إعـــــــلان

تقليص
لا يوجد إعلان حتى الآن.

منظفات البيت

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • منظفات البيت

    السلام عليكم
    كنقترح فهاد الركن كل وحدة تقولينا المواد اللي كتستعمل في التنظيف اللي فعالة
    بحال أنا جربت واحد المنظف ديال البوطة سميتو
    linas
    تيدير 260 يمكن تيخلي البوطة تتشعل وكذلك البوطاجي
    وكنظف بيه حتى الفران و الثلاجة
    هو على شكل بخاخ كترشيه وتخليه شوية عاد تدوزي غي بالبونجة دغي تيحيد الطبايع
    وبالنسبة للماعن تنسعمل فلوطة
    وللتصبين يا إما سكيپ أو ارييل
    نتمنا تفيدونا حتا نتوما الأخوات
    وأنا عندي إستفسار على كيفية تنظيف بلاكارات دلخشب دلكوزينة عندي مفرنين

  • #2
    السلام عليكم موضوع زوين تبارك الله على لحداقا أنا ملي كنت في دارنا كنت دايرة كونترا مع oni
    والله العظيم كيدي بزاف تقريبا شهر و كنت كاندير به كلشي كانغسل به لماعن :4418: كيخرجوو كيشاعلوو
    كانجفف به الجيليج :00018025: دغيا كينشف و كاتبقا الريحة زوينة و عاد مازال كانصبن به ألمانطات و زرابي :00002032:
    كيخاليهوم كيشعلوو والله العظيم و كنحك به حتى لحيوط و الجاج :0007042:
    و هادشي كولو رير شوية في بزاف ديال لما ههه
    ربي لا تذرني فردا و أنت خير الوارتين



    تعليق


    • #3
      ana ahti achrit wahd proudwi azwin asmito ajax ataman adialo 14dh ahdito man asima kanarssal bih alfaran wa alhamam wa zalij wa rsalt bih ahta astoula harajhoum ankiyn bazaf








      تعليق


      • #4
        شكرا اختي
        موضوع مفيد بزاف
        بالنسبة لي معنديش شي منضف محدد
        كل مرة و شنو
        المشكل اللي ملقيت لو حل
        هو كيقولتي بلاكار الكوزينا ديال الخشب
        نفس المشكل
        حتا انا عندي عندي مفرني و لمشكل تيدم بالدهنيات و جاب مفاكو
        اللي كبعرف شي حل يعطيهلنا الله يسترو دنيا و اخرة



        تعليق


        • #5
          السلام عليكم و رحمة الله و بركاته،

          أخواتي، بالنسبة للخشب (vernis) ديرو الشاي الأسود طايب في الماء، خليوه يطلق مزيان، يبرد، و صفيوه، و مسح به العود، و إلى كان مكرفس بزاف، خوذو شيفون ديرو فيه الخل الأبيض، و مسح به الخشب، و نشفوه بسرعة بشيفون ناشف، بمعنى ما تخليوش الخل ينشف بوحدو، و عاد عاودوه بالشاي

          أتمنى أن أكون قد أفدتكن

          تعليق


          • #6
            بارك الله فيك اختي ام امينة
            انا نجربو واه ولا حالتو حلة بليدام



            تعليق


            • #7
              انا بالبنسبة لل بوطة تندير واحد المنتوج اسمه اجاكس هو غبرة بيضة تيخرج البوطة صافية و نقية و راه تيتباع عند البقال ب 14 درهم ، اما للتسياق جافيل و فاش تندوز من بعد جفاف تندير سانيكروا

              تعليق


              • #8
                أما أنا بالنسبة ليا في البوطة كناخذ واحد المنتوج من عند بائعي مواد التنظيف اسمو فاكس-غبرة- كنرش بيه البوطو والصنابر ديال الكوزينة والحمام
                اوملي كنكمل الشقا كندوز بشيفون ناشف او كنجك مزيان اوكنعاود بشيفون فزك،
                أما الفران والثلاجة او البوتاجي كنستعمل ليناص، او التسياق منستعمل جافيل أو سانيكروا،
                أو الصابو كنخد 2 صابونة الكف كنحكهوم+2 لتر ماء غليان في بيدو أو كانديرو مع الحوايج في الماكينة
                . سمحو ليا الى طولت عليكم
                sigpic

                تعليق


                • #9
                  السلام عليكم و رحمة الله بالنسبة للاخوات للي عندهم لبلاكرات مفرنين تنصحهوم ياخدو الكاغيط حرش خاص بالعود وحكو لبلاكرات شوي ومن بعد ياخدو الفرني وشيتة ديالت الصباغة وفرنيوهم راه تيوليو جداد بحال يلاه صوبتيهم وخا الفكرة فيها شوية ديال الخدمة ولاكين كتعطي نتيجة مبهرة ويمكن ليكم تغيرو لون الفرني اما احمر او مارو طلبوه من الدروكري هو يوريكم

                  تعليق


                  • #10
                    تبارك الله على صاحبة الموضوع فكرة غزالة
                    انا كنستعمل للبوطاكاز واي حاجة فيها ليدام (بام bam ) ولتصبين اريال والماعن فيري وتسياق فيري و سنكروا و جافيل والحمد لله لاقيا راحتي معاهم هههه

