صايبي لعاب وليداتك بادياتك(بالصور)

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • صايبي لعاب وليداتك بادياتك(بالصور)

    السلام عليكم ورحمة الله تعالى وبركاته

    اليوم جبت ليكم واحد الفكره ساهله وهي كيفاش تديري فراشه

    الادوات :

    - قرعه ديال البلاستيك ( ديال المونادا )
    - مقص
    - بلاستيكه
    - صباغه (اللون اللي بغيتي)
    - خشبه
    - بنيس (دبابيس)
    - رشمه ( ديري الرشمه اللي بغيتي انا ختاريت فراشه)
    الطريقه: (بالصور)

    1- غادي تشدي القرعه ديال البلاستيك تقطعيها كيما فالصورره




    2- لصقي الرشمه على البلاستيكه




    3- صرحي البلاستيكه اللي فيها الرشمه على الخشبه







    4- قطعي البلاستيكه على حد الرشمه



    5- ثبتيها على الخشبه بالبينيس




    6- من بعد حددي الرشمه بالصباغه فوق البلاستيك (اللون اللي بغيتي)



    7- من بعد خليها حتى تكرم مزيان (حتى تجف )




    8- ودابه لوني الفراشه من الداخل بالوان مختلفه وخليها تيبس 24 ساعه




    9- من بعد مايبسات الفراشه مزيان حيدي الدبابيس وقطعي الفراشه بالمقص











    10- وهذا هو الشكل النهائي




    ملحوظه : يمكن ليك تسخني مسمار باش تقبي بيها الفراشه وتشديها بخيط وتعلقيها فيما حبيتي


    #3d0d3a


    وهذه طريقه باش تصايبي سمكه

    الادوات :
    - مقص
    - قرعه ديال البلاستيك
    - قلم ملون
    - صباغه
    - لصاق
    - شمعه
    - رشمه

    الطريقه : (بالصور )

    -1- تتشدي الشمعه وتحاولي تدوبي بيها فم القرعه





    -2-او هاد الولاعه الا كانت عندك



    -3- ومن بعد ستعملي اي اله حاده باش توسعي بيها فم السمكه




    -4- دابا تنحطو الرشمه اللي بغينا نديروها ونرسموها فوق القرعه




    -5- ثم نقطعو الرشمه




    -6- وملي تقطعيها لونيها على حسب ذوقك



    -7- ونداك تنساي عين السمكه قطعي 2 دوائر وحده كبيره وحده اصغر منها غير الاكبر خصها تكون بلون ابيض واللي لفوق تتختاري اللون اللي بغيتي انا لونتها بالاسود



    -8- وملي نسالي نشد اطراف ديال السمكه ونجمعها ونلصقها




    -9- وهاهو الشكل ديال السمكه النهائي




    وهذه سلات للنياتنا راها ساهله

    الادوات :

    - ورق
    - مسطره
    - خرام ( الا ماعندكش ستعملي بره مردومه في تقبي بيها)
    - مقص
    - ابره
    -خيط وابره (ابره عاديه)

    الطريقه (بالصور )

    اولا : تنرسم الشكل اللي حبيتي وتتخرميه او ثقبيه من ثلات جوانب اليمنى واليسرى والسفلى الفوقانيه تخليها





    ثانيا : ومن بعد نخيط الاطراف بالابره والخيط كيما فالصوره



    وهالنتيجه




    اما دابا غادي نوريكم كيفاش تصوبو فراشه غير من الاسلاك وليبات (جوارب شفافه )

    تنعرفو حنا المغاربه تتلببسي ليبا وتتسرب فنهارها دابه غادي تستعمليها فصنع لعبه لبنيتك

    الادوات:

    - ليبات (جوارب شفافه)
    - حبل
    - اسلاك

    الطريقة:(الصور توضح )

    اولا : تتشدي السلك وتتنيه وتجمعيه من الوسط وتبتيه بسلك صغير


    ثانيا :تشدي الحمل وتتنيه على السلك بحاله غادي تصايبي ورده



    ثالثا : تبرمي الحبل على شكل دفيره


    رابعا: تكملي بريم الحبل من الجهتين


    خامسا: ثبتي الحبل من الوسط


    سادسا : تديري الكولا على السلك


    سابعا : تتقطعي الليبا (الجوارب الشفافه) على قياص الدوره ديال السلك وتلصقيها عليه


    ثامنا : تلوني الاطراف باللون اللي بغيتي

    ثاسعا : واخيرا الشكل النهائي



    ويمكن ليك تديري فبلاست الصباغه تستعملي صدايف او حجيرات ذهبيه ..... اللي بغيتي تزوقي بيه حسب اختيارك


    وهنا غادي نوريكم كيفاش تصايبو خروف

    الادوات:

    - كرتون ديال بابي جينيك (ورق الحمام)
    - عود الاذن
    - قطن
    - لصاق الخشب
    -ورق رهيف (انا جبت ديال المصبانه)

    الطريقه:( بالصور)

    -1 تتشدي عويدات الودنين وتلصقيهم على شكل رجلين



    -2 تتكمشي القاعط على شكل راس وتخشيه في جعبه



    -3 تتكوري القطن وتلصقيه




    -4 ملي تكملي القطن على الجعبه كامله



    -5 تديري قرون والعنين (حسب اختيارك اما رسميهم او لصقي اي حاجه )




    تنتمنى هاد الافكار تعجبكم





  • #2
    waw hadchi zween merci

    تعليق


    • #3
      الله يزين يامك الزين وطلتك ازين




      تعليق


      • #4
        واو اشياء رائعة
        [frame="4 50"]
        mahe_1988
        [/frame]

        تعليق


        • #5

          تعليق


          • #6
            مرورك الاروع اختي مها

            ويثبث لينا الاجر ليك اختي رميساء ولينا وللجميع الامه الاسلاميه
            نورتو اللعاب




            تعليق


            • #7
              مرورك الاروع اختي

              ويثبت لينا الاجر ليك اختي روميساء ولجميع الامه الاسلاميه

              نورتو اللعاب




              تعليق


              • #8
                مشكورة أختي


                تعليق


                • #9
                  طرق أكثر من رائعة وسهلة. يمكن أن تتشاركي أنت وأطفالك في صنعها
                  شكرا على هذه الأفكار

                  لا إله إلا الله محمد رسول الله

                  اللهم لك الحمد والشكر يا رب العالمين
                  اللهم إني استودعتك طفلي فاحفظه من كل شر وسوء إنك أنت خير الحافظين



                  [IMG]
                  [IMG]

                  تعليق


                  • #10
                    الله يعطيك الصحة أزين
                    (ربي اجعلني مقيم الصلاة ومن ذريتي ربنا وتقبل دعاء)

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X