دخلوا بزربا تفوجو يالله

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • دخلوا بزربا تفوجو يالله




    هادو جوج غاديين ف الغابة وهو يخرج ليهم سبع. ناض اللول ضرب السبع بحجرة كبيرة وهرب كيجري. شوية وهو يتلفت وراه وبان ليه صاحبو كاع ما كيجريش. قال ليه: وا مالك أصاحبي ماكتجريش؟
    جاوبو صاحبو: وعلاش نجري؟ مالي أنا اللي ضربتو؟


    واحد غليض بزاف داز للفرماسيان باش يعبر، وهو تخرج ليه الورقة ديال الميزان مكتوب فيها: خوتي، واحد بواحد الله يخليكم

    واحد الدجاجة انتحرت و كتبات ف الوصية ديالها: إيوا شبعوا بضامة البنة

    هادا واحد شرى طوموبيل فيها كمبيوتر. كان غادي صايك وهو يقول ليه الكمبيوتر: إيلا فتي 90 ف السرعة غادي تدير كسيدة. الراجل تنفخ، زاد ف السرعة، عاود قال ليه الكمبيوتر: إيلا فتي 120 ف السرعة غادي تدير كسيدة. الراجل ناض زاد ف السرعة، والكمبيوتر كل مرة كيعاود ليه نفس الهدرة. غير وصلات السرعة 180، و هو يقول ليه الكمبيوتر: الله يرحم باك نزلني أنا هنا خلاص

    هادو تلاتة د المراوات كيعيقوا على بعضياتهم.
    وحدة قالت ليهم: أنا راجلي غادي يشري المعاريف كله
    وهي تقول التانية: أنا راجلي غيشري التور إيفيل
    وهي تنقز التالتة قالت ليهم: وشكون قال ليكم راجلي باغي يبيع؟


    واحد طبيب بيطري مشى يخطب واحد البنت. سولو باها قال ليه: واش نتا معروف؟
    قال ليه: وايلي تانتا، ماكاينش شي حمار ف المغرب ماتيعرفنيش

    قاليك هدا واحد كيسمع الخارج راه فيه الفلوس غير مشتين وكلشي لاباس عليه، وهو يبيع دارو والبهايم ومشى سافر. غير وصل نزل من الطيارة وهو يلقى 20 أورو طايحة و هو يدفعها برجليه و قال: تفو على فال كيف داير، شلا باش بديت

    هادا واحد كياكل بلا مايقول بسم الله. واحد النهار كلا كسكسو بالحرور وهو يهز مونادا باردة و قال بسم الله و شربها، وقال للشيطان: ودابا شوف باش تبرد


    هادا واحد ناشط مشى عند مول الحانوت قال ليه: عندك قنبولة ديال 180 ريال؟ بغيت نضحك مع مالين الدار.
    قال ليه مول الحانوت: زيد درهم و شري بوطة صغيرة و هجرو ليهم.


    واحد الوليد سول أمه: ماما، أنا كيفاش جيت للدنيا؟
    قالت ليه أمه: غير حطيت شوية د السكر تحت الموكيط و نتا تجي.
    ناض الولد حتى هو حط شوية ديال السكر تحت الموكيط. من بعد يومين رجع يشوف و هو يلقى سراق الزيت و هو يقول ليه: كون ما كنتيش ولدي، كون قتلتك


  • #2
    شكرا اختي والله الا فوجتي علينا هاد الصباح
    [bor=#00ff77]
    [fot1]
    الصمت لغتي فاعذروني لقلة كلامي
    [/bor]
    [/fot1]

    تعليق


    • #3
      شكرا اختى شهد على المرور الله يخليك ديما مفوجا وضاحكا

      تعليق


      • #4
        هههههههههه والله موتني ضحك اضحك الله سنك
        ]اللهم أعيذ ما في رحمي بكلماتك التامة ومن كل شيطان وهامة ومن كل عين لامه
        اللهم أسألك أن تحفظه وتجعله معافى كامل الخلقة دون زيادة أو نقصان
        اللهم حسن خَلقه وخُلقه وسهل حمله ومخرجه واجعله قرة عين لي ولوالده واجعله من عبادك الصالحين

        "اللهم يا من أمسكت السماء أن تقع على الأرض وهي بلا عمد، أمسك ما في رحمي، وأتمم له على خير".

        "اللهم صوِّره في أحسن صورة ونجِّه من كل تشويه ومرض".

        تعليق


        • #5
          ههههههههههههههههههههههههه
          واللهيلا كيفوجو عندك هاد النكت اختي ناديوشكا ههههه
          شكرا

          تعليق


          • #6
            هههههههههه والله موتني ضحك اضحك الله سنك

            تعليق


            • #7
              المشاركة الأصلية بواسطة princesseh01 مشاهدة المشاركة
              هههههههههه والله موتني ضحك اضحك الله سنك

              شكرا ليك اختى على مرورك

              تعليق


              • #8
                المشاركة الأصلية بواسطة أنيقة مشاهدة المشاركة
                ههههههههههههههههههههههههه
                واللهيلا كيفوجو عندك هاد النكت اختي ناديوشكا ههههه
                شكرا

                هههههههههههههههه شكرا اختى انيقة ان شاء الله ايامك كلها تكون منورة وضاحكا

                تعليق

                المتواجدون الآن 1. الأعضاء 0 والزوار 1.

                أكبر تواجد بالمنتدى كان 2,525, 26-09-2016 الساعة 21:58.

                شاركي الموضوع

                تقليص

                يعمل...
                X