إعـــــــلان

تقليص
لا يوجد إعلان حتى الآن.

تحويل سروال الجنز

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • تحويل سروال الجنز

    إزاي تحولي بنطلونك الجينز القديم لجيب؟!</STRONG>
    أكيد طبعا عندك في البيت بنطلون جينز قديم رجليه دابت وأكيد أنت مش بتفكري تلبسيه طيب إيه رأيك لما تستفيدي منه وتحوليه لجيب حلوة طبعا مش مصدقة كلامي وعمالة تقولي بينك وبين نفسك معقول الكلام ده!!!
    آه طبعا معقول جدًّا وممكن أنك تعملي كده بمنتهى السهولة وحالا هنقولك ازاي..
    كل اللي هتحتاجيه
    1. بنطلون جينز قديم.
    2. مقص.
    3. خيط لونه مناسب للون الخيط الموجود في البنطلون.
    الخطوات
    الخطوة الاولى

    هاتي البنطلون وافرديه على سطح حاجة مستقيمة زي مكتب مثلا أو تربيزة أو على الارض.

    الخطوة التانية
    هاتي المقص وابدئي في قص رجل البنطلون بطول الجيب اللي إنتي عايزاه وخلي بالك إنك تسيبي مساحة زيادة شوية علشان لما تيجي تتني الجيب هتقصر معاكي شوية.

    الخطوة الثالثة
    ابدئي في فك الخياطة لحد السوستة.

    الخطوة الرابعة
    هاتي قماش من اللي أنت قصتيه وحطيه في نص الجيب من الأمام والخلف وده علشان تخيطيه وعلى فكرة ممكن إنك تشتري قماش تاني بس يكون لونه مناسب للون البنطلون وابدئي في خياطة القماش من الأمام والخلف.

    الخطوة الخامسة
    اتني الجيب من الأسفل عشان كله يبقى طول واحد، و بكده بقى عندك جيب جاهز إنت اللي عاملاها بنفسك وعلى فكرة الجيب دي ممكن إنك تلبسيها في البيت مع بادي أو تي شيرت.

    ودلوقتي هنشوف كمان إزاي تحولي البنطلون لجيب طويلة ممكن إنك تلبسيها في الخروج..
    كل اللي هتحتاجيه
    1. بنطلون جينز قديم.
    2. مقص.
    3. خيط لونه مناسب للون الخيط الموجود في البنطلون.
    4. متر قماش ملون أو قماش من نفس لون البنطلون.
    الخطوات
    الخطوة الأولى
    هاتي النبطلون وافتحيه من الأمام والخلف زي ما موجود بالشكل ده كده.

    الخطوة الثانية
    هاتي القماش وخيطيه في البنطلون من الخلف وبعد كده من الأمام بس خدي بالك إنك تحطي قماش كفاية على أدّ مقاسك.

    الخطوة الثالثة
    اتني القماش من تحت بحيث يكون كله طول واحد وبكده بقي عندك جيب جميلة من صنع إيديكي.

  • #2
    فكرة رائعة ..مع كثرة سراويل الجينز التي لا تستعمل بالخزانة..والله ايلا واعرة بعدا مايبقاوش معرمين شادين البلاصة ومكيتلبسوش...مشكورة

    تعليق


    • #3
      بارك الله فيك طبعا فكرة تستحق التطبيق ,......................
      [

      ادخل صورة توقيع

      تعليق

      المتواجدون الآن 1. الأعضاء 0 والزوار 1.

      أكبر تواجد بالمنتدى كان 2,525, 26-09-2016 الساعة 21:58.

      يعمل...
      X