نداء الى كل مغتربات الجماهيرية الليبية

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • نداء الى كل مغتربات الجماهيرية الليبية

    السلام عليكم ورحمة الله وبركاته.

    الى كل المغتربات بليبيا وخاصة* الأخت أم عامر* التي كانت تحاول الاتصال بي , أعتذر منها كثيرا ومن كل الاخوات , تاكدن اخواتي انه لم يكن تقصيرا عمديا من جهتي فانا أمس فقط قرات رسائلكن عن طريق ردودكن في الموضوع الخاص بالمدرسة الافريقية , لقد كنت اتصفحة في تلك الفترة *اعني الموضوع*لكن لم تكن هناك حتى ظننت انه ليس هناك من مغتربات في ليبيا.

    في الحقيقة لا أعرف هل يحق لي لي ان اترك لكم عنواني الالكتروني او هاتفي حتى يتم الاتصال بي , والتنسيق فيما بيننا في ما يخص مصالحنا في هذا البلد, طبعا هناك دائما الجديد فيما يخص المدرسة , وشراء السكن في المغرب عن طريق السفارة , والاقامة وغيرها مما يخصنا.


    اما بالنسبة للمدرسة الافريقية , فمسالة ان السفارة المغربية ستقوم بالتنسيق مع المدرسة مازالت قائمة وهناك العديد من المغاربة سجلو اطفالهم بهذه المدرسة وحتى الان يمكن التسجيل لمن لم يتسجل بعد* الان هناك عطلة الى يوم:02/11/2009 *

    المدرسة توجد بشارع كركاش وليس بالساحة الخضراء سوف اوافيكم بعنوانها ورقم الهاتف في اقرب فرصة.

    اخواتي لو هناك اي استفسار انا بالخدمة و اتواجد بالمنتدى في اغلب الايام ماعدا الجمعة والسبت.

    وارجو من الا خوات المسؤولات عن هذا القسم ان يفسرن لي كيفية التواصل مع الاخوات وهل يمكنني ترك عنواني البريدي لهن ,لانهن حاولن الاتصال بي عن طريق المنتدى لكنني لم اتوصل بالرسائل , مشكورين على تعاونكن وجزاكم الله كل خير

    والسلام عليكم ورحمة الله وبركاته

  • #2
    العفو أختي فتاة الرباط ،،، وسامحيني على الإزعاج لكن بارك الله فيك كفيتي ووفيتي.
    فعلا كلنا محتاجين نعرفوا كا ما يتعلق بمصالحنا وحياتنا هنا وأهم حاجة مستقبل أولادنا.
    ا:s11353:

    تعليق


    • #3
      العفو اختي ام عامر بالعكس بالفرحات علية نساعد ماتعرفيش احساسي من تلقا شي مغربي او شي مغربية راه بحال الا لقيت اختي ولا خويا , وتنظن هاذ الاحساس تيحس بيه كل واحد في بلاد الغربة ,

      المهم كما ذكرت سابقا مؤخرا اسست جمعية التواصل المغربية وهدفها مساعدة المغربة القاطنين هنا واهم شي تركز عليه هو التعليم, لانه مشكل كبير يورق كل المغاربة

      وقد كان من نتائج الجمعية بالسفارة انها ستدفع رسوم الدراسة بالنسبة للمغاربة المحتاجين فقط , وهنا مفاوضات قائمة بين الجمعية و السفارة على ان يستفيد كل المغاربة , نتمنى ان تكون النتيجة كما نرجوها انشاء الله .

      على العموم بالمقارنة مع المدارس الليبية من ناحية المستوى او الرسوم فالمدرسة الافريقية احسن بكتيرّ: بالنسبة للتسجيل 20 دينار مع التامين و30 دينار شهريا في حين في المدارس الليبية 50 دينار فما فوق
      يبقى المشكل كذلك في المواصلات فهو مشكل كبير كذلك لمن ليس له سيارة انا تنشوف سيارات كبار تيجيو فيهم وليدات ولكن ماعرفت واش نتاع الدرسة ولا لا دابا نسول ونتاكد.

      للاشارة فقط , لمن لديه اولاد هنا ك مرطون تنظمه الجمعية يوم 31/10/2009 فيه نساء ورجال الفائزون الثلاتة يربحون فية تذاكر طائرة ذهابا وايابا الى المغرب. اوا اش باليك يا ام عامر نشاركو ؟ يا اما نربحو يا اما يسكت لينا القلب..

      المهم تشرفت بيك وخلينا علا اتصال.

