إعـــــــلان

تقليص
لا يوجد إعلان حتى الآن.

التجمع 21 الخاص بأنيقات أمريكا مستقبلا ان شاء الله

تقليص
هذا الموضوع مغلق.
X
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • #11

    مشيت انا قبل عند خويا للرباط انا وراجلي باش نرتاحو شوية عاد نشدو الطريق لكازا .فقنا الصباح بكري انا وخويا وراجلي مع 4 قلبت وريقاتي وكلشي واش مقاد وقبطنا الطريق مع 5 ونص وصلنا مع 6 ونص تقريبا للقنصلية سولنا السيكيريتي قالونا مع 7 ونصف نبداو مشينا للقهوة حدا القنصلية نيت وفطرنا وبقيت نقلب فالوريقات ونقادهم ولا فيا الوسواس ههه.
    مع 7 وربع مشينا لقينا الناس مجموعين تسنينا شوية وجا واحد بقا كيفرق فينا مالين الهجرة وحدهم والسياحة وحدهم. بقينا واقفين كنتسناو وهو يجي واحد اخر بقا كيقلب الناس ديال السياحة هما الاولين بواحد الابراي وكيشوف الباسبور وكيسيفطهم 5 ب5 حتى دخلو هما عاد جا لينا حنا انا كنت ديت معايا محفظة ديال اليد قالي حيديها عملت وريقاتي فالكلاسور وهزيت الالبوم فيدي حيت ديت الالبوم كامل فيه الصور دالعرس وشهر العسل.
    وقلبنا حتى حنا ودخلنا 5 ب 5 حنا فيزا مرياج كنا 4 د البنات كنقطعو الشانطي وكنمشي كنلقاو السيكيريتي كيسيفطوك لواحد الكيشي كتعطيهم 2 صور والباسبور والكونفوكاسيون من بعد كدخلي من واحد الباب ثقييييييل مكيبغيش حتى يتحل عاود كتلقياي السيكيريتي كيقولك حيدي لعندك شي ساعة ولا دهب فيديك حتى كدوزي عاد تولي تلبسيهم .البورتابل كيبقى وكيدوز الساك والكلاسور فالسكانير عاد كيعطيوك واحد الرقم وكتهزي حوايجك وتدخلي من واحد الباب انا مبغاش يتحلي قالولي بركي على البوطونة عاد دفعت ودخلت لقيت الصالة عامرة وجلست كيبقاو يعيطو بالاسماء كيدوزو يديرو البصمات ويوليو يجلسو عاد كيعيطولهم يسولوهم حيث دوزو الناس ديال السياحة هما الاولين ومن بعد دازو لينا مشات واحد البنت هي الاولى ومعاها بنتها صغيرة غير سولوها مطلبولها والو وعطاوها الفيزا وفرحتلها مسكينة باركتلها ومن بعد دخلات واحد البنت كانت معانا بقاو يسولوها كتجاوب ومن بعد قالولها عطينا لالبوم قالتلهم معنديش ورفضولها الغيزا صراحة ديك الساعة تزيرت وشداتني الدوخة .وبقيت كنقرا قران وكندعي.
    ومن بعد دخلات واحد البنت من اكادير وعطاتهم الالبوم وقبلولها الفيزا وفرحتلها بزااف حيث كانت مخلوعة وبدات تبكي بالخلعة ومن بعد دزت انا قالتي الميريكانية سالام لاباس قلتها لاباس الحمد لله ومن بعد عيطات لمترجم سولاتني باي فيزا مشا راجلك؟
    وقتاش مشا ؟وامتا تزوجتو؟
    واش عندكم شي دار فالمغرب ؟وامتا كيجي للمغرب؟وصافي مطلباتلي لا ورقة لا البوم لاوالو قالتلي اجي نهار الجمعة مع 3 ولا شي حد اخر
    والحمد لله وعقبالكم البنات غير وجدو وريقاتكم والتصاور حتى هما ضروري وتكوني عارفة كلشي على راجلك والله يوفقكم ياربي
    مرحبا بيك معانا اختي غير قولي ليه يدفعلك مادام قرب اشد الجنسية نهار اشدها يدفعها ليهم وتصدقو ربحين الوقت
    اما المراحل فهداك من اختصاص راجلك هو تيدفع عقد زواج مترجم+النسخة الكاملة من رسم الولادة +تصارو 5/5 والفورم i130
    ويلا نسيت شي حاجة افكروني بها لبنات حيت راجلي كان مكلف بكولشي صافي من مور متدفعي تبقاي تستناي شي 20 يوم اقولو لكم بالي رحنا توصلنا بالدوسيي ديالكم وستناو ابروفابل ويعطيوكم واحد الرقم وواحد السيت تبقاو متبعين دوسيي ديالكم في داك السيت من مور 5اشهر تجيكم الموافقة لي هية ابروفابل كاين لكتجيه في اقل من 5 اشهر وكاين لي اكثر دابا انا 8 اشهر باش جتني من موراها كيصيفطو دوسيي ديالكم لمركز الفيزا باش كيصاوبلكم الفيزا هاديك في ضرف 3 حتى 4 اشهر كتشدي الفيزا كتصيقطي لراجلك حسن السيرة +عقد الازدياد+السجل العدلي +عقد الزواج مترجمين+ تصاور5/5 + فوطوكوبي ديال باسبور2 الصفحات لوالا الا كان جديد 3 الا كان قديم هو اصيفط شي فورم وطاكس ديالو ويصايفط هاد الوثائق ويخلص 88+404دولار ديال الفيزا من موراها تمشي تاخدي الفيزا ديالك هاد شي كامل بالنسبة الناس لعندهم الجنسية انا الناس لمعندهمش فكيتعطل ليهم شوية فيما يخص المراحل الاخيرة
    غير ناصحك اختي بالصبر والدعاء وشغلي راسك متبقايش تحسبي للايام كلما حسبتي كلما تزيد تتطوال عليك المدة راه كاين الناس لستناو 5 سنوات وفتالي راهم مع رجالتهم
    نتيا بقاي معانا هنا وعادي تستافدي بزاف راه كيننين بزاف ديال لبنات بجالك لرجالتهم معندهمش الجنسية وراهم دفعو دابا يدخلو ايفيدوك
    انا راه راجلي عندو الجنسية وقريبة 9 اشهر وانا دبا في المراحل ما قبل الاخيرة الله اسهل عليا وعليك ازين ++++++++


    yallah asshabat l interview ha l assila lli kayterho iwa arakom lfraja hhhhh
    السلام عليكم ورحمة الله وبركاته
    سمحو ليا البنات لي كيتسناوني راه ماكنتش في الدار البارح وتشغلت شوية عليكم
    لمياء الزين راني قريت ايميل ديالك تسنايني غير نكمل شي شغال ونرد عليك
    اسماء حبيبة سمحي ليا مدخلتش المسن مازال انا اليوم نحاول ندخل الله يسر
    اخت نوها لي عندها الانترفيو راه جبت ليك تجارب ديال بنات دازو هنا الله يجازيهم خير ويسر امروهم كيفما شاركونا بالتجربة ديالهم
    منهم بنات كنعرف قدام ومنهم بنات خرين
    توكلي على الله وماتنسايش الدعاء هو السلاح ديالك باذن الله وراه كلشي ساهل الفيزا ديالك خديتيها من ميريكان دبا غير اجرالآت وصافي
    هاهما ختي :



    darli l'interview mirikani driyaf ba9i jeunne
    9ali fin 3rafti rajlak kidayra verginia imta ja akhir mara imta darto l3a9ed ch7al aando dyal khoto imta mcha 2awal mara wachno ghadiri fach tamchi wach ghatwaldi hado homa l2as2ila lmohim ghidiw wra9ikom wl2aghlabiya li rafdo lihom visa aw kaykon fiha chwiya dyal l3adab li na9sah chi war9a aw li mzawjin 2ajanib hit wa7d lobnani rafdo liha wa7da felesteni hata hiya alah yasar 2omotkom whata tarjama li mtarjma f usa makay9ablohach

    bi niseba les questions les ataweni 1achno ism rajelek 2 imta tezawejto 3 chehal men mara ja men baed zewaje wach kayessayefete lik les emails wach ja hedar sbou3 dyale bento safi dardacha kefifa ni questions pieges ni rien golte liha techoufi les emails et les reçus dyale flousse et les photos galtli blach
    bqit kanatsana hta 3aytat liya amrikiya drifa bzzzzzzzzzzzzzzzzaf sawlatni kifach t3araft 3la rajli o3lach bdabt tkhtar itzawaj bik ofachno khadam fach kathadro ochhal mn mara ja lmaghrib wach 3amro ja mn ba3d zwajkom wach 3andak foto o3lach madarto 3ors maghribi kbir iwa safi ana kanjawab 3la qad soal l3ars madarto hit makan 3andna lwaqt safi hadchi li kayan ogalt liya aji lvisa nhar latnin m3a 12 o3tatni wahad recue bach nakhod passport dyali safi rah lomor kolha sahla bzaaaaaaaaaaf hta haja mas3iba khas ghir tkono tayqin fryoskom othadro bhtiram olibtisama marsoma 3la wjhkom allah iyasar lomor lkol wahda




    دابا غادي نعاود ليكم كيف داز الانترڤيو المهم دخلنا مع 8 بخمسة بخمسة عطيت الباسبور الواحد السيدة و 2 تصاور شوية عيطلي واحد قالي واش هاد اول زواج ليك قالي واش راجلك فايت مزوج صافي قالي سيري تانعيطو عليك إيوا عيطلي امريكي ضريييييف قالي 1إمتى تعارافتو و كيفاش 2فاش خدام راجلك 3شحال عندو من خوتو 4 كيفاش كتواصلو 5 إمتى اخر مرة شفتي عائلتو 6 واش نتوما بزوج من كازا وإمتى خديتي الباك ديالك اسئلة بسسسسسسسيطة والله معندكم مناش تخافو انا كانت فيا الخلعة على والوووو ما قالي لا صور لا اوراق قالي شكرا حيت صيفطي لينا ڭاع الاوراق هوما هادوك [IMG]file:///C:/DOCUME%7E1/IBM/LOCALS%7E1/Temp/msohtml1/01/clip_image001.gif[/IMG]


    الله يسلمك الحبيبة العقبال ليك شوفي غي حيدي الخلعة راه غي غادي تمرضك كلشي سااااااهل بحال الماء طلبي الله تجي عند داك الامريكي ضريييف كيوسل غي شوية و بالضحك والله كنت كندعي نجي عندو والحمد لله ڭاع البنات جاو عندو حنا كنا 3 انا واحد البنت خديناها و الاخرى قال ليها خاصك ترجمي لينا دوك الوريقات ديال حسن سيرة ..... إيوا الله يسمعك خبار الخير ah choufi anwar l'ihssan hfdi mzyan imta tzwjti, fin khdam rajlak, fach , wina mdina......wach ja l maroc mnin tzwjtou......lmouhim bhal hadchi hfdéh mzyan ......machi tb9ay tatftfi 3lihoum....ytftfou 3lik




    1- chnou smit rajlak wknitou? 2- wach fayat tzawaj? wach fayta tzwjti? 3-fin sakan? wfach , wfin? 4- wach nti khdama? 5-kifach t3arftou? 6-manch'hal wntouma tat3arfou? 7-imta tzwjtou? 8-wach mnin tzwjtou wach dkhal rajlak l maroc 3awtani? ch'hal klass f maroc, imta dkhal , wimta rja3 3awtani 9-kifach mcha rajalk l USA wach lottery wla chnou? 10-ra9am dyala télé wl3onwan dyal sakna dyalou 11- wfach kan khdam 9bal man had lkhdma dyal daba 11-wach tayséfat lik lflouss 12-3téni chi preuve 3la anahou tayséfat lik lflouss? 13-chnou lwassila lé tatst3mlou for communication;matalan télé wla chat? 14-wach tathadrou kola nhar 15-chnou homa hiwayat dyala rajlak? 16- chnou houma les couleurs lé taybri 17- chnou dar lbarah 18-wach tatmchi 3and la famille dyalou 19-ch'hal 3andou man khotou 20-kifach dayra l3ala9a dyalak m3a walidih

    salam lahla ywarik lmohim jawni chi wra9 fihom taw9it lamtihane oja nhare o mchite okante makhlo3a yrafdi lia lmohim dralte l9onsolia ob9ayte kanatsana hta 3ayto 3la smiti omchite l3ando kan hadak chakhsse kayatkalam 3arbia ohowa yabda ysawalni kifach t3arafti 3la rajlak?imta akhire mara ja fiha lmaghrib? kifach mcha rajlak lmerican? ojawabto matkadbich fil jawab kolchi 3andhom fi lhasoube omili jawabto kali siri tsanaye omchite wa ana fia lkhal3a b9ayte kanatsana ohoma y3ayto 3la smiti omchite l3and hadak lmaktab li 3ayatli kan fih kawri kali bach natkalam m3ak koltlo bil 3arbia lakin howa makaya3rafch l3arbia ohowa y3ayate 3la lmotarjima obda kaysawalni kifach tla9iti m3a rajlak?imta darto l3arsse?kanti katkhorji m3a rajlak 9bal mayatzawjak? fach khadam?imta mcha l merican?sawalni bazzaf lakin ma 39altch ah nsite kali achno lamara li n3arfo anaki mzawja bih ana konte madia m3aya tsaware l3arsse owarithom lih di m3ak tsaware darori kaytalbohom matansaych sawli lamjarab ma tsawli tbibe ok mili sala lasila 3tani wahade lcode bach nakhod lvisa olghad lih warithom lcod o3tawni lvisa chti mili takhdi lcod safi raki khdity lvisa ah nsite 3awtani tkoni mtarjma 3a9de zwaje o lkholo9 ok o ana nafrah odarna farho o ana nathana man lahrira 3o9balak akhti nti oli mazal amiiiiiiiiiiiiiiiiiiine hinte dazate 3lia ana hasa bikom akhti walah ysahal lkol wahda


