كفاش كانت العقوبة ديال المعلمة ديالك

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • كفاش كانت العقوبة ديال المعلمة ديالك

    السلام عليكم البنات جبت ليكم واحد الموضوع زوين
    أجي تفكرو معايا و قولولي
    كفاش كان المعلم أو المعلمة ديالك كتعاقبك إلا درتي البسالة أولا محفضتيش شي حاجة ؟؟؟


    ههههههههه



    نبدا أنايا

    أنا مني كنت فالرابع باقا عاقلة و عمري منسا ديك نهار
    كانت المعلمة ديال الفرنسية عطاتنا نحفظو واحد الدرس ديال l'adjectif qualificatif

    هههههههههههههههه

    عمري منسا هاد الدرس مبغاش يتحفظ ليا
    إوا نهار ديال العراضة دارت علينا واحد بواحد
    و كانت هاد المعلمة مريضة نفسنيا كانت كتمشي psichiatre

    إوا و جات نوبتي و من زهر لي كان عندي أناها جات حتى لعندي و حبسات كنت آخر وحدة خاصني نعرض فديك الحصة و لي بقاو حتى لغد ليه
    إو و أنا مكنتش حافظة مزيان و بديت تنتفتف وهي تعيط لواحد 2 دراري كانو متخصصين فالفلقة كانو ديما كيعاونوها
    هههههههههههه
    و شدوني طلعوني على الطاولة و شدوليا رجليا مزيان حتى مبقيتش كنقدر نحركهم و حيدوليا الصباط و تقاشر
    ناري و جات هي و بدات كتسلخني بواحد التيو و محبساتش حتى طيبات ليا رجليا مزيان
    لا و شنو
    مكفاهاش العصا و زادت وقفاتني على رجل وحدة وعاطيا وجهي للصبورة الحصة كلها حتى سخفت
    هههههههه
    عمري منسا هداك نهار كانت أول مرة كناكل فلقة و آخر مرة الحمد لله
    ولي فقصني أني مني كنت كناكلها تفكرت الدرس كلو و بديت نعرضو كنطير ههههه
    ولكن هي مكنتش كتسمع ليا

    ههههههههههه

    كانت مجرمة الله يسمح ليها و صافي

  • #2
    12 مشاهدة و 0 ردود
    واش معجباتكمش الفكرة
    أولا حتى وحدة مقدرات تعترف
    ههههههههههههه

    تعليق


    • #3
      بسم الله الرحمن الرحيم
      هادوك غي ذنوب المعلمة اللي اتهمتيها بمرض نفساني ونتيا ماحافظاش....دكشي علاش غي كيطلو بلا مايجاوبو.....ايوا كيبقيتي مع التحميلة دبا لباس ياك .... أنا نتفكر في السنة الخامسة ابتدائي مع مدرس العربية اش غنقوليك يمكن داك نهار كان مدابز مع مراتو أو شي حاجة من هاد القبيل...كانت حصة الاعراب....جات نوبتي غنعرب جملة كاملة(النص كان مكتوب في السبورة الوسطى الطويلة يعني سطر مجبد)صراحة اعربت جيدا لكن من شدة الرعب اللي داروليا المعلم تلفت في الاخير كانت جملة اسمية ايوا فعاوط منقول اسمها كنقوليه مبتدؤها....ويثبثني ونكمل السطر كامل ويعاود يسألني ونقول مبتدؤها زعما قهرني بشي تخنزيرات اسمها فبالي لكن كنطقها مبتدؤها اش غنقوليكم أول مرة فحياتي نتعصا مزيان بقطيب ديال الزيتون حتى جاتني هستيريا ديال البكا...وباش مناخذ ذنوبو من بعد تنادم معاه الحال وشد بخاطري الله يذكرو بالخير هو الآن متقاعد.....شفتي هاحنا جوج ديال ضحايا الفلاقة
      sigpic

      تعليق


      • #4
        الفكرة غزالة اختي
        انا بقا عاقلة كنت كنقرا في القسم السادس والمعلمة ديال الفرنسية كانت بقا ممزوجاش وكان كيجي عندها واحد المعلم حتى هو ديال الفرنسية المهم كانت هي كتحشم بزاااااااااااف وكتولي حمرااااا واحنا كنقابلوها وانا مكنكتبش وكتعطيني العقوبة بالمئااااات وكتغلبني كيكتبو معايا كاع عباد الله ومكنساليش والغد ليه ملي كنكون غادية المدرسة كندوز لواحد المارشي قريب ليا كنعرف كاع الخضارة لي فيه وكندي معايا شئ واحد على اساس انه اخي باش يطلبها ومتضربنيش هههههههههه اما الفلقة الحمد لله عمري ما كليتها في المدرسة ولكن كنت كليتها من عند الوليدة الله يدكرها بالخير ولكن غير بالصندالة ههههههههه يعني كنت كنتعاقب في المدرسة غير بالعقوبة
        أستغفرك ربي واثوب إليك

        اللهم انك عفو تحب العفو فاعفو عنا

        رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَآ أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ {البقرة/286}

        تعليق


        • #5
          هههههههههههههه
          حبيتي ومضات الحمد لله دابا شوية مع الفلقة و لكن راه ديك المعلمة والله حتى كانت مريضة نفسنيا ماما كانت مشات عندها و هي كالت ليها راها كتمشي psichiatre هههههههه والله يسمح ليها و صافي