      تعليق


      • #4
        تشرفت بمعرفتك أختي فتاة الرباط فين كنت غابرة أو بالأحرى فين كنت رايحة ...
        إن شاء الله أختي نقدروا نديروا حل ديال المدارس فعلا أزمة تيعيشوها أغلب المغاربة هنا وللأسف الأغلبية ظروفهم تعبانة.
        أنا نسكن في الزاوية ولكن لو كانت هذه المدرسة مزيانة ماعندي حتى مشكل نحولهم.
        فعلا أثمنتها زوينة ومناسبة وأهم حاجة المستوى التعليمي بصراحة هو اللي قاهرني، لما تنشوف مستوى هنا بالمقارنة مع مستوانا في المغرب تيأنبني ضميري على أولادي.
        لكن تنحاول ما أمكن نقريهم حسب ظروفي .
        وبالنسبة للمارطون والله أختي ما عندي ليه الجهد بارك علي الجري اللي نجري فيه من الدار للخدمة وأولادي مازال صغار على المارطون وراجلي ركبته توجع فيه ههههههه يعني الله غالب .
        ا:s11353:

        تعليق


        • #5
          الشرف لي اختي , انا عارفة هاذ المشاكل لي تيعيشها كل المغاربة نشاء الله السيفارة دير لينا شي حاجة, طبعا مصلحة اولادنا من الاساسيات خاصة في هاذ السن الصغيرة باش يكون مستواهم مزيان,

          راه كاين حتى المدارس التونسية سمعت بيهم لكن حتى هما غاليين والمستو كاين لي تيقول مزيان وكاين لي تيقول العكس, انا واحد صاحبتي لي راجلها مدير الجمعية عيات مسكينة من مدرسة لي مدرسة في الاخير سجلاتهم في المدرسة الافريقة. من السنة لي فاتت , المستوى زوين أنا مرات تنراجع مع ولدها الفرنسية تلقاه شاد وتيقرا الحروف وبدا تيعرف يربط الحروف مع بعظهم ويكون كلمة. بس هو كاين مشكل في النطق , راكي عارفة الافارقة مش بحالنا فعوض *غ* تينطق *ر* l'argent مثلا تيقوليها* لارجا* بالراء. اللغة العربية عندهوم مرة في الاسبوع فقط.

          وانا كنت تكلمت مع رئيس الجمعية اننا نكون قسم خاص في مقر الجمعية يبقاو يجيو في ولاد المغاربة نساعدهوهم في اللغة العربية والفرنسية هو رحب بالفكرةو قالي خاصنا بس متطوعين ,لي يقدرو يقومو بهاذ المهمة ونشاء الله خاصنا هي نتعاونو والكمال لله.
          وانشاء الله فيما يكون شي جديد تيخصنا كاملين راه نخبركم بيه والله يدير شي تا ويل وخلاص.

          وانت ما ديريش في خاطرك , ربي مكتبلك رزقك في هاذ البلاد دري لي عليك والباقي على ربي و في الحقيقة خاصهوم يهتمو بنا شوية الجالية المغربية لي في ليبيا منسيين , لا مدارس لا بنك.... لله يصوب وخلاص.

          ايوا تباقا على خير هاذ الساعة وحنا على اتصال.

          تعليق


          • #6
            لا أختي المدارس التونسية دون المستوى وأنا درست فيها ولدي في الروض مدة 3 شهور فقط الفصل الدراسي فيه 50 تلميذ. لدرجة أن المعلمة لا تعرف لا أسمائهم ولا تتعامل معهم من الأصل. كثرة الهرج والمرج لاغير. (بحال السوق)
            بصراحة لم أتحمل المستوى وكذلك الأطفال تربيتهم صفر، فخفت على ولدي ووقفته بعدما كنت خلصت نصف السنة.
            ومرة ولدي نام في الفصل وهم لا يدرون عنه ولما مشيت قالوا لي أنه غير موجود ولم يره أحد مع العلم أنني أنا سلمت لهم باليد في الصباح.
            والله أختي كنت غنهبل وفي الأخير وجدته نائم مسكين في الفصل ولا يدري على شيء.
            ا:s11353:

            تعليق


            • #7
              صباح الخير الحبيبة نشاء الله تكوني على خير ,
              اوا هاد شي تيخلع , جلسيه في الدار ولا هاد الحالة,
              فرق كبير مع المرسة الافريقية, انا تنوصل معايا واحد البنية بنت صاحبي حتا هي دابا في الروضة عندها 4 سنين , بدات تتكتب A.B.C في اللوحة تبارك الله , تيعطيوهم الرسم, والاناشيد , والالعاب و الابلات ضريفين و الطفل عندو مشكل تتكلمك على المشكل وتتعرف كل طفل باسم متاعو, هاشي شفتو بعيني حيت انا لي تندي البنية كل نهار ,
              والعام لي فات كانت في روضة ليبية كانت ديما تتجي , هاهي مقموشة, شكراتها مبدلة, ضاع ليها كاسها ديال الماء , عرفتي حالة وديما تتبكي.
              المهم لي نقولك عملي وقيت الا قدرتي راني عارفة مع الخدمة شوية القضية صعيبة , تشوفي المدرسة وتسولي على راسك , وكاينين مغاربة تيكون اما في الصباح او مع 1H 30?mn يعطيوك رأيهم ولا بغيتيني نمشي معاك على الراس والعين نعملو موعد ونمشو, انا عندي الخدمة في كركاش والمدرسة في طريقي نعمل معاك في مكان معروف باش منتلفوش ونمشيو.
              دابا راهم عطلة حتى نهار 02/11/2009 عاد يبداو .وهاهي في راسك. شوفي وردي علي الاخبار.

              تعليق


              • #8
                أنا ولدي دابا في الصف الأول والمدرسة زوينة ومرتاحين فيها هو وأخته وتعودوا عليها وإدارتها حتى هي مزيانة ولكن المشكلة دابا اللي عندي أنه تيقرا بوحده حيث مبغيتش نقريه العشية ومضطرة نقريه الصباح لأني معنديش مع من يجلس وكذلك كتعجبني قراية الصبح حتى الدراري كيتعودوا على النشاط والحيوية، ودابا المدير وعدني أنه غيجيب ليه مع من يقرا في الصبح من نهار الأحد وغيجيب ليه آبلة خاصة لحقاش كل مرة كتجي تقريه آبلة وهذا ماشي من مصلحته لكن الغريب في الأمر أنه عاجبه الحال ومرتاح، وكلما نفتح معه موضوع مدرسة جديدة يبدا يبكي.
                دابا أنا غنستنى حتى نهار الأحد ومن بعد نقرر شنو غندير وكذلك المواصلات من الزاوية لطرابلس كتعبوا لأني لما كنت كنجيبوا معي للمدرسة التونسية تعب بزاف وكيرجع في المشي والجي. واضعف بزاف في صحته وهذا اللي خلاني ممترددة.
                فباش تنصحيني يمكن نستفيذ من نصيحتك لأني فعلا محتارة.
                ا:s11353:

                تعليق


                • #9
                  الزاوية بعيدة بصح , لكن دبا نتي قلتي البنية ماشيامزيان في المدرسة والوليد هادي اول سنة ليه , خاليهم في نفس المدرسة وخاصة الولد مازال صغير ومن تتقوليلو ماشي تغيريلو المدرسة تيبكي , والا غيرتي المدرسةيقدر يكره القراية , من الاحسن بقاي على هاذ الوضع ونتي ساعديه في القراية في الدار متعوليش على الابلوات بس.
                  والى كتاب وعجباتك المدرسة الافريقية- انا عادي نزيد نسول المغاربة على المستو ديال وليداتهم واش مرتاحين من جهة المستوى- و ضروري تغيري السكن دخلي بحالك لطرابلس باش حتى نتي ترتاحي مدام خدمتك حتا هي في طرابلس. وبزاف الحوايج تستافدي منهم النقل مثلا وتكوني قريبة لي حتى انا مرات عندك شي مشوار تخليلي الدراري نقابلهوم ليك او تمشي الحمام, او ماعندكش وقت تجيبيهم من المدرسة كاين راجل صاحبتي هو الي تيديني الخدمة تندويو معانا ولاد صاحبتنا وحدا اخرى وتيجيبهوم ومرات تنخرج من الخدمة تنمشي عندها الدار نقابلهم ليها حتى تتجي حيت هي خدامة في السفارة الكورية مرات تتعطل. والامور ماشية شي تيساعد شي , احنا في الغربة بحال الاخوات .

                  تعليق


                  • #10
                    فعلا الدراري ولفو المدرسة وكذلك جابو ليهم آبلة فرنسية وبدات معهم مزيان وعلى الأقل أنا لقيت مقرر كيف نقدر نساعدهم.
                    أكيد أختي متنعول على حد دائما تنراجع معهم وبنتي ماشاء الله مستواها ممتاز ولايمكن تتنازل على الأولى على صعيد المدرسة.
                    عندك الصح أختي في كل اللي قلتيه لكن منقدرش نحول لطرابلس على الأقل في الفترة هذه لعدة اعتبارات أولها أنني ساكنة ببلاش على حساب الخدمة والمواصلات حتى هي على حسابهم،
                    وبارك الله فيك على المساعدات اللي قدمتيها هذا فقط من طيب أصلك
                    ا:s11353:

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X