                    تعليق


                    • #11
                      أنل ماخلاتلي الحساسية ما نختار ضروري نستعمل مواد بدون رائحة في لأواني تاندير مثير بحال أوني و مافيهش ريحة , جافيل تانضطر نستعملو مرات ف البوطاجي غي تانمسح بمنشفة مفزكة بيه ونخليه ونبلع الكوزينة ونهرب, و لكن واحد الحاجة نكولها لكم راه هاد الحساسية جاتني بسبب الاستعمال المفرط لمواد التنظيف بالخصوص جافيل و الما القاطع, عنداكو ديرو بحالي, حاولو على راسكوم و علاش ما نحاولوش نرجعو للطبيعة الخل و الحامض و الرماد واللف الطبيعي ,منها نحاولو على صحتنا و منها نحاولو على الطبيعة ونكسبو الأجر

                      تعليق


                      • #12
                        السلام عليكم تبارك الله عليكم وموضوع زوين بزاف وحتى انا بغيت تشارككم في المواد لي كنستعمل في المواعين كندير اوني وفي التسياق جافيل اشي وساني كروا الخزامى او الحامض كيعطيو ريحة غزالة للدار وللتصبين مسحوق اسمه لينة غزال زاقتصادي جداا وكيبانو فيه الحوايج وللزاج اجاكس وللثلاجة و الفرن الخل الابيض والبيكاربونات الصودا
                        غير بالحق انا بغيت لي تقولينا على اشناهو احسن ساني كروا كتستعملو وكيخلي ريحة غزالة ولمدة اطول وسمحو لي ايلا طولت عليكم

                        تعليق


                        • #13
                          أنا تا ندير Doussy للمواعين، و Degraissage ديال Doussy للبوتاجاز، و Monsieur Propre تا نزيد عليه الماء و تا نمسح به الزجاج و تا نسيق به و نمسح به الثلاجة و Potager ، و الأفران عندي واحد الرغوة خاصة ديال الفرن كان خذاها ليا زوجي الله يحفظو ليا من Weldome ، و الملابس Skip ، و الملابس الداخلية صابون الحجرة محكوك، و Ace للملابس البيضاء، و الحمامات Tide مخلط ب Maxis ، و Magix الصغيرة تا ندير فيها ثقب و تا نديرها في La chasse ديال الحمام أعزكم الله باش تطلق الرغوة و الرائحة
                          الخل الأبيض و الصودا أضيفهم للملابس الملونة و السوداء أو إلى كانت شي رائحة غريبة في المسحوق

                          المشاركة الأصلية بواسطة zina jamal مشاهدة المشاركة
                          أنل ماخلاتلي الحساسية ما نختار ضروري نستعمل مواد بدون رائحة في لأواني تاندير مثير بحال أوني و مافيهش ريحة , جافيل تانضطر نستعملو مرات ف البوطاجي غي تانمسح بمنشفة مفزكة بيه ونخليه ونبلع الكوزينة ونهرب, و لكن واحد الحاجة نكولها لكم راه هاد الحساسية جاتني بسبب الاستعمال المفرط لمواد التنظيف بالخصوص جافيل و الما القاطع, عنداكو ديرو بحالي, حاولو على راسكوم و علاش ما نحاولوش نرجعو للطبيعة الخل و الحامض و الرماد واللف الطبيعي ,منها نحاولو على صحتنا و منها نحاولو على الطبيعة ونكسبو الأجر
                          حبيبتي عندك الحق أنا وقع لي فحالك، في دار والدي الوالدة الله يخليها ليا كانت تا دير جافيل ديال العبار بزاف عزيز عليها، و فيه الماء القاطع ، و كنت تا نتخنق و عيني تا يمرضو ليا بسباب الرائحة ديالو، أما إلى قستو خلاص إيديا تا يتنفخو و يبداو يتجرحو
                          أنا دابا في داري عندي غير Ace ، و ما تا نشقاش به، غير صابون الماكينة إلى شي راس أبيض كله و تا نعاود التشليلة باش نحايد الرائحة ديالو
                          عندك الحق، يا ريت نرجعو الطبيعة، الخل، الحامض، الصابون البلدي، صابون الحجرة، حتى الصودا راها طبيعية، و الملح، و الرماد باش نحكو المعادن
                          سؤال أختي ما هو اللف الطبيعى ؟

                          تعليق


                          • #14
                            السلام عليكم و رحمة الله تعالى و بركاته
                            بالنسبة ليا الصابون كنستعمل omo للحوايج لملونين و ariel للبيضين و هاد الشهر يلاه جربت skip
                            بالنسبة للمواعن جافيل و فيري
                            التجفاف سنيكروا و جافيل
                            الزاج واحد الماء أزرق كتشري واحد و معاه لعمارة ديالو

                            تعليق


                            • #15
                              عفاكم الاخوات اللي عندها الة غسل الاواني تقولي انا مسحوق كتستعمل و حتى الملح

                              انا عاد شريتها و معرفت شنو نستعمل و تقولي منين كتشري المسحوق و التمن ديالو

                              الله يجازيكم بخير و يرحم الوالدين
                              اللهم لك الحمد حمدا كثيرا طيبا مباركا فيه ملئ السماوات و الارض


                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X