هام جدا لكل المغربيات الحراة "ارجو التتبيث"إن شاء الله

تقليص
هذا الموضوع مغلق.
X
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • هام جدا لكل المغربيات الحراة "ارجو التتبيث"إن شاء الله

    السلام عليكم،
    أنا لاحظت واحد الحاجه مكاتعجبنيش بزاف فالحقيقه،وبصراحة وتنلاحظها كثيرا في المغربيات خصوصا ،وليس في الجاليات الأخرى، سمحوليا ولكن مافهمتش علاش بعض المغربيات تيكونو مولودين في المغرب، وقراو فيه،وعاشو فيه،ولكن غير تايمشيو للخارج خصوصا الدول العربية،تيبدلو هضرتهم،ولغتهم المغربية الحلوة ،بلهجات أخرى بعيدة كل البعد عليهم!تانعرف شي مغربيات ماتايتكلمو معا مغربيات ومعا حتى وليداتهم غير إما بالخليجية أو اللبنانية إلخ ولاأعرف لماذا !؟ :cool:

    راه خاص كل مغربية تعتز بلغتها وتعلمها لوليداتها وتفرض وجودها في البلاد اللي هي فيها،
    عمرني ماشفت شي جنسية أخرى تيتكلمو ماليها بلهجه أخرى غير ديالهم غير المغربيات! وهذا شيء يحز في النفس ،وتيألم.

    وهادشي كلو تنقولو غير لأنني تنبغي بلادي بزاف وتنبغي بنات بلادي يعتزو بلهجتهم وبلادهم المغرب اللي هي أجمل بلدان العالم [OVERLINE]"زرت بلدان كثيرة ولكن فحال جمآل المغرب ماكاينش [/OVERLINE] غير خاص مالين المغرب يديرو شويا النفس.
    وشكرا وسمحو ليا على صراحتي .

  • #2
    السلام عليكم ورحمة الله وبركاته
    عندك الحق اختي ..بالحق انا فالخليج ولكن كنتكلم بلهجتي وبعض الكلمات كنرجع ليهم باش نشرحهم باللغة العربية الفصحى ..هادشي مع صديقات ..اما الى كنت فشي محل كنضطر نهدر بالكلام اللي يفهموه باش مانبقاش كالسة نص نهار نشرح ههههههه

    احنا سبحان الله كاع اللهجات كنفهموووهم هههه
    (رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ) [البقرة/286]

    تعليق


    • #3
      شكرا اخ تي لانك طرحتي هاد الموضوع و سمحي ليا غدي نقاشوه بالدارجة المغربية

      فعلا حاجة كتفقس ملي كنشوفو مغاربة و كيهدرو لغة اجنبية عليهم

      انا الحمد لله كنموت في الدارجة ديالنا و ادزاديت اكثر من اللي خرجت من المغرب

      و لكن المشكلة هنا انهم ما كيفهوش الدارجة ديالنا او ما باغينش يفهموها و انا احيانا كنفرضها على البشار كنخليه هو يحل فمو و يقول ليا اشنو كتقصدي و كنشرح ماشي مشكل خاص عا يكون عندي الوقت

      بالنسبة لراجلي علمتو يهدر الدارجة و يفهمها مزيانة باقي ليه غير كلمة ديال البورطابل كيقوليه البرطوكوفل ما عرفتش منين جابها ههههههههههه
      و فعلا اختي تا انا شفت بلدان كثيرة و الله ما كاين بحال المغرب و الطبيعة ديال المغرب

      شفتي حتى في الرقي الشعب المغربي را راقي و لكن المشكلة ديالنا هي عدم الثقة بالنفس و الاعتزاز بالنفس و الوطن


      يله مازال غدي نرجع لهاد الموضوع خاصوو نقاش طويل


      شكرا ا الزين


      .

      تعليق


      • #4
        أم كريم و كازويه راجاويه بارك الله فيكم الله كثر من أمثالكم ،عندك الحق،يمكن الواحد يستعمل اللغة ديال البلاد اللي هو فيها هادا ماشي مشكل ،راهاحاجة طبيعية،
        ولكن كاين شي وحدين تيتكلمو لهجات أخرى حتى معا ولادهم و ولاد بلادهم.

