إعـــــــلان

تقليص
لا يوجد إعلان حتى الآن.

العجان او الروبو العجان خلاصة تجربتي المصورة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • العجان او الروبو العجان خلاصة تجربتي المصورة



    السلام عليكم و رحمة الله وبركاته



    كنشوف اخوات كثار كيطرحو مواضيع و تساؤلات عن العجان
    لذلك غنزل هاد الموضوع باش يكون كمرجع
    لاخذ فكرة عن هاد الالة قبل شراءها
    او حتى بعد اقتناءها و التعرف عليها و على طريقة استعمالها
    و ان شاء الله يكون طرح مفيد



    و غننطالق من تجربتي الشخصية مع العجان
    اضافة للمعلومات العامة للي عندي عليه بشكل عام


    بالنسبة لي شخصيا ماكينة العجـــــين نِـــــــعــــــمـــة
    و لله الحمد على نعمه الكثيرة اللتي لا تحصى و لا تعد

    صراحة ملي خديتها تتهني بــــــــــــزاف
    و تجربتي معاها الحمد لله فادتني وهنــــــاتني
    خصوصا اني عندي مشكل الاربطة يعني العصبة مرخوفة
    إلى عجنت نهار خصني نربط يدي سيمانة (لله الحمد على كل حال)


    هذا هو النوع للي عندي عادي ماشي ماركة



    المهم انا شريتها هادي 5 سنين تقريبا
    غادي نعطيكم إيجابياتها و سلبياتها
    حيت هذا هو الهدف من الموضوع




    للروبو إيجابيات كيف ليه سلبيات
    او بالاحرى السلبيات تاتكون فسوء الإستخدام
    او الجهل بطريقة عمل الالة
    و عدم التقيد بشروط استعمالها


    يعني السلبيات ماشي فالروبو انما فللي كيستخدم الروبو و طريقة الاستخدام

    لكن بشكل عام من اول السلبيات او الحاجات للي مكتشجعش على شراءه هو طبعا الثمن مرتفع
    إن كانت ماركة عادية او ماركة عالمية معروفة
    فالثمن تيتراوح بين 500 - 1000 - 3000 إلى 20000 درهم

    و الثمن تتحددو قوة الماكينة و الحجم و استهلاكها للكهرباء
    و الاكسسوارات للي فيها و قوة تحملها
    و الماركة إذا كانت مشهورة او لا
    ...


    الماركات كثيييييرة و اكثرها شهرة هيا :

    كيتشن إد KitchenAid





    و كينوود kenwood




    و كرابس KRUPS






    و كاين اغلاها و ا حسنها و اشملها هو المطبخ الصغير تيرموميكس

    THERMOMIX




    لليكيدير كلشي تقريبا
    كيوزن و يطحن القمح و كل التوابل وكل محبيتي طحني
    و يعمل دانون و الڭلاص و السوربي و الجبن
    و الصوبة و يطيب الخضر و اللحوم و يبخرها الى بغيتي
    و يعجن
    و بعد هادشي كلشي كيغسل راسو براسو متحتاجي تغسليه هههه



    فالعجانات عدة انواع باستعمالات متنوعة


    فيها اللي روبو متكامل Robot menager








    فيها للي غير الة عجين Robot petrin




    و فيها لي كتعجن و طيب Machine à pain








    سلبيات الروبو المنزلي المتعدد الإستعمالات Robot menager
    هيا انك ممكن تعيي ليه الموطور
    او تقطعي الكروة بسوء الإستخدام
    فتضيع ليك إحدى الاليات او كلها

    و بشكل عام
    عند العجن يجب مراعات الكميات
    إلى الإناء كيهز 5 ليتر او 2 كيلو صلب
    فمنديروش فيه 2 كيلو دقيق
    و نزيدو المكونات الاخرى
    لاننا غنفوتو الحد المسموح بيه
    و الموطور مسكين غيهز كثر من جهدو
    و يسخن بسرعة و ممكن يتحرق

    و ايضا ملي نخدموها مننساوهاش
    يعني واخا هيا كتعجن لراسها نبقاو نطلو عليها مرة مرة
    و نوقفوها ترتاح عاد نخليوها تكمل