    السلام عليكم ابنات انا عاد جيت من كازا دوزت انترفيو نهار الجمعة عطوني فيزا الحمدلله مصعبوش معيا جيت مع واحد امريكي طريف صراحة سولني علي فين تعرفت علي رجلي فوقاش غادي تمشي امريكا هل سبق ليك زواج عل سبق رجلك زواج الا كان مطلق غادي يسولك تاريخ ديال طلاق فوقاش اما اوراق كيكون عندهم ملف لي صوب رجلك تماك كيشوفو اوراق لي ناقصين بحال انا رجع ليا اوراق ترجمة امريكا ممقبولاش قالي سيبر ترجميهم انا الحمدالله ديرا احتيطات معيا معيا اورق قولت جبتهم معيا عطيتهم ليه حسن سلوك سجل عدي عقد زدياد بنات ديو معاكم اورقكم مترجمين عقد زواج مترجم كولشي هنا احسن مترجعكم تعطوكم وقت اخر فيزا كولشي غادي يخدها لي متزوج امريكي ولا مغربي امريكي
    radi ngole lik soualate li momkine ysawlok fine 3taftih o kifach ch7al daba bach tzawajto btarikh nhar wa chhar w sana ch7al bara twaldi m3ah wach bara ta9ray fach tamchi fach khdam o momkin akhir mara ja ina wilaya wa lamdina hta hiya wanti matkhafich jawbi adi fhamti hadchi li b9it 3a9la alih akhti ah akhir mara ja imta hh ila tfakart chi haja radi ngole lik
    llah ysahal alik

    دبا نعاود ليكم على نهار الأنترفيو وصلت للقنصلية مع 7 و 10 دقائق لقيت 2 صفوف فالجهة الأخرى من الشارع صف طويييل للي عندهم فيزا سياحة ودراسة وصف قصير ل لي فيزا إيميغرنت شديت الصف مع الناس ديال الفيزا إيميغرنت لي كيكونو فيها الزوجات وأصحاب القرعة من بعد 15 دقيقة تقريبا جاو 2 كيديرو واحد لاباراي كيدوزوها على كل واحد ويشوفو باسبورو ومالين فيزا سياحة والقرعة كيفيريفييو ليهم لوراق حنا لا كنقولو لهم غير سمية كيشوفوها فالائحة لي معاهم ويديرو قدامها علامة من بعد تحولو الصفوف لواحد الجهة أخرى وكيبداو يدخلو ب 5 ب5 كل مرة كيقطعو 5 أشخاص الشارع أنا دخل مع المجموعة الثانية من بعد مادخلو مالين فيزا سياحة كلهم طبعا حيت كيسبقوهم هوما دخلنا كيشوف لينا واحد الأخ الباسبورات ديالنا ومن بعد دخلنا للداخل وتم كيزولو أي حاجة من المعدن ك ساعة أو خاتم أو أو وكدوزي من تحت ديك الألة وكتحطي ساكك والدواسا لي جايباهم فألة أخرى لي كتبين شنو داخلهم من بعد دخلنا ل لاصال لي فيها الكيشيات كانت ديجا عامرة باصحاب فيزا سياحة تسنينا حتى جات البنت لي كتكون فلاكيس وشدينا الصف مالين القرعة كيخلصو ويحطو الباسبور وحنا كنعطيوها الباسبور و2 صور والكونفوكاسيون من بعد جلسنا كنتسناو حتى يعيطو لينا تقريبا من 9 حتى ل 11 عاد عيطو ليا مشيت عند المغربي طلب النمرة د التلفون سجلها فالدوسي وطلب الدوسي ديال الطبيبة رد لي البلاكة ديال السدر ومن بعد خدا لي البصامات وطلب لي الترجمة الأصلية حيت راجلي كان مسيفط ليهم غير الفوطوكوبي قلت ليه نعطيك القدام أو وحدين جداد قالي إذا كانو جداد أحسن عطيتهم ليه رد لي الوراق لاخرين طلب الأصلي ديال الترجمة ديال عقد الزواج عطيتو ليه سولني واش راجلك من لافامي وفين تلاقيتي بيه فاش خدام ... ومن بعد بقا كيشوف فالوراق شحال وجمع الدوسي وهز الباسبور ومدو ليا قالي راه مزال خاصينا شي وراق ناقصين [IMG]file:///C:/DOCUME%7E1/IBM/LOCALS%7E1/Temp/msohtml1/01/clip_image002.gif[/IMG]
    صدمني حسيت بالدنيا دارت بيا قلت ليه علاش شنو خاص ( أنا كنت متأكدة راجلي رسل ليهم كلشي) قالي خاص الطاكس ديال 2008قلت ليه راه رسلناهم وأنا نجبد ليه واحد الدوسي عندي كبير فيه الوراق كلهم لي رسلنا من الأول فكل مرحلة وقلت ليه أنا عندي كوبيي من كل حاجة رسلناها إيوا وأنا نجبد ليه الوراق شافهم قالي هوما هادو دبا مزيان وقالي صافي سيري جلسي حتى نعاودو نعيطو ليك وعاد رجعت فيا الروح ولكن بيني وبينكم بقات شاداني الخلعة لي مكانتش فيا من قبل حيت قلت فراسي هادو واقيلا كيقلبولي على سبة [IMG]file:///C:/DOCUME%7E1/IBM/LOCALS%7E1/Temp/msohtml1/01/clip_image003.gif[/IMG]
    إيوا ومشيت جلست وعيطو ل 4 ديال البنات لي دوزي المرة الأولى من قبلي وعطاو 3 منهم الفيزا وحدة مسكينة ردو ليها الباسبور ديالها ومن بعد جات نوبتي مشيت عند الميريكاني وغير حطيت قدامو دوك الدوسيات لي جايبة معايا شافهم وقال أووووووو حيت جاه داكشي كثير واقيلا [IMG]file:///C:/DOCUME%7E1/IBM/LOCALS%7E1/Temp/msohtml1/01/clip_image003.gif[/IMG]
    هضر معايا بالأنجلزية قالي واش تهضري أونجلي أو فرونسي أو العربية وأنا نقولي إتز أوكي تقدر تسولني بالأنجلزية إيوا وأول سؤال ليه كان فين قريتي الأنجلزية من بعد قالي فين تلاقيتي براجلك شاف الوراق ديال الخدمة ديال راجلي قالي واش راجلك خداك ف شيس قلت ليه إييه قالي شنو البوسط ديالو قلت ليه شنو وقالي إمتا تعرفتي عليه واش كتعرفي عائلتو إمتا تزوجتو إمتا زايد راجلك منين هو وعاود سولني للمرة الثانية قالي شنو قلتي ليا راجلك كيخدم فشيس قالي منين متخرج وشنو التخصص ديالو إيوا وفالأخير قالي واش ممكن تعطيني الألبوم نشوفو عطيتو ليه بقا يشوف فالتصاور وقالي very nice [IMG]file:///C:/DOCUME%7E1/IBM/LOCALS%7E1/Temp/msohtml1/01/clip_image004.gif[/IMG]
    إيوا وردو لي وقالي مبروك أجي غدا خودي الفيزا ديالك مع 3 إيوا وفرحت الحمد لله مع 11و30 دقيقة خرجت من القنصلية لاغد ليه مشيت نجيبها ولقيت الصفوف عاوتاني تقريبا كاع الناس لي دوزو معايا خداو الفيزا وخا كان الصف طويل قدامي ولكن بقاو يعيطو للأسماء دازت بنت وعيطو ليا موراها عطاوني أونفلب مسدود ماخاصنيش نفتحو حتى نعطيه ليهم فالمطار ملي نوصل إن شاء الله ل أمريكا و الباسبو مطبوعة فيها الفيزا وعقبال البنات كاملين لي مزال كيتسناو إن شاء الله
    wsselna m3a 7.20 l9it 2 sfoufa sewelt lboulissi gali we9fi hna iwa safi chedina nouba ltla9it wwa7ed lbent driyfa meskina safi b9ina lass9in fb3diyatna chwiya dekhlo 5 b 5 kay9et3ohom chari3 iwa ana kent f 5 taltin li ana mnin mchit l9it nass wa9fin 9bel mandekhlo b3da dewzou 3lina wa7ed lappareil ze3ma lankono hazin m3ana les bombes hahahahaha dekhlona men b3d 7etina les portables o 3tawna nmari, iwa dekhlo sac ta howa fwa7ed la machine rej3ouhliya lmohim dkhelna la caisse 7etit lwer9a dyal l'interview o 2 tssawer o pass men b3d galetli kherji tan3eytou lik ana dert bnassi7a dyal nirmina l7biba dyali allah inewerha makhrejtch men dik la salle chedit blassti otkemecht, o dak lkhel3a li kant fiya sob7ana allah mchat wellit galssa kangol fou9ach ghir nekhrej nemchi nechreb kent wak7a. glesst wa7ed 30min 3eyetli wa7ed maghribi men guichet 6 sewelni finghadya? wach faytlik tzewejti? wach rajelk ayetlih tzewej? iwa gali smiytek zwina ze3ma kaysympathisé m3aya, sewelni rajelk fach khedam? gali aray dossier dyal tbiba 3tito lih reje3li blaca dyal sder men b3d reje3li ga3 dak les photocopies dyal les originaux odyal terjama li sifet l nvc, iwa ana 3assa 3lih nawya 3la khzit ghir igoli ziri 3awdi sawbi had lewra9 nsedmo ngolo hahoma daba nit, sa3a matlebli walou jani ana driyef kayed7ek m3aya o gali fin chafek rajelk b9ina kanhedrou 3la florida gali zwina bezzaf kan mchaliha iwa safi gali bach bghiti dewzi l'interview geltlih bach mabghito ya bl'anglais wla francais wla l3arbiya tachel7a ila bghiti b9a chad lm3aya jmou3 gali ta chel7a nti mnin o wach kathediri chel7a mezyan, safi gali siri gelssi tan3awdou n3eyou lik safi mchit glesst 3adi chwiya 3eytat li miricaniya galetli bach bghiti thedri geltliha li bghiti galetli nhedrou english geltliha wakha sewltani smiyt rajli o fin tla9ito o fou9ach ja lmeghrib o 3awdili 3la nhar fach ja ldarkom o wach kathedrou kolla nhar o fach kathedrou oach bagha ditri mnin temchi o chno 3endek mchabeh m3a rajlek owach katebghih o 3lach tele9 ex wife dyalo? o fo9ach ana sre3tha 3titha kolchi bles details o galetli wach ja rajelk mour zwaj? safi geltliha 3endi les preuves wach bghiti tchoufihom galetli la safi mabrouk 3lik aji ghda m3a 4 takhdi visa chofo alebnat wallah ila d7ekt 3la rassi mnin tekhle3t rah makayen lach bnadem itekhle3 kolchi sahel makaydelmou ta wa7ed, kolchi b reasons 3endhom. oelekher galetli good luck cute lady



    تعليق


    • #12
      البنات هاهما تجارب بعض البنات الله يكتب اجرهم يارب:






      السلام عليكم ورحمة الله وبركاتة


      البنات مشيت دوزت الطبيبة المهم غنقوليكم كيف دوزت باش البنات اللي مزال لربما يستافدو من تجربتي
      مشينا بالسيارة بالنسبة اللي غيمشي بالقطار ينزل في كازا بور هي القريبة من بعد ياخد طاكسي صغير يقول ليه زنقة طه حسين كارتيي كوتيي في حالة قالك ماعرفتهاش قولي لو مختبر كاليلي راه معروف
      اما الى مشيتي بالسيارة فغتقلبو على كروازمو ابن نصير مع طه حسين
      وفي نفس البلاصة غتلقاي مخبزة اسمها "مخبزة المنصور" مقابلة معاها غتلقاي اقامة اسمها "اقامة اسماء" غطلعي الطابق الاول غتلقاي الدكتورة الزيراري المهم دخلت لقيت الممرضة عطيتها الباسبور ديالي و3صور عادية وسولتها على اميرة واش حتى هي دير لي فاكسان وخا عندها الباسبور والجنسية الامريكية قالت لي لا هاديك ناضية مفكوكة من هاد الصداع صافي عطاتني ورقة باش ندوز التحاليل ووحدا اخرى باش ندير الراديو قلت ليها ماشي مشكل الى سبقت الراديو قالت لي لا سيري التحاليل هما الاولين مشيت وفي نيتي الى كانو التحاليل عامرين غنمشي نسبق الراديو ساعة ملي طلغت الطابق الثاني فين كيديؤو التحاليل لقيتو خاوي صافي عطيتهم فوطوكوبي ديال الصفحة الاولى من الباسبور و دارو لي التحاليل في البلاصة وخلصت 360درهم من بعد مشيت ندير الراديو كيتواجد في ساحة واد المخازن الورقة اللي غتعطيك الممرضة فيها شيما ديال الطريق ملي وصلت دخلت بلاصة الراديو خلصت 40درهم وعطيتها ورقة الطبيبة ولاكارت ناسيونال صافي وقالت لي هبطي التحت حتى تسمعي سميتك لقيت الدنيا عامرة كانو حتى الناس ديال الحج تسنيت تقريبا شي نصف ساعة عاد عيطو لينا مجموعة ديال 4 بنات دخلنا قالو لينا زولو السوتيان واي حاجة فيها الحديد صافي زولت ودوزت الراديو وقالتلي رجعي مع 12 و30د
      مشيت عند الطبيبة خلصت 830 درهم للممرضةتنقصات علي 1000درهم لاني مزال كرضع اميرة ودخلتني عند الطبيبة بقيت كنتسنى عيطات لي الطبيبة دخلت قالو لي البنات را قالتليخم زولو حوايجكم ولكم ملي دخلت انا حيدت غير البودي الفوقاني وبقيت بلاغوب سميتات ضرباتلي 2شوكات في يدي اليسرى ووحدة في يدي اليمنى وقالت لي ماتحمليش حتى دوز 3اشهر صافي جبت الراديو وعطيتو ليها وقالتلي رجعي للدوسي نهار الاثنين "انا دوزت نهار الخميس" قلتليها را بعيدة مانقدرش نمشي ونجي وهي تقولي صافي اجي غدا مع 3 عندي نعطيه ليك
      ملي نزلت لقيت واحد البنات مساكن من فاس والحسيمة مساكم قالتليهم ماعندي ماندير ليكم حتى الاثنين رجعو ليه
      صافي مشيت الغد مع 3لقيت واجد قالتلي كلشي مزيان الحمد لله
      بالنسبة للشوكات ماحسيتش بيهم غير شوية دراعي حسيت بيه ثقيل وبلاصة الشوكة زراقت لي شوية ولكن الحمد لله كلشي داز مزيان






      ختي أنا طلبات ليا الطبيبة تصاور يكونو 5/5
      وديتي غير 2 كيف قالت
      وملي وصلت قالت ليا 3
      وكانت عندي وحدة زايدة عادية ماشي 5/5
      قالت لي ماشي مشكل هادي العادية نديروها فالورقة لي غادي ندي للراديو ولكن الدوسي لي غادي يمشي للقنصلية ضروري يكونو فيه 5/5
      هادشي لي قالت ليا الكاتب




      البنات الفحص الطبي كلشي داز على خير دوزت عند الدكتور عبد الواحد عمبري كاين في بوركون بالضبط في شارع تاو جطات فوق من شركة ميزا ملي مشيت طلبت مني الكاتبة الأوراق ديال الغنديفو وفوطوكوبي ديال الباسبور و4صور عاديينو1500درهم عطاتني منهم 150درهم باش ندير تحاليل ونعتاتلينا بلاصت تحاليل عطاتنا ورقة وطلبات منا نديو معنا فوطوكوبي ديال الباسبور داكشي لي درت خرجت من عندهم ومشيت طبعت الباسبور ودرت تحاليل ورجعت لعند الطبيب بدات تدخلهوم عل حسب النوبة ملي وصلت نوبتي دخلت عبر لي الوزن والطول والنظر ودوز لي وبدا يعمار الاوراق وطلب مني نسينيهم وقالي نمشي ندير الصورة ديال الصدر ونرجع باش يدير لي الجلبات ويدوز لمروى خرجت لعند الكاتبة عطاتني ورقة فيها الصورة ديالي والعنوان ديال الراديو مشيت خديت طاكسي حمرا قولت ليه واد المخازن حطني حداه دخلت لقيتهم دايرين الصف وصلت نوبتي عطيتها الورقة وبطاقة التعريف و40 درهم عطاتني واحد الورقة فيها الصورة ديال الصدر وقالت لي رتاحي حتى توصلك النوبة عايطو علينا كيدخلو البنات بوحدهوم والرجال بوحدهوم دارو لينا راديو وقالو لينا تسناو واحد ساعة بما يخرجو لينا ملي خرجو ليناههههه داكشي عندي بالتفصيل الممل ههه عايطو لينا كل واحد باسمو وعطاونا الورقة لي فيها الصورة ديال الصدر رجعنا للطبيب وعطيناه للكاتبة وقالت لينا راه تحاليل وصلونا لقينا الطبيب خرج قالت لينا رتاحو شوية بما يجي الطبيب داكشي لدرنا ملي جا الطبيب دخالنا أنا ومروى ودارلينا الجلبات أنا دار لي 2 جلبات ومروى 3 جلبات إوى صايب لينا دوسي وعطاتو لينا الكاتبة والصراحة عجبني تعاملهم والحمد لله كلشي داز على خير




      Salam 3likom albanate kif dayrin kolchi mzyan twhchtkoum had 2 jours lmohim hmdolah rah dazete visite medicale mzyana hmdolah ana ngolikoum detaile kamlin kidazo lmohim mchite 3nd tbiba m3a 9h kont tma d9ite haltili infermiere swlatni 3lach jti gotlha visa de usa gatli 3tini 3 foto ykono ri noramle wasfi w passeport lmohim 9ydate les informations 3ndha drte dossier li radi yb9a 3ndha fih foto whad wra9a darte fiha foto dyal les analyse fo9 mnha nite wr9a khra fiha foto hadik dyal radio sadre lmohim khdite dok 2 wra9 tl3te drte les anlyses 3tithoum dik wra9a li 3tatni infermiere foto copie dyal passeport ykon m3akom drte les analyse khrgte khlste 200 dh khdite taxi la boratoire oued makhzine hwa fin kayn radio boulvard algere lmohim tatdkhli tatl9ay nase tma bzaf tat3ti f whad chabak tma dik wra9a li 3tatk infermeire dyal khadiaj zirari tatkhlsi 40 dh thbti thte tsnya noba dyalk tay3tolk tatdkhli tagolk whd bnte hydi souteime wla konti lbsa chi kobte fih chi haja bhal chi tnbate wla hajr bach mayjich bayn f radio tadiri radio tatkhdi recu taygolk whadf 1 h rj3i morah lmohim drbte dwira rj3te l9ito wjd apres khdit taxi mchit 3nd kahdija zirari l9ite shab les analyses hbto laha tahalil swlte bnte gotlha wach mzyanin gatli oui mzyanin lmohim khdite noba dyali kano chi nase sb9ini 3ytatli khdtli poids dyal w la taille wachftli nadre apres swltani wach hamla wach tatrd3i wach 3ndk chi haja wla chi marad hak wla haka gotlha la safi drbatli chi 3 dyal vaccin wgatli rah kolchi hmdolah mzyan mais tahblich had 3 mois hit dok les vaccin tyatro 3lma haml safi gatli haki dossier mathlich tal nahre interview w3tatnti wr9a dyal dok les vaccins lidbte gatli dihoum usa ila tlbhomlk f chi khdama w f 9raya sfi wlayshal 3la bante kamlin azza li raha moraya yarbi bisou 3likom kmlin




      الفحص الطبي,كنت عند الطبيبة خديجة كاينة فالطابق1 عمارة أسماء,تتقول ليك ديك البنت عطيني pass + 3photo
      ,تتدير الصورة 1 مع ورقة لي غديري بيها تحاليل ديال دم,الصورة 2 تديرها مع الورقة لي باش غتدوزي راديو ديال صدر ولي مكتوب فيها العنوان ديال بلاصة الراديو والصورة 3 تتخليها عندها فالملف طبي ديالك.
      تتطلعي الطابق2 تماك بلاصت التحاليل تتعطي ديك الورقة لسيدة لي فالاستقبال وتكلسي حتى تعيط عليك باش ديري تحليلة ديال الدم من بعد تترجعي لعندها تتعطيها copie ديال passوتخلصي 200dh ومنين تيخرجوا االتحاليل هما تيهبطهم لعند الطبيبة.
      من بعد تتمشي ديري راديو ديال صدر غير تخرجي من العمارة على يديك ليمن زنقة الاولة على ليسر تقريبا واحد 10 min ديال الطريق تمشي طول حتى تفوتي واحد صيدلية كورو وتزيدي حتى تلقاي ثانوية ابن تومرت علي ليمن و بلاصة راديو ديال صدر على ليسر الفحص بالاشعة واد المخازن.تدخلي عند السيدة لي فالاستقبال تتوريك الباب لي تدخلي منو تعطيها الورقة و 40 dh وتمشي تكلسي حتى اعيطو عليك باش ديري راديو و من بعد ساعة ترجعي على النتيجة.
      تديها لعند الطبيبة و تعطيها راديو و غتعطيك الورقة ديال جلبات لي غديري باش ديري عليها copie مقابل مع عمارة أسماء,تدخلك عند الطبيبة تتعطيها passوتدير ليك الفحص عادي + 3 جلبات و تتأكد عليك باش مايكونش حمل حتى دوز 3 شهر,تتخلصيها 1256 dh وتتخرجي ديك الساعة تتعطيك copie +pass ديال جلبات تحتفظي بيها + الملف الطبي ديالك.
      و بالتوفيق للجميع




      bon, mchit l3and tbib fesbah bakri, dkhalt 3tito passeport + wahed taswira, men ba3d bda kaysawelni: wach dazni bochwika? wach kankmi? wach 3amarni ftaht awla dert chi 3amalia, wach mrida bel9alb, wach fia sokar, safi men ba3d 3ber lia tension+ toul+wazn o3amer wahed lwar9a osniteha, okhalasto 500 dhs
      men ba3d galia namchi ndir tahalil dyal dem, na3at lia mokhtaber, rah hdah nit, 3tithom photocopie dyal passeport + wahed taswira dert tahlila okhalast 200 dhs
      men ba3d mchit dert radio dyal sder , 3tithom soura okhalast 40 dhs
      iwa tsanit wahed 1 heure okhdit natija dyal radio d sder , men ba3d mchit chrit jalbat men la pharmacie (2 jalbat) 326 dhs bjouj safi orja3t l3and tbib daguithom hahahah ogalia raj3i m3a 4 fle3chia bach nakhod rapport dyali liradi ndi m3aya l consulat nhar interview
      wahed nasiha, siro bakri l3and tbib bach takhdo rapport fnafs nhar si non rah igolo likom raj3o lghadlih
      iwa touta touta kemlit elhadouta




