاتبان من البعد بحال شي جرانة


    لا تنسوااا الردود


  • #2
    ههههههههههه

    وسيري الله يفرجها عليك أختي موتيني بالضحك وخصوصا أنهم بالدارجة المغربية

    تعليق


    • #3
      [align=center]

      سيري الله يعطيك ما تمنيتي
      نكت جميلة و مضحكة
      تبارك الله عليك[/align]





      تعليق


      • #4
        [align=center]
        الله يفتحها عليك كيما ضحكتينا هاذ الصباح[/align]

        تعليق


        • #5
          السلام عليكم ورحمة الله وبركاته


          الاخوات

          mariam

          fofoya

          سهام

          الله يخليكم ديما ضاحكات شكراا على الدعيوات

          تعليق


          • #6
            هدا واحد عنده كروسة جارها حمار و عنده كلب.. ونتوما عارفين المغاربة كيف كايتعاملوا مع الحمير ...طايح عليه بالعصا هادي تنفع هادي ضر حتى الحمار طلع ليه الدم وقاليه :واباراكا علي من العصا راك طيبتي ليا لحمي...صحيبنا ما تيقش راسوا الحمار هدر وهو يهرب هو والكلب ..بقاو هربااااااااااااااااااااااااااانييييييين حتى تقادا له السوفل وقف حدا واحد الشجرة وهو يقول له الكلب .. خلعنا ولد الحرام
            هدا مواطن بغا يصوب جواز سفر، دار فيه المقدم وقال ليه : تسنى مشفتيش الزحام،( مع العلم أنه لايوجد أحد)، المواطن هز كرسي وضربو بيه، المقدم قال : آي شكون ضرب، جاوبو المواطن: آخاي مع الزحام معرفتش شكون اللي ضرب.
            قال ليك هادا واحد الاستاد رسم للتلاميد ضفدعة وقال ليهوم اش هادي وهو ينوض واحد الكسول للسبورة وهو يقول ليه هادي جرانة قال ليه الحمار هادي راه ضفدعة و هو يرجع داك الكسول لبلاصتو وقال لصاحبو العجب كاتبان من البعد بحال شي جرانة
            سيري بغيت ليك الربح الله ايلا ضحكت من قلبي وعجبوني بزاف هادوا جيبي لينا نكيتات اخرين بحال هادو ماتنسايش الحبيبة








            تعليق


            • #7
              واااااااااااااخا حبيبة ام اسماء انا را عزلت ليكم غي المزيونين
              شكرا لمرورك الكريم

              تعليق


              • #8


                ضحكتيي الله يفاجيها عليك

                تعليق


                • #9
                  الله يعطيك العافية اختي بس اتصدقين مافهمت ولا شي!!! :confused:

                  تعليق


                  • #10
                    مرسي نكت كتقتل بضحك

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X