مدرسة السعادة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • مدرسة السعادة

    السلام عليكم و رحمة الله تعالى و بركاته

    كل هذه المشاركات التي سأكتبها لكم في هذه الساحة نقلتها عن أخت في الله عن منتدى آخر ووجدتها فعلا تستحق القراءة لذلك لا تنسوها من الدعاء و جزاكم الله خيرا

    تقول :
    بسم الله الرحمن الرحيم



    السلام عليكم ورحمة الله وبركاته



    وجدت أنه ربما يحكي شخص تجربته ينفع بها غيره، ربما نمر بمحن شديدة لا ندري أن الله حبانا بها لكي ننقل تجربتنا لآخرين...

    لكن الكثيرين لا يتحدثون عن تجاربهم لأسباب عدة والكثيرون غيرهم يعيشون معذبين لعدم معرفتهم أشياء كثيرة في حياتهم ويقعوا بنفس الأخطاء...أشياء صغيرة لو تعلمناها ستصل بنا للسعادة رغماً عنا...

    زماننا به أشياء كثيرة أدت أننا لم نتعلم مثل الأجيال السابقة ...منها انشغال الأسرة ...والحياة السريعة التي نعيشها...

    ومن هنا فكرت أن أنشأ هذه الصفحة فهيا نحكي ما رأيناه من تجارب لنفيد بعضنا ونعلم غيرنا...ولأن وضع تجارب الحياة القاسية كما هي قاسي وربما يعكر السعادة ...ففكرت أن أنقل ما رأيت حولي من مشاهد بشكل كوميدي به بعض الفانتازيا الساخرة...

    ولنجعل نيتنا أن تمتلئ بيوتنا بالسعادة ..فالعدو الرئيسي لصناعة الحياة هو الهم والحزن والاستسلام لهم...ربما لا تكون سعيد لكن إذا أسعدت غيرك ستسعد...ولو بالعدوى...

    أتمنى أن تشاركونا جميعاً في مدرسة السعادة...
    أختكم....ساجدة ....

  • #2
    السعادة صناعة ...وقناعة داخلية ...

    أجمع معظم السعداء أن السعادة تكون شعور داخلي ليس له علاقة بالظروف من حولنا ...
    والسعادة بمعنى الرضا عن النفس والقدرة على الاستمرار في الحياة ...وليس الركون إلى ظرف أو محنة تمر بنا وتوقف الإنسان عندها ...
    **********

    تعليق


    • #3
      مشهد # 1 :
      محمود : أنت طالق، الزوجة : وأنت كمان، الجيران : اخيرا اتطلقوا دول بقالبهم 35 سنة مش عاوزين يتطلقوا بحجة الأولاد، رغم انهم لم يعذبوا إلا ولادهم وانفسهم، وعلى فكرة لو كانوا اتطلقوا ماكناش هنسيبهم في حالهم برده...احنا في الحالتين هنتكلم، واضح أنهم كانوا ماسكين نفسهم السنين دي عشان نظرة المجتمع ليهم بس واحنا المجتمع .
      ( في الحالة دي الزوج والزوجة قادرين على الانفصال والحياة بمفردهم لكن خايفين من نظرة المجتمع والعيلة ولم يؤدي ذلك الا انهم جلبوا التعاسة للاسرة )

      تعليق


      • #4
        مشهد # 2 :
        سلمى : هادي أنت ليه مش بتتكلم معايا وست ساعات بتتفرج على التلفزيون او قاعد عالنت هو أنا مش مراتك يا هادي ؟ لازم تعرف إن كل زوجة بتتضايق من كده حتى ولو ماقلتش.
        هادي : يا سلمى أنا ماقصدش حاجة بس ده ما يوصلش الموضوع إنك تسيبي البيت مرتين...أنا مش فاهم أنتم بتفكروا ازاي ؟ أنت مجنونة يا بنتي ؟
        ( هادي ما يعرفش إن اهتمامه بالاجهزة في المنزل لساعات طويلة يشعر زوجته بالاهمال، وأن من طرق العقاب التي شرعها الاسلام للزوجة الهجر بعدم الحديث معها او اعطاؤها ظهره ومعنى ده انه يعاقبها بدون سبب وبدون ان يعلم هو ).

        تعليق


        • #5
          مشهد # 3 :
          ندى : ماما انا مش رايحة المدرسة تاني، سلمى : ليه يا ندى ؟، ندى : صحابي عايزيني اما اقبل الشتيمة او يقولوا عليا قماصة ولو ضحكت يقولوا مجنونة ولو عيطت يقولوا نكدية والمصيبة مش ساكتين لا وبيروجوا للكلام ده في كل مكان والمصيبة إن الناس بتصدقهم، سلمى : طيب بصي امشي على ايديكي لو عايزة تعجبيهم، ندى حاضر.
          ( هنا يضطر بعض الناس أن يتقبلوا أوضاع لا تعجبهم من أجل القبول الاجتماعي وإلا لفق لهم البعض صفات غير موجودة فيهم

          تعليق


          • #6
            مشهد # 4 :
            مدحت : أنا مش طايق مراتي يا محمود، محمود : ليه كده يا مدحت ؟ ، مدحت : مش عارف صوتها بيعلى كتير ومامتها مفهماها إن دي شطارة منها رغم إن أي راجل بيتضايق من الصوت العالي لمراته، وبعدين ماشية بسياسة العقاب يعني إما انفذ لها كل اللي عاوزاه أو تتقمص وتقعد مبوزة في وشي طول النهار، أو تسمعني كلام غير مباشر مايسرش، هي طبعا مش عارفة إن بعد 7 سنين هتجوز عليها وده هيكون للأسباب دي رغم إني هاكون نسيتها وهي كمان بس كل ده بيتراكم جوا الواحد بدون ما يشعر.
            ( فيه سيدات كتير يسمعون لنصائح تضرهم ولا تفيدهم وينسوا ان فيه حاجات متفق عليها تضايق الزوج ثم يرون أن الطلاق ظلم لهن )