    طبعا التنظيف مهيييييم

    إلى كان عندنا روبو يعني متعدد الإستعمالات
    ممنوع نخدمو شحال من حاجة فنفس الوقت
    يعني إما يعجن او يطحن
    و نخليوه يرتاح و يبرد الموطور
    عاد نغيرو الإستعمال



    و نصيحتي للاخوات بعد تجربتي
    انهم ياخذو الروبو اللي غير تايعجن
    ماشي متعدد الإستعمالات

    لانك مغدييييش تستعملي دوك الإكسسوارات إلا نااااادرا
    و من الاحسن تحافضي على قوة الموطور و يبقا خاص غير للعجن
    متضيعش قوتو فحاجات ممكن تعملها الطحانة الكهرباية او الخلاط العادي



    اما بالنسبة للي يبغيو يعملو بالروبو العجان الحلويات
    فوجب التنبيه انه لا يقبل الكميات القليلة
    يعني إلى درتي فيه 3 بيضات راك تاتفلاي معاه
    حيت سعتو السائلة 5 ليتراااااات
    20 بيضة عاد تبان ليه



    من الحاجات للي وجب ننتابهو ليها لما يكون عندنا الروبو هو المكان فاش غنحطوه
    حرصي انه ميكونش قريب للفران او الكويزينير او الماء باش مياثروش عليه
    وجب تتخص ليه مساحة معينة متبقايش كتهزيه وتحطيه و دورو بيه فالكوزينة
    بمعنى خصصي ليه مكان معين يبقى فيه دائما
    يكون بعيد عن مصادر الحرارة بحال الفرن او الشواية او الكويزيننير
    باش لا سمح الله ميتقاسش بالحرارة او تنساي الخيط ديالا لضو و يدوب او يتمس بالحرارة
    و ايضا يكون بعيدعن مصدر الماء لنفس السبب باش ميوقع شي كوسيركوي الضوء و الماء و العافية معروف مكيتجمعو



    و ايضا كثرة اليدين تتاثر فالحفاظ على الالات عامة
    و هذا امر معروف الحاجة للي عليها الدرك و اليدين كثار راها كتفسد بسرعة







    ملي تبغي تشري او تختاري العجان المناسب ليك
    دوري فالسوق مزيان
    و ديري دراسة بين الثمن و الماركات
    لانه موجود الخير كاين الماركات العادية و كاين الماركات العالمية المعروفة

    شوفي جهدك و حتى اشنو بغيتي تعجني بيها و الكميات للي كتهز
    و فكل الاحوال ديري فبالك انك خصك تتهلاي فيه باش تحافظي عليه
    و بهاد الجملة كنقصد تتكايسي على العجانة اي نوع كانت
    سواءا ماركة عادية بقوة بسيطة او ماركة معروفة و بقوة كبيرة
    مثلا انا عندي كتهز 5 ليترات سائل و فالعجين كتهز 2 كيلو
    كنعجن فيها غير 1 كيلوغرام (فكل عجنة و افاليوم ممكن نعملها تعجن عدة عجنات ماشي غير مرة )
    باش منهلك الموطور و نبقى محافظة عليها
    لانه ولو هي روبو و الة لكن عندها قوة تحمل محدودة خصني نراعيها باش تراعيني



    و كيف تايقول المثل إلى كان حبيبك عسل متلحسوش كلو
    حيت الله يهدينا غير تنلقاو فالحاجة راحتنا تانتكاو عليها حتى تنخرجو عليها






    بالنسبة للاخوات للي كيسولي على طريقة الاستخدام
    فالطريقه كتبقى واحدة لكل الالات
    المهم انك تلتازمي بالمقاييس الخاصة بالالة نفسها
    يعني سعتها و حجمها و شحال كتهز و قوة الموطور ديالها
    و هادشي كيكون مذكور فكتاب او كاتالوڭ الالة






    نجيو لاهم حاجة و هي طريقة الاستعمال
    يعني كيفاش نعجنو و نستعملو العجان و نحصلو على افضل نتيجة عجين كيبرد القلب شكلا و مذاقا طبعا
    بحالا عجناتو و دلكاتو لالا الحادڭة ==== العجانة


    اولا هادو هما الاكسسوارات باش كنعجنو و غالبا كتكون 3 قطع




    العجانة عادة كيكون عندها 3 سباتيل
    للي مبينين فالصور للتوضيح ارفقتها بارقام

    1 فوي ديال العجينة
    للعجين الصلب ديال الخبز و البرييوش و غيرو

    2 فوي ديال التطراب
    باش نضربو البيض و الموس و الكريمات

    3 فوي ديال الحلوة
    للسابلي و العجين المرمل و البريزي ...