          تعليق


          • #6
            موضوع زوين.اول مرة اخدت عقوبة اخدتها على الخط فاثاني علقات لي المعلمة الدفتر فحويجي وبقات كتساريني بين الاقسام.حيدت الشوكة ديال الفولار وعلقاتو لي بيه .ودزنا على قسم اختي الكبيرة ومحيث هي مسكينة مجتهدة مرضاتش بقات كتبكي ههههههههههههههههههههه
            ايوة فالسابعة ماكنت كنقفل والو فالفرنسية.كنعرف غير ranger tes affaires...غير كتقولها الاستادة كنبقى نجمع واحد المرة جاء واحد الدرس فيه جملة غونجي طي زافير.وبديت كنجمع الادوات هي تلقاني الاستادة قالت لي رشيدة شنو كاديري قلت ليها ياك قلتي غونجي طي زافير ....قالت لي صافي هاديك هي ليفهمتي بوحدها وضحكات علي القسم كامل

            تعليق


            • #7
              هههههههههههههه

              هههههههه

              والله راه قصاص ديال الصغر متعة
              هههههههههه

              تعليق


              • #8
                هههههههههههه
                لعبة مزيونة المهم انا الان باقا كنقرا وزعما مجتهدة وماكنعملشي البسالات ولكن واحد النهار كنت فالرابع وكانت الاستادة خرجات تهضر مع الام دشي تلميد وملي دخلات لقات كولشي كيهدر ويعمل البسالا وهي كانت خلاتنا واحد التمرين ننصحوه وقاتنا ملي نرجع نمسح السبورة ونشوف الدفاتر المهم انا فكترة الصداعوشوية دالهدرة معا صاحبتي ماكملتشي والاستادة دجلت وما لقات حتا واحد ما كمل وعطاتنا 4 ضربات ب المسطرة وانا ما رضيتشي لان انا كنت مجتهدة والعواول بداو كيضحكو عليا حيت كناكل الدق وبديت كنبكي. اما الفلقة عمري ما كليتا الحمد الله

                تعليق


                • #9
                  كانت عندنا استادة ديال الرياضيات صعيبة بزاف وغليضة.كنا مسمينها فنيكا.وقررنا كل واحد اكتب فانيكا فالسبورة قبل مادخل الاستادة.النهار فاش جات نوبتي نكتب فانيكا.يلاه كتبت فاااااااااا.هي دخل علي الاستادة وانا نرجعها فرض محرووس...قالت لي شكون قالك عندنا فرض محرووس .قلت ليها الفوج الاخر.قالت لي مسحي السبورة وسيري تجلسي.وملي جلست بقات كتشوف فيا.وقالت لي الله يعميها ليك.وملي اخدت النتيجة لقيت فيها 0 في الرياضيات

                  تعليق


                  • #10
                    هههههههههههههههههههههههههههههه و الله الى اختي موتني بالضحك
                    انا نعقل على راسي كنت نقرا غي 2 ابتدائي و كنت نجلس انا واحد الولد اوا المهم كتبنا الاملاء و في التصحيح جا عندي كلشي صحيح و واحد شوية و هي تلغالي المعلمة و لغات الواحد البنت اوا و قالتنا و قفو حدا السبورة و انا يسحابلي اني قضياها مع كان عندي كلشي صحيح بقيت كانشوف فالتلاميد و انا نضحك بالفرحة اوااااا ملي كملت التصحيح ديال الدفاتر جابت واحد التيو و الله العضيم الى راه عاد بين عينيا هاديك التيو اسود و قصح ما كينطوشي و بقات تضرب على ما فيها من جهد بقات تضرب تضرب حتى يديا فشلو و هداك الصبع صغير اقسم بالله الى رجع زرق غامق و مشيت لبلاصتي نبكي نبكي و عطاطتني نصحح و ملقيت واشتا نصحح كلشي صحيح و هي يمكن ضربتني على الخط لحقاش كنت نضغط على الستيلو و بقيت ملي نهز الستيلو يطيحلي و هداك الولد اللي كان يجلس معايا مسكين شفيتو بقا غير يشوف فياو يقولي جيبي نكتبلك و انا غير نبكي ههههه
                    المهم مشيت لدار و في الصباح مشات معايا ماما و نادو بقاو يدبزو و المعلمة تقول لماما بنتك شوفي الكتبة كيدايرة اللي راها تكتبها و ماما تقولها علميها حتى واحد ما زاد معلم و المعلمة تقولهابنتك ماراهاش حفضة القران و ماما تقولها لا راها حافضةعرضيها حدايا نشوف مزية كنت حافضة القران مليح ههههه
                    المهم تزايدو في الهدرة و الله الى من هاداك النهار ما زادت ضربتني و هاديك المعلمة كان فيها الاعصاب الله يسمحلنا منها و صافي
                    يمكن طولت عليكم شوية سمحولي
                    عندي بزااف نتاع الحكاية قمر انتظري مني الجديد هههههههههههههههههههه
                    الهي انت تعلم كيف حالي فهل يا سيدي فرج قريب !!

                    سابقاMiSs_Ghazala

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X