      شديت طريق من رباط لكازا مع 6ه ديال صباح او صرف ام صلنا لعند طبيبا khadija zirari مع 8. زحام بزاف فطريق بزاف. دخلت تنلقا 3 دراري او بنت سابقيني. كتعطي لپاسپور+ 3 foto ديالك لفرمليا او كتسايني. كتعيط لينا واحد بواحد او كتعطينا پاس او ورقا ديال تحاليل ديال الدم. لي زوين مع هاد طبيبا هو الا لبورتوار عير فوق منها فالطابق 2. طلعت عطيتها لوراق او بقيت كنساين. كانت 8.15 كانو سبقوني لوخرين. اوصلات نوبتي حيت دم. لترجعي عبند لفرمليا او كتقوليك خلصي 200 درهم او سيري ديري ليا فوتوكوپي دپاس.طبعا انا موجداها شحال هادي. نزلت عند طبيبا . او فطريقي هادوك لي سبقوني عاد دارو فوتوكوپي او طالعين. بقيت كساين انا او المجموعة عند طبيبا. واحد 15 دقيقا. عاد ديطات لي انا لولا او هاديك لبنت لوخرا لي كانت معايا. دخلت انا لولا. عبراتني لفرمليا ، شفت طول، او شوف ديالي بحال طبيب ديال لعنين. من بعد قالتلي حيدي حوايجك او تسناي طبيبا. بقات طبيبا كتقيد فشي وراق. من بعد قاتلي : واش داك تريكو لي لابسا كيطلع اولا لا؟ بواحد قسوحيا. قتليها اه. انا حسابلي واش من لكرش. ونا نطلعو. شويا بقات كتصايب ليباري لي عادي دوك ليا. ونا عير سكتا. جات عندي . او هيا هزا ليبرا. انا شفتها و نا نفهم. نزلت تريكو علا كرشي، ونا نطلعو بزربا من دراعي. بلا متشوفيا حتا شوفا واحدا. دكات 2 تما. او هيا دير ليا براسها عطيني يدك لوخرا. عطيتها ليها من سكات. او هيا تعطيني بضهر. او هيا تقولي تحمليش 3 شهور. او من بعد قتلي بهاد لعبارة: لخلاص هنا.. بحال اi معا شي خداما. خلصتها من سكات 1250 درهم. رجعت لقاعة الانتضار. جات لفرمليا او قاتلي ساليتي كلشي سيري ديري راديو ديال صدر. رداتلي لپاسپوي او قاتلي رجعي معا 12.30 باش تخدي دوسي كامل.
      راديو دوزناه فواحد لبلاصا مبعيداش بزاف خديت طاكسي ب10 دراهم. هاد لابوراتوار واحد لي كاين محلف فكازا. يعني كلكم البنات عدي تمشو ليه. انا كنت فيه معا9.30 كان شويا خاوي عطيتهم لورقا لي عطاتني + 40 درهم فواحد لكيشي عاد نزلت لتحت كنتسنا. او معا هادا سعا ونا كنسنا نوبا. دوزت قالولي سيني ساعة باش تخرج نتيجة. جوايه 10.30 منعاود ليكمش علا زحام لي ولا تما. واقف كتر من جالس.
      المهم خديت راديو ديالي. شديت طكسي. او رجعت عند طبيبا. عطيتو لفرمليا. كانت 11.30 قاتلي 12.30 عاودي رجعي. نزلت جلست فواحد لقهوا قريبا . حتي وصلات لوقيتا ونا نطلع عندها. عاود قاتلي لفرمليا اري پسپور ديالي. او عطاني واحد روجيستر سنيت فيه. او هيا تعطيني جوا دلبرا مسدود قاتلي كلشي مزيان. الحمد لله سليت. رجعت بحلي لرباط.










      تجارب الرونديفو






      darli l'interview mirikani driyaf ba9i jeunne


      9ali fin 3rafti rajlak
      kidayra verginia
      imta ja akhir mara
      imta darto l3a9ed
      ch7al aando dyal khoto
      imta mcha 2awal mara
      wachno ghadiri fach tamchi
      wach ghatwaldi
      hado homa l2as2ila lmohim ghidiw wra9ikom
      wl2aghlabiya li rafdo lihom visa aw kaykon fiha chwiya dyal l3adab li na9sah chi war9a aw li mzawjin 2ajanib hit wa7d lobnani rafdo liha wa7da felesteni hata hiya
      alah yasar 2omotkom whata tarjama li mtarjma f usa makay9ablohach




      bi niseba les questions les ataweni
      1achno ism rajelek
      2 imta tezawejto
      3 chehal men mara ja men baed zewaje
      wach kayessayefete lik les emails
      wach ja hedar sbou3 dyale bento
      safi dardacha kefifa ni questions pieges ni rien
      golte liha techoufi les emails et les reçus dyale flousse et les photos galtli blach




      bqit kanatsana hta 3aytat liya amrikiya drifa bzzzzzzzzzzzzzzzzaf sawlatni kifach t3araft 3la rajli o3lach bdabt tkhtar itzawaj bik ofachno khadam fach kathadro ochhal mn mara ja lmaghrib wach 3amro ja mn ba3d zwajkom wach 3andak foto o3lach madarto 3ors maghribi kbir iwa safi
      ana kanjawab 3la qad soal l3ars madarto hit makan 3andna lwaqt
      safi hadchi li kayan ogalt liya aji lvisa nhar latnin m3a 12 o3tatni wahad recue bach nakhod passport dyali safi
      rah lomor kolha sahla bzaaaaaaaaaaf
      hta haja mas3iba khas ghir tkono tayqin fryoskom othadro bhtiram olibtisama marsoma 3la wjhkom
      allah iyasar lomor lkol wahda




      Read more: http://www.anaqamaghribia.com/vb/sho...#ixzz2EPoKjg8K

      تعليق


      • #13

        لمهم خرجنا من الدار على اساس نكونو ساعتين قبل بالحق وصلنا مع 12 و نص و الطيارة مع 1 ونص , مشينا للترمينال 3 مشيت لقيت الدنيا عامرة , عمرت واحد الورقة و بقيت نساين توصلني النوبة باش ندخل نتسجل اوا دخلت انا وبابا ههههههه ولي أمري ايوا كاين غير انا وواحد السيدة قبل مني اللي غاديين نيويورك شوية و هو يجي واحد الكروب معطل ديال مريكيانيين مقطعين الدرجة الاولى مشات الموضفة اللي خاص تدوزنا مشات تدوز الفورست كلاس و خلاتني انا و ديك المرا كنساينو جات دوزات المرة و بقيت انا لقات البكاج عندي فيه 28 في كل فاليزة و المسموح فقط 23 و قالت لي نقصي الوزن وانا دايخة مشيت جبت صاك من عند ماما و بقيت نفتح تما حداها و ننقص و هي تتعصب عليا قالت لي الناس وراك وانا نقول ليها انت عطلتيني حتى نسالي ماهيدوز حد و هي تقول لي نت جاية معطلة قلت ليها كلشي شافك خليتينا و مشيتي تدوزي الفورست كلاس و هي تسكت و الراجل اللي ورايا طلع ليه الزعف قال هادو ماكيعرفوش يديرو شغلهم حيت شاف كلشي على عينيه صافي قلت ليها دابا ماعندي كيف ندير شحال كتتخلص الزيادة قالت لي 500 درهم للفاليزة اي زيادة من 24 حتى ل 32 اوا بابا كترفص مزياااااااان الله ياخد فيها الحق كيجري يخلص في بيرو اخر و رجع قالت ليهم ماتهزوش الفاليزة ديالها حتى تمشي تخلص و بابا يديو مريضة ماخلاتش الراجل يعاونو هز دوك الفاليزات و حطهم شي 3 المرات لكل واحدة اوا صافي سالينا و مشينا باش نسلم على العائلة قال لينا البوليسي غير سيرو راه رخاها الله عليكم حسابليه انا غادة لمدريد شوية و هو يعيق حتى شبعت تصاور و تعناق مع الدار و البوليسي عاد عاق اني غادية لنيويورك بقا يقول للناس خليوها تدوز راه هتمشي عليها الطيارة اوا في نفس الوقت كيعيطو في الميكرو كيقولو باساجي اون غوطاغ و كيقولو سميتي وكنيتي وانا لابسة كسوة مافيهاش الفتاحي و هازة صاكي وفاليزة صغيييييرة و الصاك اللي بغيت ننقص فيه الحوايج و كنجري و حتى هاذيك خالتنا ........... تسلطات عليا جاتني في المطار هههههه والله الى راه يوم عالمي صافي دزت من هاديك المرحلة و من مرحلة ثانية كتسولك البوليسيو شحال هازة معاك ديال الدولار و مرحة اخرى ماعرفتش ديالاش حيت انا كنت كنجري و 2 موضفات كيجريو معايا و كيقولو ليهم غير دوزو دوزو انا كنعطي الباسبور و نعاود ناخذو حتى الباكاج نساو فيه شي طابع ماعرفتش ديالاش و قالت لي واحدة فيهم مالك تعطلتي قلت ليها فاش نت مشيتي تتسخري مشات الثانية جلسات بلاصتك وانا بقيت نساين و هي تسكت يالله دوزوني من اخر مرحلة اللي كيفتش فيها البوليسي الصاك لقا عندي تيمومة قال لي اويلي شنو هادشي ؟ قلت ليه خليها راه بغيت نصلي و هو يبدا يضحك قال ليهم شوفو شوفو داية حجرة لامريكا وانا طاح عليا الضيم قلت ليها خليها تنفعني تنفعني على المعاملة الزينة غادي نخرج و نفلق بيها المغرب عاد نزيد و بدا غير كيشوف فيا هههههههههه صافي مع الوجع مابقيتش عارفة شنو كنقول و هو مسكين يشوففني هازة صاك و صامطونيط صغيرة و عاد الصاك اللي بغيت ننقص فيه الحوايج وقال لي انا عادي نخشي الصامسونيط في الصاك الكبير قلت ليه غير خليها يمكن نحتاجها قال لي شنو فيها ؟ قلت ليه صافي بلاش و داكشي اللي دار خشا صامسونيط في الصاك و لصقو فيهم ورقة و قالو لي حطيه في الدروج و طلعي و دزت عند البولبسية دخلاتني لواحذ البلاصة و قلباتني مزيااااااااان هههههه حشمت اوا صافي بانت لي الطيارة بديت جري جري جري ومساكن كيتسناوني غير انا و جا واحد الراجل كيجري خدا ليا البكاج اللي في يدي خداو ليا البكاج و خشاوه في الطيارة قبل مانطلع و هادا اكبر غلط درت حيت الصامصونيط فيها الكتب باش نقرا وفيها العنوان و كلينكس و فاش طلبو منا في الطيارة نعمرو الاوراق عمرت العنوان غلط حيت ماكانش عندي وااااااااااااع



        المهم الرحلة دازت زوينة ومافيها والو كيخلع انا فيا فوبيا واخا هكاك ماحسيت بوالو الا في النزول كتحسي فحال الزيطة نازلة عجباتني هههههههههه فاش وصلنا للمطار بقيت انا الاخيرة حيت بغيت نعاون واحد 2 عيالات كبار و بكاوني بالدعاوي قالو لي بغينا رقم التلفون ديالك اوا صافي الناس دغيا دغيا كيدوزو و حتى بقا غير شي 20 ديال الناس تقريبا و هوما يبداو يجمعو الناس اللي عنذهم ملف اصفر - اصلا نزلات غير طيارة اللي كنت فيها ولكن عامرة بالافارقة حتى هوما عندهم ملف اصفر- دزت عند اول ااوفيسر قالي هاي هاو ار يو؟ و خدا البصمات و صورني الصورة ديال الكرين كارد شي واحدة كانت قالت لينا باللي كيديرو بصمات العين واااااااااااع انا بالصح تيقتها و بقيت نشوف في الكاميرا فحال الى غادي ناخد بصمات يعني حطيت عين قريبة للكاميرا هههههههههههه والله حتى الموت ديال الضحك وصافي اوا قلت للموضف واش بغيتي الجلبة ؟ قال لي اه عطيتو ورقة و هو يقول لي فين الباقي ؟ قلت ليه هادي االي عندي و هو يقلب في الدوسي الاصفر اللي ديت معايا و لقاهم وانا نقول ليه عرفتي و سكتت ماقدرتش نهضر قال لي قولي قولي قلت ليه راه المحامية طلبات مني نوريك عقد الزواج ديالي هههه و المهم قلت ليه باللي مزوجة هادي عامي ن و هو يبدا يضحك قالي ليا اوكي وانا نقول ليه لاش ؟ شنو الفرق؟ قال ليا امممممم ماشي شي فرق و هادشي فيه ديتاي بزاف وانا متأكد انك مافيك ماتسمعي الديتاي دابا قلت ليه اه اه عندك الحق راه توحشت راجلي بغيت نجري نجري نشوفو دابا و بدا يضحك و قال لي اجي معايا داني لواحد لبيت عامر بالناس فيه مغربيات كباااااار و واحد 2 موريطانيين كانو جالسين حدايا في الطيارة و فيه الافارقة بنات و ولاد المهم بان لي فيزا سياحة و هجرة صافي عيط لي طبع لي البصمات و مضيت في الورقة و عطاني باسبوري لقيتهم عطاوني عامين فقط ماشي 10 سنين ههههههه دخل واحد الفلسطيني قال لي انت مغربية؟ هههههه فرحت قلت ليه اه قال لي اجي نعاونك في البكاج و قلت ليه ونت منين قال لي فلسطيني قال لي شكون كيساينك قلت ليه راجلي اوا خرجنا و بان لي راجلي كيتاصل مع بابا و صافي قلت ليك عافاك ماتعنقني ماتسلم عليا الطيارة كلها غير مغاربة ههههه وانا كنحشم اوا صافي خدا البكاج من عند السيد و شكرو و خرجنا برا و عاد تسالمنا و توتة توتة خلصت الحدوتة



        تأكذو من العنوان و التلفون

        قراو سورة ياسين


        السيدة اللي كانت كتتسجل قبل مني في المغرب كانت هازة 3 فاليزات 2 في الباكاج و واحدة طلعتها معاها و صاك كبير فيه الحلوة و صاكها و عاد مونطو و حتى واحد ماقال ليها شي حاجة

        نددددددددددددددمت اللي ماعمرتش صاكي مزيان


        ماتحشموش في الطيارة فاش يقولو ليكم عمرو الورقة طلبو من شي واحد يعاونكم


        الماكلة ديال الطيارة شوية حالتها و حتى تسخفي عاذ يوكلوك من الاحسن تدي معاك شوية ديال الحلوة او شي حاجة ناشفة تعتقي بيها الروح