    العجانات من هاد النوع عندها بوتون كيفتحها باش يسهل علينا تركيب الاكسسوارات و التعامل مع العجين و طبعا كنغلقوه لما كنغيو نشغلو العجان



    و لكل عجان كيكون محرك للسرعات
    من السرعة 0 الى السرعة القصوى

    عادة العجين الصلب كيبغي يتعجن بسرعة قليلة
    1 او الاقصى سرعة 2

    باش كيتدلك مزيان كيف الى تدلك باليد

    اولا فإناء العجين كتعملي



    الخميرة و الخل و السكر
    مع الماء الدافي



    و اي اضافات اخرى
    بغيتي حسب مقادير و نوع العجين للي بغيتي تعمي
    و كتعملي معها كمية قليلة من الدقيق (كاس مثلا)



    و تخلطيها تكون جارية و تخليها تخمر فالاناء
    هنا كتكون التخميرة الاولى و هي للي كتخلي الخبز خفيف و زوين ،
    كتغطيها و كتخليها تقريبا 5 الى 10 دقائق حسب واش الجو بارد او سخون




    لما كترجعي ليها بعد مرور مدة التخمير كتلقاي الخليط بانت فيه علامات
    الخميرة




    يعني دار فقاعات و تضاعف فالحجم
    هنا كتزيدي كمية الطحين الباقية مع الملح



    (مكنديروش الملح مع الخميرة حيت كيهرس ليها الجهد ديما الملح يتعمل بعد متخمر الخميرة )

    مكتعمليش كل كمية الطحين
    اخذا فعين الاعتبار ان بعض انواع الطحين اوالدقيق كتتشرب السوائل اكثر من غيرها

    لذلك كتخلي كمية على جنب فحالة خصات كتضيفيها للعجين اثناء العجن عينك ميزانك
    و كتخلي الروبو يبدء العجين







    طريقة عجن الروبو هو انه كيعجن و كتوقفيه يرتاح و ترتاح معه العجينة
    و تعاودي تاني تخدميه يعجن و هكذا حتى كتحصلي على عجينة زوينة
    يعني كتخليه يعجين 5 الى 10 دقائق و توقفيه لمدة بين 2 او 4 دقائق لإراحة الالة

    باش كيترخا العجين و كتبدا الخميرة دير عملها بخلق الهواء وسط العجين
    و بعدها تعاودي تخدمي العجان يدلك العجينة
    وكتكرري العملية باش تجيك مطرطقة و شابعة هواء بحالا تعجنات باليد مزيان
    يعني مجموع الوقت 20 الى 30 دقيقة على اقصى حد لما كتكون العجينة كثيرة يعني كيلو و الزيادة






    لما كتكون العجينة جاهزة راها كتشكل كرة لينة متماسكة و مكتخليش العجين فجنبات الاناء



    كيف كاتشوفو الى تبعتو هاد الطري
    قة

    راه كيعطي عجينة مدلوكة مزيان و طيعة فاليد مطرطة و شابعة هواء



    كيف مبين فالصور و هذا بالنسبة لكل انواع العجين و الطحين (قمح / ذرة/ شعير/ خرطال) كيف لاحظتو حاول
    ت نحط ليكم عدة عجائن الوانها تختلف لاختلاف المقادير المستعملة

    مكن فهاد الوقت تضيفي للعجينة للي جهزات 1 ملعقة زيت زيتون او زيت رومية كتخلي العجين احسن
    كتخ
    جي العجينة و العجان و تشكليها كيف بغيتي حسب ذوقك











































