محتاجة ماء الورد المقطر*بنات فاس خصوصا*

تقليص
هذا الموضوع مغلق.
X
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • محتاجة ماء الورد المقطر*بنات فاس خصوصا*

    السلام عليكم ورحمة الله وبركاتة


    اخواتى الكريمات و خصوصا الفاسيات
    محتاجة ماء الورد المقطر الطبيعي 100 ب 100 فارجو من كل من تستطيع مساعدتى فى الحصول عليه ان لا تبخل علي
    اكرر اريد ماء الورد المقطر الطبيعي
    و لكن منى كل الشكر


    اللهم ارحم و اغفر لاختي البثول و اسكنها فسيح جناتك
    واغفر لجميع موتى المسلمين

  • #2
    السلام عليكم ورحمة الله وبركاته
    اختي ماء الورد الطبيعي 100/100 لازم تقطريه على يدك اذا كانت عندك القطارة او تكريها اظن كتكرا فالصفارين كيلو راه تبارك الله يعطيك 4 قريعات مزيانين اما فالمحلات فشخصيا لا اثق انه يباع خالص 100/100
    بسم الله الرحمن الرحيم
    قال رسول الله ‏صلى الله عليه وسلم ‏‏{ استحيوا من الله حق الحياء قال قلنا يا رسول الله إنا ‏ ‏نستحيي والحمد لله قال ليس ذاك ولكن ‏ ‏الاستحياء من الله حق الحياء أن تحفظ الرأس وما وعى والبطن وما ‏ ‏حوى ‏ ‏ولتذكر الموت ‏ ‏والبلى ومن أراد الآخرة ترك زينة الدنيا فمن فعل ذلك فقد استحيا من الله حق الحياء}

    ربِّ إنّي قد مَسَّنِيَ الضُّرُّ وَأَنتَ أَرْحَمُ الرَّاحِمِينَ

    [SIZE=7[/SIZE]

    تعليق


    • #3
      الله يجازيك بخير اختي نبع الايمان تورينا بالتفصيل طريقة صنع ماء الورد المقطر

      تعليق


      • #4
        بسم الله و به استعين

        المشاركة الأصلية بواسطة نبع الايمان مشاهدة المشاركة
        السلام عليكم ورحمة الله وبركاته
        اختي ماء الورد الطبيعي 100/100 لازم تقطريه على يدك اذا كانت عندك القطارة او تكريها اظن كتكرا فالصفارين كيلو راه تبارك الله يعطيك 4 قريعات مزيانين اما فالمحلات فشخصيا لا اثق انه يباع خالص 100/100
        شكرا اختى على الاهتمام و الرد الطيب
        انا من كازا و ليس عندى اي فكرة عن تقطير الورد لهذا اطلب من بنات فاس يساعدونى
        اكيد ش اخت كتعرف ش حد ثقة
        و شكرا


        اللهم ارحم و اغفر لاختي البثول و اسكنها فسيح جناتك
        واغفر لجميع موتى المسلمين

        تعليق


        • #5
          بسم الله و به استعين

          المشاركة الأصلية بواسطة الجنة هي الماوى مشاهدة المشاركة
          الله يجازيك بخير اختي نبع الايمان تورينا بالتفصيل طريقة صنع ماء الورد المقطر

          شكرا لمرورك الطيب


          اللهم ارحم و اغفر لاختي البثول و اسكنها فسيح جناتك
          واغفر لجميع موتى المسلمين

          تعليق


          • #6
            حبيبتي نبع الايمان انا والحمد لله كنقطر الورد بيديا وعندي القطارة ديالي ويشهد الله تعالى انه خالص 100 في 100 وكنقطر الزهر والزعتر فليو العطرسة الزعيترة الخزامى وكل الاعشاب بيديا وعلى فكرة اختي نبع الايمان راه يلا بغيت الزهر او الورد الحقيقي على حقه وطريقه راه كيخرج 2 قراعي في الكيلو ديال الراس وقرعة وحدة ديال الرجلين وانا راه كنت بغيت ننزل الموضوع وعندي القطارة ديالي ولكن معرفتش كيفاش ندخل الصور ويلا كاين شي سؤال انا في الخدمة حبيبتي وللاضافة نهار التقطار خاص السيدة تكون نقية وحويجاتها نقيين وتصلي 2 ركعات قبل ومنين تبغي تبدا تبخر بالعود وقبلها بليلة تكون غاسله القراعي صح ما يتمكن وقالباهم يتسقطرو وفي الصباح تبخرهوم بالعود والمسكة وتسدهم بالغططي مزيان باش الريحة متتسربش ومنين دير الزهر او الورد تديرلهم منديل نقي بيبض وتلفهم وتحجبهوم على العين 7 ايام وهي مغطياهم بازار ابيض والنهار الثامنتوضعهم في الشمس يلا كانت حارة وما فيها ريح مدة ثلاثة ايام تزولهم بالليل ووقتاش ما كانت الشمس حارة تخرجهوم وتبرعي ليا بالورد والزهر على حفو وطريقو على فكرة راه الزهر كيولي مولاي اصفر غزال وريحتو كتسكر للاسف مكنعرفش نحط التصاور ومانوريكم كل المراحل ان شاء الله تعالى في وقت الزهر والورد نوريكم مراحل التقطار بالتفصيل الممل حبيباتي

