إعـــــــلان

تقليص
لا يوجد إعلان حتى الآن.

إيجابيات الغربة !!!

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • إيجابيات الغربة !!!

    [frame="7 80"] الســـــــــــــــــلام عليــــــــــــــــــكم يــــــــــــــــــــابنات الغربة....بصراحه دايما كانسمعو الناس تتذمر من الغربة...وكلنا طالع لينا الدم و ديما عندنا حزن و كآبة لانو بعاد عن اهلنا و أصدقائنا و وطنا...يعني ديما كانحاولو نتكلمو على سلبيات الغربة ففكرت اليوم باش نكتب هاد الموضوع باش نرفعو معنوياتنا شوية .. ونقولو شنو الاشياء الحلوه في الغربة؟؟؟و كل وحدة تقول لينا شنو أكثر شي عجبها في بلاد الغربة واش تعلمت فيها ؟
    كانتمنا تفاعل جميع المغتربات و منها نيت تكون معلومات جديدة و أفكار للبنات لي مازال كايتسناو الالتحاق بالأزواج ديالهم

    [/frame]


  • #2
    بسم الله الرحمن الرحيم
    اشكر الاخت الكريمة التي فتحت موضوع ايجابيات الغربة
    في الحقيقة صحيح اسمها غربة لاننا بعاد عن اهلنا وحبايبنا وعن المكان الذي ولدنا فيه وتربينا وتعودنا عليه , ولكن الطامة الكبرى اننا تعودنا على الغربة لدرجة اننا عندما نعود الى بلدنا بعد غياب سنة او اكثر نحس بالغربة ونحن وسط اهلينا , وفي بلدنا الاصلي , لم نعد نطيق الفوضى في الشوارع ولم نعد نفهم طريقة المعاملات الادارية التي تفتقر لحد الان للنظام والترتيب
    الفوضى في كل مكان , اقل شيى يمكن ان يرتاح فيه الانسان في بلده باعتباره بلد اسلامي ,الاخلاق الحلوة للناس في الشوارع والمحلات , بدل الفساد والرشاوي والتحرش للبنات في الاماكن العامة, صدقوا اخواتي انا اعيش في بلد اوروبي لكنني لا اصطدم بالفساد في حياتي ابدا , صحيح بلد غير اسلامي لكن للاسف المعيشة فيه اريح من اي بلد اسلامي
    اختم كلامي بتلخيص ما اريد الوصول اليه في كلامي عن مميزات الغربةوالتي تتلخص فيما يلي
    الهدوء
    النظام
    النظافة, نظافة الاماكن العامة
    عدم المحسوبية في الادارات
    تسهيل المعاملات
    توفير المواصلات
    كل الناس وبالدارجي المغربي داخلة سوق راسها, لا قيل وقال ولا نميمة ولا متابعة الموضة
    في الغربة صرت اكثر تقربا الى الله واكثر التزاما
    لكن رغم هذا كله انا افتخر بمغربيتي وافتخر ببلدي واحبه لانه وطني ويجمعني باهلي ويذكرني باحلى ذكرياتي , ذكريات الطفولة والمدرسة والجامعة والبحر وكاس الشاي بالنعناع الطيب
    واتمنى دائما ان اعود للعيش فيه رغم سلبياته
    وانا مع ابن الرومي حين قال

    ولي وطن آليت ألاّ أبيعه
    وألا أرى غيري له الدهر مالكا
    عهدت به شرخ الشباب ونعمة
    كنعمة قوم أصبحوا في ظلالكا
    وحبَّبَ أوطان الرجال إليهم
    مآرب قضاها الشباب هنالكا
    إذا ذكروا أوطانهم ذكَّرتهم
    عهود الصبا فيها فحنوا لذالكا