    اهم شيء هو انك تعرفي قياس العجان للي عندك يعني شحال كيهز و كيقدر يعجن
    لو كان مثلا كيهز 1 كيلوغرام عجين كديري فمجموع كل المقادير 900 غرام
    يعني دقيق + ماء + باقي المكونات متفوتش 1 كيلوغرام باش ميعجنش اكثر من جهدو و يتحرق المطور مع الوقت

    هاذي طريقتي انا عندي عجان عادي اقصى سرعة فيه هي 6
    و عمري مفت السرعة 2 فالعجائن من خبز او طرطات او سابلي ...
    حدي السرعة 1 هي المفضلة للعجن الصلب

    يعني ممكن تعميلي اي وصفة فالعجان معندوش وصفات خاصة بيه
    كلشي ممكن تعمليه فيه (الخبز بانوعو / المعجنات بانواعها مسمن ملوي ... الحلويات و الصابلي )



    المهم احترام الكميات المسموح بيها لكل عجان
    و الميزان كيساعد فهاد المهمة
    و حتى لو بغيتي تعملي كميات كبيرة راه ممكن
    غير كتقسمي المقادير على عددة عجنات يعني تخدمي العجان عدة مرات باش يعجن كمية اكبر




    من المهم تحافظي على نظافة العجان سواءا الهيكل الخارجي ديالو او الاناء الخاص بالعجين او الاكسسوارات
    بعد كل استعمال وجب تنظيفها




    و تنظيفو جد سهل و سريع مكايخدش وقت

    و هادي طريقتي فتنظيف عجانتي


    طبعا بعد مكعجنو و نكملو نغسلو الفوي



    كان ديال الخبز او البيض او الحلوى




    و كذلك الإناء ديال العجين



    بمعجون التنظيف



    و الشبكة بكل بساطة



    و نشللو بالماء




    نكفيوه يقطر



    و نشفوه بمنديل الماعن



    وجب نتاكدو من انه تمسح تماما باش ميبقاش فيه بقايا ماء او صابون






    تم ندوزو لهيكل الروبو



    نمسحوه بمنديل ناشف






    نمسحوه من كل الزوايا



    و هاهو نظيف بكل سهولة








    و جاهز للاستعمال مرة اخرى








    ان شاء الله تكون تجربتي مفيدة ليكم و تعطيكم فكرة عن العجان بشكل عام
    و الله ييسر للجميع

    لا تنسوني من صالح الدعوات لي و لاهلي الحبيبات هذا طلبي منكم فارجوا ان لا تبخل علي




    اللهم لك الحمد و الشكر كما ينبغي لجلالك على نعمك الكثيرة اللتي لا تحصى و لا تعد

    اللهم ادمها نعمة و بارك لنا فيها و اكتب لي بها حسنة طيبة و احفظها من الزوال


    الله يرزقنا و إياكم خيرات الدارين و لا يحرمنا من طيبات الجنة و نعيمها


    دمتن في رعاية الكريم



    اختكن أمنــار




    أم ريـَّــان



    ...








    ان غبت عنكم
    و ساغيب في يوم من الايام
    فاتمنى من العلي القدير
    ان يكون لي نصيب خير بما خطته يدي
    يصلني بدعائكم لي
    اينما كنت فوق الارض او تحتها


    أمنارAmanarre
    أم ريان و كاميليا
















    فهرس اطباقي المصورة (متجدد ان شاء الله)




    ترقبن جديد وصفاتي المصورة بإذن الله




  • #2
    تبارك الله عليك الله احفظك

    بغيت نسولك اسم العجان ديالك والتمن باش شريتيه وفي اي مكان
    وشكرا
    [SIZE=5][COLOR="#FF0000"][B]
    حب الدنيا ونسيان الآخرة والانكباب على هذه الدار الفانية صورة عارية من الفهم الصحيح لما يجب أن يكون عليه المسلم

    "كلا بَل لا تُكْرِمُونَ الْيَتِيمَ وَلا تَحَاضُّونَ عَلَى طَعَامِ الْمِسْكِينِ
    وَتَأْكُلُونَ التُّرَاثَ أَكْلاً لَّمّاً وَتُحِبُّونَ الْمَالَ حُبّاً جَمّاً"






