نكت مصرية

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • نكت مصرية

    الصعايدة أحباب الله
    - حسنين بيقول لصاحبه : والله ماعرفتش طعم النوم في القطر امبارح
    صاحبه : ليه ؟
    حسنين : عشان كنت نايم في السرير الفوقاني
    صاحبه: وماعرفتش تبدل
    حسنين : لأ، ماكانش فيه حد في السرير التحتاني عشان ابدل معاه.

    - تحطمت طائرة صغيرة تتسع لراكبين فقط فوق احد المقابر بالصعيد
    اخوانا الصعايدة انتشلوا 500 جثة وما زال الحفر مستمراً.

    - ياعوضين بنتك ماتت
    قام الصعيدى وبسرعة رمى نفسه من الطابق العاشر
    لما وصل الطابق الثامن تذكر انه ما عندوش بنت
    لما وصل السادس تذكر انه مش متجوز
    لما وصل للرابع تذكر انه مش عوضين ولكنه حسنين لما وقع عالارض ماحصلش حاجة.

    - صعيدي بالغلط دخل متحف للفن الحديث
    توقف عند احد اللوحات وسأل أحد المنظمين جنبه
    ايه الشكل المرعب ده، هو ده الفن اللي بتسموه حديث؟
    رد المنظم : دى مراية يا أستاذ.

    ذكريات
    - استيقظت الزوجة أثناء الليل ولم تجد زوجها بجانبها في الفراش وضعت الزوجة الروب ونزلت إلى الدور الأسفل ووجدت زوجها يجلس في المطبخ واضعاً كوباً من القهوة أمام مستغرقاً في تفكير عميق لاحظت الزوجة نزول بعض الدموع من عين الزوج
    الزوجة : إيه الموضوع؟ قاعد لوحدك ليه فى نص الليل؟
    الزوج : فاكرة لما إتواعدنا من 20 سنة؟
    الزوجة : أيوه فاكرة.
    الزوج : فاكرة لما شافنا والدك و إ حنا في العربية؟
    الزوجة : أيوه فاكرة.
    الزوج : فاكرة لما وجه لىّ والدك مسدسه وقا للى تتجوز ها ولا أسجنك 20 سنة؟
    الزوجة : أيوه فاكرة.
    نزلت دمعه من عين الزوج وقال: لو كنت دخلت السجن كنت خر جت النهارده.

    يتحرش بها
    - إتصلت سيدة بالشرطة لتشكو ابن الجيران الذي يتحرش بها .
    جاء الشرطي ليتأكد من البلاغ :
    ــ ايه يا ستي المشكلة ؟
    ــ ابن الجيران يا باشا بيطلع لي عريان كل ما اطلع انشر الغسيل فوق السطوح .
    فصعد معها فوق السطح ليعاين بنفسه .
    ــ فين يا ستي ؟
    ــ اطلع فوق البرميل ده يا باشا وبعدين بص في الخرم اللي في الحيطة ده وانت تشوف سفالته.

    صدى الصوت
    - واحد انجليزي وواحد فرنساوي وواحد صيني راحوا يجربوا صدى الصوت
    الانجليزي قال هاللو فرد عليه صدى الصوت و قال: هالوووو هالوووو هالوووو
    الفرنساوى قال بنجور رد عليه صدى الصوت و قال: بنجوووور بنجوووور بنجوووور
    الصينى قال شونجا كونجا هونجاهى فرد عليه صدى الصوت و قال: ايييييييه ايييييييه ايييييييه.

    نكت مختلفة
    - عريس مسطول على الآخر في يوم فرحه..بعد المعازيم مامشيوا دخل البيت لقى العروسة قاعدة، قال والله انا كنت عارف في الهيصة دي هاينسوا حد.
    - اتنين محششين بيتفرجو على ماتش فالمذيع بيقول 'دربكه فى الدفاع، دربكه فى خط الوسط، دربكه فى الهجوم، أوبااااا جوة الجون' فالمحشش قال لزميله 'إلظاهر ان دربكه ده لعيب ميه ميه.
    - اتنين مساطيل طالعين في الأسانسير واحد بيقول للتانى 'هو الاسانسير بطىء كده ليه؟ قاله يمكن طالع على السلم.
    - محشش قالو له ايه رأيك في الزواج المبكر قال يعني الساعه كام.
    - نمله ماتت على الشط فبيسألو مسطول تعتقد ليه ماتت؟ قال ضحايا تايتنك.
    - مره صرصار طلع من الخلاط قال يخرب بيت إللى يدخل الملاهى تانى.
    - حمار شاف حصان قال اخ لو اني مخلص الثانوية.
    - حمار بيقول لخطيبته امتى هنتجوز ياحمارة قالت له لما تحسن الفاظك ياحيوان.
    - مرة واحدة قالت لزوجها اليوم بصيت لنفسى فى المراية لقيت نفسى قمر14 تفتكر كده غرور قالها لأ غرور ايه ده كدة يبقى عمى 14.
    - مدرس لغة عربية بيدى درس خصوصى لطالب والده جزار فطلب المدرس من التلميذ وضع كلمة ينابيع فى جملة من عنده فكر التلميذ طويلا وقاله لما بكون واقف فى المحل مع ابويا ينابيع يا ابويا يبيع.
    - واحد راح مطعم في فرنسا.... كان عايز يطلب شوربه قال للجرسون : جارسوه عايز واحد شوربوه.
    فالجرسون قاله باردون؟
    قال الراجل لا سوخنو.
    ان شاء الله تعجبكم انا خليتها باللغة الاصلية باش ما يخسرش المعنى.
    ربي اغفر لي و لوالدي

  • #2
    ههههههههههههههههههههههههههه شكرا اختي والله الا قتلتيني بالضحك

    تعليق

    المتواجدون الآن 1. الأعضاء 0 والزوار 1.

    أكبر تواجد بالمنتدى كان 2,525, 26-09-2016 الساعة 21:58.

    شاركي الموضوع

    تقليص

    يعمل...
    X