        الانفولوب الصفرا خليوها قريبة هي و اي ورقة ممكن تحتاجو


        ديو معاكم شي حاجة تقراوها في الطيارة او لابتوب ديالكم خدمو بيه[


        الى تفكرت شي حاجة نقولها ليكم و اي سؤال انا في الخدمة

        الله يجيبكم على خير


        تعليق


        • #14
          وهادي تجربة الطبيبة والانترفيو ديال فاتحه الخير



          اليوم كانت عندي الطبيبة نعاود ليكم بالتفصيل المملنضت مع 6 الصباح بحرى صليت الله يقبل علينا جميعا وجمعنا الدار انا وماما مسكينة الله يخليها ليا قادينا كلشي باش ملي نرجعو انشاء الله نرتاحوصافي بدلنا 7 ونص خرجنا من الدار 8 قل 10 دقايق كنا قدام الباب ديال الطبيبة وقفنا لقينا واحد البنت وحل لينا الكونسييرج الباب طلعنا هي في الطبقة 1 لقينا ناس اخرين عند الباب 3 اخرين عاد وقفنا جات الممرضة مع الكونسييرج حلات لينا دخلنا قالت لينا الباسبور و3 تصاور خداتهم دخلات لبسات الطابلية رجعات عيطات ليا انا الاولى قاتلي طلعي الفوق الطبفة 2 فوق منهم نيت للتحاليل طلعت لقيت السيدة قاتلي كوبي ديال الباسبور و200 درهم عطيتهم ليها قاتلي جلسي مشيت انا وماما جلسنا بداو البنات تيطلعو حتى هما عاد جلست عيطو ليا دخلت الممرض خدا مني الدم صافي خرجت هبطت تاني للطبيبة عطاتني الممرضة واحد الورقة فيها العنوان ديال الراديو ووراها لاصقة تصويره انا تنشوف التصويرة ماشي ديالي هي بالدوخة عطاتني تصويرة بنت اخرة انا تنقوليها اش هدا تتقولي خودي طاكسي وسيري لهاد العنوان داخت هههههههههههههههههه

          المهم انا وماما بقينا تسنينا البنت لي ورايا مسكينة جايا بوحدها قلنا تبقى معانا نتوانسو معاها داكشي فرحات ملي لقاتنا صافي هبطنا سولنا واحد الراجل قال لينا راه الراديو غير قريب بلا متاخدو حتى طاكسي غير على الرجل سيرو داكشي نيت ليكانو تيقولو البنات راه غير قريب ومشينا على رجلينا وصلنا دخلنا عطيناها الورقة لي عطاتنا الممرضة و لاكارط ناسيونال و 40 درهم بدات تضحك قاتلي راه الممرضة غلطات تصويرتي مع البنت لاخرة عاد عطيتها تصويرة اخرى ديالي مع جبت التصاور كاملين كيف عطاهم ليا المصور اللهم زايدين ولا ناقصين صافي دخلنا لداخل هبطنا مع لاكاف لتحت لقينا الناس تما مجموعين ورجعت للبنت لي غلطوني معاها تصويرتها الناس تما كلها واش عندو ديك الساع كانت 9 بقينا شوية عاد عيطو لينا دخلنا بقينا جالسين مع سبقو شي رجال حتى خرجو عاد دخلنا احنا قالو لينا السوتيان حيدوه السلسلة الحلقات شي حاجة فيها الصدايف في العنق دخلنا حيدنا لي قالو لبسنا تاني عاد بدا تيدخل فينا واحد الراجل لبحال بيت صغير قولي صندوق ههههههههههههههه دخلت ملي جات نوبتي قالي هزي عنقك فوق واحد الحاجة شوية قالي سدي النفس وسد عليا داك الباب وخلاني واحد الشوية عاد حل نفسي تقطع تنقول لا لا منتنفسش تمشي ليا الفيزا ههههههههههههههههههههه ملي حل عليا خديت نفس عميق مشيت لبست داكشي لي حيدت عطاونا ورقة وقالو لينا 11 ونص رجعو

          خرجنا مشينا فطرنا مع بقيت بلا فطور قلت حتى ندير التحاليل واخا قاتلي عادي ممكن تفطري المهم درت لي بان ليا مزيان ومن بعد مشيت مع ماما انا وديك البنت حتى الراديو خليناها تما تجلس ترتاح ومشينا انا والبنت نتحركو بينما وصلات 11 ونص باش ناخدو النتائج مشينا حدا القنصلية مع راها تما نيت طلينا عليها بانو لينا الناس تما وتمشينا شوية ورجعنا صافي بقينا جالسين حتى وصلات 11 ونص عيطو لينا خدينا النتائج مكتوب فينا نورمال مكاشينها فيها الحمد لله ورجعنا للطببية كاملين حتى البنات لاخرين مشينا مجموعين دخلنا عطينا الممرضة النتائج عطاتنا واحد الورقة قالت لينا سيرو ديرو ليها كوبي ورجعناها ليها قالت لينا خليو الكوبي عندكم حتى تمشيو امريكا انشاء الله تقولو ليا لاش لايقة نقول ليكم اللهم اعلم هههههههههههههههههه

          المهم قالت لينا اجيو ديك الساع نيت مع كانت 12 جلسنا حدا غرفة الكشف كانو 2 بنات تما مع تدخلنا 2 ورا 2 صافي انا وديك البنت بقينا تما خرجات وحدة دخلت انا قالتلي اري 1146 درهم عطيتها الفلوس وقالتلي طلعي فوق الميزان عبرات ليا الوزن من بعد عبرات ليا الطول والعينين حتى هما قالتلي سدي ليسرة شنو هادي وشنو هادي كانو ارقام ومن بعد سديت ليمنة نفس الشي وطلعت فوق الباياص عبرات ليا الطونسيو ودقات القلب قاتلي كلشي مزيان هاد الممرضة ضريفة بزااااااااااااااااااااف ملي دخلنا عاملاتنا مخير غزالة في التعامل صافي شوية جات الطبيبة لقاتني هازا حوايجي من ايدي قالتي واش تتمرضي واش تتاخدي شي دوا قلتليها لا منعرف منين ههههههههههههههههههههقاتلي ايوة مزيان هي t'est amoureuse هههههههههههههههههههههههههه قلتليها oui صافي ضرباتلي 2 ايباري في الايد ليسرة وقاتلي هزي ليمنى ضرباتلي فيها وحدة وقاتلي 3 اشهر ممنوع الحمل او راك تولي في الكورتاج الله يحفظ عاودات تتأكد قالت لينا حتى تفوتو 3 الحيضات صافي وسنيت في واحد الورقة وعطاتني باسبوري ونضت خرجت عند ماما بقينا تنتسناو في قاعة الانتظار حتى التحاليل يهبطو من الفوق الطبيبة كملاتني انا وديك البنت ومشات

          ولي جاو ورانا قالت ليهم الممرضة حتى العشية الواحد باشما مشى بكري احسن تقضي شغالك وتمشي في حالك صافي جلسنا واحد ربع ساعه وعيطات لينا تاني انا الاولة دخلات كلشي الوراق في الجوا وسداتو قالتلي حتى تديه القنصلية هاكا مسدود وعطاتني واحد الروجيستر سينيت فيه قالتلي ايمتى الانترفيو عندك سجلاتو وكتبت ليها التلفون ديالي وسينيت وانا نسولها قلت ليها واش كلشي عندي هو هداك قالتلي كلشي مزيان الحمد لله راكي بخير الحمد لله قالتلي الله يسر ليك في الانترفيو ويعاونك صافي وخرجنا انا وماما مشينا في حالنا 1 و ربع كنا في الدار راني تغديت شربت الدوا ونعست عييت بزاف ديك ليبرة تتمرض لبلاصة لي خداو منها التحاليل في الايد ليسرة زراقت وتضرني الله يحفظ والايد ليمنى مقدرتش نمسها تنفخات قداش وقاهراني الله يحفظ الدوخة جاتني كيف جيت خديت دوليبران حيت راه تدير السخانة الله يحفظ الايدين بجوج في حالة تناكل غير بالسيف منعرف كيف غادية نتحرك الله يستر اللهم شافينا وعافيناهدا ما كان وسمحوليا راني عيانة دوك ليباري تيمرضو ما غادي يعطيونا الفيزا حتى يفضيو معانا ههههههههههههههههههههههههههههههههه

          الحمد لله ملي كلشي داز بخير وراه لافيزيت كيف والو متصدعوش راسكم بيها حاجة عادية هما تيخافو غير من الامراض الخطيرة اما شي حاجة اخرى عادي كلنا بخير الحمد لله ما كاين عندنا حتى حاجة ملي تبغيو تمشيو غير سيرو بكري باش تقضيو شغالكم وتساليو ولا تبقاو حتى العشية مجرجرين الله يسر ليكم العقبال لعندكم كاملين انشاء الله يا ر بي الله يسهل عليكم كاملين

          وهادي التجربة ديالي ديال الانترفيو
          السلام عليكم البنات اش خباركم توحشتكم بزاف سمحوليا على عاد الغيبة الخارجة عن ارادتي راكم عارفين راسكم راكم في القلب كاملين ولكن راني مقلقة منكم متفكرتونيش اليوم كان عندي الانترفيو ياكو انا مخاصماكم اهئ اهئ اهئ اهئ اهئواخا هكاك راكم عزاز عندي المهم نعاود ليكم اشنو درت غير سمحوليا مقدرتش نجي نعاود ليكم كيف ساليت مع خرجت من تما بكري في 10 ونص عاد مشينا عند اختي تغديت عندها ودرت القيلولة عاد جيت للدار وهاني جيت نعاود ليكم يالله بسم الله توكلت على اللههاد الصباح فقت بكري اصلا فين نعست النعاس طار ليا ماشي بالخلعه بالعكس انا من النوع متنتخلعش غير التفكير وصافي المهم فقت بكري لقيت ماما مسكينة فايقة قبل مني وجدات الفطور وتوضات تتركع حتى انا توضيت وبديت نصلي حداها شوية الله يقبل علينا وعلى الجميع يا ربيييييييي حيت الفجر باقي مودنش ومشينا زعما نفطرو وشكون يفطر هي مسكينة شاداها الخلعه كتر مني لهلا يخطيها عليا يا ربي الله يخليها ليا هي وبابا ويخلي ليكم واليديكم فين الجوع انا اصلا من النوع متنقدرش نفطر بلا والو انا هكاك الله يعفو عليا صافي عاد ودن الفجر صليناه الله يقبل نضت نبدل حوايجي فيقات ماما خويا دغيا فطر كمل لبس وانا مزال تنتقاد هههههههههههههه





          ماما لبسات وخرجنا في 7 وشي 10 دقايق دانا خويا حطنا كنا تما في 7 و 20 دقيقة مشا لخدمتو هو مشيت انا سولت البوليسي تما فين غادي نوقفو قالي راه تلغا اليوم كلشي عندهم شي حاجة قلتلو واه قالي ايه شوية قالي سيري لهيه وقفي راه غير تنضحك معاك راه خاصك تكوني ضاحكه وناشطه باش يعطيوك الفيزا قلتلو انا راه بخير الحمد لله وفعلا ربي عطاني واحد القوة سبحان الله يا ربي هو بغا يضحكني الساعه عاد قلبي بدا يضرب قلت ويلي مالي كعبية نهار عندي الانترفيو تلغا كلشي هههههههههه قلتلو ويلي دابا عاد زيانيت قالي لاواه راك بخير انشاء الله الفيزا ديالك في ايديك راكي مبشورة تبارك الله غير سيري على حسابي قلتلو ملي على حسابك اوكي هههههههههههههه

          صافي مشينا قطعنا الشانطي لقينا غير شي 3 تما 2 منهم سياحة ووحده لي زواج صافي شوية بداو تيجيو الناس عاد وقفنا واحد 5 دقايق جاو البوليس تيشوفو الليستة ديال صحاب فيزا سياحه ووقفوهم في الصف دارو ليهم ديك الالة قلبوهم صافي البوليسي قالولو ليه بالتولكي وولكي دخلهم صافي قطعو الشانطي هو يقولينا فيزا مارياج وصحاب القرعه حتى هما اجيو شاف سمياتنا في الليست درنا الصف دار لينا الالة شوية قطعنا الشانطيدخلنا واحد الكيشي تما عطيناه الباسبور 2 التصاور 5/5 والكوفوكاسيون ديال الانترفيوصافي دخلنا واحد البلاصة تتحطي الصاك والدهب والوريقات ديالك اي حاجة في ايدك تدوز في الالة من بعد دزت انا قالي التلفون الكامرة السيديات لي عندك في الصاك اريهم جبدتهم ليه قالي شي حاجة اخرى مربعه عندك واش ماكلة اريها قلتلو لا قالي راه الماكلة ممنوعه قلتلو متنهزش الماكلة هي لي بقاتلي بقا يضحك قلتلو راه المصحف هداك لي مربع قالي اوكي الله يسمح ليا يا ر بي صحابلي ماكلة قلتلو وانت خدمتك تديرها قالي اوكي عطاني الكود ديال التلفون والكامرة وداكشي لي خداو صافي دخلت غير دوك البيبان تقال قالي سوني ودفعي الا عندك شي كتاف قلتلو راهم خاويين ههههههههههههههه

