رد مكرر

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • رد مكرر

    الله يفرج الكروب،أختي أشنو غديري،ماعندك ماديري لأنها الأم ديالو وهو ولدها ،ماعليك غير تحتاسبي كل هادشي لله سبحانه وتعالى وتطلبي من الله الفرج والهداية للأم ديالو ويحنن قلبها عليك،إن الله على كل شيء قدير،عليك بالصبر إن الله مع الصابرين،وكما قالت لك واحد الأخت خليه تاتكون راشقالو وهضري معاه غير بالتي هي أحسن وقولي لو يشري ليك شي تلفزة تونسك حيت تايدوز عليك النهار طويل،ونوصيك ماتبقايش طلبي من عائلتك باش يفرشو ليك الدار أختي ماشي هُومَا اللي مسؤولين عليك،راه راجلك لِّي خاصو يقوم بيك ،الرجال قوامون على النساء.
    يالله نوضي دابا توضاي وصلي شي 2 ركعات وطلبي من الله الفرج ،وحاولي ماضغطيش على راجلك أكثر، حيث سبق قريت شحال مضغوط من الوالدة ديالو والضغط تايولد الإنفجار،حاولي ماأمكن توصليلو كل متطلباتك بطريقة فيها شوية ديال الحيلة وماتقلقيش إلى رفضليك شي مرة شي طلب ،نتيا حني راسك حتى دُّوز العاصفة وتكون راشقة ليه وبطريقة حلوة حاولي توصلي ليه بأنك مابقيتيش تاتبغي طلبي أي حاجة يمكن تقلقو أو تقلق الأم ديالو،لأن الأم ديالو على راسك وعينيك،واخا دير فيك مادير وزيدي شي كليمات فيهم شوية ديال التلحليح،ونتي تشوفي النتيجة،إلى ماكبرتي فعينيه ويديرك على كفوف الراحة،حيت من خلال قراءتي للقضايا ديالك عرفت بأن مفتاح راجلك هو الأم ديالو واخا هي هكداك،لهذا وياكي تجبديها بالسوء ،حيت حتى واحد ماتايبغي يسمع شي حاجا على الأم ديالو،لهذا إلى بغا يهبط حتى الدار كاملا ماشي غير الميكروأوند والتلفزة ماتقوليلو والو،خليه حتى وكان يشوف بوحدو الظلم لي تاتعاني منو ،وديك الساعة غادي يدير جهدو باش يراضيك،دابا ماتفقصي ماوالو وماتغاوتي معاه ماتعاندي مع مُّو ،حيت الحاجة لِّي ماتاتجيش باللين ماتاتجيش بالصداع وخا تعياي ماتغوتي غادي تجيبيها غير فراسك وفصحتك وفصحة جنينك،رخفي على راسك أختي وطلبي الله وكثري الإستغفار والله غادي يحن يحن إنه على كل شيء قدير سبحانه وتعالى .
    اللهم يا فارج الهم يا كاشف الغم يا مجيب دعوة المضطرين رحمن الدنيا والآخرة ورحيمهما انت ترحمني فارحمني برحمة تغنني بها عن رحمة من سواك آمين،اللهم ارزقني بالذرية الصالحة والصحة والمغفرة آمين يارحيم.


المتواجدون الآن 1. الأعضاء 0 والزوار 1.

أكبر تواجد بالمنتدى كان 2,525, 26-09-2016 الساعة 21:58.

شاركي الموضوع

تقليص

يعمل...
X