    تعليق


    • #3
      شكرا أختي على المرور ديالك العطر شفت بزاف المشاهدات و بلا ردود و قلت يمكن الموضوع ماكايعجبش .
      عندك الصح أختي ف كلامك و متفقة معاك للأسف كانلقاو بعض الأشياء في الأوربيين لي ماكايناش عند بعض الدول الاسلامية وأنا ماكانعممش راه بالطبع كاين الزين و الخايب
      أول حاجا احترام الناس ملي كانمشي ف الشارع ماكاينش لي يتبسل عليك ولا تباركيك الحمد لله الاحترام التام مهما كانت ديانتك او عرقك او جنسيتك .
      النظام في كل شئ وكل المواعيد لدرجة ماكاينش تفريق لا بين المعارف ولا هذا فقير ولا هذا غني كل واحد ب شخصو مشي ب مالو ولا الجاه والقانون ينطبق على الكل و هادشي لي كانفتاقرو ليه فوطن الأصلي الله يهدي الجميع
      النظافة ف جميع الاماكن تبدء من الشارع والحدائق والمدن والقرى نظيفه كلها سواء كانت قريه او مدينه وأنا راني ماكانقصدش نقلل من قيمة بلادي لا و الله بلادي كايبقا عزيز عليا مهما صار
      والصدق في كلامهم في المحلات و البيع والشراء و اللي قالوه بفمهم وعد لازم يوفون به
      صراحه كثير اشياء هو اكيد عندهم مساوء ولكن احنا والحمد لله ناخذ منهم الشئ الزين واللي ماداخلش ف ديننا الاسلامي نخليوه وطبعا استفادينا كثير اشياء كالعمل وانو لك الحق بالدراسه وسبحان الله كل شئ متوفر، واهم شيء بالطبع هو تقربك من الله عز و جل و توطيد العلاقة بينك و بين زوجك بحكم عايشين لا أهلك ولا أهلو قراب يعني كاتحسي بأن أهلك كلهم مجمووعين ف زوجك سبحان الله،الله يسهل للكل ان شاء الله ويسهل علينا غربتنا ااااااامين

      و شكرا مرة أخرى على الرد ديالك و كنتمنا ردود من باقي الأخوات

      تعليق


      • #4
        ماشاء الله عليك اختي سوسنة و برافو عليك على هاد الفكرة الاكتر من رائعة ماشي لاني متلهفة وقتاش يتلم شملي براجلي و منتضرة هداك الوقت بفارغ الصبر لا و لكن ملاحضتكم تخلي الانسان و الاخت الي بعيدة عن اهلها متشوفش الدنيا سوداء في عيونها و ان حياتها معدبة و كلها سلبيات بالعكس تشوف شنو كسبات و شنو هي النعم الي عندها و الي نعم بيها عليها ربي و تحمد الله سبحانه و تعالى و تتقبل حياتها كما هي و هداك الفراغ الي حصل في حياتها بعد فراق الاهل و الاحباب تملاهم بطاعة الله سبحانه و تعالى و تعطي كل وقتها لزوجها و لبيتها و تدعم عائلتها و تقويهم و كما قالت الاخت تاخد كل الايجابيات المجتمع الي صبحات منو و تحسن من عيوب شخصيتها و تترك عليه سلبيات و تقاليد الغرب
        موضوع رائع اختي نتمنى لك مزيد من التقدم و المشاركات الهادفة و الله يجمعنا على طاعته
        sigpic

        تعليق


        • #5
          السلام عليكم ورحمة الله وبركاته
          انا عاد شفت الموضوع ديالك و تبارك الله عليك فكرة زوينة هادي نتعرفو على ايجابية الغربة حيت الاغلبية تانسمعو عي التدمر و شي حوايج تاتخلع اللهم نشوفو شنو الجانب المنير و اكيد منير الا كانت متوفرة الحرية و الديمقراطية عي هو يكون الامن معاهم و لي عودة واخة انا ماشي مغتربة و جزاك الله خيرا الاخت سوزانا لي دايما تاحفانا بالافكار الرائعة