          صافي دخلت واحد القاعه بقينا تما وقفات 8 بداو تيحلو الكيشيات حيت القاعه فيها الطول والكيشيات في ليسر ديالك كلشي حداك تتشوفي كلشي صافي بداو بصحاب السياحة هما الاولين تيديرو البصمات ويعاودو يجلسو حتى تيعيطو ليهم تيسولوهم كاين لي تيعطيوهالكود وكاين لي تيقولو ليه خاصاك شي حاجة ولي تيرودوهم بزاف صحاب القراية تيردو فيهم بزاف اما لي غادين عند ولادهم كلشي تيعطيوه العقبال واليدينا انشاء الله يا ربي المهم بقينا تما احنا شوية عاد عيطو لوحده فيزا زواج الكيشي كاين بحال واحد البيت صغير دخلات تما شوية خرجات كانت بعيدة عليا مسولاتهاش بقينا تاني شوية واحد نص ساعة في ديك 10 الا ربع عيط ليا انا في ديك الكيشي فيه مغربي قالي جلسي وحطي عليك داكشي لي هازا بقا تيشوف الملف ديالي قالي وقفي باش ندير البصمات بالليزو صافي قالي جلسي بدا تيدور في الوراق تيشوف ياكما ناقصة شي حاجة انا تنقول يا ربي تستر يا ربي القران محيدش من فمي الحمد لله يا رب وبدا تيسولنيراجك كيفاش مشا لامريكا وامتى مشا وهو تيقلب الوراق وقالي امتى تزوجتو وواش فايتلو مزوج ونتي واش فايت ليك مزوجه واش كان حاضر في العرس واش جا من بعد الزواجاري نشوف البوم العرس مع كبير ميدخلش من الزاج صغير قالي دوري ليا نشوف انا تندور هو تيشوف وقالي لاخر نشوفو وكان هداك يقدر يدخل عندو قالي اريه بقا تيشوف فيه حتى شهر العسل ديالنا دايرة التصاور تما وهو فينما يسولتي تيكوشي في واحد الورقة صافي قالي اري ليا عقد الزواج الاصلي حيت راجلي سيفط غير ليكاليزي ل nvc جبدتو عطيتو ليه ورجع ليا وراق زايدين قلت الحمد لله هو لي تيعطيني االوراق ههههههههههههههههههه

          كلشي ناضي مطلب ليا والو غير لاكت الاصلي اووووووووف تنفست الصعداء قالي سيري جلسي غادي نعيطو ليك دابا مشيت جلست حدا ديك السيدة لي كانت سابقاني قالت ليا راه ناقصينها الوراق مسكينة بقات فيا تفقصات اللهم الواحد يسيفط كلشي مقاد ويدي معاه احيتياطانا عاد تنهدر معاها سمعت سميتي ولاو سبقوني عليها مسكينة المهم نضت الكيشي راه غير تما حدا كلشي الناس تتشوف وتسمع ههههههههههههههه البلاصة نيت فين كانو تيدزو السياحه ما كاينة لا بيت لا والو غير ديك القاعه كلشي فيها غير المغربي لي تياخد الوراق لي دايرينو في بييت صغيور

          المهم نضت لقيت امريكية مع مغربي واقف حداها تيترجم انا مسولوني لا لغه لا والو ديريكت تيترجمو ليا قالت ليا فين تعرفتي على راجلك وكيفاش تلاقيتو هما تيبغيو التواريخ خاصكم تكونو واكلين التواريخ كلشي الكومبيوتر قدامها وقتاش دخل المغرب ووقتاش مشا اي حاجه واخا تبان ليكم ماشي مهمه هما تيحكرو عليها باش تتقارنها مع هدرتك المهم لي قلتو ليها تتقولي اها صحيح مزيان that`s right كلشي خصو يكون متطابق وقالتلي علاش بقيتو هاد الوقت كامل عاد تزوجتو وواش درتو عرس كبير وفين دزوتو شهر العسل وفين ساكنه دابا انا قلت ليها بين دارنا وعند ناسيوقالت ليا راجلك شحال من مرة جا المغرب مني مشا لامريكا وهو منين ونتي منين وتيرجعو يعاودو الاسئلة بطريقة اخرى باش يرونوني الساعة الحمد لله انا مزوجة بصاح وصبرت مع راجلي سنين ديال الخطوبة وتنبغيه ويبغيني ربي ما خيبناش صافي عطاتني عقد الزواج الاصلي لي خدا المغربي رجعاتو ليا وعطاتني الكود قالت لياwelcome to america

          قالي المغربي جي نهار التلات تاخدي الفيزا ديالك مبرووووووووووووووووووووك عليك الحمد لله يا ربي فرحت قدااااااااااااااااااااااش خرجت برا قالي البوليسي اش درتي قلتلو قالو ليا التلات قالي مبروك عليك راه قالو ليك التلات حيت الاتنين عندهم عطلة ورجعو ليا تيلفوني وكامرتي خرجت لقيت ماما مسكينة تتسناني والبرد تنشير ليها من البعيد قبل منقطع الشانطي عنقاتني حتى تتبكي بكاتني الناس تما تيقولو ليا على سلامتك مبروووك عليك

          وهدا ما كان البنات العقبال ليكم يا ربي يسهل عليكم ويفرحكم انشاء الله كلشي عند الله قريب غير زيدو صبرو الحبيبات دابا يفرج الله



          تعليق


          • #15
            هدي التجربه ديالي
            الطبيبه ؛؛؛؛؛؛؛؛؛
            مشيت عند خديجه الزيراري خرجنا من قنيطره مع الخمسه ونص ديال الصباح مشينا ف طوموبيل
            لمهم وصلنا لكازا مع 8 ،مع اول مره كنمشيو ليها معرفنا مين ندوزو هههه بقينا كنسولو حتى وصلنا للعماره لفيها الطبيبه ،هي جات مقابله مع واحد المخبزه لقينها مسدوده سميتا مخبزه المنصور،المهم دخلت ملقيت حد غير الممرضه بوحدها طلباتلي الباس و 2 تصاور عادين ،وعطاتني واحد الورقه وقاتلي طلعي الطابق التاني فيه كيديرو التحاليل ،مين طلعت طلبتلي الممرضه وحده اخرى فوطوكوبي ديال الباس و 200 درهم ،
            شويه وعيطتلي حيدتلي الدم وقاتلي غير سيري مين يخرجو حنا غادي نزلهم ،من بعد هبت عطاتني الممرضه الشيما ديال الراديو قاتلي شدي تاكسي انا مشيت على رجلي مكملاش شي 10 دقايق ،كيطلبو لاكارط و 40 درهم كتبقاي تسايني النوبه ،كدخلي لواحد البويت كتكوني حيدتي اي حاجه فيها الحديد وكتقولك قطعي النفس
            كتقول كرجعي مع11
            المهم مين رجعت عطاتني واحد الورقه طبعتها ديال التلقيح،ورديتها ليها
            لقيت الطبيبه جات دخلتني عبراتلي الطول والوزن والعينين،وقاتلي واش حامله ،واش كتشربي شي دوا،،
            وهي كتهضر ضرباتلي دوك الشوكات 4ولا3 معقلتش وليت كنموت من البره ههههه.قتلي متحمليش مده 3 شهور
            ومين سلات قتلي اري 1146 درهم،ومين ساليت جاتني شي دوخة مع مكنتش فاطره نوصيكم قبل ماتمشيو فطرو ،
            مشيت لواحد القهوه فطرت ،ورجعت جبت راديو ديال الصدر ،ديتو ليها قاتلي صافي الضوسي جمعتيه خاص غير التحاليل ،ايوا فداك الوقيته كان الزحام بزاففف.بقيت كنساين من 12 حتى 2 ونص،جات الطبيبه وهي تعطيني الضوسي مسدود قاتلي متحليهش وفوطوكوبي ديال دوك التلقيح وكتقوليك سني فواحد الدفتر






            اه نسيت الطبيبه عيطوليها قبل وخودو الرونديفو
            وخاص الواحد يمشي بكري باش يجيب الضوسي فيديه






            والله يسهل على كل وحده ياربي وييجمع شملكم في القريب العاجل




            نهار الانترفيو ..................
            خرجنا مع 5 ديال الصباح من قنيطره،مشينا في الطوموبيل،وصلنا لكازا مع 7 هههه،سولت واحد البوليسي وهو ينعتلي البلاصه لخصني نوقف فيها،مكان حد قالي غير سيري فطري حتى ل8 ،انا مشيت وعجباتني الكلسه ههههه،مين رجعت لقيت الناس بزاف ،لمهم واحد البولسي كيدير 2 ديال الصفوف مالين السياحه و ديال الزواج و القرعة،كيطلب الباسبور وكيدير كروا حدا الاسم ديالك، كيسبق السياحه هما الاولين،كيدخل 2 ب2،
            المهم مين دخلنا انا واحد البنت مزوجه بامريكي مسكينه كانت مخلوعة كثر مني،دفعت واحد الباب قاصحه ههه
            مين خرجت كتافي طاحو ههه، مين دخلت لقيت واحد البنت ورجل كيديرو سكانير كيخلو صاك ديال اليد اما شي حاجه اخرى لا،واحد البنت خداتلي البورطابل والكاميرا وعطتني واحد النمره ،مين كنت كنساين النوبه باش ندوز واحد الدري ضحكني فين مايدوز فداك الاله دير طيط مسكين عيا هههه،وفالاخر قاليه حيد السباط عاد داز حيث السباط كا ن يمكن فيه الحديد.مين دزت مشيت و لقيت واحد الباب كتسوني وكتحل الباب ، مين دخلت كان الزحام الدنيا عامره بالناس ديال السياحة،مين كنا داخلين قالينا واحد البوليسي سيرو الكيشي 2،مين مشيت طلبلي 2 تصاور 5 على5 والباس وقالي سيري علسي حتى نعيطليك،المهم تسنيت بزاف وهو يعيطلي باش ندير البصمات .وسولني فوقاش تزوجت؛فين غادية؛وطلبلي عقد الزواج اصلي وترجمه.وحسن سيره والسجل العدلي،وعقد ازدياد كلشي بالترجمه،البنات خودو معاكم الوراق كلهم وطلبلي حتى الطكس ،،،المهم قالي كلسي حتى يعيطوليك لداخل،كلست شي ساعة ونص مع كان الزحام،ضروري من الصبر تلقايت بنات تونساوضحكناباش تمشي الخلعه،من بعد عيطلي لواحد البويت صغير فيه واحد المريكاني ضريف والله نطلب من الله تجيو عندو،سولني.،،،،،اول سؤال كان .كيفاش تعرفتي على راجلك ،توقيت الزواج
            راجلك فاش خدام،فوقاش غتمشي.اه وقالي راجلك عندو الجنسيه،
            واين مدينه غادي تمشي
            اسئلة بسيطة غير مخصكش تبيني راكي مخلوعه عادي،وطلبلي التصاور
            البنات لكانو معايا جابو غير شي 10 تصاور ودازو عادي ، انا خديت الالبوم كلو هههه،صافي مين شافو قالي اجي تخدي الفيزا ديالك نهار ،،،،وعطاني واحد الوريقه صغيوره،مين كنت خارجة عطيت لداك البنت الرقم وعطاتني التليفون والكاميرا ،مين خرجت لقيت ماما مسكينة مخلوعة ولخرج من البنات كتسولو مين خرجت عنعتني وبقات كتبكي ،العقبه ليكم ياربي
            وفالمره الاخيره ،وصلت للقنصليه لقيت لدوزو معايا كيساينو درنا الصف بحال المره 1،ودخلنا ماشي للداخل غير برا .كيعيط ،مين عيطلي عطاني الباس مطبوع فيه الفيزا،وواحد الضرف كبير كيقوليك وياك تحوليه،ولا يرجعوك بحالك ههه خلعني،
            البنات انا عاودت ليكم بالتفصيل الله يسهل اموركم ويجمع شملكم في القريب

            تعليق


            • #16

              هادي تجربة الاخت اسية
              الله يسهل عليها و يعيطوا ليها تاخذ الڤيزا هي و سعاد

