إعـــــــلان

تقليص
لا يوجد إعلان حتى الآن.

أول مشاركة ديالي تخربيقة من إيدي

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • أول مشاركة ديالي تخربيقة من إيدي

    السلام عليكم ورحمة الله وبركاتة


    أول مشاركة غادي ندير فهاد القسم

    أو المشاركة ديالي تخريبيقة من إيدي


    هاتوما شوفو أش درت بقرعة د جافيل ويلا عجباتكم نوريكم الطريقة
    أما إلا ماعجباتكم غادي [IMG]http://www.****************/vb/images/smilies/angry.gif[/IMG]

    ههههههههه







    يا الله عطيوني رأيكم
    باش نعطيكم الطريقة

    يا الله على بركة الله

    أولا الأدوات للي غادي نحتاجو


    قرعة د جافيل+ كابل د دو + كواية+ بولة صغيرة حمرا+ لاندوي+مقص وموس


    كوردون حمر+القطان حمر+قطعة د التيو

    -------------------------------------------

    أول حاجة غاديو نقومو بيها هي نقطعو القرعة على 2 بحال هاد الشكل



    ثم ناخدو النصف تحتاني أو نرسمو فيه خطوط باش نقصوهم

    تايجيو على هاد الشكل


    أو تانقصو الجناب باش يوليو مدورين بحال هاككا


    يتبع

    من بعد تانتقبو الجوانب بالكواية بحال هاكا


    للي تايعطينا في الأخير هاد الشكل


    أو تاندورو دوك التقابي بالكروشي بحال هاكا


    ملي نسالوه كولو
    نمشيو لتيو ،نلسقو عليه القيطان من بعد مادهناه بالكولا.
    تايعطينا هاد الشكل

    أو كيما تاتلاحظو راني درت تقابي
    4 فالفوق باش نلصقو فيها من بعد الغطاء
    أو وحدة فالتحت باش ندوز منها السلك د ضو


    المهم الشكل تايجينا بحال هاكا من بعد ما لصقت التيو مع ديك التويشية



    يتبع

    من بعد نمشيو الراس دالقرعة

    نقطعولو ديك السدادة، أو نتقبوه من التحت بالكواية بحال هاكا


    من بعد ندوروه بالكروشي

    من بعد ندخلو لاندوي فالراس أو دوك الخيوط للي خرجو من التيو نركبوهم فالاندوي أو نركبو المصباح
    على هاد الشكل


    أو تانلصقوها ب سليكات بحال هاكا


    أو من بعد نديرو الفينيسيون بالكروشي.


    أو للي تاتعرف مزيان للكروشي راها عادي تزيد تتفنن.

    فالأخير غادي نحصل على الأباجورة ديالي للي هي على هاد الشكل


    نتمنى يكون عجبكم العمل ديالي

    بالنسبة للبولة واش غادي تحرق الميكة
    راها بولة صغيرة أو ماتاتسخنش بزاف.أو للأمان راه هاد العمل غير لزواق.

  • #2
    تبارك الله عليك و على تخربيقتك
    مني هدي غير تخربيقة كيدايرة المزيانة
    الله يعطيك الصحة
    قرعة جافيل درتي منها اباجورة
    حتى حاجة متلاح
    اكيد الاخوات يبغيو يشوفو الطريقة
    بارك الله فيك على اشراكك لنا في عملك
    [frame="2 98"]
    اللهم اغفر لوالدتي وارحمها واعف عنها
    واكرم نزلها ووسَع مُدخلهاا واغسلها بالماء والثلجِ والبْردِ
    ونَقّهِا من الذنوب كما ينقى الثوب الابيض من الدنس،
    وارحمنا إذا صرنا إلى ما صارت إليه وجازها بالحسنات إحسانا
    وبالسيئات عفوا وغفرانا وافتح أبواب السماء لروحها برحمتك
    يا أرحم الراحمين.
    [/frame]


    تعليق


    • #3
      تبارك الله عليك اختي,هادي تخريقة!!!!?? راه هاذي تحفة فنية ههه
      ما شاء الله عليك








      سَهِرَتْ أعْينًٌ ونامت عيونفي أمور تكون أو لا تكون
      فَادْرَأِ الهمَّ ما استطعتَ عن النفس
      فحِمْلانُك الهمومَ جنون
      إن رَباًّ كفاك بالأمس ما كانسيكفيك في غد ما يكون





      تعليق


      • #4
        شكرا لكم ألبنات

        تعليق


        • #5
          الله يعطيك الصحة.
          ماشي تخربيقة لان كلمانديروه بايدينا تيفرح ليه قلبنا.
          ممكن تتمة.

          استودعكن الله الذي لا تضيع ودائعه
          ام نسرين واخواتها اللهم اجمعنا في ظلك يوم لا ظل الا ظلك
          امة الستير طهورا حبيبتي

          تعليق


          • #6
            أختي أم الصالحين
            راني ساليتو
            بالحق إلى ما فهتيش شي مرحلة راني نشرحها ليك

            تعليق


            • #7
              [align=center]
              الله يعطيك الصحة هذه غير تخربيقة اما الصح مااعرفش كغيكون خمسة وخميس عليك الا كان عندك شيء اخر افيدينا
              [/align]

              تعليق


              • #8
                شكرا لك أختي سلمات على التشجيع
                أو راني فوقما ندير شي عمل نزلو هنا نشاء الله.

                تعليق


                • #9
                  الله يعطيك الصحة ابجورة غزالة من يديك

                  معندي منسالك الزين

                  مشكووووووووووووووووورة على الطريقة

                  :oهوى الروح :o
                  :o

                  تعليق


                  • #10
                    السلام عليكم ورحمةالله وبركاته
                    تبارررك الله عليك إبداع جميل بزاف، شكرا لك أختي على مشاكتنا هاد العمل.
                    حتى حاجة ماضيعش هاد هو رُسِكْلاس ديال الصح^^

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X