إعـــــــلان

تقليص
لا يوجد إعلان حتى الآن.

مغتربات ايطاليا نستافدو من بعضياتنا في اقتصاد وتدبير وتسيير المصروف المنزلي

تقليص
هذا الموضوع مغلق.
X
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • مغتربات ايطاليا نستافدو من بعضياتنا في اقتصاد وتدبير وتسيير المصروف المنزلي

    :s12516:السلام عليكم الاخوات المغتربات المقيمين بايطاليا حليت هاد تجمع تاني خاص بكيفية تسير المنزل والتجمع الاخر نخليوه كيما هو نبقاو نتجمع فيه يعني الاخوات خصوصا لقدمات هنا في هاد الباد يقولولينا كيفاش تيتقداو هنا وكيفاش تيقتاصدو في المصروف دار ويشيطو منو باش يخليوه يعاونو بيه ريوسهوم ورجالهم ويخليوه فوقت الحاجة راكم عارفين هنا مصاريف بزاف ولي تنتلقاها تتقولي متنشيط والو تنكمل شهر بسيف وكاين لي لعكس لي عندها تجربة ومساعدات تقدمها لينا باش يستافد منها الجميع شقت اخوات في واحد تجمع في المنتدى لي مقيمين في المغرب زوين بزاف وكل وحدة تتقول شنو طريقة لي تتصرف بيها وتتقتصد بيها والله زوين بزاف بغيتكم حتى نتوما تستافدو من بعضياتنا ونطبق مقولة ستهلك بلامتهلك وتوفير مزيان حتر راجل مني تيلقى مرتو تتوفر واقتصادية وتتعرف كيفاش تصرف في مصروف البيت بدون تقصير في الاكل ولباس واحتياجات لبيت تيعجبو الحال يالله وريونا امغتربات ايطاليا حنت يديكم وتجمع الاخر مغتربات البا وايطاليا لي تنتجمع فيه هاداك غايبقا كيما هو لي ندردشو فيه ونساعدو في اشياء اخرى بعضياتنا و يبقا كيما هو وهادا نخليوه خاص غير المصاريف المنزلية ونصائح ومنين تتقداو سبيزة ديالكم واش كتقداو كل سيمانة ولا كل شهر مني تكون اوفيرطات فشي سوبير ميركاطويات نكولوها الاخوات فاياش كاين سكونطو نتمنى لقا المشاركات ديالكم ونستافدو جميع وخصوصا الاخوات لي يالله جاو جداد ومتيعرفو منين يتقداو حاجة رخيصة متبخلوش علينا ولكم كل توفيق

  • #2
    السلام عليكم ورحمة الله وبركاته
    تبارك الله عليك اختي رانيا دائما سباقة لما هو مفيد للاخوات فكرة رائعة نتمنا الاخوات يتجاوبو معها
    بالنسبة لسبيزة انا تنتقدا من شهر لشهر تناخد كاع داكشي لخاصني وبالطبيعة الحال تنتقدا من ميركاطوات مختلفة على حسب الاشياء لخاصني
    هدا فيما يخص الاكل
    اما الاشياء الاخرة كلمنظفات وشامبوان ومعجون الاسنان فكنشريه منين تتكون فيه اوفيرطا تنتقداهم من اوشان او ايبير
    وان شاء الله لي عودة للموضوع نزيد نعطي بعض الاشياء والاماكن لتيتباعو فيها بعض المواد لتتكون فيها الجودة وتيكون ثمن ناقص على بعض الاسواق
    نتمنى الاخوات يدخلو ويفيدونا

    تعليق


    • #3
      ana akheti walo chehar li negol nechayat fih le9a rasi khesaret fih ketar kanatemana li 9edamat fe italia yenasehona wi fidona ana ma3anedi heta khibera khososan anani yalah kamlet sana o chaherayen natemana man dawi lekhibera yenasehona jazahom laho khayeran

      تعليق


      • #4
        اهلان بالحبيبة ساحيا بالقران لباس عليك شكرا على المشاركة حتى انا تنتقدى من شهر لشهر سبيزة الكبيرة من ليدل وفوسط شهر مني تتخصني شيحاجة تنمشي نشريها من اي ميركاطو اما الماء فتنشريه من ديكو فيه رخيص 6 قرعات باورو تنحاول نشيط من المسروف لكن تنخسرهوم في حوايج اخرى مني تنلقا فيها افيرطات بحال لحوايج او ماعن شيحاجة لدار وتنكلس مقادا مع شهر متيبقا والو ليا شيمرات وشيمرات تنشيط على حسب شهر لان انا راجلي حاطلي مسؤولية دار كاملة فيوق راسي تيعطيني الفلوس مايعرف هو غير يلقى لكرا مخلص وضوء وبوليطات وسبيزة كاملة الى لحم تايشريه هو اما شيلاخور كامل انا ديكشي علاش بغيت نستافد من الاخوات في المسروف ويفيدو جميع البنات يقولولينا شحال تيصرفو في شهر وشحال كاين الفرد في العائلة وشحال تيشيطو وكيكيديروليها ههههه انا العام كامل تنشيط فيه ديك 400 اورو لعام ليفات هاد العام شيطت 200 اورو نقست حيت تزادت عندي طوموبيل والعام جاي واقيلة منشيط والو غايتزاد عندي ولدي ولا بنتي انشاء الله

