اخواتي مللت كلام الناس وسئمت البيت

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • اخواتي مللت كلام الناس وسئمت البيت

    سلام عليكم
    هادشي لغادي نكتب لكم مشي مشكلة لتستاهل أو أصلاً مشي مهكل من أسس
    أنا هاد لعام خدت دبلوم ديلي والحمد لله كنت من أوائل خديتو بتفوق وكنت ديمة تنحلم بشي خدمة مزينة باش نحقق داتي او كان حتى راجلي تيشركني هاد لحلم او موفقني على كلشي
    هاد صيف درنا لعرس او هو مشى لبرة بش يدفع لي وراقي او نلتحق به نشاء الله أنا بقيت فدار لملل وهدرت ناس كترت وأنا مبقتش قادة نتحمل بعد راجلي عليا
    قلت نقلب على خدمة باش نتلاهى او فنفس لوقت نحقق لحلم ديالي دعيت لله يسهل عليا او قمت بلازم او فعلاً الحمدلله لله جاب ليا خدمة مكنتش نحلم بها ف شركة كبيرة أمعروفة او راتب شهري صحيح كيفما تنقولو والحمد لله
    فش جيت بغيت نفرحو صدمني قاليا لا متخدميش بحجة أن رجال فالخدمة غادي يدورو بيا ولا توقع ليا شي فضيحة اديك ساعة أنا نحماق ولا نشد طيارة نرتكب جريمة فحق شي حد ليتعدى عليك
    أنا بطبيعة لحال قلت ليه مايكون غير خاطرك حيت لمرا خصها طيع رجلها
    ولكن خلاني بدموعي او تفقست بزاف
    ازاد قليا بغيتي عائلتك تقول هدا مقدش بها مخرجها تخدم، أنا قد بيك انفوتها لهيه
    أنا ديمة فدار مخسني نخرج منشوف سحابتي مندير والو حيت خايف لا فلان يديني ليه ولا فلان يتبسل عليا ف زنقة عييت من دار او كون غير كان حداية وخى ولكن أنا هنا بوحدي بغيت غير نخدم باش نسي بعدو عليا حيت مخلي واحد الفراغ كبير فحياتي أمبقيتش قادة نصبر كتر من هادشي
    الحمدلله حنا ميسورين ولكن أنا مبغيتش نخدم علا ود لفلوس ولكن باش منديعش هاد سنين لقريتها او باش نفرح والدية احتى أنا نحقق لحلم ديالي انني نكون فرتبة لأنا بغاها خصوصن أنا لخدمة ديالي من صغري وأنا تنمارسها لأنها هواية ديالي المفضلة
    سمحو طولت عليكم ولكن أنا بغيت غير نفش قلبي او نبرد شوية أنتم للقيتكم هاد ساعة قدامي.

  • #2
    ختي نفس لي وقع لي و بحالا كاتعاودي على راسي
    حتى أنا كنت بغيت نخدم و راجلي رفض سبحان الله نفس الكلام
    غير أنا فاش زايدا عليك أن دارنا دخلوا و قالوا له غير خليها تخدم
    و خدمت و الكلام لي قال لي جرا
    الاحتكاك بالناس خلا كل شي يطمع في
    و خلاص ملي كايعرفوا الرجل بعيد

    ندمت و خرجت من الخدمة
    يعني ختي صبري دبا تيسر الأمور و تلتاحقي براجلك و ما يكون غير الخير
    وسمعي كلامه ماشي و نتي كاعية لأ ونتي راضية لأن فعلا هاداكشي لي قالك كايطرا

    و ما يهمكش في كلام الناس راه لي عطاه ربي الفم كايتكلم به و صافي







    كل من تقرأ توقيعي تدعيلي بالدرية الصالحة تؤنس وحشتي و تقر بها عيني



    إنما العلم بالتعلم و إنما الحلم بالتحلم
    و من يتحر الخير يعطه و من يتق الشر يوقه

    تعليق


    • #3
      السلام عليكم ورحمة الله وبركاته
      عذرا اختي ولكني لست متفقة معك بتاتا كان من المفروض اول ما فكرتي فالخروج للعمل ان تستشيري مع زوجك اولا فاذا رضي فنعم واذا رفض فطبعا تطيعيه وليس ان تقومي بما اردت ومن بعد عاد تخبريه ومادام باغيك تبقاي فالدار فهو باغي يحافظ عليك ويصونك ما فهمتش علاش دائما لما كيحب الزوج يصون زوجته في البيت ويريحها يتهم بانه متسلط ومتحكم وكيحرم زوجته من تحقيق ذاتها ....
      وكل ما قاله لك فهو نابع من غيرته عليك وهكذا نخوة الرجال تكون هذا راه امر ايجابي لازمك تفتخري به ما شي تشكاي منو
      مادمت غير محتاجة ماديا فلم الجري وراء رغبة لا طائل منها سوى احلام او لاقل وعذرا على الكلمة نزغات شيطان
      عذرا اختي على لهجتي الجافة لكني رايتك تتذمرين من اشياء لا محل لها في خانة المشاكل الا في ذهنك فقط
      افتخري بغيرة زوجك ورغبته في صونك وقري في بيت اهلك حتى يحين وقت التحاقك به ان شاء الله قريبا والله يجمع بينكما على خير
      بسم الله الرحمن الرحيم
      قال رسول الله ‏صلى الله عليه وسلم ‏‏{ استحيوا من الله حق الحياء قال قلنا يا رسول الله إنا ‏ ‏نستحيي والحمد لله قال ليس ذاك ولكن ‏ ‏الاستحياء من الله حق الحياء أن تحفظ الرأس وما وعى والبطن وما ‏ ‏حوى ‏ ‏ولتذكر الموت ‏ ‏والبلى ومن أراد الآخرة ترك زينة الدنيا فمن فعل ذلك فقد استحيا من الله حق الحياء}