    تعليق


    • #3
      ما شاء الله اختي ام ريان

      الله يحفظ ليك وليداتك و ما عز عليك و يرزقك كل ما تمنيتي عند الله سبحانه و يجعل كل حرف حطيتيه هنا في ميزان حسناتك

      و انا مازال طامعة الى كان ممكن تحطي لينا مقادير أنواع الخبز اللي حطيتي صورهم وصفة بوصفة حتى تساليهم على خاطرك

      و شكرا بزاف مرة أخرى

      تعليق


      • #4
        الله يجازيك بخير أختي و يجعلو في ميزان حسناتك
        أختي ممكن أعرف ماركة الألة اللي عندك و ثمنها
        و سؤال أخر
        ما رأيك أختي في اقتناء هذه الألة مستعملة حيت حنا عندنا فوجدة واحد السوق ديال الاحد كيجيبوا السلعة ديال الخارج مستعملة
        اشتريت من عندهم شحال د الحوايج و خرجوا مزيانين من بينهم المكنسة الكهربائية خديتها ب 150 درهم تبارك الله خرجت مزيانه
        الله يجازيك بخير على المجهود

        تعليق


        • #5
          تبارك الله عليك اختي
          الله يجعل عملك هدا في مزان حسناتك





          تعليق


          • #6
            شكراااااااااااااااااااااااااااااااااااااااااااااااااااااااا
            شكراااااااااااااااااااااااااااااااااااااااااااااااااااااااا
            sigpic


            تعليق


            • #7
              الله يحفظ ليك وليداتك و ما عز عليك و يرزقك كل ما تمنيتي عند الله سبحانه و يجعل كل حرف حطيتيه هنا في ميزان حسناتك
              perpignan

              تعليق


              • #8
                chokran alhadga fadtini bezaaf llah yrahmlik lwalidin w allah ynawlek lifbalek

                تعليق


                • #9
                  الله يحفظ ليك وليداتك و ما عز عليك و يرزقك كل ما تمنيتي عند الله سبحانه و يجعل كل حرف حطيتيه هنا في ميزان حسناتك

                  تعليق


                  • #10


                    و عليكم السلام ورحمة الله وبركاته


                    بارك الله فيكن جميعا حبيباتي

                    كل باسمها

                    ردودكن فرحاتني

                    الله يفرح قلوبكم

                    و يجزاكم عني خيرات الدارين

                    على دعواتكن الطيبة ياطيبات


                    الله لا يحرمني منكن







                    ان غبت عنكم
                    و ساغيب في يوم من الايام
                    فاتمنى من العلي القدير
                    ان يكون لي نصيب خير بما خطته يدي
                    يصلني بدعائكم لي
                    اينما كنت فوق الارض او تحتها


                    أمنارAmanarre
                    أم ريان و كاميليا
















                    فهرس اطباقي المصورة (متجدد ان شاء الله)




                    ترقبن جديد وصفاتي المصورة بإذن الله



                    تعليق


                    • #11
                      المشاركة الأصلية بواسطة HARAKA مشاهدة المشاركة
                      تبارك الله عليك الله احفظك

                      بغيت نسولك اسم العجان ديالك والتمن باش شريتيه وفي اي مكان
                      وشكرا


                      الله يبارك فيك و يسلمك احبيبة
                      بالنسبة للماركة للي عندي فهي بومان خديتها ب 1500 درهم روبو ملتيفونكسيون كيعجن و يطحن و يخلط كيف مبين فاسسواراتو فالصورة
                      لكن غير كعجن بيه مكنستخدمش باقي الاكسسوارات كيف شرت فالموضوع
                      الوقت فاش خديتو انا كان قليل اما دابا لله الحمد راه متوفر فكل المدن فالمغرب


                      ان غبت عنكم
                      و ساغيب في يوم من الايام
                      فاتمنى من العلي القدير
                      ان يكون لي نصيب خير بما خطته يدي
                      يصلني بدعائكم لي
                      اينما كنت فوق الارض او تحتها


                      أمنارAmanarre
                      أم ريان و كاميليا
















                      فهرس اطباقي المصورة (متجدد ان شاء الله)