        وماتانعرفش علاش،حتى في المنتديات أو في عندما يتصلون بقنوات عربيه،تاتلقايهم تايتكلمو اما بالمصرية ولا اللبنانيه او الخليجيه إلخ وخا تيكونو تايتكلمو معا مذيعين مغاربة،وهذا يعطي انطباع بأن المغربيات ماتايعتزوش ببلادهم ولا بلغة بلادهم ،وهذا خطأ ،لذا خص أي مغربي يفرض لهجتو على العرب الأخرين كيما هوما فرضو لهجتهم وخا صعيبه علينا وبدينا نفهموهم،إذن علاش حنايا حتى حنايا مانفرضوش وجودنا وعاداتنا وتقاليدنا عليهم ،ونمحيو المعتقدات الخاطئة على المغربيات الحراة بهذه الطريقة إن شاء الله.

        تعليق


        • #5
          كازوية رجاويه،وأم كريم الله يحفضكم الغزالات

          عندكوم الحق المغرب بلاد جد راقية ومتقدمة،وهاد الشي ماتايحس بيه غير اللي خرجو منو وشافو بلدان أخرى،وجاليات أخرى ،أما اللي عمرهوم ماخرجو منو تايصحابهوم أن البلدان الأخرى راها جنه أعوذ بالله ،ولكن غير الواحد تايسافر ويجول في بلاد الله ،تتبدا تبانلو الحقيقة،بأن المغرب بلاد الخير والجمال ما شاء الله،خاص غير شي مغاربة يحلو شيشوية عقليتهم .

          تعليق


          • #6
            وزيدون ماعندها باش نافعة اولادنا ..كون غير شي لغة اجنبية تنفعهم فقرايتهم ومستقبلهم .. كون غير فبلاصة ماتعلميه لهجة اخرى علميه نيت لغة اخرى فرنسية او انجليزية او او اما اللهجات ماعندهوم باش نافعينهم غير كيضيعوا الوقت ..
            (رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ) [البقرة/286]

            تعليق


            • #7
              أم كريم عندك الحق أختي الكريمة،فعواض مانعلموهم لهجات غريبه عليهم،علاش مانعلموهم لغات تنفعهم فمستقبلهم وفحياتهم وفقرايتهم.

              تعليق


              • #8
                هاشي اللي ناوية ان شاء الله ندير مع ولدي ..كنهدر معاه بالمغربية ومرة مرة كندخل شي كلمة بالفرنسية لانه هنا كايتكلموا الانجليزية ومابغيتوش يضيع الفرنسية ..

                واخا عدو عام وشهر هههههه كيقول بااااابووووو هي برافو ههههه
                (رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ) [البقرة/286]

                تعليق


                • #9
                  تبارك الله على وليدك كريم حبيبة ديالي الله يحفضو ليك وتشوفيه كيف بغيتي ياربي آمين.إيه مزيان لواحد يعرف لغات أخرى مع لغة بلادو الأصلية،هادشي تايفتحلو آفاق كبيرة فمستقبلو إن شاء الله،وحتى إلى بغا يدعو لدين الله عز وجل تايكون بعدا فاهم اللغة العربية الفصحى اللي تاتمكن ليه يفهم الإسلام الحقيقي،ماشي فحال شي وحدين فبلاد غير عربية ،ماتايكونو عارفين حتى حرف عربي وتايجيو شي وحدين "لغاية في نفس يعقوب" تايعمرو ليهم راسهم بأشياء بعيدة على الإسلام ،وتايصبحو فإيديهم لعبه تيلعبو بيهم كيما بغاو،باش يشوهو ديننا الحق اللي أنزله الله على رسوله صلى الله عليه وسلم رحمة للعالمين .

                  تعليق


                  • #10
                    عندك الحق اختي اسماء ..كنعرف شحال من عائلة فالدول الاوروبية لا علاقة لهم مع الدين ..وغير هاد رمضان شفت اولاد جاو من فرنسا كيجيو لراجلي كيمشيو للمزرعة باش بفطروا ويكميو ومايشوفهم حد حزت فنفسي عيشتهم وتربيتهم ..
                    ايه يتكلم لغة اجنبية ولكن فالبيت الكل يتكلم العريبة بالحق قليل الللي كيقدر يدير هادشي ..وكيعطي للغة والدين حقه
                    (رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ) [البقرة/286]

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X