ارجوكم ساعدوني

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ارجوكم ساعدوني

    اخواتاتي الله يخليكم محتاجة مساعدتكم انا انسانة مطلقة وعندي صك الطلاق ولكن ماشي الاصلي ودابا بغيت نتزوج من سوري وهو قريب يجي للمغرب وماعرفت اش ندير؟ انا اخبرته انه صعب الزواج بالمغرب لانهم غادي يطالبوه بورقة موافقة الزوجة لانه متزوج وهو قاللي نتزوجو بسوريا وانا قلت له اوك ولكن ماعرفتش واش ممكن ليا نتزوج هي بصورة صك الطلاق ام خصني الاصلي ارجوكم فيدوني راه مابقالياش الوقت بزاف وانا في مشكلة محتاجة لكم الله يحفظكم ولا يحطكم في ضيق ابدا.

  • #2
    نتمنى الاخوات يساعدوك لكن علاش اختي مايجيب موافقة الزوجة ديالو تتزوجو هنايا فالمغرب باش حتى كاونو شي وليداتك مايضيعوش راه ياختي ماشي جميع الناس بحال بحال ماتيقيش بزاف خصوصا الا كان عايتزوج بدون علم مراتو
    الله يسهل عليك اختي و ماتزربيش الا نتي مامقتانعاش مزيان في التأني السلامة و في العجلة الندامة
    الله يجعل كلشي يدوز بيخير
    سمحيلي على التدخل لكن من قوة ماكانسمعو راه الانسان تايولي يشك فحوايجو الله يحفظك و يرزقك لي فيه الخير



    تعليق


    • #3
      تانشكرك ام كردي بزاف على النصيحة, و مراته راه فراسها ولكن اكيد حتى شي مرا ماغادي تقبل تعطي لزوجها الموافقة .
      واللي فيها الخير الله يجيبها ,تانتمنى الاخوات يجاوبوني ويلقاو لي شي حل راه تعبت بزاف. الشكر الجزيل ام كردي

      تعليق


      • #4
        شوفي اختي انا من راي تزوجي في المغرب خاليه يجيب الموافقة
        لانه نهار ليغادي يكونو عندك الولاد غادي تكون القادية صعيبة من الاحسن يكون زواج في المغرب
        وحاولي ترودي البال راسك نتي بغا تمشي معاه وهو مزوج يعني راكي عارفة وسمح ليا انا بغيت غي نصحك

        تعليق


        • #5
          اختي berrada سمحيلي نسولك علاه الى درت العقد في سوريا الولاد ماغاديش يتسجلو ويعترف بهم؟؟

          تعليق


          • #6
            وحاجة اخرى واحد بنت جيرانا تزوجات بسوري ودارت العقد في المغرب ومشات معاه ولا مدواز عليها ليعمرها ماكنت تحلم بيه وبقات معاه غي بسياسة حتا جو لمغرب وطلبت طلاق وجاب الله عندها شي حاد من عائلتها في سلطة هو ليجاب ليها طلاق
            وهادي راه بلا ننقوليك اش كندير عليها قبل زواج
            المهم اختي سمحي ليا يلاخرجت على الموضوع
            ولكن حتى تتاكدي منو مزياننننننننننن

            تعليق


            • #7
              اختي صراحة انا معنديش معلومات ولكن هاد البنت ليحكيت ليك عليها كانو حادروها في المغرب من ها نقطة
              المهم اختي صلي صلاة الاستخارة وليفيها خير يدير ها ربي

              تعليق


              • #8
                شوفي اختي هاد الموضوع ممكن يفيدك
                http://www.anaqamaghribia.com/vb/sho...هنا-بأرض-الوطن

                تعليق


                • #9
                  اختي لمياء الى تزوجتي خارج المغرب راه عهايتعتارف بولادك لكن الزواج في المغرب على الاقل تاتمتاحني بنادم واش بصح باغيك و عايصبر عليك او لا حيت سبحان الله الزواج فالمغرب واخة راه صعيب و تايطلع الدم للبنات تايقول الانسان علاش تايصعبو علينا الحلال و حنا باغين عي نسترو راسنا مالهم مصعبين الاجراءات لكن سبحان الله ديك الصعوبية كلها فمصلحتنا حنا قبل اي احد اخر هادوك راهم تايجيو يديو البنت كي الوردة و تايصيفطوها شوك ياختي راه من كثر ماسمعنا النسان يخاف على راسو تقولي اللهم نبقا ديال راسي و لا التكرفيص

                  نتي باش تتأكدي انو بصح شااااااااااااااريك بمعنى الكلمة و باغيك و نتوما ماطالبين عي الحلال خليه يجي للمغرب و تضربو الصداق هنا ماتطيحيش براسك اختي عززي راسك باش من هادي تمتاحنيه و من هادي تعرفي العربون كيف تايقول المثل عاتعرفي من هنا واش عزيزة او لا
                  هادي نصيحة فقط حيت الزمان صعيب و بنادم اكثر
                  اله ينور ليك طريقك اختي و ديري صلاة الاستخارة



                  تعليق


                  • #10
                    تانشكرك اختيberrada بزاف على اهتمامك بقضيتي وتانتمنى من الاخوات مايبخلوش عليا بردودهم ومعلوماتهم ويفيدوني الله يسهل عليهم.

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X