      ربِّ إنّي قد مَسَّنِيَ الضُّرُّ وَأَنتَ أَرْحَمُ الرَّاحِمِينَ

      [SIZE=7[/SIZE]

      تعليق


      • #4
        بسم الله الرحمن الرحيم

        أهلا بك أختي في منتدانا ،وأهلا بفضفضتك
        فعلا البيت يقلق المرأة النشيطة التي تود أن تسعد غيرها
        فالعمل له إيجابيات كثيرة كما ذكرت لكن للضرورة أحكام ،فبما أن زوجك غير راض على عملك وبما أن العمل غير امن في غيبة زوجك عنك ،فطاعة زوجك مقدمة على كل شيء
        لكن بأمكانك أن تبحثي عن أعمال أخرى داخل البيت ـأظن لو بحثت جيدا ستجدين
        أنصحك أن تقرأي جيدا في كل ما يمكن أن يصادفك في الحياة ،بدءا من دينك إلى الأمومة ورعاية البيت من كل المستلزمات ،في الخياطة والطرز.اقراي فالقرائة كنز ينفعك وقد ينفع أولادك أيضا وزوجك
        فأنا الان أتمنى أن أجد وقتا لأتعلم اللغة الفلانية أو أقرأ الكتاب الفلاني
        فمهم جدا أن تسعدي غيرك بعلمك ،فالعلم كنز لا يفنى ولديك الفرصة الان متاحة لذلك فاستغليها








        تعليق


        • #5
          اختي العزيزة انا عندي دبلوم ماستيير فادارة الاعمال
          و راجلي حالف عليا مانخدم
          واخا بابا هدر معاه راجلي مابغاش نخدم
          صراحة و اخا راجلي حدايا و لكن ملي كيكون فخدمتو راني تنحس بالقنط و الملل.

          تعليق


          • #6
            السلام عليكم غاليتي

            فما قلنه الاخوات كاف
            فقط اضافة بسيطة
            اختي اتمنى ان اتزوج رجلا بصونني و يغار علي و لا اضطر للعمل

            فخير مكان لك اختي هو بيتك

            بعيدا عن الشارع و ما ياتي منه

            ونتمنى تتقبلي هده الكلمات يصدر رحب

            في رعاية الله

            تعليق


            • #7
              فرغي قلبك يا اختي احنا اخواتك و نريدولك الخير
              يا اختي اصبري و انشاء ربي يسهل و تلتحقي براجلك و راجلك خايف عليك عندو الف حق هي القعدة في الدار تملل لكن حاولي تمارسي شي هواية لحد ما يفرج ربي وتلتحقي به

              تعليق


              • #8
                فعلا أختي هدرتك شوية كانت قاصحة
                ولكن شكراً على رد ( الأخت نبع الإيمان)
                أنا أختي ماشي درت شي حاجة من راسي
                كان ديمة تيشجعني او هو لي زعمني أما بنسبة للخدمة فمشي خرجت قلبت عليها فزنقة
                لحمد لله لله جابهة حتى لبين يديا
                او قبل مندير أي خطوة تاصلت بيه او خبرة وكيفما قلت أنا تناقشت معاه
                او ملي مبغاش قلت ليه مايكون غير خاطرك
                هو مبغانيش نخدم فالمغرب حيت كيفما تيقول ناس متيحترموش
                أما هو يسمح ليا نشالله نخدم فالبلد لساكن فيها حيت ناس محترمين
                أما بنسبة لنزعت شيطان لا أختي هدي مشي نزعات شيطان
                هادة حلم كنت بغى نحققو او راجلي كان متافق معايا عليه
                معرفتش علاش تتعتبرو لخدمة ديال لمرا إيهانة لها
                مدام هي محترمة راسها او تدير خدمتها
                أنا أصلاً كنت بغى نخدم غير هاد شهور لباقي ليا او كنت ناوية إلى مشيت عندو نقابلو غير هو او نخصص وقتي لراجلي أو على لأقل حتى نولد او نجلس
                أنا الحمدلله تنسمع لراجلي او تنرضيه ولكن راحنا بشر ضروري مايبقى فيا لحال متفقين معايا البنات ولا لا؟ لا طالما لا أغضبه ومتنديرش شي حاجة لتغضب الله . والحمدلله على كل حال

                تعليق


                • #9
                  balsam أختي بركة لله فيك لواحد تتفرهي فش تيتمنك ماشي فش يلومك
                  أف حاجة لمتستهلش لمن
                  شكراً أخت

                  تعليق


                  • #10
                    11-25-2009, 01:06 PM #4 أم سارة
                    11-25-2009, 01:06 PM #4 أم سارة
                    أم ساره
                    شكراً لكي على نصائح ديالك
                    أختي أنا والحمدلله ممخلية حتى حاجة إلى ودرتها وهادشي من صغري
                    أي حاجة تخص دار تعلمتها من صباغة على توب ولغة لنحتاجها و أي حاجة تخطر لك أختي على بالك
                    ولحمد لله كان لفضل الولدية
                    ينعي أي حاجة فكرة نديرها تنلقى راسي تعلمتها وأنا صغيرة
                    يعني لجلوس فدار بلا فايدة وهدرت ناس لكل ساعة يجو يقلو ليك حاجة هدشي علاش كنت بغى نخرج نسي وقت او ندير لحاجة لتنبغيهة

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X