        تعليق


        • #5
          اهلان بيك اختي يسرى لباس عليك اختي نتمنى يفيدوك الاخوات اكتر بخبرات ديالهم انا عارفة الاخوات تيكونو يالله جاو تتكون عندهم صعوبة في تسيير واقتصاد في المصروف

          تعليق


          • #6
            اهلان اختي يسرى بيك معانا شكرا على مشاركة نتمنى تستافدي معانا ونستافدو جميع من خبرات بعضياتنا خصوصا الاخوات تيجو جداد تيلقاو مشكيل متيعرفوش منين يتقداو تقدية رخيصة ومتيعرفوش كيفاش يتصرفو هنا مع الفلوس ويقتاصدو شوية

            تعليق


            • #7
              السلام عليكم ورحمة الله وبركاته
              شكرا اختي على هاذ الموضوع المفيد
              اناكنت استاف+ت من الاخوات اللي فتèمع تسيير مصروف البيتومع ذلك باقة ما òنشيط والو مع اني òنعرف عيلات تبارك الله عليهيعرفو يسيرو امورهم مزيان وكيشيطو انا ل ماعرفتش علاش كنتمنى من الاخوات اللي عنهم تجارب هنا يساعدونا ويفقهونا
              وشكرا بزاف اختي على هادد التجمع اللي فتحتيه لنا رانيا

              تعليق


              • #8
                اهلان بيك اختي ام دعاء نتمنى تستافدي معانا هنا وتعلمي تقتاصدي اكتر انا تندير واحد طريقة شيمرات وتتنفعني صراحة لكن متنديرهاش ديما بحال هاد شهر تنشد فلوس مصروف تنقول والله هاد 50 اورو اقستها تنحلف عليها وتنحيدها منقدامي تنخبيها باش منبقاش نشوفها قدامي وتندير بحسابي انا داك شهر راه عندي مسروف ناقصة منو 50 اورو خسني نحاول نجي مقادة مع شهر وتتنفعني صراحة لكن متنديرهاش ديما شهورة لخرين تتبالي حوايج اخرى وتنصرف فيها متلا هاد شهر حيت من مسروف وقلت 100 اورو منقيسهاش لكن مشيت لقيت سرير نوم اطفال اوفيرطة لقيت بعدا تحت مني ديك 100 اورو كملي شيحاجة راجلي وخديتو راجلي عجبو لحال مني لقا عندي 100 اورو مشيطاها وقالي الله يرضي عليك انا ربحت سريربيبي وربحت لي اهم رضى راجلي

                تعليق


                • #9
                  تحياتي اخت رانية في زمن الغلاء وجب الاقتصاد دون التقصير في الضروريات لكن لا حياة لمن تنادي القول شيء اللفعل شيء اخر انا بدوري لا تحمل تسيير امصروف ولو فعلت لاكملته قبل منتصف الشهر ويكون خاصنانتسلفو باش ناكلو الا ان زوجي حفظه الله لديه القدرة على التدبير وذلك بتخصيصه مبلغ شهريلمشتريات وانفاق جزء منه اول الشهر على مستلزمات الماكولات المشروبات مواد التنضيف االنظافةاالشخصية من السوبر مارشيات ابر كارفور اللحم الدجاج االسمك كل سبت الخضر االفواكه من السوق الملابس وقتالتخفيض كل شهر يعطيني 100 اورو نخسرهاعلى راسيوليداتي او شي حاجة لدار كلمررة نقول نذخر والو نخرج نرجع بلا فلوس زيدكم الفواتيرغالية ها التامين كلستةااشهراالماء الكهرباء لغاز التسخين سبيزا كنندمنيال البنزين مصريف استثناءية الادوية تذاكر الطيارة والهداياالخ الخ لتفكرت هذ شي متنعسيش اضافة لتمدرسالاولاد فواتير تتطلبات رحلات سنيما ءسرح سيرك صور كل شهر يطلعو بالجديد هد هدرة راجلي فبداية نهاية كل شهر عافاكم لي عندها معلومات تفيدنا اناعارفة قضية الفوتشر لعندها ولاد اقل نن7سنوات لتعفى من فاتورة لمانسا لازم تفريكوانتي مدرسة او كورسو لتحصل على ذلك تدفع لفييكوانسا ديالها وديال ولدها فلوفيتشو داللمبيكو وهاهي وفرات خبر صحيح li3andhachi fikra tfidna allah yghallabna 3la had azman