                      ترقبن جديد وصفاتي المصورة بإذن الله



                      تعليق


                      • #12
                        المشاركة الأصلية بواسطة ichrak07 مشاهدة المشاركة
                        ما شاء الله اختي ام ريان

                        الله يحفظ ليك وليداتك و ما عز عليك و يرزقك كل ما تمنيتي عند الله سبحانه و يجعل كل حرف حطيتيه هنا في ميزان حسناتك

                        و انا مازال طامعة الى كان ممكن تحطي لينا مقادير أنواع الخبز اللي حطيتي صورهم وصفة بوصفة حتى تساليهم على خاطرك

                        و شكرا بزاف مرة أخرى


                        اللهم امين يا رب انا و انتي و كل المسلمين
                        ان شاء الله وقتما تاحت لي فرصة راني نزل وصفة من الوصفات
                        غير قلة الوقت و المشاغل هي للي كتاخرني
                        دعواتكم ربي يطرح البكرة فوقتي و يعيني نحط كل شيءمفيد ان شاء الله


                        ان غبت عنكم
                        و ساغيب في يوم من الايام
                        فاتمنى من العلي القدير
                        ان يكون لي نصيب خير بما خطته يدي
                        يصلني بدعائكم لي
                        اينما كنت فوق الارض او تحتها


                        أمنارAmanarre
                        أم ريان و كاميليا
















                        فهرس اطباقي المصورة (متجدد ان شاء الله)




                        ترقبن جديد وصفاتي المصورة بإذن الله



                        تعليق


                        • #13
                          المشاركة الأصلية بواسطة bifidus مشاهدة المشاركة
                          الله يجازيك بخير أختي و يجعلو في ميزان حسناتك
                          أختي ممكن أعرف ماركة الألة اللي عندك و ثمنها
                          و سؤال أخر
                          ما رأيك أختي في اقتناء هذه الألة مستعملة حيت حنا عندنا فوجدة واحد السوق ديال الاحد كيجيبوا السلعة ديال الخارج مستعملة
                          اشتريت من عندهم شحال د الحوايج و خرجوا مزيانين من بينهم المكنسة الكهربائية خديتها ب 150 درهم تبارك الله خرجت مزيانه
                          الله يجازيك بخير على المجهود
                          اللهم امين يا رب انا و انتي و كل المسلمين

                          بالنسبة للماركة للي عندي فهي بومان خديتها ب 1500 درهم روبو ملتيفونكسيون كيعجن و يطحن و يخلط كيف مبين فاسسواراتو فالصورة
                          لكن غير كعجن بيه مكنستخدمش باقي الاكسسوارات كيف شرت فالموضوع


                          اما عن شراء القديم فكلنا كنشريو القديم احبيبة
                          ماشي مهم الالة واش قديمة و مستعملة او جديدة باقي فميكتها
                          المهم هو ربي يسخر فالحاجة و تكون نية طيبة النية كتغلب هههه
                          مرات كتشري حاجة جديدة بمبلغ كبير ولكن مكتصدقش
                          و كتشري حاجة قديمة بمبلغ زهيد و كيسر فيها الله

                          المهم هو ملي تبغي تشري تحاولي تسولي على الالة واش كاملة بالاكسسوارات ديالها واش خدامة
                          و الله يرزقك الخير


                          ان غبت عنكم
                          و ساغيب في يوم من الايام
                          فاتمنى من العلي القدير
                          ان يكون لي نصيب خير بما خطته يدي
                          يصلني بدعائكم لي
                          اينما كنت فوق الارض او تحتها


                          أمنارAmanarre
                          أم ريان و كاميليا
















                          فهرس اطباقي المصورة (متجدد ان شاء الله)




                          ترقبن جديد وصفاتي المصورة بإذن الله



                          تعليق


                          • #14

                            ماشاء الله الله يحفضليك وليداتك وتشوفيهم كيف بغيتي انشاء الله حتى انا عندي العجانة هههههههههههههه وماكنتش كنعرف عليها بزاف المعلومات اللي فدتينا بيهم تبارك الله عليك دائما متالقة

                            تعليق


                            • #15
                              تبارك الله عليك الله يعطيك صحة

                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X