العيد الكبير في الغربة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • العيد الكبير في الغربة

    • السلام عليكم ورحمة الله وبركاتة
    • اولا عيدكوم مبروك و الله يدخلو على الجميع بالصحة والسلامة
    • الموضوع كيف ما قريتو في العنوان هو العيد وماشي اي عيد عيد الاضحى و في الغربة اي شوية ماشي بحال المغرب
    • المهم كاينين المغتربات بزاف كل واحد وشحال مدة الغربة ديالو منا لي 20عام 10 سنين اقل اكثر ماشي مشكل وفينا شحال من واحد شحال هادا معيد في المغرب نظرا لظروف اما مادية او غيرها
    • لي فقصني وخالاني نكتب الموضوع هو ان بعض الناس هنا الله يستر خرجو عينيها على الفلوس حتا العيد مابقاو بغاو ايعيدو كيشوفو بشحال غادي يشريو الاضحية مكيشوفوش التواب والاجر وقيمتها عند الله
    • اه انا عارفة انها غير سنة ولكن سنة ماكدة كل انسان وباش كيتسعدر ولكن السبب الاساسي هو الفلوس مابغاوش ايخسروها وعندهوم وليدات كاين لي ولادو كيبكيو ليه على الاضحية وكاين اساسا الوليدات لي ماعلرفينهاش اصلا لان ابائهم ماعرفوهمش عليها كيعرفوهم غير على النتالي وعيد الرعب و عيد القيامة اما عيد الاضحى معندهوم ميديرو بيه في نظركوم كيفاش غادي يخرجو هات الوليدات ؟؟
    • ولكن مننساوش اننا مكنتكلموش على الناس لي ماعندهاش الفلوس ومازمة وعلى الناس لي لظروف قاهرة معندهاش فين تدبح او تشوي
    • اوا اشنو بان ليكم
    • موضوع ل النقاش
    • والاختلاف في الراي لا يفسد للود قضية
    • تحياتي

  • #2
    اعواشركم مبروكين
    موضوع اغزال عندك الحق اختي الناس ولو كيفكرو غير في لفلوس اجميع انا كنعرف اشحال تاع الناس مغيعيدوش شي كيقول معندناش فين اندبحو شي كيقول لبغا العيد يمشي للمغرب كل واش كيقول الحصول الله يهدي اكان الى معلمناش اولادنا دينا واعيدنا اشكون لي اعلمها ليهم
    اما الناس لي امازمين الله اكون في اعوانهم ولكن اشرحو لوليداتهم اعلاش





    تعليق


    • #3
      [img3]http://www.anaqamaghribia.com/up//uploads/images/anaqamaghribiab07eb06c84.jpg[/img3]
      [img2]http://www.anaqamaghribia.com/up//uploads/images/anaqamaghribia3133c22218.gif[/img2]

      تعليق


      • #4
        salam alikom mabrouk 3wacharkom bsaraha ga3 dak chi li galtouh kayan hata hna fi chicago kayan bazaf dyal nas kaygolo hna radi nsifto laflous lmaghrib o safi walakin maky3arfoch bi ana wladna khshom ychofo oy3arfol3id o3lach o ychofo ta9alid dyalna bach hata homa min ykabro ytab9oha iwa ri alah yahdi makhla9 osafi o fhad sa3a hna ba9i kansayno nas li matkalfin kay9albo fin n3aido wakha kaykon lbard o sa3tayn dyal tri9 walkin wlidatna kaystanso allah ydakhlo 3lina bi kamil saha o lahna

        تعليق


        • #5
          شكرا لكن اخواتي على المرور
          المشكل فين كاين هما هات الناس الاغلبية منهوم مكيرسلوش الفلوس لشي انسان فقير بل كيرسلوها لويديهوم والى الى رسلوها
          كاين غير لي كيهضر اوصافي اما مرسل والو وانا كنعرف العديد من هات النوع غير التسقريم ومشا بالهوم مع الدنيا
          اما اولادهوم مبقاو كيتكلمو حتى العربية ومبقاو غير يعرفو التقاليد ديالنا لي ربما شافوها غير بالصدفة في المغرب

          ولي كيقهرني وهو كاين واحد النوع من الناس غير البيان الخاوي كيقول ليك لا لا مكنكلوش الحولي
          وفاش كيجيو عندك كيكلو حتا الرجلين والراس والكرشة وكلشي وانا وقعات ليا مع واحد العائلة وقلت ليهم في خاطري ماشي مكتكلوش الحولي مافيكوم ما يخسر فلوس الحولي ولا مكنشربوش المونادا وفاش ايجيو عندك كيشربو القرعا كاملا

          خواتاتي سمحو ليا واقيلا عيقت ولكن والله العظيم الى كاين هات النوع وانا كنعاني منهوم
          وكيطلعو ليا الدم ومكنلقا كيف ندير معاهوم كتجي عيب

