انا حاملة دخلو تشوفو الدواء لي جا عليه السبب

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • انا حاملة دخلو تشوفو الدواء لي جا عليه السبب

    السلام عليكم و رحمة الله تعالى و بركاته
    آش خبار الانيقات ديالي كلكم على خير
    الحمد لله
    عندي ليكم واحد الخبيرة غادي تفرح حبيباتي لي كانو ديما يسولو فيا
    انا حاملة و عندي شهرين دابة
    يا ربي تفرح كل محرومة يا رب و الله يرزقكم كاملين ما تمناو
    أنا دابة عامين باش تزوجت و مكانش حمل نهائيا
    العام الاول كنت عاملة الكينة لانه كان عندي مشاكل صحية الطبيب منع عليا الحمل ديك الفترة
    و الحمد لله من بعد كملت الدواء لي كنت نشرب و من بعد زولت حتى فنيد منع الحمل
    و انا عمل معايا عام بعام
    زولته في شهر 2 ديال العام لي فات حتال شهر 1 ديال هاد العام عاد هزيت
    ايوه عقبال كل وحدة هنا و الله راكم ديما في بالي و ديما كنت ندعي مع راسي و مع جميع المسلمات
    المهم أنا كنت دوزت عند ديك الدكتورة رشيدة و خرجات ليا الدواء قالت لي آه عندك شوية البرد
    المهم خرجات لي الدواء خاصني نتبعه مدة 3 شهور
    و لكن انا طلعات ليا الدم هي شربته غير شهر و الشهر الثاني شربت تقريبا غير نصه
    المهم آخر حاجة عملتها و جا عليها السبب ديال الحمل ديالي هي واحد القويلبات
    صيباتهم ليا واحد خالة بابا الله يرحم ليها الوالدين
    هما نفعوني بزاف و تشوفو شحال ديال البرد حشاكم كينزل
    و كان كيضرني ضهري بزاااااف
    و مني درتهم غير 3 مرات
    عمري حسيت بظهري
    المهم أنا غادي نقولكم شنو فيهم في سبيل الله و كنصحكم بهم و الله
    انا درتهم في شهر 12 3 مرات يعني متبعتهمش بزاف ايوه من 24 شهر 1 ما شفت ديك مباركة ديال الدم
    يالله لي بغاهم تركز شوية
    فيهم :
    مريوت و التمر و الصوفة
    مريوت كتغسل مزيان و تعزلي غير الأوراق
    و التمر تزولي لو العظم و تحيدي الجلدة الفوقانية
    و من بعد تاخدي مهراز و دقيهم مزيــــــان حتى كيوليو منيلين
    كتخلي هاد الشي و تشوفي شوية الصوفة و تغسليها غير شوية
    و كتاخدي غير شوية من الخليط و كتعمليه فحال الكورة و كتاخدي الصوفة تنشفيها بين ايدك يعني تفريها تولي رقيقة و كتاخدي منها شوية و تدوريه على ديك الكويرة لي عملتي غير شوية الصوفة غير باش تبقى مجموعة ما تفرتتش
    ايوه تبقاي حتى تكملي داك الشي لي عندك
    و تعمليهم في شي قريعة صغيرة و ترشيهم بشوية زيت العود
    فاش تبغي تنعسي يا اختي كتعمليه حشاك من المخرج
    عنداك تعملوهم القدام
    واحد النقطة راه واحد يبقاو و يبانو لك فحالة ولاو منقطين متلوحوهمش لانه مغادي يعملو لكم والو حقاش غير من الوراء و في الصباح فاش كتدخلي المرخاض كيطيح لك بعد ما تقضي حاجتك
    الله يسهل عليكم كاملات
    و الله يفرحكم كيما فرحني
    في امان الله
    الأهل أهلي والمكان مكاني .. ما كان هـجر الدار في إمكاني
    فإذا ابتعدت لفترة يبقى هنا .. قلبي يدق يقول : ذا عنوانـــي
    المغـرب المعـطاء أجمل جنة .. فيها وجـدت سعـادتي وأمـاني

  • #2
    انا مازالا بنت غير دخلت نبار ك ليك وربى اكمل عليك ويكون من الدرية الصالحة
    [URL=http://www.anaqamaghribia.com/pic/][IMG]http://www.anaqamaghribia.com/pic/image

    تعليق


    • #3
      ألف ألف مبروك أختي الله إكمل بالخير بغيت عفاك نعرف إمتى إتبداو أشحال من يوم؟

      تعليق


      • #4
        ربى اكمل عليك بالخير
        sigpicاللهم ارزقنا زيارة هدا المقام




        تعليق


        • #5
          الله يبارك وتبت الحمل ديالك

          تعليق


          • #6
            أختي الله يبارك ليك فحملك ويثبتو ليك

            وشكرا بزاف على هاد النية الخالصة وأنك بغيتي تساعدي الأخوات

            ولكن أحبيبتي راه جات فتاوى كتمنع استعمال نعم الله كتحاميل، واعتبرته من قبيل التقليل من قدر هذه النعم

            ينقل للأرشيف

            تعليق

            المتواجدون الآن 1. الأعضاء 0 والزوار 1.

            أكبر تواجد بالمنتدى كان 2,525, 26-09-2016 الساعة 21:58.

            شاركي الموضوع

            تقليص

            يعمل...
            X