إعـــــــلان

تقليص
لا يوجد إعلان حتى الآن.

اجي سمعي حكايتي وديري بحالي

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • اجي سمعي حكايتي وديري بحالي

    انا اليوم بغيتك اولا تسمعي لحكايتي , الا رجعتي للمشاركات ديالي هده فترة قصيرة غادي تلقايني كنت كنقول للبنات سجلوني في اوريفلام وفي الشركات الاخرى وانا غادي نقوليكم السبب
    حيت انا كيف باقي النساء كيتعرضو عليا الكاتلوجات ديال الشركات باش نشري وكيعجبني داكشي وهي طيح عليا الفكرة ولكن مافلقتنيش انا نقول بدل مانشري بهداك التمن اجي نتقيد وناخد ب تلاتين في المية قل ونربح ههه شفتو الدكاء ايوا قلت اولا نشوف شي شركة التسجيل فيها فابور سمعت ب شركة chantal للمجوهرات وخا ماعرفتها قلت نتسجل مغنخسر والو ايوا طحت فواحد السيدة اتبارك الله بحال وجوهكم جابت ليا الكاتلوك ايوا صافي غي شديت الكاتلوك وختكم حوالت النقرة والبلاكيور وداكشي روعة والاتمنة مابيهاش ولكن مدام انا غدا نقص تلاتين في المية فداكشي جاني مزيان ايوا غير صدفة كنشوف في الكاتلوك وانا كننتضر قدام المدرسة د بنتي شافتو واحد السيدة قالتليا ان شوف ايوا منعاودش ليكم عجبها داكشي وطلباتني نخليه ليها ديك الليلة وتجيبو ليا في الغد وفعلا جابتو ليا ومعاه ورقة فيها داكشي لبغات وقالتليا واش نقدر نوريه لصاحبتي ايوا ختكم فرحات ههه وفعلا في العشية عاود جابت ليا ورقة اخرى بكومند اخرى وحتا انا زعمت وليت نوريه للي كنعرف ايوا عرفتو جمعت كومند باكتر من تلاتة الاف درهم بلا مانطلب انا حتى حاجة عرفتو يعني شحال د الربح فيها عندي الف درهم ايوا ختكم صدقات واخدة اااللي بغات وفابور كيجيتكم ودبا مازال شي عيالت موصيني يعني انشاء الله كومند تانية جايا ههه ,
    عجباتني القضية وقلت اجي نشوف مواد اخرى نفس الاخت سجلاتني في اوريفلام عطيتها غير فوطوكوبي وعطاتني كاتلوك وقالتلي خمسة وتلاتين درهم ديال التسجيل غادي يزيدوها ليك في الكومند ههه يعني هانا ماغنعطي والو من جيبي غتنقص من الربح ايوا وعاود حواليت وخصوصا جيت مع راس العام ومع ليبروموسيون ههه ايوا عاود هدوك العيالات عطيتهم الكاتلوك حيت صافي زعمت عليهم و مانقولش ليك مع داكشي زوين والروايح والكدويات والديك تشري حاجة وتاخدي حاجة فابور وتشوفو ماشاءالله الكومند كانت كبيرة وصدقت تاني واخدة كل ما تشهيت من الربح, ومن فوق هادشي عطاوني مواد تجميل هدية

    ودبا انشاء الله ناوية نتلاح لشركة ديال الصيكان والملابس
    وفي النفس الوقت نستافد من تقياد البنات حيت انا نجيكم ديريكت هادشي كلو قلت ليكم باش ليبغات تتسجل ودير بحالي مرحبا بيها هي غادة تستافد وانا غنربح من وراها حيت الا سجلتي البنات ودارو ليكومند كتربحي حتى نتي من ولراهم وهكدا النظام غادي يعني كول ووكل شفتو كيف وليت واعرة, للعلم اختكم ماعندها حتى علاقة بهادشي قريت حتى عييت وعندي دبلوم دراسات عليا وجلست نربي وليداتي حيت الا بغيت نخدم خاصني نمشي لكازا لان تخصصي ما كاينش هنا في مدينة خريبكة ايوا حمدت الله وجلست ههه,

    ههه عييتكم بالقراية ايوا ليبغاتني نقيدها هانا موجودة

  • #2
    السلام عليكم ورحمة الله

    قبل ماتلاحي اختي للشركة الجديدة دخلي اي موقع اسلامي وشوفي فتوى البيع الهرمي راه غير شرعي.

    تعليق

    المتواجدون الآن 1. الأعضاء 0 والزوار 1.

    أكبر تواجد بالمنتدى كان 2,525, 26-09-2016 الساعة 21:58.

    يعمل...
    X