إعـــــــلان

تقليص
لا يوجد إعلان حتى الآن.

إهداء لزهر الخزامى

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • إهداء لزهر الخزامى

    المشاركة الأصلية بواسطة mojahida مشاهدة المشاركة




    يا زهر الخزامى خبريهم بزين الحال
    و القلوب الصافيه
    طعم الهجران عافيه حاميه بعوادي
    احكيلهم ذل الترحال
    و حضان البلاد الدافيه
    و قساوة الليل و الغادي فرادي
    السبوله ما نتجت فبلاد الروامه
    و الحصيده مشات مع الريح
    حبة البلاد فالما عوامه
    لا فجر بان لا بر فسيح
    فاين غادي .. و ااااااااااااااااافين غادي
    الخيل عيات ياسيدي و الجمال ادادي
    الام تقول اوليدي زاد تنكاد على تنكادي
    هاد البحر ما يجيب جواد
    ما يرد اولاد بلادي
    فين غادي
    تكسرت المجادف أ ما بقى تقداف
    تناثرت الاجساد و الارواح تنادي
    صارت الامواج كيف المنداف
    كيف التبن و الشهاب الكادي
    فين غادي و اااااااااافين غادي
    يا الريم خبريهم بزين البلاد
    و القلوب الصافيه
    طعم الهجران عافيه
    حاميه بعوادي
    حكي لهم ذل الترحال
    و حضان البلاد الدافيه
    و قساوة الليل
    و الغادي فرادي
    فين غادي .... فين غادي



    إوا كيف جيتك
    و متخلعيش راني غير ناقلها هههههههههه
    و لكن جات على قلبي
    هذا هو حال الغربة








    آش نقول واش نخلي ملي فرقت لبلاد وملي
    صبحوا لحباب بعاد نفكر وقتاش لبلادي نولي
    يطير نعاسي يديني لوديانها وسهولها بلي
    في عيني وفي راسي وموالي يولي
    قصايد نتغنى بيها نهاري وليلي وتقول لي
    أفينك يازينة البلدان توحشتك وربي
    يشهد ماغبت والحنين ليك في قلبي
    يزيد ويزيد راه الغربة حراقة ما تلبي
    فرحة عيادي واحبابي واصحابي بجنبي
    يالغافل لاتقول بالغربة نعمر جيابي
    بحال لوطان ماتلقى لا في الشرقي ولا الغربي
    بلادنا بالخير عامرا وسولوا الأجنابي
    نتوما تمشيو ليه وهو يجي يغرف ويعبي
    احبابي عمرو لبلاد او ولدوا لولاد
    مغربي أصيل يحميك رب العباد



    ربي يخليك اختي مجاهدة حركت فيا الشجون والشوق والحنين لبلادي
    ياربي تحرسها وتحميها وبالخير تعمرها وتخليها فعينينا جميلة وفريدة
    ما بحالك بلاد واخا نطوفو لبلاد لقريبا ولبعيدا
    وشكرا ليك على إهدائك الرائع ولهلا يخطيكم عليا يارب
    نتمنى تعجبكم هاد الكلمات العفوية ،،راه اللي حسيت بيه كتبتو
    بلا قلم ولا مسودة ..
    بارك الله فيك ولك الشكر الجزيل
    أبارك لكن جميعا السنة الهجرية الجديدة
    وكل عام وأنتم من الله أقرب ..
    تحياتي ..

    كيفكم أخواتي لحبيبات وحشتوووووووووني
    عذرا على طول الغياب ..
    لي عودة إن شاء الله ..

المتواجدون الآن 1. الأعضاء 0 والزوار 1.

أكبر تواجد بالمنتدى كان 2,525, 26-09-2016 الساعة 21:58.

يعمل...
X