          تعليق


          • #6
            iwa mayba9ach fik lhal nti diri dak chi li katchofih fi salihak ila jaw 3andak karmihom lmohim nti khasak thasi biljaw dyal l3id ma3rafti diri fihom nafs hata homa y3aydo o yfarho rashom o wlidathom chati ila jiti thakri mazyan rah radi nafsaytak tamrad o sobhana alah kola wahad o ki kayfakar allah yfaya9na b3youbna oysabarna 3la lrorba

            تعليق


            • #7
              السلام عليكم ورحمة الله تعالى وبركاته
              العيد وما أدراك ما العيد
              فالحقيقة العيد فلغربة بلاش منه
              هنا ماكاينش فين تدبح فقط كيتوصى الجزار ومايوصلك الحولي دالعيد شوف على يومين ولا ثلاثة واشمن عيد هذا؟؟

              أول سنة زوجي جاب العيد واحصلت فيه ماكاين ليمن تعطيه ولا اعلامن تعرض ولا في تشوي واش من عيد هذا ؟؟؟؟

              العام التالي طلبت من زوجي باش يبعث داك الفلوس الي غيشري العيد للمغرب وفعلا صردهم وهناك اشراو العيد وتصدقو منه وأنا ابقيت مرتاحة


              وواحد العيد زوجي نزل المغرب على ثلاث أيام ادبح العيد اديالنا ورجع ابحاله تاني يوم
              واحد العيد آخر نزلت المغرب كان ولدي مزال اصغير عيدت وحسيت بطعم العيد واخا مابقاش ابحال زمان
              والي ابقاو كيصرد زوجي افلوسه يتدبح الخروف ويتصدق منه وشي يتهدى وشي كيبقى لموالين الدار يدوقوه
              وهاد العام راه غيغامر مع صديقه باش يدبحو عند واحد الفلاح الله يحفظ وصافي
              دابا أنا هذا ما جرى معاي ولكن كنقول دابا مع هاد الأزمة والناس لي فالبلاد وماعندهمش اعلاش الإنسان يتكلف ويتسلف باش يعيد؟؟؟
              أي نعم هو سنة مؤكدة ولكن ربي مايبغيش لعباده الضرر أولا؟؟
              دابا ولينا كل عيد نحطو يدنا على قلبنا كل يوم انسمعو جريمة بسبب الكبش أعلاش هاد الشي؟؟؟؟
              ديننا دين يسر واحنا نعسره
              أما بالنسبة للفئة الي ذكرتو ما كيعيدوش راهم اكثار وفالمغرب نيت أنا كنعرف شي ناس كيطلعو لأوروبا وقت العيد يقضيو عطلة إيه قالك العيد فيه تمارة
              وأخرين قالو اللحم طلعات لنا فالراس وزيدون أحنا غير بزوج وحولي كامل بزاف انتساراو احسن
              أي نعم لأن المفهوم ديال العيد مابقاش ولا العيد هو اللحم والشوا والمجامر والشهيوات أما اعلاش كنعيدو مابقاوش الناس مهتمين

              الله يرد بينا لطريق الحق

              وتمنيت لوكانو عندنا مشايخ ابحال الناس كانو يطلبو من الناس باش الي عنده باش يعيد وماعندوش فين وهنا أقصد اهنا فالغربة باش يبعثو بالفلوس للي ماعندو باش يعيد فالبلاد منها غيكون الإنسان تصدق وغيفرح أسرة باكمالها وربي غيتقبل منهم بزوج ولكن للأسف مجرد أمنية

















              ياما كان فيها ممالك .. إلاوجهه كله هالك

              من ترابها ولترابها .. من وكان في الدنيا مالك
              مين وكان في الدنيا ملكه .. إلا جاله يوم وهلكه
              مهما نوره طال ظهوره .. جاي ليل ع الدنيا حالك

              جاي ليل ع الدنيا ضلمة .. ياما ناس في الدنيا ظالمة
              في المظالم كل ظالم .. جايله ليل أسود وحالك
              ياما كان فيها وياما .. من هنا ليوم القيامة
              الممالك والمهالك .. مالي يا دنيا ومالك











              شكرا غاليتي أمنار


              حملة الدعاء لاخواننا السوريون يوم الجمعة هلمي اختي


              ،أستحلفكن بالله..الدعاء ثم الدعاء ثم الدعاء لاخواننا في سوريا.







