ها عيب راجلي و ها الحل الي عملتو

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ها عيب راجلي و ها الحل الي عملتو

    ممكن الاخوات يتعجبو من العنوان او ممكن يصدم البعض لكن صبرو معايا و بقاو معايا حتى تفهمو مني شنو هو الموراد منو
    بحكم حنا هنا في منتدى المغتربات كل البنات بعاد عن الام و عن الاخت و عن كل الي ممكن تاخدي منو معلومات او نصيحة انت بوحديتك مع ززوج لا هو ابوكي و لا اخك زوج مختلف الاطباع مختلف الشخصية و ممكن في حالة ان زوجك اجنبي فهو مختلف التقاليد و العادات و الحمد لله ماشي مختلف الديانة و هدا الاهم و بحكم ان كل الناس بعيوب و احنا منهم قلت في بالي نفتحو هاد الصفحة تكدر كل اخت فينا عيب من عيوب زوجها و كيف تعاملات معاه و كيف لقات السبيل لكسب زوجها و الي بسبب دالك قوة من علاقتها معاه و قوة جدار بيتها ضد كل تجارب الحياة و مشاكلها لانها كسبات زوجها
    فالمراد اختي هو كخلاصة نستافدو من بعض و ممكن نستمدو العبرة من بعض و هكدا تكون عندنا وعي و يكون عندنا تقافة و نتعاملو مع كل المشاكل او العيوب الي انا و انتي كنشوفوها في رجالنا و نصلحو قد ما عطانا ربنا من طاقة و قوة و الاهم بتحضر و تقافة اكتر
    فعافاكم نخلو هاد الصفحة صفحة خير علينا جميع على سبيل المتال
    عصبية الزوج
    غيرته
    بخله ممكن
    تكبر ممكن ووووووووو
    و تدكر كيفاش تعاملات معاه
    هدا هو قصدي و لكل اخت وجهة نضر و نحترمو بعض
    sigpic

  • #2
    ممكن نبدا انا الاولى
    زوجي ممكن نوضعو في خانة العصبية عصبي باش كيتعصب كنحط نفسي امام امرين اسهلهم امرهم و هو حتى انا نطلق عصبيتي بالمتل او نتقل و نفكر في هديك اللحضة شنو هو الحل
    1 كيفما غوت نغوت كتر منو هدا اسهل حاجة نعملها
    2 نسكت
    فختاريت ان كل مايتعصب نسكت و حقي غادي ناخدو غادي ناخدو
    كان اول مرة نشوف تعصب متكلمتش معاه و سكت و باش تهدن تعجب علاش متعصبتش و في واحد نهار قالي علاش باش كنتعصب كتسكتي قلت ليه اسهل حاجة غادي نغوت عليك و حتى انا منخليكش فين تهدر و هدا هو الساهل لكن فضلت ان نخليك حتى تهدن و نتكلم معاك ساعتها غادي تسمعني و نسمعك و تفهمني و نفهمك و الاهم انا منجرحكش متجرحني و من داك نهار طفيت غضبو و كان هو السبب الاقوة لي تعلقه بيا و ليومنا هدا كيقولي تباركة الله على عقلك و تعاملك مع الحياة
    و بيني و بينكم ماشي ساهل لكن ساعتها كيهمك غير تخرجي من هداك الوضع و كفاش تحسنيه
    sigpic

    تعليق


    • #3
      ماشاء الله عليك كل البنات الي دخلو ماحطو اي تعليق كلهم بدون مشاكل تبارك الله عليكم بان لي غير راجلي بوحديتو لعصبي
      sigpic

      تعليق


      • #4

        تعليق


        • #5
          موضوع زوين اختي ام هند في حقيقة الامر راجلي راه من طباع راجلك حتي انا راجلي عصبي لدرجة لا تطاق اي شئ حاجة نديرها كيتقلق و يتعصب عليا سيرتو الي درت شي غلطة هذاك النهار نهاري هههههههه كتغيضني عمري بزاف و نعود نبكي بصح الان حفضت عقليتو و راني نسكت كيف ما قلتي غير يتعصب عليا نعود نقول ليه لالا حبيبي ما تزعفش مني انت هو الصح و شي كلام حنين وبيني و بينكم نقوله وانا حزينة علي عمري نقول البنت في بيت اهلها تعيش كي الملكة هي تزوج تحني راسها لازم بصح في النهاية كسبت راجلي هيت يقولي وين نحوس ما نجبرش مرا بحالك الحمد الله الصبر دوا كيما يقولو لهذا نتمني لكل اخت راجلها عصبي تسكت تخليه حتي يروح الزعاف و تتفاهم معاه حتي يعود هو يطلب السماح