                  تعليق


                  • #10
                    امين اختي امونى نينة بصح زمان صعاب خصوصا لي عندو وليدات انا تنقول انا وراجلي ومتنشيطش اما لي عندو وليدات علم الله كيكايدير حسن عوانو مع مصروفات لي كاينة هنا خصوصا الى كان راجل بوحدو خدام ويقولولينا في المغرب جمعو ريوسكم تتخسرو متتجمعوش معرفينش سبيزة ديال هنا شحال غالية انا راجلي لعكس ديالي الى صرف هو نسليو شهرية في سيمانة الاولى تيصرف بزاف والى مشا يجيب يجيب بالكترة تاكيبقا كلشي يضيع وهو عرف راسو ديكشي علاش تيخليلي كلشي نديرو تيشوف راسو رابح هو انا تنتسمى اقتصادية عليه هههههههههه
                    بالنسبة الخضرة تاناخدها كل سيمانة هي والفواكه ولحم ودجاج وسمك تيشريه راجلي صاحبو جزار تيمشي وتيتقدا من عندو وتنوضو هانيين

                    تعليق


                    • #11
                      موضوع غزاال نتمنى نستافدو منو
                      اش غنقوليكمم
                      حطيتي يا رانيا على الجرح ههههههههه
                      انا السبيزا كنتقدى الاغلبية من ليدل
                      فيها اتمنة مناسبة
                      بالنسبة لدانون فيه 12 واحد ب 2 اورو وزوين مافيهش ملونات ولا جيلاتين
                      الخبز كنعجن فالدار كنجيب الدقيق 25 كيلو من الجزار
                      الماء مني كتكون افيرطا كنشري بزايد والشامبوان والصابون دائما فاوفيرطا ناخد 4 من الحاجة باش ننساها
                      المونادا معنديش معاها
                      اللحم والحوت راجلي اللي مكلف بيهم
                      الوليدات عندي وحيدة ويمكن يمكن كاين شي حاجة فالطريق باقي ممتاكداش ههههههههه
                      اش غنقوليكم اللي عندها فكرة كيفاش نوفرو تفيدنا
                      انا بعدا مكنوفر والووووووووووو راجلي اللي كيعطيه لي كنصرفو كامل عارفة انو موفر هو شوية يعني مكيعطينيش الماندا كاملة ههههه مطور عارف يدي متقوبة
                      كنضحك معاكم كناخد الاولويات وحويجات مني كتكون افيرطا كنتقدى ديما للعام الجاي ايو عاونوني هههههههه بغيت نجمع شوية راسي


                      تعليق


                      • #12
                        مفهمتش كتبت الرد ومضهرليش
                        مافية مايعاود يكتب هههههههههه
                        واش كيبان ليكم رد طويل عريض
                        على العموم الى مضهرش ماعليا غير نعودو لكن نتسنى شوي يارب ايبان
                        احلى تقييم


                        تعليق


                        • #13
                          الحمد لله مني بان مشكورة اختي جيت نعمل تقييم لقيت ميمكنليش حيت فايتة عاملاه ليك فموضوع اخر
                          لكن نعمل 5 نجيمات لان موضوع يستحق


                          تعليق


                          • #14
                            تبارك الله عليك موضوع ممتازو خا سبقتيني كنت غنبدل العنوان ديال واحد الموضوع فتحت هاد الايام هههههههه اه ركي جوبتيني على التساؤل بالنسبة ابالنسبة ليا انا سكنا مع ناسي شيخي هو لمكلف بالتقدية كاملة كيتقد لسيمانا
                            اما اناكيديني راجلي لكوب اناخد هدكشي لخاصني
                            ولكن المشكل ديالي بالنسبة الملابس مكنعرفش منين ناخدهو عام هدي وانا هنا ا باقي مكنلقاش دكي لبغيت ههههه نتمنامن الاخواة انسحوني

                            تعليق


                            • #15
                              شكرا بزاف اختي عطاء الله انا مدرت غير واجب ولي شفت الاخوات كلشي تقريبا محتاجين ليه والله يخلي ليك بنتك ويجيبليك لي فيها لخير
                              نتي بحالي كتقداي من ليدل سبيزة ديال شهر تاتجيني تقريبا 110 اورو هاكاك شيمرات كتر شيمرات نقص والى نقصاتني شيحاجة في شهر تسالات تنكملها من سطاندات اما الماء اختي نصحك خوديه من ديكو الى عندكم تما رخيص صكاطولة الماء باورو صافي وزيت حتى هو بيدو ديال 5 لترو بشي 4 اورو شي حاجة واخي انا اغلبية تاناخدو من ليدل
                              طليان تيستغلو فرصة مني تيكون زيت وصالصة طماطم وسكر رخيصة وتيشريو بزاف وتيخبيوه في كانتينات انا وليت صلصة مني تلقا فيها تخفيض تنشري بزايد تنشوف تاريخ صلاحية وتتبقا عندي تنكلس 3 شهور ماتانشريهاش هي وزيت ومني متنشريهومش تنولي نخلص في ليدل غير ديك 85 اورو غير انا تاناخد باكية حليب كاملة فيها واقيلة شي 12 باكية حليب رخيص فليدل وهاكا يعني تنستافد ونخبي ليشاط لي المرة اخرى

                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X