جريمتك و انتي صغيرة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • جريمتك و انتي صغيرة

    كل وحدة منا لابد تكون دارت شي بسالة و لو صغيرة فالطفولة اولا دازت من شي موقف مضحك :p و في منتهى البراءة



    كل وحدة منكم تقول لينا على الموقف او الشقاوة اللي بقات عاقلة عليها اولا العائلة تتذكرو حتى الآن


    انا عاقلة بلا كنت سديت على خويا الصغير على صبعو لبلاكار و مشا كيتشكا لخالتي و باش نمحي التهمة :D ورريتها بو نتاف اللي فصبعي و قتليها راه هو اللي سد علي على صبعي هانتي شوفي و تيقاتني و خلاتو مسكين هههههههه :p :p



  • #2
    افينكم


    تعليق


    • #3
      شكرا على الموضوع لي عودة غدا باذن الله
      عجبا" لك يا ابن آدم
      عندما تولد يؤذن فيك من غير صلاة .. وعندما تموت يصلى عليك من غير أذان
      وكأن حياتك في الدنيا ليس سوى الوقت الذي تقضية بين الأذان والصلاة .. فلا تقضيها بما لا ينفع



      تعليق


      • #4
        [frame="9 98"]
        هههههههه عفيريتة هههههههه
        اما انا كنت كندير راسي شوميشة هههه عزيز علي نخلط التيد و الدقيق و البيض و نكور و ندير فيه الشكيلات و و نخبيه تحت ماريو د لماعن و كدلك كنت كنشد خميرة الحلوة و نخلطها مع الماء و نتفرج فيها كتفور :dو ماما مسكينة ملي تبغي تخمل كا تلقا الخلطات في التبيصلاط تحت الماريو ههههه و ختي نهار كبير عندها نهار يشريو باكية التيد وحد النهار شدات الباكية الكبيرة و خواتها كاملة و خلطاتها بالما حتى ولات كي العجينة و كتسيفطها للسقف.ههههههههههه
        [/frame]

        تعليق


        • #5
          السلام عليكم ورحمة الله تعالى وبركاته
          باقيا عاقلة على وحد النهار شدني بابا وبدا تيسولني فاينوم عينك كنوريه عيني

          فاينم يدك كنوريلو يدي
          فاينو نيفك كنوريلو
          و سولني فينو راسك عملت يدي على راسي وقالي لا هداك شعر ديالك ماشي راسك وعملت يدي على جبهة ديالي وقالي لا هاداك ماشي راسك تعصبت ومشيت بيتي كنقلب على راسي ههههههههههههههههههههههههههههه ما خليت فين قلبت و انا تنبكي تحت كاما فمجر فماريو.......
          والو مالقيت راسي ههههههههههههههههههههههههههههه باقي لدابا كيضحكو عليا وكيسولوني لقيتيه ولا مزال.

          تعليق


          • #6
            هههههههههههههههههههههههههههه مليحة هاذي اللي تحوس على راسها
            أنا كنت مشاغبة كبيرة و جرائمي كثيرة
            اللي مازالت تضحكني...
            كان عندي خويا صغير عليا و كانت ماما تقول لنا نديرو القيلولة في الصيف أنا نغطي راسي و نرسم في صباع رجليا(حاشاكم) عينين ونيف و فم مرة ندير العين كبيرة و مرة النيف و مرة الاسنان مهرسة في فم الراجل اللي رسمته ......خويا يموت بالضحك و كي تجي ماما هو يخلّص الغرامة

            تعليق


            • #7
              فكرة راعة وقصصكم أنيقاتي أروع
              كنت عاد دخلت المدرسة الإبتدائي الأول وبغا عمي إحفضني بدا كايعلمني الكلمات حتى عييت وأنا نقول أف بشوية عمي سمعني وهو يقول كار أف بالشلحة وأنا نبدا كانقلب على الكلمة لي قال عمي وهو يقيلي لقيتها قلت ليه لا أبقاو كايضحكو عليوأنا بطبيعت الحال مارضيت بقا في الحال

              تعليق


              • #8
                هههههههههههه انا تقريبا بحال الاخت ام حبيب كنت كندير راسي شميشة ولكن أنا كنت كنخلط العطرية كلها هههه
                كنت كنشد التحميرة و الكامون والابزار الخ...... و كنخبعهم مورا البلاكار ههه حتى كتجبرهم ماما

                تعليق


                • #9
                  ههههههههه أجيو تشوفو الاجرام ديال الصح
                  مرة كنا معرضين عند شي ناس فواحد الفيرمة كان عمري 5 سنين وكان عندهم واحد الصهريج غارق شوية وعامر بالماء انا مشيت باش نلعب مع ولدهم وهو يجري عليا قالي سيري فحالك نتي بنت صراحة مارضيتش وما دازتش ليا مشيت لجنب داك الصهريج وانا نغوت قلت ليه أجي تشوف كاين حنش هنا هو تاق وجا كيجري وصل حدايا وأنا ندفعو فداك الصهريج قلت ايوا هاني بنت ودفعتك عند الحنش الولد مسكين بقا كيغوت هههه الصراحة كليت فيها طريحة د العصا
                  نهار آخور كنت بغيت نخرج مع ماما باش تساريني أنا و خويا كان عمري 7 سنين المهم وقت الغداء جات واحد صاحبتها دون سابق إنذار المهم تغدات وشربات آتاي وحرام ولا بغات تنوض تمشي فحالها و أنا كنتحرق بغيت نخرج قالت لي ماما واش غادي نجريو عليها حشومة!! المهم صبرت حتى عييت ونا ندخل عندها للصالون قلت ليها الغداء تغديتي آتاي شربتيه أش باقي بغيتي خزيت نوضي فحالك راه بغينا نخرجو المهم تصورو أش دارت لي ماما !!!!!

                  تعليق


                  • #10
                    ana fach knt sghira knt mojrima aw bil2a7ra z3imat 3isaba 7it ana lkbira ba9a n39l 1 lmra anawkhwatati t9ablna m3a khaliya dyal n7l mrbiya jda wb9ina 3liha bl7jr nhar l3id lkbir wm3a khtkom 3sriya ya3ni kan3rf nych jbtha fiha wman3awdch likom achno tra:p:p:pkolchi dak nhar 9rso n7l kbar wsghar 7it kna kamlin kandiro kaskrot fjrda
                    kan 3id wglbnah sbitar chi kay7id n7l mn ryouss chi kaydir dwa chi kaysot baygon
                    hadi 1 mn 3amayli soda



                    ]

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X