          تعليق


          • #6
            السلام عليكم البنات تباركلاه عليك أختي أم هند ديما كاتجيبي لينا الجديد ،عجبني موضوعك و قلت مانخرج منو حتى نخلي فيه بصمتي .إوا راجلي الحمد لله ماعاصابيش كايتعامل مع الوضع بكل هدوء و كايسيطر على العصبية ديالو ولكن العيب لي فيه أو ربما هاد العيب يمكن جميع الرجال هكذا لاحقاش بزاف البنات كايتشكاو من نفس الشيء إوا العيب هو راجلي ماكايحملش shoping ههههههههههههه إلى مشى يتقدا خاص يجيب لي مفروض يجيبو و صافي أول مرة خرجنا ختك مديا على المغرب إلى مشينا نشريو غير سروال كانتساراو المدينة كاملة حتى نشوفو لي زين و لي رخيص عاد نشريو ههههههههههه و مع راجلي بقيت كانختار هادي أه هادي لا و كترت size كادواخ مشي بحال لمغرب حتى كايقول ليا يلاه هزي واحد و خلينا نمشيو ههههههههههه صافي ستمر الأمر هكذا حتى والفت شوية و وليت نعرف المحلات و تعاملت مع الوضعية ، وليت كانخرج و نتسارا المحلات كاملين وحدي حتى كاتعجبني الحاجة لي بغيت إما كاناخودها أو نخلي حتال week end كنديه يشوفها إلى عجباتو كانشريها و هكذا ولا هو مهني و أنا مهنيا هههههههههه

            تعليق


            • #7
              السلام عليكم ورحمة الله وبركاته
              موضوع رائععععع تبارك الله عليك الاخت هند مجتهدة هههههه بلاتي عندي 2 حالات في هاد الراجل :Dهههه الاولى بحال سوزانا تقريبا راجلي بيتوتي اوا نمشيو نتساراو دغيا ابغي ارجع للدار :eek: تنقوليه بلاتي باقي ما شبعت و خا كيدير ليةخاطري كنحس بيه جالس بزز:rolleyes: و أنا ما كانبغيش هكاك ..تنبغيه اخرج و حس بالمتعة معايا:confused: ..بعض المرات تنقول أحسن اللهما بيتوتي اجلس مع البي سي ديالو و لا امشي اتسارا ويخليني في الدار نتسنى .. هدرت معاه قتليه أنا بغيتك مني نخرجو نستمتعو بالخرجة لأننا بزوج و نبدلو شوية الروتين و نرجعو للدار مبدلين الجو و حسيت بتحسن شوية ههههه:p
              الحالة الثانية تالمرة الجاية ههههه يتبع:cool:

              تعليق


              • #8
                مرحبا بيكم و شكرا على مروركم تبارك الله عليكم
                اخت رحاب عندك الحق نفس الكلام كيقلولي حتى انا و قال لخويا عمري منلقى بحال ختك كتحترمني و كتعرف كيف تقلب جو ديالي و تبدل نفسيتي و راه عندبالو غير ساهل غير جي وسكت لكن الحمد لله ان طحنا على حل نحافضو بيه على بيوتنا و الا ساهل تخربي بيتك على شيء بسيط و الحمد لله ان الانسان و كل وحدة فينا تستافد بتجارب اما مرات بيها او حد من عائلتها او من معارفها و ممكن بحالنا من تجارب بعض
                و بنسبة ليك اختي سوزانا و اختي فاطمة الزهراء مولفين الحبيبة غير دير العشية و لبس و خرج لسويقات و قساريات و اشنو هو جديد في سوق من لاباس و سير و سير
                الله يخلي لينا جميعا ازواجنا و تعطينا معاهم الصبر و طول البال و تعقل و يبعد ولاد الحرام على كل اسرة عايشة مستورة
                sigpic

                تعليق


                • #9
                  نتمنى من الاخوات يتفاعلو معانا و نفيدو بعضنا البعض من تجارب بعض في الحباة و مرحبة بكل الاخوات حتى المنفصليت عن ازواجهم و تدكر لينا شنو كان سبب الي عليه تدمرات عائلتها و بيتها و هكدا نكونو تفادينا كل شي يهدد حياتنا و عرفنا و لقينا الحل و الدوة
                  sigpic

                  تعليق


                  • #10
                    [frame="8 80"]


                    السلام عليكم البنات


                    مشكورة اختي هند على الموضوع الحي والفعال وجيتي

                    على الوتر الحساس وعلى سر الغضب الله يلطف ويستر

                    كنعاني من تفس الي كتعاني منو { العصبية}

                    {العناد}+انا الاخرى عصبية وحنا دمنا سخون قصدي

                    {انا}، فاش يوقع شي سوء تفاهم وعلى شي حاجة يمكن

                    تكن تافهة ويتعصب، انا الاخرى كنقل علاش

                    ميتفهمنيش حتى هو، واش غير هو لي يتعصب+انا شخصيتي

                    حساسة{سبب كل الي كيوقع بيناتنا} والاجمل فيها

                    انني سموحة واي غضب كيكن، فكيكن عندي مجرد سطحي،

                    بمجرد ما كيمر وقت العصب بشوية تلاقيني كنعتذر

                    وموحشاااااه وهو الاخر كيعتذر حتى اننا

                    مكنعرفوش شكون لي كان غالط هههههه

                    ياربي تهدينا جميه
                    ا


                    [/frame]


                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X