            تعليق


            • #7
              بسم الله و به استعين

              المشاركة الأصلية بواسطة ام الشهيد مروان مشاهدة المشاركة
              حبيبتي نبع الايمان انا والحمد لله كنقطر الورد بيديا وعندي القطارة ديالي ويشهد الله تعالى انه خالص 100 في 100 وكنقطر الزهر والزعتر فليو العطرسة الزعيترة الخزامى وكل الاعشاب بيديا وعلى فكرة اختي نبع الايمان راه يلا بغيت الزهر او الورد الحقيقي على حقه وطريقه راه كيخرج 2 قراعي في الكيلو ديال الراس وقرعة وحدة ديال الرجلين
              رانى ما فهمتش شنو كتقصدى

              وانا راه كنت بغيت ننزل الموضوع وعندي القطارة ديالي ولكن معرفتش كيفاش ندخل الصور ويلا كاين شي سؤال انا في الخدمة حبيبتي وللاضافة نهار التقطار خاص السيدة تكون نقية وحويجاتها نقيين وتصلي 2 ركعات قبل ومنين تبغي تبدا تبخر بالعود وقبلها بليلة تكون غاسله القراعي صح ما يتمكن وقالباهم يتسقطرو وفي الصباح تبخرهوم بالعود والمسكة وتسدهم بالغططي مزيان باش الريحة متتسربش ومنين دير الزهر او الورد تديرلهم منديل نقي بيبض وتلفهم وتحجبهوم على العين 7 ايام وهي مغطياهم بازار ابيض والنهار الثامنتوضعهم في الشمس يلا كانت حارة وما فيها ريح مدة ثلاثة ايام تزولهم بالليل ووقتاش ما كانت الشمس حارة تخرجهوم وتبرعي ليا بالورد والزهر على حفو وطريقو على فكرة راه الزهر كيولي مولاي اصفر غزال وريحتو كتسكر للاسف مكنعرفش نحط التصاور ومانوريكم كل المراحل ان شاء الله تعالى في وقت الزهر والورد نوريكم مراحل التقطار بالتفصيل الممل حبيباتي


              ماشاء الله ماشاء الله
              ايوا هادشى ل بغيت و اكيد مغلقاش ما احسن
              يالا حبيبة قوليلي الثمن ديال 1 لتر مقطر الورد
              1لتر مقطر زهر
              1 لتر مقطر الزعتر
              الى كان الثمن فى المتناول ممكن ناخد اكثر من لتر
              و على شحال ديال الوقت ممكن يوجد

              و شكرا لك على الرد الشافى



              اللهم ارحم و اغفر لاختي البثول و اسكنها فسيح جناتك
              واغفر لجميع موتى المسلمين

              تعليق


              • #8
                حبيبتي بالنسبة لسؤالك الراس ديال الزهر هوالممتاز والرجلين اقل جودة شوية بالنسبة للورد والزهر هدا ماشي وقته وان يالله كنعمل لي يقدني يعني مكنبعوش ولكن يلا بغيتي وبقينا بالحياة العام الماجي نصاوبو ليك كما كنصاوبو لاختي باش تقام بلا زيادة لانني ماشي تاجرة انا غادي نساعدك لوجه الله تعالى اعطيني غير ثمنه باش تقام وللمزيد من التفاصيل ارسلي لي رسالة على الخاص

                تعليق


                • #9
                  مزيان بزاف الله يعطيكم الصحة.
                  أنا كيعجبني نشرب ماء الورد وماء الزهر ومكرهتشي يكونو مقطرين بيدي . ولكن منعرفشي ماين نشري القطارة وكيف غدي نستعملا حيتاش احنايا عندنا الغرسة فأيام الزهر صلة على الرسول كيكونو عامرين مكنعملو بيهم والو غير بعض المرات فأتاي كنعملوهم.
                  ويا اختي ام الشهيد مروان اعلاش كتصلي 2 دركعات وكتبخر........ احنايا دائما مصليين والحمد لله أو هذا شي سر تما.

                  تعليق


                  • #10
                    كتبخري يا الحبيبة في الاول بالشبة والحرمل باش ميتعينش لك ومن بعد كتطلقي العود باش يكون المكان طاهر لانه مكيبغيش العين او القدارة اما بالنسبة للصلاة هدوك الركيعات راهوم بحال يلا كتطلبي من الله تعالى يسخر وكتزيدي تتقربي بهم للمولى عز وجل وهكدا وجدت الوالدة الله يرحمها كتعمل يلا بغينا نقولو طقوس التقطار وبالنسبة للزهر الي عندك موجود كون اعرفتك فين كاينة تصفطيه ليا وانا نقطرو لك ونقسموه لان في مكناس الزهر الحر عندنا غالي وماشي كلشي كيعرف يشريه لانهم كيبيعوه مخلط ويلا مفهمتيش شي حاجة انا على اتم الاستعداد باش نشرح اكثر حبيبة

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X