ساعدوني..كيف اصلح الوضع

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ساعدوني..كيف اصلح الوضع

    السلام عليكم حبيباتي كيف عاملين نتمنى تكونو في احسن الاحوال
    اختكم عضوة في المنتدى ولكن اليوم دخلت باسم اختي لاني محرجة وربي عالم بيا ولكن قلبي عامر وبغيت نفضفض وانا عارفة الاخوات ما شاء الله عليهم حكمة ورزانة وعقول نيرة
    مشكلتي معرفت منين نبداها لانها ماشي جديدة ولكن غير لقات ظروف مساعدة وهي تعقد اختكم زوجة وام الحمد لله راضية بنصيبي من الدنيا وخا بعض المرات تنحس بالحرمان والافتقاد لحياة زوجية عادية ويمكن هدا جلم بعيد المنال بالنسبة ليا لان زوجي عقليتو غريبة والتعامل معاه صعيييييييب الله يكون ف العون المهم في الغالب كنت انا اللي كنتنازل وانا اللي كنعتادر فكل خلافاتنا وخا منكونش مخطئة ولكن تنقول المراة هي اللي خاصها تصبر باش تحافظ على مملكتها حتى فعلاقتنا الزوجية خاصني انا اللي ندير المبادرة ...حتى مبقيتش تنحس بانوثتي
    فالصيف اللي داز حملت والحمد لله ماشي بتخطيط مني ولكن الحمد لله فرحت وحتى راجلي ماكانش عندو اعتراض وتفاءلت خير ولكن هيهات مع اول اعراض الوحم لقيتو كما هو ديما اناني وماكيهمو غير راسو ملي قصرت شوية فشغال الدار ودكشي بدل مايوقف معايا ويساندني لقيتو تيقولي سيري لشي طبيب حيدي دكشي باش نتهناو بقى فيا الحال بزاف تصورو مقدرش يصبر عليا وهو عارف بلي هدشي مؤقت وعساك يتحملني لو ابتلاني ربي بشي مرض مزمن الله يحفظ واش هدا انسان يتعاشر والمهم سمعت منو هدرة خايبة شحال من مرة والوحم جاني مع رمضان كنت تنصوم ومتنكلش وهو ممسوقش عمرو مسولني شنو بغيت عمرو معدرني الى قصرت فشي حاجة حتى من الطاجين كل نهار وهو عارف النصيب ومايدير فيا تنقولو نصايب شي حاجة اخرى تيقولي ماشي شغلي انا منصومش بلا طاجين وانا ماكلتي تنجيبها من دارنا واحد المرة دعا عليا دعوة خايبة بقا فيا الحال بزاف ومبقيتش نتهدر معاه وليت كنجنبو باش منسمعش هدرتو الزينة فديك الوقيتة كنا كنعسو فسطح وملي حسيت بالحال بدا تيبرد مبقيتش تنطلع معرفت واش فهم اني كنتهرب منو او...هو بقا مدة تنعس فالسطح ملي برد الحال ولى تينعس فصالون الى يومنا هدا انا خليتو على راحتو مفتحتش معاه الموضوع واصلا مبقيناش تنتهادرو غير للضرورة ولينا بحال الاغراب فبيت واحد هو فعالم وانا فعالم حتى البرئ اللي فكرشي متيسولش عليه ..حتى التقل معمرو فكر يهزو فبلاصتي منين تيجيب الدقيق او التقدية تيعيطلي باش نطلعهوم وانا دبا فالشهر الخامس والطبيبة قالتلي بلي التريبية هابطة وتنحس بالحريق والطواليت اعزكم الله وليت شبه مقيمة فيه ولكن معلش ربي كبير....الصراحة انا عييت وبغيت هد الوضع يتصلح بغيت نحس بيه حدايا فهد الوقت اللي انا فحاجة ليه واخا انا عارفة بلي كنعلق عليه امال كبيرة عمرو مغدي يحققها ليا ولكن اش ندير لقلبي مابغاش يقنع انا دبا معرفت اشندير واش نقولي سمحلي انا الغلطانة لاني توحمت بحال العيالات مايخصيش نمرض او نعيا ماشي من حقي خاصني نكون ديما حاضرة نلبي احتياجاتك بدون تقصير او نقول ليه عافاك رجع عودتاني تبهدلني وتسمعني كلام تيجرح وهد المرة غدي نتقبلو بصدر رحب بلا منتقلق....اش نعمل عافاكم قولولي هدشي اللي حكيت ليكم غير نقطة من بحر وانا مستعدة نتقبل اراءكم وحتى انتقاداتكم الى اخطات نبهوني
    شكرا لاهتمامكم بموضوعي

المتواجدون الآن 1. الأعضاء 0 والزوار 1.

أكبر تواجد بالمنتدى كان 2,525, 26-09-2016 الساعة 21:58.

شاركي الموضوع

تقليص

يعمل...
X