              سلام عليكم البنات كيف عملين نتمنى تكن لباس أو له إجعل هاد لعيد مبارك مسعود علينا جميعاً بصحة وسلامة فيزا انشالله
              بريت نعاودلكم على تجربتي مع لا فيسيت مديكال عند دكتورة زراري لمهم تفقنة أنا فاطم زهرة rimajorgia باش نمشو نهار لخمس أفعلاً تلقينا عند طبيبة حيت كان بيناتنا تلفون أنا كنت جيت معطلة حيت مول تكسي هو سبب تصور كان تينعسليى في كل ستوب حتة كنفيقو لمهم لقيت فاطمة زهرة دارت تحاليل ابقت تسنى فيا



              دخلت عند لكاتبة تلبتليى 3 تصور عاديين أو باسبورت أو قتلي طلعي ديري تحاليل تلبولية فوتوكوبي ديل بس أو 200 dh صافي عملت تحليل قالولي حنا نزلهم لطبيبة صافي مشينا لراديو دسدر أنا أو fati اداك سيد أبناتو بجوج مساكين بقاو كيتسنو فيا لمهم منبعد بقينا تنسولو كل وحد تنسدفه على راديو دسدر مالي سبناه أو عطينا لكاتبة 40dh أو لا كارت أوحد chima لكاتبة معلقة فيها صورة ديالنا صافي قتلنا تسنو حتى أيعيتو عليكم جمعنا حنا لبنات فوحد لجهة مالي سلينا بقينا جلسنالهم تم حتى عطاونا لا كارت ديالنا او راديو صدر معها صافي تمنة راجعين عند طبيبة تاني أطلبات منا ندير فوتوكوبي لورقة ديل جلبة دخلتنا طبيبة 3 بنا ابقت كتاكد علينا باش مايكونش حمل لمدة 3 شهور ....... بعد طبيبة لكينة عندها جلبات مشي حنا لشرنهم عبرات لينا طنسيون الوزن أدربتلنة جلبات محسيت بوالو أطلبات مني 1215dh صافي ردتلنة باسبورت أو قاتلنا سر حتى 1h هنا بقينا جالسين عندها كنهدرو أنا أو fati أو سعاد ر خرجت من لقنصلية جات عندنا له اسمعها خبر لخير يربي فهد سمانة انشالله مكملتش 20 دقيقة عطتنا لكاتبة دوسي ديالنا أقتلنة بتوفيق فهد 20 دقيقة كنا مشينا أنا أو فاطمة زهرة شفنا لقنصلية أشربنة شي حاجة صافي مع 12h بضبط تفرقنا كل وحدة خدت تكسي أتت توتة حتال انترفيو انشالله نكملو لجزء تاني انشالله له ايسر ماتبقى لجميع yarabi



              تعليق


              • #17
                و هادي تجربة ريم
                انا نعاودليكم كيف داز لافيزيت ميديكال عند الطبيبة خديجة الزيراري
                الدكتورة خديجة انا ريماجورجيا لي قلتلك على هاد المنتدى وعطيتك سميتوو قلتلك غدي نعاود التجربة ديالي حتا انا و درعتيني و بستيني من حنيكاتي غير كنوضح باش تعرفيني شكون انا الى دخلتي انا مشيت نهار الاربعاء و بت عند خالتي ديك الليلة و الغد ليه نضت مع 6 و لبست حوايجي و قاديت حالتي جا مورانا ولد خالتي مع 7 وخرجنا من الدار وصلنا مع 7:20 و لقينا غير واحد 2 بنات و باهم من طنجة و بقينا كنتسناو حتى فتحنا الكونسييرج الباب و دخلنا حلاتنا الممرضة الباب كانت فالداخل و دخلنا عطيناها فطوكوبي ديال الباسبور و 3 تصاور و قالتلي طلعي للطابق التاني ديري التحاليل مشيت عطيتها الباسبور و 200 درهم و سمعت سميتي و دخلت عند واحد الراجل و قالي كلسي و هو يصوني التلفون كانت كتعيطلي دامچها و انا جاوبتها قالي حيدي التلفون و علي الكمام ديال التريكو و عليت الكمام و قلت ل دامچها انا فالتحاليل حتى نعيطليك و منين حيدلي الدم محسيت بوالو و رجعت هبطت و تلاقيت دامچها لي هي اسية فالدروج و سلمت عليها و تسنيتها حتا دارت التحاليل و هبطات و مشينا جميع للراديو انا و ماما و اسية و لوستها و واحد 2 بنات و باهم و مشينا كنتهاودو و كنسولو الناس على البلاصة ودوزناها زوينة و قريب للطبيبة غير شي 15 دقيقة على الرجل وصلنا للراديو لقيناها عاد كتحل و دخلنا و عطيناها 40 درهم و لكارط ناسيونال و هبطنا فواحد الدروج تسنينا علما سمعنا سمياتنا و دخلنا لواحد البيت حيدنا الستيانات و داكشي لي فيه الحديد و تلاقينا حتى مع واحد البنت ماشيا لشيكاكو و بنت اخرى غير بغات تخدم فاوطيل و طلبو منها الراديو و((( و تموتو عليا بالضحك البنات كل وحدة مقاتلا مع السوتيانات ديالها كتحيدهم و انا كلسا كنحيد السروال و هما يردولي البال البنات بقاو كيموتو عليا بالضحك قالولي وغير من الفوق و عاد و ليت صيبت سروالي و حيدت غير داكشي الفوقاني هههه ((((
                و دخلنا جوج جوج لواحد البيت و قالي طلعي فواحد الصندوق و قالي زيدي راسك لواحد الخشبة دايرا بحال المشنقة هههه و قالي قطعي النفس و سد عليا الباب و انا كنقول ياربي غير يفتح الباب منكدبش عليكم تقطعات فيا النفس اوا و خرجت لبست حوايجي و قالونا مع 11:30 رجعو كلسنا كنتهاودو انا و اسية و لوستها و على مدارت 11 و عطاونا النتائج و انا عاد دايرا الصف باش ناخد النتيجة و هي تصوني عليا سعاد جاوبتها و انا دايرا ففمي كلمة مبروك و سولتها امضرا خديتي الفيزا قالتلي لا معطاوهاليش رجعولي الباسبور قلتلا علاش قالتلي مخلاوليش الفرصة فين نعطيهم الاوراق لي كيتبتو الموت ديال شيخي و قلتلا اجي عندنا هحنا ماشيين عند الطبيبة و هي تقولي انا جايا عندكم و تصورو البنات انا و اسية و داك البنات جايين من هاد الطريطوار و هي ماشيا من الطريطوار لاخور و انا نشوفها و قلت مع بالي يكما تكون هاديك هي سعاد صافي مشينا وصلنا عند الطبيبة و هي صونات عليا قلتلا انا عند الطبيبة قالتلي انا مشيت عند الراديو و قلتلا اجي عند الطبيبة و طلعنا حنا و مشينا عند الممرضة عطاتني واحد الورقة قالتلي ديري عليها فطوكوبي و مشيت انا وواحد البنت لي من طنجة مشات لفارماسيان تشري واحد الجلبة حيت معندهاش 18 عاد 17 و ديت معايا حتى الورقة ديال اسية حيت هي مقداتش تمشا ضبرها الصباط و مشيت انا و ديك البنت درنا فطوكوبي و مشينا كنقلبو على الفارمسيان و حنا ماشيين و هي تقولي واش نغنيلك قلتلا واخا و بدات كتغنيلي هاديك الاغنية ديال خولة بنعمران ديال هديتو الاشواق اش غادي نكوليكم على صوت عندها غزال صوتها بحال الصوت ديال خولة و حنا ماشيين و سعاد صنات عليا قلتلا عاينيني حدا باب الطبيبة و شرينا الجلبات و رجعنا و انا شفت سعاد و بقيت كنضحك قلتلها و الله الى دزتي من حدايا و كنقول يمكن تكون هادي هي سعاد و طلعنا عيطاتلي الطبيبة دخلنا انا و ديك البنت و لقينا بنت خرى لداخل و اسية كانت سلات و خرجات من عندها حيت انا تعطلت فالفارماسيان مع داك البنت و كلسات هي و سعاد كيتسناوني فاللاصال داطوند و قالتلي الدكتورة دخلي كلسي كلست كنتسنا و عيطاتلي الفرملية و قالتلي خلصي 2115 درهم و قالتلي طلعي فوق الميزان عبراتلي الوزن لقات فيا مابين 69 و70 ههههه طبوزة و عبراتلي الطول نكدب عليكم و الله معرفت شحال لقات و عبراتلي النظر و قالتلي طلعي فوق واحد الباياس و هي الطبيبة جات لواحد الكونطوار و كالتصاوب الشوكات و انا نجبدها بالهضرة قلتلها عرفتي ادكتورة انا علاش ختاريتك نتي و هي تدور عندي قلتلا حيت كاين واحد المنتدى ديالنا البنات كلهم كيشكروك و هي تحط الشكات من يديها و دارت عندي قالتلي ديالاش هاد المنتدى و كلست كنشرحلها قلتلها كاين قسم ديال المغتربا امريكا هادوك لي تما و كاين قسم ديال منتضرات الفرج لامريكا هما لي كيعاينو بحالي و هي تقول للفرملية اجي قيدي هادشي لي قالت البنت ندخل نشوف حتى انا و قيداتو هاديك الممرضة و هي تسولني الطبيبة و هي كتضربلي الشوكات منين نتيا قلتليها انا من تازة و هي تعيط للفرملية كانت مشغولة مع داك البنات قالتلا ياك قلتلك الزين كاين غير فتازة و متيقتينيش اوا شوفي الزين الشرقي كف داير و قلتلا شكرا الله يزين ايامك و ضرباتلي الشوكات كاع محسيت يدها غزالة 2 شوكات فيدي الشمال و وحدة فاليمن و لبست الطريكو ديالي و رداتلي الصرف و قلتلا حتى انا ادكتورة غادي نمشي نعاود على تجربتي فالمنتدى و انا داخلا ب ريماجورجيا و هي تقولي اجي عندي عنقاتني و قالتلي الحموصة ديالي و باستني من حنيكاتي و قلتلا تبوسك الصحة و سولتها واش كلشي مزيان قالتلي كلشي عندك مزيان و كلشي غادي يكون مزيان وسولاتني فقاش عندي الانترفيو وقالتلي الله يوفقك و خرجت و انا ضاحكا كما العادة حيت كاع البنات لي شافوني سعاد و اسية كلهم قالو بانني مبشورة و ضحوكية و الحمد لله على هاد النعمة خرجت من عند الطبيبة لقيت سعاد مشات حيت خها جا موراها و ملقاش فين يسطالي الطموبيل و عيطلها خرجات عندو و كلسنا كنتسناو و قلت ل اسية يالله نمشيو لحدا القنصلية و خلينا ماما و لوست اسيا كالسين عند الطبيبة و حنا خرجنا و مشينا كنتساراو و مشينا فطرنا و رجعنا و كان الضوسي ديالنا واجد عيطاتلينا الفرملية و عطاتنا الضوسي الاصفر و قالتلينا متفتحوهش سولناها واش كلشي مزيان قالت لينا كلشي مزيان و داك الفرملية غزالة ضريفا بزاف و مشينا هبطنا حدا العمارة تسالمنا و درنا باش الى كنا غادي نخرجو نتعايطو سعا مخرجت لانا و لا اسية و كل وحدة مشات فطاكسي و بقا بيناتنا التلفون و دبا حتى نهار الانترفيو و نكملو لي باقي و كما قالت اسية نكملو الجزء الثاني ههههه انشاء الله بحول لله