            تعليق


            • #7
              هد # 5 :
              كريم : أنا قررت يا بابا إني أتقدم لسها جارتنا، دي انسانة محترمة وكل الحتة عارفين أخلاقها، الأب : يا كريم لو اتصرفت التصرف ده أنا غضبان عليك ليوم القيامة، يا ابني دي اول جوازة اطلقت والتانية جوزها مات، أنا عارف إن اللي بأقوله لك ده ما يرضيش ربنا، بس احنا مجتمعنا هنا ممنوع وعيب انك تتجوز واحدة زي دي، واحنا هنمشي زي المجتمع ما هو عايز والا هنتعب حتى لو كان بيعارض الدين. العم : وانا كمان يا كريم والعيلة كلها هتقاطعك كمان، كريم : حتى أنت يا عمي أنت مش بتقول إن الصحابة قدوتك طيب بابا مش متدين زيك، العم : لا أنا باتشبه بالصحابة في المظهر بس لكن في الأخلاق والسلوكيات لأ.
              ( معايير خاطئة يسير عليها المجتمع بمختلف فئاته ولو تشبهنا بالصحابة بحق لفلحنا )

              تعليق


              • #8
                مشهد # 6:
                كريم : بصي يا حبيبة أنا عاوز إننا كل فترة نتكلم مع بعض بحيث أعرف اللي بيضايقك وتعرفي اللي بيضايقني، بحيث نسقط كل اللي بيزعلنا والا هيتراكم كل الزعل ده وهيبقى عامل زي جبل كبير صعب نكسره، حبيبة : بس ليلى صحبتي قالت لي ان جوزها مستقصدها وبيدور عاللي بيزعلها عشان يعمله، وأنا خايفة لتعمل زيه !، كريم : لا يا حبيبة أنا بالنسبة لي مش هاعمل زيه وبلاش سوء ظن،وأنا عارف إن جوز ليلى صحبتك شراني شوية بس احنا ندعيلها من النهاردة ان ربنا يهديه لها ، أنت عارفة ان الدعاء هو اللي صلح حالنا ولولاه كان زماننا كل واحد في سكة.
                ( ازاحة المشكلات الصغيرة بين الزوجين تقرب منهم كثيرا، والمحاولة مع الزوج العنيد لا تضر خاصة مع الدعاء )

                تعليق


                • #9
                  مشهد #7:
                  عمر : أنا يا شيخ في مشكلة كبيرة وعاوز استشارتك ؟ شيخ المسجد : خير يا ابني ؟، عمر : أنا مراتي مافيش حاجة الا بتخالفني فيها وبافكر انفصل عنها وصدقني مش باتلكك هي فعلا كده، شيخ المسجد : طيب هاقولك على حل يا عمر، وجربه وهتدعيلي، عمر : ايه هو ؟، شيخ المسجد : خد نية من النهاردة إنك تصبر عليها لوجه الله بس وتعالى لي بعد شهرين وقولي عملت ايه، عمر بعد شهر : ربنا يكرمك يا شيخنا مش هتصدقك اللي حصل، شيخ المسجد : ايه يا ابني ؟، طيب اشركوني في فرحكم والا انتم في النكد بس بتشركوني ! عمر : مراتي اتحولت وبقت انسانة تانية رقيقة اوي ده غير ان ربنا رزقني بوظيفة مرتبها 10 اضعاف اللي فاتت، شيخ المسجد : أنا كنت متاكد ان ده هيحصل ده غير ثوابك في الاخرة، عارف محمد صاحبك، قلت له نفس الكلام بس هو ربنا رزقه بسفرية في احلى مكان في العالم وبمرتب عالي لكن مراتي زي ما هي، لكن بالصبر عليها هياخد ثواب سيدنا ايوب بإذن الله، مش لازم كل حاجة يبقى ثوابها في الدنيا والارزاق متوزعة يعني انت تحب ان مراتك تكون افضل زوجة وابنك يموت مثلا او يعيا، عمر : لأ طبعا ما قدرش، الشيخ : خلاص يبقى ترضى برزق ربنا لان السعادة دي رزق هي كمان.
                  ( أحيانا الصبر على الطرف الآخر يأتي من وراه خير اكثر مما يتخيل الشخص، هذا غير أن جزاء الصبر بغير حساب فما بالكم بالذي يصبر على زوجة أو التي تصبر على زوج )

                  تعليق


                  • #10
                    مشهد # 8:
                    كريم : راضية عني يا حبيبة ؟، حبيبة : سبحان الله أنت ايه اللي غيرك كده، لازم من الحرارة اللي جت لك الأسبوع اللي فات؟ وبعدين السؤال ده مفروض الزوجة اللي تسأله لزوجها ! رغم إني ما باسألهوش بس ده غلط، كريم : لأ مش من الحرارة وبعدين أنا اللي هاسأله لك من هنا ورايح عارفة ليه ؟ ، حبيبة : ليه يا كريم ؟، كريم : عشان أنا حضرت محاضرة قريب في الزواج السعيد وعرفت إني لو أديتك 10% حنان هاخد 90% وعشان أنا محاسب فلقيت إني الكسبان في الآخر، وإن حياتنا كده هتبقى جنة، حبيبة : طيب يا كريم وبعدين أنا من هنا ورايح هاسألك نفس السؤال أنا كمان لأنك كسفتني بكرمك.
                    (قال رسول الله صلى الله عليه وسلم :أيما امرأة ماتت و زوجها عنها راض دخلت الجنة رواه الترمذي)

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X