إعـــــــلان

تقليص
لا يوجد إعلان حتى الآن.

الى كل مغتربة في كندا ياااااااااااريت تجاوبوني

تقليص
هذا الموضوع مغلق.
X
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • الى كل مغتربة في كندا ياااااااااااريت تجاوبوني

    السلام عليكم ورحمة الله وبركاته
    اخواتي
    انا تقدم لخطبتي شاب من كندا ممتاز لكن الاشكال اني مولفة والدياومتعلقة بيهم بزاف
    ودابا كنرجوكم ونطلبكم الى مجاوبوني واش قدرتو تتحملوا فراقكم على واليديكم وازواجكم نساوكم هذ الحر
    وواش التذرة من كندا للمغرب والعكس غالية او رخيصة وفي حدود شحال يعني واش ممكن لمواطن عادي يجي للمغرب مرة في السنة
    وشحال من سنة لمواطن خدام تما تكفيه انه يرجع لبلادو ويدير دويرتو
    او واش الخدمة بالنسبة لمحجبة تما صعيبة او لا
    شكرا بزاف وسمحولي طولت عليكم لكني طامعة في كرم اخلاقكم وطيبة المغربيات
    :o

  • #2
    السلام عليكم ورحمة الله وبركاته
    انا اختي غادي نجاوبك كوني مقبلة على الهجرة لهذا البلد
    بالنسبة الوالدين تاواحد ماتايتحمل فراقهم ولكن اش نعملوا هذه سنة الحياة
    بالنسبة لغربة المفتاح بيدك اختي نتي تشغلي رااسك بامور لي تنسيك شوي والله سبحانه راه تايعين العبد والحمد لله راه وسائل الاتصاال متوفرة
    بالنسبة للتذكرة الرجوع اغلى وهادشي معروف عالمياا la ram راه دايرة لقروون
    -زيارة المغرب في كل سنة تتعلق بالتوفير الا وفرتي راكي تجي لما وفرتي تما بقيتي هههه نتمنى ليك الخير
    بالنسبة للعمل ماتانضنش كاين اشكال بشرط التوفر على دبلومات مع اتقان اللغة
    نتمنى نكون وفقت في الاجابة عليك
    في حفظ الرحمان
    فضيلة

    تعليق


    • #3
      السلام عليكم ورحمة الله وبركاته
      الله يا ختي الله سؤالك جني على الضبرة كيما تنقولو
      اشنو نقول انا لي وحيدة ماما و انشاء الله قربت نلتحق بزوجي لكندا ولكن هدا قدري ولله الحمد و حتى زوجي استحق نكون جنبو و كدلك اهلي انما سنة الحياة والله ايسر الامور للجميع
      اخي صلي صلاة اللا ستخارة وانشاء الله خير

      تعليق


      • #4
        اختي الغالية فضيلة الله يدير ليك لي فيها الخير وييسر ليك كل امورك يا رب ويهون عليك كل ما صعاب .شكرا بزاف الغزالة على ردك وتعاطفك شكرا بزاف
        ختي سمحيليا بغي نسولك تقريبا بشاحا التذكرةسمحيليا بزاف حيت بغيت نحط كلشي قدامي قبل ما نقرر
        شكرا بزاف ويا ربي يعينك ويسر ليك كل امورك يا رب

        اختي الغالية tonarouse الله يا الغزالة مالك جيتك على الدبرة .يكون خير ان شاء الله
        قوليلي كون كان الخوخ يداوي كون داوا راسو ياك ه
        الله يسر ليك الغزالة ويعينك ويدير ليك كل ما هو خير
        شكرا بزاف على ردك الجميل الله لا يخطيك

        تعليق


        • #5
          وعليكم السلام ورحمة الله وبركاته
          العفو اختي هانيا الى ما عاوناش بعضياتنا هنا فدنيا امتا غادي نتعاونوا
          حسب علمي 160.000الف ريال مغربية ماكاين غير لغلا
          واي سؤال اخر انا في الخدمة
          نتمنى ليك توفيق والتيسير .

          تعليق


          • #6
            بارك الله فيك اختي الغالية
            الله اكبر مليون ونصف للواحد غير باش يجي ويمشي. قاصحة بزاف
            الله ينورك الغزالة وينولك ما نويتي وشكرا بزاف عاد على وقوفك معايا ومساعدتك

            تعليق


            • #7
              السلام عليكم اختي رحاب الجنة بغيت غير نقول ليك شوفي ثمن التدكرة مع اير فرونس راها كاتكون رخيصة شوية على لارام

              تعليق


              • #8
                السلام عليكم ورحمة الله وبركاته

                أختي فراق الوالدين سنة الحياة وما منو هروب، وربي لي عالم بحالهم وحالنا ملي فرقناهم، الله يسمح لينا منهم وصافي

                أختي فالصراحة، لي ساكن هنا ما يمكنلوش يمشي كل عام للمغرب وإلا راه غادي يبقى خدام غير على مصاريف السفر: ما بقاتش فالورقة ديال الطيارة، هاديك بعدا باينة، أري لي ما تدي معاك وما تصرفي تماك، خصوصا وأن المغرب غلا بزاف والدولار الكندي ولا حتى المريكاني ولا كيحشم، غير كتصرفي الفلوس كيتمسخو... الله يجعل لينا فيهم البركة وصافي

                بالنسبة لسعر الطيارة فكيختلف على حساب الموسم، أسعار الصيف مرتفعة مقارنة مع البرد: في الصيف كتفوت 1400 دولار ذهاب وإياب، وفالبرد ممكن تلقايها ب1000 دولار أو أقل شوية (الدولار هاد اليامات كيساوي 7 دراهم مغربية وشي فاصلة قليلة ههههه)

                إيوا الخدمة مع الحجاب، الحمد لله ما كاين مشكل، تلقايها تلقايها إن شاء الله، غير أوكان هاد الأزمة راها مأثرة على المحجبات وغيرهم... الله يدير تاويل ديال الخير

                أحبيبتي ماشي بغيت نخلعك، فالصراحة الحياة هنا مزيانة الحمد لله والمستوى جيد والحقوق مضمونة ومازال الكنديين ما فيهمش العنصرية بزاف... ولكن سولتيي وحبيت نجاوبك بأمانة

                تقبلي تحياتي ومتمنياتي لك بالتوفيق

                والله يخر ليك ويختار ليك

                تعليق


                • #9
                  okhti ana kanemchi kol 3am f avril b 820 hta l 900 $
                  kono motafayela okhti kol wahed o dorof dialo hamdolilah hna ma3icha mezyana mathezi hem machi igolik mayekder hta hem imchi l meghrib men li f had leblad m3a ihtiramati
                  ana ghi rajli li khedam o hamdoulilah kan3erfo nseyro omorna o l baraka m3ana










                  تعليق

                  المتواجدون الآن 1. الأعضاء 0 والزوار 1.

                  أكبر تواجد بالمنتدى كان 2,525, 26-09-2016 الساعة 21:58.

                  يعمل...
                  X