جمل شائعة يقولها الاباء والامهات في كل بيت

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • جمل شائعة يقولها الاباء والامهات في كل بيت

    انت فاكرنا لاقين الفلوس ديـــ في الشارع .

    * ما تتكلمش بصوت عالي في الحمام .

    * والله ما انت فالح .. وادي دقني أهه .

    * ما تنمش غير لما تغسل سنانك .

    * ما تلزقش في التلفزيون كده .. نظرك هيضيع .

    * سلم على عمك كويس يا ولد .

    * يا ابني محدش هينفعك .

    * ما تطلعش ايدك من الشباك .

    * قصة الغريق الكاذب اللي كل مره يقول الحقوني ... لحد ما غرق بجد .

    * ربنا يرزقك بعيل يوريك اللي ورتهوني .

    * ما تطلعش على الملايه النظيفه و رجليك متوسخه كده .

    * نسيت تشرب ؟ نسيت تاكل ؟ نسيت تاخد المصروف ؟ نسيت تعكنن عليا و على امك ؟

    * طلع ايدك من جيبك و انت بتكلمني .

    * ايه الا مبالاه و الاستهتار اللي انت عايش فيهم دول .

    * قوم اقرا لك كلمتين ينفعوك .

    * وطي المدعوق ده شويه .

    *
    انت فاكرنا نايمين على ودانا ؟

    * يا ابني انت مسطول ولا ايه ؟

    * ما تلبسش القميص على اللحم زي العيال الصايعه .

    * بلاش أكل بره .

    * كلمنا لما توصل .

    * عيـــب ... لازم تحترم اللي أكبر منك .

    * لو شفت خناقه ما لكش دعوة بيها .

    * لازم تأكل سلطه .

    * اوعى تكدب عليا كده تاني مرره .

    * اوعى حد غريب يديلك حاجه تاكلها و تشربها و تاخدها منه .

    * يا ابني كلم خالتك العيانه اسأل عليها .

    * بلاش لعب في الشارع .

    * ما تعليش صوتك .

    * وانت فاكر احنا مستنيين منك حاجه .

    * المسلسل مش هينفعك ...قوم .


    * ما تقعدش قدام المروحه وانت مستحمي .

    * كفايه رغي في التليفونات .

    * بلاش وقفة الشبابيك و البلكونات .

    * اوعى تقول لحد هات لي حاجة .

    * كل على مهلك .. وامضغ كويس ... وما تكلش وانت واقف .. وكل من قدامك ما تحفش .

    * اطفي التلفزيون وقوم ذاكر . أو اطفي التلفزيون و خش اوضتك .

    * ربنا يهديك ربنا يهديك ... وأحيانا .. انك لا تهدي من أحببت .

    *
    صليت العصر ؟!

    * ما تمشيش حافي في السقعة دي

    * ما فيش مذاكرة على المزيكا .. أو .. بتذاكر إزاي و البتاع ده شغال جنبك .

    * افرد ظهرك .

    * ما تتأخرش بعد المدرسه و تقعد تصيع مع أصحابك .

    * بص كويس و انت بتعدي الشارع .

    * ومالها الكتب بتاعة الوزاره ؟!

    * اللي بيشيل قربه مخرومة بتخر عليه لوحده ..

    * لو مش فاهم حاجه ارفع ايدك و قول للأستاذ مش فاهم .. متتكسفش .

    * تقعد في أول صف قدام السبوره .

    * ما تردش عليا .

    * مش عايز اسمع صوت .

    * مالكش دعوة بالسياسة .. وماتمشيش في مظاهرات .

    * التهديدات المخيفة شكلا و الكارتونية مضمونا : مثل: هأقطم رقبتك أو هأقطع ايدك أو هأقطع لك لسانك أو هأدبحك دبح .

    * و أخيرا ::

    ضرب امثلة تشجع على الكفاح و أشهرها أحد الأقارب اللي كان بيذاكر على لمبة جاز أو على عامود النور الي في الشارع و نجح وخد الدكتوراه وسافر أمريكا

  • #2
    اوعى حد غريب يديلك حاجه تاكلها و تشربها و تاخدها منه .
    * بص كويس و انت بتعدي الشارع .
    * مش عايز اسمع صوت .
    * ما تمشيش حافي في السقعة دي
    صليت العصر ؟!
    * اطفي التلفزيون وقوم ذاكر . أو اطفي التلفزيون و خش اوضتك .
    * اوعى تقول لحد هات لي ح ما تلزقش في التلفزيون كده .. نظرك هيضيع اجة .
    الزين ديالي شكرا على الموضوع الجميل انا بحكم ان بناتي باقي صغارات اختريت هدا الكلام لانني فعلا دائما ما كنقولو ليهوم الله يهديهوم ويسمح لينا فحقهم








    تعليق


    • #3
      الزين الغالي الله يخليك ليك البنيتات الزين ياااااااربي شكرا على مرورك

      تعليق


      • #4
        hadiii kaynaa

        SOURIANTE TOUT LE TEMPS


        تعليق

        المتواجدون الآن 1. الأعضاء 0 والزوار 1.

        أكبر تواجد بالمنتدى كان 2,525, 26-09-2016 الساعة 21:58.

        شاركي الموضوع

        تقليص

        يعمل...
        X