              تعليق


              • #8
                المشاركة الأصلية بواسطة asmaajasmine مشاهدة المشاركة
                iwa mayba9ach fik lhal nti diri dak chi li katchofih fi salihak ila jaw 3andak karmihom lmohim nti khasak thasi biljaw dyal l3id ma3rafti diri fihom nafs hata homa y3aydo o yfarho rashom o wlidathom chati ila jiti thakri mazyan rah radi nafsaytak tamrad o sobhana alah kola wahad o ki kayfakar allah yfaya9na b3youbna oysabarna 3la lrorba
                عندك الحق يا اختي
                الله يلطف

                تعليق


                • #9
                  المشاركة الأصلية بواسطة يارا2000 مشاهدة المشاركة
                  السلام عليكم ورحمة الله تعالى وبركاته
                  العيد وما أدراك ما العيد
                  فالحقيقة العيد فلغربة بلاش منه احتي دابا الناس ولات اغلبيتها هنا كاين لي عندو امه وباه ومعظم العائلة ديالو
                  هنا ماكاينش فين تدبح على حسب المناطق كاي فقط كيتوصى الجزار ومايوصلك الحولي دالعيد شوف على يومين ولا ثلاثة واشمن عيد هذا؟؟

                  أول سنة زوجي جاب العيد واحصلت فيه ماكاين ليمن تعطيه ولا اعلامن تعرض ولا في تشوي واش من عيد هذا ؟؟؟؟حتا انا العيد الاول جرا ليا نفس المشكل

                  العام التالي طلبت من زوجي باش يبعث داك الفلوس الي غيشري العيد للمغرب وفعلا صردهم وهناك اشراو العيد وتصدقو منه وأنا ابقيت مرتاحة


                  وواحد العيد زوجي نزل المغرب على ثلاث أيام ادبح العيد اديالنا ورجع ابحاله تاني يوم
                  واحد العيد آخر نزلت المغرب كان ولدي مزال اصغير عيدت وحسيت بطعم العيد واخا مابقاش ابحال زمان متافقة معاك 100 في 100 العيد مابقاش كيف زمان
                  والي ابقاو كيصرد زوجي افلوسه يتدبح الخروف ويتصدق منه وشي يتهدى وشي كيبقى لموالين الدار يدوقوه
                  وهاد العام راه غيغامر مع صديقه باش يدبحو عند واحد الفلاح الله يحفظ وصافي الله يدير تاويل ديال الخير
                  دابا أنا هذا ما جرى معاي ولكن كنقول دابا مع هاد الأزمة والناس لي فالبلاد وماعندهمش اعلاش الإنسان يتكلف ويتسلف باش يعيد؟؟؟
                  أي نعم هو سنة مؤكدة ولكن ربي مايبغيش لعباده الضرر أولا؟؟
                  دابا ولينا كل عيد نحطو يدنا على قلبنا كل يوم انسمعو جريمة بسبب الكبش أعلاش هاد الشي؟؟؟؟
                  ديننا دين يسر واحنا نعسره
                  أما بالنسبة للفئة الي ذكرتو ما كيعيدوش راهم اكثار وفالمغرب نيت أنا كنعرف شي ناس كيطلعو لأوروبا وقت العيد يقضيو عطلة إيه قالك العيد فيه تمارة
                  وأخرين قالو اللحم طلعات لنا فالراس وزيدون أحنا غير بزوج وحولي كامل بزاف انتساراو احسن
                  أي نعم لأن المفهوم ديال العيد مابقاش ولا العيد هو اللحم والشوا والمجامر والشهيوات أما اعلاش كنعيدو مابقاوش الناس مهتمين

                  الله يرد بينا لطريق الحق

                  وتمنيت لوكانو عندنا مشايخ ابحال الناس كانو يطلبو من الناس باش الي عنده باش يعيد وماعندوش فين وهنا أقصد اهنا فالغربة باش يبعثو بالفلوس للي ماعندو باش يعيد فالبلاد منها غيكون الإنسان تصدق وغيفرح أسرة باكمالها وربي غيتقبل منهم بزوج ولكن للأسف مجرد أمنية
                  يا ريت يا اختي

                  تعليق


                  • #10
                    السلام عليكم ورحمة الله وبركاته
                    بسوومة شكراً على الموضوع حبيبتي بالفعل هو موضوع لنقاش
                    الصراحة حتى حنا في هاد المدينة ماشي كلشي تيعيد لن كل واحد وضروفو عن نفسي هادي 3 سنوات أنا تنعيد وكل عام نفس المشكل يلا لقيتي الكبش ما تلقيش فين دبحيه ولكن الحمد الله ربي تيسرها من عندو وما تنبقاوش بلاش هههه أنا أعاتب على الاسر لي ميسوورة وعندها وليدات وما تترعفهمش على العادات والتقاليد ديالنا وهادي هي أهم حاجة خصنا نركزو عليها أنا عندي صديقة نهار العيد الصغير متلاً تتسيفط بنتها لمدرسة وترجع تنعس حتى نص النهار ماشي عيب!! عيت فيها تبقى تجي للمسجد تصلي وتجيب بنتها معها بش تعرف العيد ديالنا وشنو هو العيد !!!! ولكن ولو لا حياة لمن تنادي !!!!!! وتضحك عليا أنا تتقولي أنا تنزيد فيه وش باقي شي حد تيدير بحالي وغير ضياع صحة والفلوس حيت تنعمل شوية ديال الحلوة ونخمل داري ولبس البلدي ..... تنطبق دكشي لي كبرنا عليه !!!!!!! وش هدى عيب !!!!!!!!!!!!
                    رجع ونقول الناس معادن !! الله يهدي ما خلق





                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X