                تعليق


                • #18
                  تجربة ريم نهار الانترفيو
                  هادي التجربة ديالي
                  انا نضت فالصباح مع 6 و فطرت متوضيت مصليت حيت كنت غيكلي و لبست حوايجي لبست واحد اللعيبة دايرا بحال شي كوستيم ومكييت و قاديت و خرجنا مع 8 ديال الصباح من الدار و بقينا كنعاينو الطاكسي و القنصلية بعيدة بزاف بنصف ساعة ديال الطريق منين كتكون خاوية اما مع 8 ديال الصباح كانت عآآآآآامرة و عاد جات طاكسي بيضة و قلتلو غير وصلني بشحال ما كان و وصلني ب 40 درهم و الشتا كطيح و وصلت للقنصلية مع 9 و ملقيت حتى واحد كلشي دخل و مشيت عند داك البوليسي قالي سيري عند هادوك لي حدا داك الكيشي و مشيت و قالي سميتك و شاف فواحد الورقة قالي دخلي عند هداك لي حدا الباب و مشيت عند هداك عاوتاني شاف فواحد الورقة و لقا سميتي و قالي سيري فتحي داك الباب و دخلي و دخلت و لقيت باب خور فتحتو و دخلت و لقيت واحد البنت و 2 ولاد و قالولي دوزي من واحد السكانير و بقا كيصوني و وليت خرجت و قالي ديري داك الدوسي فواحد السلة و دوزها فالسكانير و قالي جبدي واحد السيدي عندك قلتلو هادشي شفتو وانا حسابلي مخبعاه بقاو كيضحكوو قالي ولي دوزي من السكانير و بقا كيصوني قلتلو معندي مندير قالي صافي دوزي نتي كلك حديد اوا مساكن قالولي الله يعاونك و دخلت فواحد الكولوار و لقيت واحد الباب كبير مكتوب فيه من الفوق (( انتبه الباب يقفل بسرعة )) و بقيت كنتقاتل معاه والو مبغاش يتفتح حتى ناض واحد الدري من الداخل و فتحولي و دخلت لقيت واحد القاعة مكبيراش بزاف غير هي طويلة و معريضاش يالاه هازا 4 ديال الصفوف ديال الكراسا و و مقابل معاك الكشيات كاينين 7 و مبين الكراسا و الكشيات غير شي متر يعني كتسمعي كلشي و منين جيت داخلا لقيت غير جابونية كانت فالكيشي 4 و الكشيات الاخرين خاويين وو مشفتش هداك المركاني كان فالكيشي 7 هداك الكيشي بوحدو لي كاين فواحد البيرو مخبع و مشيت كلست و عاد قالولي البنات سيري عند واحد المغربي كان فالكيشي 6 عطيه الباسبور و التصاور عطيتهومليه قالي سيري كلسي حتى نعيطوليك اوا كلست مع بنات تما كنا 6 بينا و 2 دراري و بقا كيعيطلم هداك المغربي فالكيشي 6 و كيسولهم نفس الاسئلة واش اول زواج ليك و واش عمرك سافرتي برا المغرب صافي واحد 2 بنات كانو ناقصين عندهم شي وراق قالولهم دوزو الانترفيو و عاد سيرو جيبونا دوك الاوراق و نوليو نعيطولكم و انا بقا كيردلي الاوراق بزاف اوا كلسنا كنتسناو و عاد قشعت هاداك المغربي البنت لي سلا معاها كيدي الضوسي ديالها لهاداك الكيشي 7 وحدة بوحدة و عاد حمدت الله اوا و بدا كيعيط هداك المريكاني و عاد حمدت الله منين شفتو كيعيط للبنات ديال الامكراسيون و داك الجابونية كتعيط للناس توريست و دازت بنت فالاول و دغيا خرجات و عطاوهالها و خرجات فرحانا و باركنالها و دخلات من موراها بنت خرى كانت معايا نهار لي دوزت الطبيبة و حتى هي خداتها و من موراها ولد حتى هو خداها و مسكين باركنالو و من موراه بنت خرى هاديك مزوجة امريكي تعطلو معاها شوية و من بعد قالها جيبي داك الاوراق لي خاصين و حنا غادي نعيطوليك و مشات خرى من موراها حتى هي كانو ناقصين ليها شي وراق و دوزت الانترفيو و قالها جيبي الاوراق لي ناقصين و عطيهم لهادوك لي على برا و حنى غنعيطوليك و داز واحد الولد حتى هو خداها و خرج فرحان و جات نوبتي و ختكم كما معروف عليها دخلت كنموت بالضحك و حت هداك المريكاني بقا كيضحك معايا و سبحان الله رتاحيت عندو و قالي السلام قلتلو السلام و قالي بصمي بصمت و قالي سنيي فواحد الورقة و خديت وقتي و سنييت بحال السنياتور لي درت من نهار دفعنا الاوراق اوا و قالي علي يدك اليمن و قولي اقسم بالله العظيم بان كل المعلومات في هدا الملف صحيحة و عاودتها موراه قالي هزي هداك التلفون و كلسي اوا كلست و انا ضاحكا و مرتاحة حيت وجهو كيريح وبدا كيسول و يضحك و هو لي كيتلف بالهضرة بحالي انا لي كندوزليه و هو كيهضر عربية و لكن منين مكنتش كنفهم شي حاجة كنقولو شنو قلتي كيبقى يضحك و يعاودلي السؤال اوا و اول سؤال من بعد ما كلست قالي
                  1ء باش مشا راجلك ؟
                  2ء فقاش تعارفتو ؟ عطيتو التاريخ كلو
                  3ء قالي كفاش تعارفتو ؟
                  4ء قالي فقاش مشا لامريكا ؟
                  5ء قالي واش عندو عائلتو ف امريكا؟ قلتلو لا و عاد تفكرت خوتو و قلتلو اه اه عندو
                  6ء قالي فين ولاية كينين؟
                  7ء قالي فاش خدام قلتلو سميت 2 الشركات قالي خدام جوج خدمات قلتلو اه وحدة فالويكاند و اخري فالويكداي
                  8ء قالي واش عندك تصاور قلتلو اه و عندي البوم كبير و مغديش يدخل تما شنو درت فتحتو فالنص و عاد دخلتو و شاف هادوك التصاور و بقا كيشوف فالالبوم و من بعد مديتلو التصاور ديال شهر العسل هادو كانو بوحدم ماشي فالالبوم و بقا كيشوف فيهم وحدة بوحدة و الله العظيم الى خدا وقتو و ردملي و انا عاد كنجبد البراوات و الروسيات ديال الفلوس و الاميلات و هداك الفاتورة ديال التلفون ديالو بان نمرتي كتخرج بزاف من التلفون ديالو وانا غادي نقولو تبغي تشوف هادشي و هو قالي اوكي شوفي الفيزا ديالك مكبولة مسكين مكيعرفش ينطق القاف ههههه اوا قالي كلشي هو هداك رجعي نهار التلاتاء مع 3 ديال العشية تاخدي الفيزا ديالك و بقيت كنجمع فداك الوراق لي كنت ناشرالو فوق داك الكونطوار و هزيت هداك الروسي الاحمر و قلتلو دانكيو بزاف و انا كنضحك و قالي مبروك عليك و عيطت جبد ماشيا كنجري كنقول باش مدورلوش الكانا و يولي يعيطلي يقولي اري هداك الروسي و يردلي الباس ههههه اوا قلت لداك البنت لي كانت مورايا الله يوفق ووصيتها متكدبش و متخلعش كلشي ساهل اوا و خرجت عاوتاني كنتقاتل مع هداك الباب و خرجت عند هادوك عطيتهم الرقم و عطاوني السيدي و باركولي و خرجت و لقيتهادوك السكيريتي قالولي امضرا قلتلم خديتها باركولي مساكن اوا ومشيت لقيت ماما و ختي كالسين فواحد القهيوة تما كيعاينوني وصلت قلتلم صافي شديتها و باركولي و هو يجي عندي واحد الراجل سولني على هاديك البنت لي كانت موراي هي مرات ولدو قلتلو راها دبا تكون كدوز واحد 5 دقايق لقيناها خارجا مشينا عندها قالتنا خديتها سلمت عليها انا و شيخها و باركنا شيخها بجوج بينا و قلتلم بسلامة و مشيت عند ماما و ختي للقهوة اوا و بقاو التلفونات هاديك القهوة كلها عرفاتني خديت الفيزا هههه عيطلي بابا قطع عيط خويا عيط راجل ختي عيطات خالتي عيطات سعاد عيطات فاطمة الزهراء القنيطرية المهم داك القهوة كلها باركتلي اوا و عيطت ل اسية و عيطت لهاداك الدري لي كان مع ماماه و مساكن كلشي فرحولي الصراحة لهلا يحرم شي واحد من داك الفرحة و الله يسهل على كاع البنات و هادي هي قصتي مع الفيزا اوا وخليت راجلي هو التالي و هو يعيطلي قلتهالو كان غيطير بالفرحة كيغوت فالخدمة و كيقولم مراتي خدات الفيزا و الله العظيم انا حسابلي خرجلو العقل بالفرحة هههه اوا و صافي هادشي لي كاين انا عاوتلكم بالتفصيل حيت كنموت على التفاصيل و نيت باش يستافدو البنات و الله يسهل عليكم ما صعاب و راني عييت و لكن قلت حتى نسالي القصة و عاد نمشي نرتاح

                  تعليق


                  • #19
                    تجربة نوال الله يسهل امورها انهارالانترفيو

                    جيت نعاود ليكم تجربتي مع الطبيبة خديجة الزيراري
                    غدي نبدا من الاخير ما حست لا ب شوكات لا بسخانة ما دارتني حتى حاجة و لله الحمد
                    الصراحة لله ما عندي ما نزيد على تجارب البنات لي سبقوني كلشي كتبوه و كيفما كتبوه هوما انا عشتو
                    المهم نعاود ليكم حتى انا لا تڭولو ما بغاتش تڭول لينا هههه
                    مشيت الاحد في عشية بت عند لوستي والغد ليه فقنا بكري و وصلني راجلها ،،،،الطبيبة تقريبا حدا القنصلية ما بعادش بزاف دزنا من حداها كانت باقا دنيا خاوية ،،،قلت في خاطري جايا نوبتك مرة الماجية....وصلت عند الباب د الطبيبة مع 7.30 كان غير الكونسيرج و واحد السيد من المختبر هبط و ڭال لينا عير سيرو حتى تفطرو بينما وصلات 8،فطرت و رجعت لقيت جاو بنات آخرين و طلعنا كاملين
                    عطينا الفرملية الپاسپور و 3 تساور و فوطوكوبي ديال باسپور (هادشي تتقولو ليك هي ملي تتخدي الرنديڢو)و رسلاتنا الطابق التاني فين نديرو التحليلة ،،،تتخلصي 200دم و تتسناي نوبتك من بعد تتهبطي تاني و تتعطيك واحد الورقة باش ديري راديو و فيها شيما باش تمشي و لا تاخدي تاكسي ،،،ملي وصلت لقيت البنات لي سبقوني في البيت لي تا يحيدو في داڭسي لي فيه الحديد و لا سنسلة و خلصنا 40د في الاستقبال..و ترجعي حوايجك و تدخلي لواحد باب تا يقول ليك هزي راسك و قطعي النفس و ما تحركيش من بعد قال لينا 11،30 رجعو ،،،انا رجعت مع 10.30 انا و واحد البنت من المحمدية و خدينا راديو ديالنا و رجعنا للطبيبة
                    عطاتنا الفرملية واحد الورقة نديرو ليها كوپي و دخلنا و قالت لينا ويجدو 1115 د
                    ملي دخلنا هنا 3 بينا سولاتنا مجموعين واش حاملات واش تترضعو و قالت لينا ما تحملوش حتى تفوت 3 شهور ،،،،شافت الپاسبور و دڭات ليا 3 شوكات ما حسيتش بهم و جات فرملية عبرات لي الطول والوزن و الشوف ،،،قالو لينا من بعد ساعة جيو تاخدو دوسي ديالكم و داكشي لي كان مع 12.30 خدينا دوسياتنا و سينينا و رجعنا في حالنا
                    انا خديت نيم ديال هاديك البنت لي في المحمديه عندها الاينترڢيو 18 في هاد الشهر نسولها كيف داز داكشي و الله يسهل عل الجميع

                    تعليق


                    • #20
                      عد خدت فيزا ديلي الحمدلة ولى كنتي كتسولي على انترفيو شنو سولتن وخى:
                      قتلي امتى تلقت برجلك بنهار بساعة بشهر امتى رجع دارت لعرس امتى أخر مرة جلمغرب امتى درتي العرس شنو هو نوع طنوبل ديالو ألون ديالها أو لموديل ديالها شحال من ساعة تيخدم رجلك شحال من دقيقة تايدر من لخدمة لدار شحال باش كري او شحال من بيت فديك دار أفن تينعس أسميت دراري لكرين معه او فن خدامين أشمن خدمات خدام رجلك سميت بترون ديل رجلك فكل خدمة شحال من ساعة كتهدري مع رجلك اشنو كتقولو مالي كتلقيه أشمن وسيلة باش كتهدري معه عطينا شي دليل بالي كتهدري معه في مسن وش كيعتلك في تلفون امتى كيعيتلك أنت وش كتعيتلو شحال من مرة كتلقي به في سمانة شحال تيتخلس رجلك في سمانة أهية تقولية رجلك تيخدم بزاف علاش قتلها لهما يخدم ولا ادير شي حاجة ممزينش تم ،قتلي درتي العرس عطينا تصور عتهملهة شفتهم بزربة هادشي كلو نت كتجاوب او هي كتكتب في بيسي ديالها اوكترقب حتى طريقة الجواب ديلك او عينيك فن تيمشيو حيت هما قارين علم نفس تعرفك كدبتي وللا ر تبتي راسك أعرف كل صغيرة او كبيرة على رجلك او مشي كلشi كيسوله هاد أسلة ر إلى غلتي فشي حاجة كيف وقعلي غلط فلاول أسنيت مبدل أفصرحة ر كدخل gechit 7 وله إلى كيطير كلش ر تبت راسكم البنات إلى جاوبت على كلش هو هداك راح متيلقو ميدر أخصوصاً لي date



                      تعليق

                      المتواجدون الآن 1. الأعضاء 0 والزوار 1.

                      أكبر تواجد بالمنتدى كان 2,525, 26-09-2016 الساعة 21:58.

                      يعمل...
                      X