إعـــــــلان

تقليص
لا يوجد إعلان حتى الآن.

تتمة تحضيراتي للشهر الفضيل بسيطلات بعجين المسمن و بطبوط صغير

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • تتمة تحضيراتي للشهر الفضيل بسيطلات بعجين المسمن و بطبوط صغير

    المقادير عجين المسمن عادي نعمل منه كويرات صغار على حسب الحجم الي بغيناه



    الحشوة شعرية صينية مطلوقة في ماء غليان كالعادة
    سمك ابيض مصلوق مع ماء ملح وورقة غار
    جزر مبشور طويل
    قرعة خضرة او كورجيت مبشورة على الطول
    فلفلة حمرة مقطعة مربعات صغار
    فطر معلب
    ملح ابزار تحميرة كامون زيت زيتون
    نعمل الجزر مع الكورجيت والفلفلة في مقلات مع الزيت حتى ينزلو ونضيف ليهم التوابل تم نزولهم من فوق النار ونضيف ليهم السمك مفتت طراف صغار والشعرية الصينية
    نحصل على حشوة بهدا الشكل



    نمر للعجين ناخد كويرة نسرحها بالزبدة والزيت ونحاول منورقهاش بزاف وفي حالة بغينا نورقوها بزاف تيخصنا ندوبلو يعني نعمل الاولى ونفها في الزلافة ونعمل فوقها التانية



    تم ندهن زلافة بالزيت ونحط فوقها العجين الي سرحنا على هاد الشكل



    تم نحط في وسطها الحشوة



    ونطوي الجناب للداخل كيف مبين في الصور



    وندهن لاطة ديال الفرن وبمجرد منقلب الزلافة تتنزل البسطيلة غير بوحدها نقرصها غير شوي عينك ميزانك هههههههه





    تم تدهن بالبيض وتدخل الفرن وهدا الشكل النهائي على الله يجبوكم




    والان نمر ل ميني بطبوط هههه هدا متيخطانيش تنوجدو بكترة وتنديرو في الفريزر بلي تنحتاجو تنجبدو يتطلق ونعمر كل مرة بحاجة
    مرة تندير الطون والبصلة مقطعة رقيقة والزيتون مقطع رقيق
    ومرة تنعمر بكاشيير والبيض
    ومرة تنعمر بالبيض والدرة و الطون
    وانتي اختي عمري بالي تشهيتي ههههههههه
    تنعجن عادي الطحين القمح والفورص ملح والماء
    تنسرحها بالدلاك ونقطعها بكاس او زلافة او قطاعة دائرية على هاد الشكل



    نتركها تخمر



    تم نبدا تنطيب في مقلة بدون زيت



    وهدا الشكل النهائي



    وان شاء الله الاسبوع القادم غنوجد الملاوي والشباكية وكرواصة انتضروني بالجديد ان شاء الله ادا كان في العمر بقية

    اللهم بلغنا رمضان واعنا على طاعتك وحسن عبادتك

    اسالكن الدعاء لي بظهر الغيب ان يجمع الله شملي بابني فمنكن مستجابات الدعاء












  • #2
    بسم الله ندوق بعدة هدش كيشهي روووووووووووووووووووووووعة
    الله يعطيك الصحة باينين غزلان انشاء الله نجربهوم
    """""صيفطي لي شوي منو الله يخليك """
    sigpic

    تعليق


    • #3
      كلشي ديالك بالصحة احبيبة


      المشاركة الأصلية بواسطة hind malak مشاهدة المشاركة
      بسم الله ندوق بعدة هدش كيشهي روووووووووووووووووووووووعة
      الله يعطيك الصحة باينين غزلان انشاء الله نجربهوم
      """""صيفطي لي شوي منو الله يخليك """







      تعليق


      • #4
        الله اكتر خيرك اختي
        الله اجعل ليك هاد المجهود في ميزان حسناتك

        الله إجمع شملك بي إبنك ف القريب العاجل

        تعليق


        • #5
          الله يعطيك الصحة

          والله يسهل عليك ما صعاب

          تعليق


          • #6
            مكرر
            [/QUOTE]

            تعليق

            المتواجدون الآن 1. الأعضاء 0 والزوار 1.

            أكبر تواجد بالمنتدى كان 2,525, 26-09-2016 الساعة 21:58.

            يعمل...
            X