          تعليق


          • #6
            ختي سوزانا انا غير قلت ندخل نستافد و خلاص حيت باقيا تابعاني الغربة

            نتمنى تقبلوني كمتابعه للموضوع

            بارك الله فيك

            تعليق


            • #7
              أختي بارك الله فيك على هذا الموضوع المميز ...
              والله عندك الصح أختي في كل اللي قلتيه على الغربة لكن مهما كان فيها إيجابيات كثيرة
              وأنا واحدة من الناس اللي استفذت من الغربة بزاف ومن جميع النواحي ...
              أولها تعلمت نعتمد على نفسي في كل أموري وتعلمت ناخذ القرار ونمشي حياتي حيث لما كنت في المغرب كنت وحيدة دارنا وبنت الفشوش وماكنتش نعرف ندير ولا حاجة .... الحمد لله هنا تعلمت كلشي لوحدي ... وتحملت مسؤولية بيت وزوج وأولاد وقدرت نوفق بين حياتي الأسرية وحياتي العملية.
              تعلمت من الغربة نعرف بقيمة والدية و بلادي دائما عندي شوق ولهفة عليهم وعلى أخبارهم.
              تعلمت أني أوصل صورة مشرفة على المغرب ونحافظ على أصالتنا وتقاليدنا المغربية.
              تعلمت من الغربة الصبر والتحمل في كل شي.
              وكما قالت الأخت أسماء تعودنا على الغربة بمعنى الكلمة بالنسبة لي لا أستطيع قضاء أكثر من شهر في المغرب أشتاق لبيتي ولعالمي ...
              تعودنا على الاستقلالية وارتاحينا من بعض العلاقات الاجتماعية اللي ما كتجيب معه غير المشاكل والقيل والقال.
              والحمد لله على كل حال ...
              ا:s11353:

              تعليق


              • #8
                تبارك الله عليك موضوع مميز

                اول ماجيت الغربة كلشي كان كيبان لي كحل ..وماقدرتش نصبر ديما عقلي مع المغرب وديما نبكي ..كلست عامين ونص فبلاد الغربة ونزلنا المغرب ..لقيت كلشي جاني غريب اللبس والضجة والزحام لقيت راسي تاحاجة مابقيت قادرة عليها وليت بغا نرجع لبيتي وللهدوء ..وليت كنلبس طويل ومفضفض واخا كانوا كيظلوا شادين فيا على لباسي الا انني كنحس اني مرتاحة فيه احسن من المزير ..
                وملي رجعت عاد عرفت النعمة اللي انا فيها ..وما كرهتش لوكانت كل هاد المميزات فبلادي يعني الهدوء والتنظيم ولكن فالمغرب ماشي فالغربة ..
                سبحان الله العظيم








                تعليق


                • #9
                  الصراحة انا ديما نبدا ندخل نقرى تجارب الاخوات لانه باين لي غادي نستفيد بزاف بزاف ان شاء الله

                  انا اختي ام عامر بحالك بوحدي بنت و اخر العنقود مفشششششششششششه بزاااااااف السوق مكنمشيش ليه مكنعرف ندير والو دابا راني مدابزا غير مع راسي باغى نعتمد على راسي شوية لكن والو ما حدني ف دارنا باقي ما كاين اعتماد كنتمنى نتاقلم حتى انا دغيا و نولي بحالك اختي

                  تعليق


                  • #10
                    مساء الخير عليكم ,عندكم الصح البنات راها الغربه وخا اغلبيتها سلبييات إلا انها فيها بعض الإيجابيات,واهمها تهنيت من النميمه والقيل و القال.تهنيت من الدخول ف الصحه ,وتعلت نعتمد على غاسي حتى انا البنت الوحيده بين الذكور كنت حتى البطاطا منعرفش نشريها إلا مكانتش معايا ماما لكن دبا الحال تبدل معا الغربه,والله يصبرنا على فراق الوالدين والاهل و الاحباب.




                    http://www.tran33m.com/vb/t52999.html

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X